Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Genesis 24: Ang Panalangin sa Pakigsaad nga Kaminyoon

“Genesis 24: Ang Panalangin sa Pakigsaad nga Kaminyoon,” Manwal sa Magtutudlo sa Seminary sa Daang Tugon (2026)

“Genesis 24: Ang Panalangin sa Pakigsaad nga Kaminyoon,” Manwal sa Magtutudlo sa Seminary sa Daang Tugon

Genesis 24–33: Leksiyon 29

Genesis 24

Ang Panalangin sa Pakigsaad nga Kaminyoon

Samtang ang panglantaw sa usa ka mahangtorong kaminyoon ingon og dili makab-ot ni Isaac, ang Ginoo nag-andam og paagi alang kaniya. Kita usab makasalig sa Ginoo ug makasalig nga Siya makatabang kanato sa pag-andam ug sa umaabot nga mga adlaw makaangkon sa mga panalangin sa mahangtorong kaminyoon. Kini nga leksiyon makatabang sa mga estudyante nga makasabot sa kaimportante sa mahangtoron, pakigsaad nga kaminyoon diha sa plano sa Langitnong Amahan.

Pagpangandam sa estudyante: Dapita ang mga estudyante sa pagsulat og pangutana nila o sa usa ka tawo nga ilang kaila bahin sa kaminyoon sa templo ug mosulod sa klase nga mainampoong tinguhaon ang tubag niana nga pangutana.

Posibleng mga Kalihokan sa Pagkat-on

Kaminyoon sa templo

Ingon nga ang kaminyoon mahimong lisod nga hisgotan alang sa pipila ka estudyante, mainampoon nga pamalandongan ang mga paagi sa pag-andam ug pagtudlo niini nga hilisgotan uban ang pagkasensitibo ug gugma.

Aron maandam ang mga estudyante sa paghisgot sa hilisgotan sa kaminyoon, ikonsiderar ang pagpakita sa litrato sa sinugdanan sa leksiyon, uban sa mosunod nga senaryo.

Hunahunaa ang usa ka higala nga nag-ingon: “Importante ba gayod nga maminyo sa templo? Lisod hunahunaon nga maminyo ko didto; gibati nako nga morag dili nako maabot. Gusto lang ko nga makakita og usa ka tawo nga akong higugmaon.”

Unsa ang pipila ka mga pangagpas nga maangkon sa imong higala mahitungod sa kaminyoon sa templo?
Unsa ang mga kamatuoran nga tingali wala masabti sa imong higala mahitungod sa Dios ug sa kaminyoon sa templo?

Dapita ang mga estudyante sa pagtubag sa mosunod nga mga pangutana diha sa ilang mga journal sa pagtuon.
Unsay imong personal nga pagbati mahitungod sa kaminyoon sa templo?
Unsa nga mga pangutana o mga kabalaka ang naa nimo mahitungod sa kaminyoon sa templo?

Samtang magtuon ka sa Genesis 24, dapita ang Espiritu sa pagtabang nimo nga masabtan ang kaimportante sa kaminyoon sa templo. Tinguhaa ang panabot kon sa unsang paagi ang Ginoo makatabang nimo nga madawat ang usa ka mahangtoron, nga kaminyoon sa templo.

Usa ka importante nga panaw

Aron matabangan ang mga estudyante nga mas masabtan ang konteksto sa Genesis 24, dapita sila nga tan-awon ang mosunod nga mapa. Kon duna silay akses sa Ang Giya ngadto sa mga Kasulatan, makit-an nila kini isip mapa 9, “Ang Kalibotan sa Daang Tugon,” diha sa Mga Mapa sa Biblia nga seksiyon. Basaha o i-summarize ang mosunod nga parapo, ug dapita ang mga estudyante sa pagpangita sa mga dapit nga imong gihisgotan diha sa mapa. Kon gikinahanglan, ipakita sa mga estudyante kon asa ang Canaan (numero 13) ug Haran (numero 8) nahimutang.

Si Abraham ug ang iyang pamilya nagpuyo sa Canaan uban sa mga tawo nga nagsimba og mga dios-dios ug nalambigit sa ubang makasasala nga mga binuhatan. Si Abraham adunay mga paryente nga nagpuyo sa Haran, diin si Abraham nagpuyo kaniadto.

Sa dili pa basahon ang mosunod nga mga bersikulo, ipasabot nga giusab sa Hubad ni Joseph Smith ang pulong nga “paa” ngadto sa “kamot” sa mga bersikulo 2 ug 9. Kini nagpasabot nga si Abraham ug ang iyang sulugoon naghimo og usa ka kasabotan.

Basaha ang Genesis 24:1–4, 7–9, nga mangita sa mga instruksiyon nga gihatag ni Abraham sa iyang sulugoon kalabot sa iyang anak nga si Isaac.

Unsa ang gisugo sa sulugoon ni Abraham nga buhaton?
Unsa ang imong nakita sa bersikulo 7 nga nagpakita nga ang Ginoo nagpakabana kon kinsa ang minyoan ni Isaac?

Ipagamit sa mga estudyante ang sukdanan diha sa mapa aron madeterminar kon pila ka milya o kilometro kini nga panaw. Tabangi ang mga estudyante nga makakita nga gihangyo ni Abraham ang iyang sulugoon sa pagbiyahe og dul-an 1,200 ka milya (1,931 ka kilometro) padulong ug pabalik aron mangita og pangasaw-onon alang ni Isaac.
Ngano kaha nga takos man sa ingon nga sakripisyo nga si Isaac wala maminyo sa usa sa mga anak nga babaye nga taga-Canaan?

Kon gikinahanglan, ipasabot nga sa dihang miestablisar ang Dios sa Iyang pakigsaad kang Abraham ug Sara, miingon Siya nga ang kaliwatan ni Abraham motuman lamang niining importante nga pakigsaad uban Kaniya kon Sila magminyo sumala sa Iyang balaod. Kinahanglan silang mosulod sa “ang bag-o ug walay kataposan nga pakigsaad sa kaminyoon” (tan-awa sa Doktrina ug mga Pakigsaad 131:1–4). Karon, misulod kita niini nga pakigsaad dihang kita naminyo sa balaang mga templo sa Ginoo.

Walay usa diha sa yuta sa Canaan nga mapangasawa ni Isaac diha sa pakigsaad. Ang pakigsaad mahimong mapreserbar lamang sa usa ka tawo nga gikan sa pamilya ni Abraham diha sa Haran.

Ang tabang sa Ginoo

Ipakita ang mosunod nga imahe, ug dapita ang mga estudyante sa pagpakigbahin kon unsay ilang nahibaloan mahitungod sa gihulagway nga asoy. Mahimo nimong basahon o i-summarize ang mosunod nga parapo kon gikinahanglan.

The Old Testament figure Rebekah pouring water from a jug into a cup. The cup is held by the servant of Abraham. The servant is depicted seeking a wife for Isaac, the son of Abraham.

Ang sulugoon ni Abraham mibiyahe og layo paingon sa Haran aron mangita og pangasaw-onon alang ni Isaac. Samtang naghulat sa atabay, nag-ampo siya ug naghangyo sa Dios sa abilidad nga mahibaloan kinsa ang gusto sa Ginoo nga iyang makit-an.

Mahimo nimong dapiton ang mga estudyante sa pagbasa sa mosunod nga mga bersikulo sa tagsa-tagsa, magpares, o isip usa ka klase.

Para sa ubos nga kalihokan, mahimong makatabang sa pagsabot nga ang ngalan nga “Jehova” diha sa King James nga Bersiyon sa Biblia sa kinatibuk-an nagpasabot sa GINOO sa tanang dagko nga mga letra. Ang mga pulong nga “Ginoo” o “ginoo”, sa laing bahin, mahimong magtumong lamang sa usa ka tawo nga adunay gahom, awtoridad, o impluwensiya, sama sa usa ka agalon o magmamando. (Tan-awa sa Bible Dictionary, “Jehovah”)

Basaha ang Genesis 24:12–27, nga mangita kon giunsa pagtabang sa Ginoo ang sulugoon ni Abraham sa pagpangita og pangasaw-onon alang ni Isaac. Mahimong makatabang ang pagmarka kon makakita ka sa pulong nga GINOO kon ang matag letra gidinagko.

Unsay imong nakaplagan?

Ikonsiderar ang pag-summarize sa nahibilin sa Genesis 24 pinaagi sa pagpakigbahin sa mosunod nga parapo.

Gihimamat sa sulugoon ni Abraham ang igsoon nga lalaki ug amahan ni Rebecca. Iyang gipasabot kon kinsa siya ug giunsa siya pagtabang sa Ginoo nga makit-an si Rebecca. Pagkasunod adlaw, si Rebecca maisogong mipili nga mouban sa pagbalik sa sulugoon ug magpaselyo ngadto ni Isaac diha sa pakigsaad sa mahangtoron nga kaminyoon (tan-awa sa Genesis 24:29–67).

Unsa ang imong nakat-onan mahitungod sa Ginoo pinaagi sa asoy ni Isaac ug Rebecca ug sa ilang mahangtoron nga kaminyoon?

Ang mga estudyante mahimong motubag og nagkalain-laing mga kamatuoran, apan seguroha nga ilang masabtan nga ang Ginoo motabang kanato samtang kita maningkamot nga mosulod sa pakigsaad sa mahangtoron nga kaminyoon.
Sa unsang paagi makatabang ang Ginoo sa usa ka tawo nga naningkamot alang sa usa ka mahangtoron nga kaminyoon apan nabalaka nga basin dili nila kini madawat nga panalangin?
Ngano kaha nga ang mahangtoron nga kaminyoon importante kaayo ngadto sa Ginoo?

Nganong mahangtoron nga kaminyoon?

Aron matabangan ang mga estudyante nga mas makasabot sa kaimportante sa mahangtoron nga kaminyoon, dapita sila sa pagdrowing diha sa ilang mga journal sa pagtuon og yano nga imahe sa usa ka templo, sama sa usa sa ubos.

Simple drawing of the Salt Lake Temple with a mountain behnd it

Ubos sa imong templo nga drowing, isulat ang pangutana nga makatabang nimo nga mas masabtan ang mga kamatuoran nga imong gitun-an karon. Kini mahimong imong kaugalingong pangutana, usa ka pangutana gikan sa imong kaila, o usa sa mosunod:

Nganong importante ang mahangtoron nga kaminyoon?
Unsa nga mga panalangin ang akong maangkon pinaagi sa pagminyo diha sa templo ug dayon maningkamot sa pagtahod niadto nga mga pakigsaad?
Sa unsang paagi ang Ginoo makatabang nako sa umaabot nga mga panalangin sa mahangtorong kaminyoon?

Aron matabangan ka sa pagtubag sa imong pangutana, pangita og nagkalain-laing mga kapanguhaan sa Simbahan, sama sa mosunod:

Mga tudling sa doktrinal nga kahanas (Genesis 2:24; 1 Taga-Corinto 11:11; Doktrina ug mga Pakigsaad 131:1–4)
Ang handout nga giulohan og “Mahangtoron nga Kaminyoon”
“Kaminyoon” ug may kalabotan nga mga aytem sa Ang Giya ngadto sa mga Kasulatan, o Mga Hilisgotan ug mga Pangutana diha sa Librarya sa Ebanghelyo
Hugpong sa mga pulong sama sa “pakigsaad nga kaminyoon” o “kaminyoon sa templo” diha sa pagpangita sa Librarya sa Ebanghelyo

Dapita ang mga estudyante sa pagpakigbahin diha sa klase sa unsay ilang nakat-onan.

Personal nga pagpamalandong

Pamalandongi ang senaryo gikan sa sinugdanan sa klase. Sa imong journal sa pagtuon, tubaga ang mosunod nga mga pangutana:

Unsaon nimo pagtubag sa pangutana sa imong higala kon nganong importante ang kaminyoon sa templo?
Unsa ang imong nakat-onan karon mahitungod sa Langitnong Amahan o ni Jesukristo nga makahatag nimo og paglaom sa imong mga paningkamot sa pagdapit sa mga panalangin sa kaminyoon sa templo?

Pagdapit og andam nga mga estudyante sa pagpakigbahin kon unsay ilang gisulat.

Ikonsiderar ang pagpakigbahin sa imong pagpamatuod sa kaimportante sa pakigsaad nga kaminyoon, ug awhaga ang imong mga estudyante sa pagsugod karon sa pag-andam alang niini.

Dugang nga mga Kapanguhaan

Unsa ang pipila ka dugang nga mga panalangin sa pakigsaad nga kaminyoon?

Si Sister Kristen M. Oaks, asawa ni Presidente Dallin H. Oaks, mipakigbahin:

38:47

Ang kaminyoon usa ka gasa. Dili lang kay ang kaminyoon maghatag kanato sa oportunidad para makaanak, maghatag kini kanato og oportunidad ug kadasig sa pagsugod sa panaw sa pag-uswag uban sa usag usa.

Makakat-on kita sa pagsakripisyo ug pagserbisyo kutob sa atong mahimo sa ubang paagi. … Nakakat-on ko unsaon nga mas mahigugma ug mas matabangan nako ang akong bana; sa pagkaadunay higala nga ikauban sa pagkatawa ug paghilak. Aduna koy manlalaban, magtutudlo, ug tigdasig kinsa motabang usab kanako. Ang kaminyoon usa ka naa na daan nga oportunidad nga pagkat-on sa pagpakigsulti ug panglantaw. Ang kinabuhi mahimong mas maayo kon ang atong kaminyoon mokonektar sa usa ka butang nga mas labaw kay sa atong kaugalingon ug mas duol sa atong Manluluwas. Gusto namo kana alang kaninyo. (“Barogan ang Kamatuoran” [tibuok kalibotan nga debosyonal alang sa mga young adult, Mayo 21, 2023], Librarya sa Ebanghelyo)

Nganong kini mahitungod sa paglangan sa kaminyoon?

Si Presidente Dallin H. Oaks mitudlo:

Hunahunaa kon unsay mawala sa young adult nga mga Santos sa Ulahing Adlaw kon ituyo nila nga ilangay ang ilang pagminyo sa igong gidugayon: mawala ug malangay ang mga panalangin. Nagpasabot kini sa pagkalangay sa importanteng personal nga mga kalamboan nga mahitabo sa relasyon tali sa bana ug asawa, sa paglambo sama sa ingon niana nga mga kalidad sa pagsakripisyo ug pagpaubos. Nagpasabot kini nga mius-os ang mga oportunidad nga magkatinabangay sa pagtukod sa gingharian sa Dios. Labing importante, nagpasabot kini nga mas modiyotay ang mga anak nga matawo aron motubo uban sa mga panalangin sa ebanghelyo. (“Barogan ang Kamatuoran” [tibuok kalibotan nga debosyonal alang sa mga young adult, Mayo 21, 2023], Librarya sa Ebanghelyo)

Unsa kaha kon mabalaka ko nga dili makabaton og mahangtoron nga pamilya?

Si Presidente Henry B. Eyring sa Unang Kapangulohan mipasabot:

Ang propeta sa Dios sa makausa mitanyag kanako og tambag nga naghatag kanako og kalinaw. Nabalaka ko nga ang pagpili sa uban makahimo niining imposible alang sa among pamilya aron magkauban sa kahangtoran. Siya miingon, “Imong gikabalak-an ang sayop nga problema. Kinahanglan lang nga magpuyo nga takos sa celestial nga gingharian, ug mas monindot pa ang kahimtang sa imong pamilya kay sa imong mahunahunaan.”

… Uban sa gahom sa Pag-ula ni Jesukristo sa pakigtambayayong sa Espiritu Santo nga naggiya, inyong mabati karon ug mabati sa umaabot nga kalibotan ang gugma sa pamilya nga gusto kaayo sa inyong Langitnong Amahan ug sa Iyang Pinalanggang Anak nga inyong madawat.

Ako mopamatuod nga samtang kamo magpuyo nga takos sa celestial nga gingharian, sa propetikanhon nga saad nga “mas monindot pa ang kahimtang sa imong pamilya kay sa imong mahunahunaan” mahimong mainyo. (“Ang Paglaom nga adunay Gugma sa Mahangtorong Pamilya,” Liahona, Ago. 2016, 5)

Asa ko makakat-on og dugang mahitungod sa baroganan sa Simbahan bahin sa kaminyoon sa parehas og sekso?

Mga Hilisgotan sa Ebanghelyo, “Kaminyoon sa Parehas og Sekso,” Librarya sa Ebanghelyo
Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 38.6.16, Librarya sa Ebanghelyo

Dugang nga mga Kalihokan sa Pagkat-on

Bidyo mahitungod sa mga kasal sa templo

Aron matabangan ang mga estudyante nga mas makasabot kon unsa ang kasal sa templo, ikonsiderar ang pagpakita kanila sa bidyo nga “What Is a Temple Wedding Like?” (1:22).

1:22

Pag-andam sa inyong kabatan-on alang sa pakigsaad nga kaminyoon

Aron matabangan ang mga estudyante nga makakita kon unsaon nila sa pagpangandam karon alang sa pakigsaad nga kaminyoon, mahimo nimong ipakigbahin ang mosunod nga kasinatian ug mga pangutana.

Si Brother Tad R. Callister, kanhi Kinatibuk-ang Presidente sa Sunday School, nahinumdom sa mosunod nga istorya gikan sa iyang pagkabatan-on:

9:39

Sa 17 anyos pa ko, nagluhod ko kilid sa akong higdaanan, para sa pang-gabii nga pag-ampo. Wala ko kahibalo, ang akong inahan nagbarog sa pultahan. Dihang nahuman ko, miingon siya, “Tad, mihangyo ka ba sa Ginoo nga tabangan ka sa pagpangita og buotang asawa?”

Wala gyod ko magdahom sa iyang pangutana. Kanang butanga wala gyod sa akong hunahuna. Naghunahuna ko bahin sa basketball ug pag-eskwela. Ug busa, mitubag ko, “Wala,” diin mitubag siya, “Kinahanglan gyod, Anak; mao kini ang labing importanteng desisyon nga imong himoon.” Kadtong mga pulong mituhop gayod sa akong kasingkasing, ug busa pagkasunod unom ka tuig nag-ampo ko nga ang Dios motabang nako nga makakita og buotang asawa. Ug, gitubag gayod Niya kana nga pag-ampo. (“Mga Ginikanan: Ang Nag-unang mga Magtutudlo sa Ebanghelyo sa Ilang mga Anak,” Liahona, Nob. 2014, 32–33)

Ngano kaha nga ang pagpangita og maayong kapikas maoy usa sa labing importante nga mga desisyon nga imong mahimo?
Ngano kaha nga importante alang kanimo nga magsugod sa pagpangandam karon sa pagsulod ngadto sa usa ka pakigsaad nga kaminyoon?
Unsa ang mga butang nga imong mabuhat karon aron sa pag-andam alang sa usa ka pakigsaad nga kaminyoon?

Kristohanong mga hiyas ni Rebecca

Mahimong makatabang alang sa mga estudyante sa pagkonsiderar kon giunsa ni Rebecca pagpakita ang Kristohanon nga mga hiyas. Dapita ang mga estudyante sa pagbasa sa Genesis 24:16–20, 55–58, nga mangita sa mga kinaiya ni Rebecca nga magpahinumdom sa mga estudyante ni Jesukristo. Mahimong ipakigbahin sa mga estudyante ang mga ehemplo gikan sa kinabuhi ni Kristo nga nagpakita sa matag kinaiya ug naghisgot ngano nga kini nga mga kinaiya makatabang sa usa ka kaminyoon.