Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Genesis 22: Usa ka Pagkasama kang Jesukristo

“Genesis 22: Usa ka Pagkasama kang Jesukristo,” Manwal sa Magtutudlo sa Seminary sa Daang Tugon (2026)

“Genesis 22: Usa ka Pagkasama kang Jesukristo,” Manwal sa Magtutudlo sa Seminary sa Daang Tugon

Genesis 18–23: Leksiyon 27

Genesis 22

Usa ka Pagkasama kang Jesukristo

Abraham and Isaac. Abraham looking toward the heavens with a knife in his hand. Isaac laying on the alter. The Gospel in the Old Testament (Religious Tract Society, 1908).

Ang atong mortal nga mga hunahuna mahimong dili hingpit nga makasabot sa makaguol kaayo nga sugo sa Dios ngadto ni Abraham sa pagsakripisyo sa iyang anak, si Isaac. Ang Nephita nga propeta nga si Jacob mipalambo sa atong pagsabot sa gamhanang simbolismo niini nga sugo sa dihang siya mitudlo nga ang sakripisyo “usa ka simbolo sa Dios ug sa iyang Bugtong Anak” (Jacob 4:5). Kini nga leksiyon makatabang sa mga estudyante nga mobati sa gugma sa Langitnong Amahan ug ni Jesukristo alang kanila.

Posibleng mga Kalihokan sa Pagkat-on

Ang gugma sa Dios

Ikonsiderar ang pagsugod sa leksiyon pinaagi sa pagpakigbahin sa mosunod nga pamahayag.

Si Presidente Dieter F. Uchtdorf, nga kaniadto sakop sa Unang Kapangulohan, mihulagway sa gugma sa Langitnong Amahan alang sa Iyang mga anak:

NaN:NaN

Paghunahuna og usa ka labing lunsay, gugma nga labing makabuntog sa tanan nga inyong mahunahuna. Karon pilo-piloa kana nga gugma sa walay sukod nga kantidad—mao kana ang sukod sa gugma sa Dios alang kaninyo.

Ang Dios dili magtan-aw sa panagway sa gawas sa tawo. Ako mituo nga Siya wala maghunahuna bisan gamay kon kita nagpuyo ba sa usa ka palasyo o sa usa ka payag, kon kita ba gwapo o yano, kon kita ba inila o kinalimtan. Bisan kita dili hingpit, hingpit ang gugma sa Dios kanato. Bisan kita dili perpekto, perpekto ang gugma Niya kanato. Bisan og gibati nato ingon og nawala ug walay kompas, ang gugma sa Dios hingpit nga naglibot kanato. (“Ang Gugma sa Dios,” Liahona, Nob. 2009, 22)

Agi og dugang sa mga pulong nga gigamit ni Presidente Uchtdorf, unsa ang ubang pipila ka pulong o mga hugpong sa mga pulong nga imong magamit sa paghulagway sa gugma sa Dios alang kanato?

Aron matabangan ang mga estudyante nga ma-personal ang leksiyon ngadto sa ilang kinabuhi, dapita sila nga ikonsiderar unsa ka sagad nilang mabati o maila ang gugma sa Langitnong Amahan ug ni Jesukristo alang kanila. Pwede usab nimo silang dapiton nga ikonsiderar unsa ang ilang kasamtangang mga pangutana kabahin sa gugma sa Langitnong Amahan ug ni Jesukristo.

Dasiga ang mga estudyante samtang sila magtuon karon sa paghatag og pagtagad sa mga impresyon gikan sa Espiritu Santo nga makatabang nila nga mobati sa gugma sa Langitnong Amahan ug ni Jesukristo.

Usa ka pagpakita sa gugma sa Dios

Ang mga kasulatan naglangkob sa daghang mga panudlo nga naghulagway sa gugma sa Langitnong Amahan ug ni Jesukristo alang kanato. Usa ka ehemplo ang anaa sa Juan 3:16.

Basaha ang Juan 3:16, nga mangita sa dakong pagpakita sa gugma sa Langitnong Amahan.

Unsaon nimo pag-summarize kon unsay imong nakat-onan?

Ang mga estudyante mahimong mopakigbahin sa butang sama sa gipakita sa Langitnong Amahan ang Iyang gugma alang kanato pinaagi sa pagsakripisyo sa Iyang Anak, nga si Jesukristo.

Sa unsang paagi ang maulaong sakripisyo sa Manluluwas nagpakita sa gugma sa Langitnong Amahan ug ni Jesukristo alang kanato?

Si Abraham gisugo nga ihalad ang iyang anak

Ipasabot nga karon, ang mga estudyante magtuon sa usa ka asoy nga magtudlo kanato kabahin pagpakita sa gugma sa Langitnong Amahan ug ni Jesukristo pinaagi sa Pag-ula sa Manluluwas.

Ikonsiderar ang pagpakita sa mosunod nga hulagway.

The Old Testament prophet standing beside an altar. Abraham's son Isaac is strapped to the altar. Abraham is holding a dagger in the air as he prepares to sacrifice Isaac. An angel is appearing before Abraham and commanding him to not sacrifice his son.

Unsay imong nasayran bahin niini nga kasinatian gikan sa kinabuhi ni Abraham ug Isaac?

Human makapakigbahin ang mga estudyante sa ilang mga tubag, ipasabot ang mosunod.

Ang asoy ni Abraham ug Isaac mahimong magtudlo kanato kabahin sa pagpakita sa gugma sa Langitnong Amahan ug ni Jesukristo ngari kanato pinaagi sa maulaong sakripisyo sa Manluluwas.

Basaha ang Jacob 4:5, nga mangita unsay gitudlo ni Jacob mahitungod niini nga asoy.

Unsay imong nakaplagan?

Samtang ang mga estudyante magtuon sa asoy ni Abraham ug Isaac sa Genesis 22, dapita sila nga tagaan og pagtagad kon unsay simbolismo nga gitudlo niini nga asoy kanila mahitungod sa Langitnong Amahan ug ni Jesukristo.

Aron maandam ang mga estudyante sa pagbuhat niini, ikonsiderar sa pagbuhat ug duha ka kolum sa pisara. Ang ulohan sa usa ka nga kolum Abraham ug Isaac ug ang laing kolum Langitnong Amahan ug Jesukristo. Mahimo usab nimong dapiton ang mga estudyante sa paghimo niini nga mga tsart diha sa ilang mga journal sa pagtuon.

Mahimong kompletohon sa mga estudyante ang mosunod nga kalihokan sa pagtuon sa ilang kaugalingon o kauban sa usa ka pares. Ikonsiderar ang pagpakigbahin og usa ka ehemplo gikan sa nakompleto na nga tsart (nga makita unya sa leksiyon) sa dili pa ang mga estudyante magsugod sa ilang pagtuon.

Sa mainampoong paagi basaha ang Genesis 22:1–14, nga mangita sa kaparehas sa Langitnong Amahan ug ni Jesukristo. Hatagi og gibug-aton ang mahinungdanong mga hugpong sa mga pulong sa kasulatan. Irekord ang imong mga hunahuna kon unsa ang gitudlo niining mga hugpong sa mga pulong kanimo mahitungod sa Langitnong Amahan ug ni Jesukristo.

Ang mosunod nga tsart naglangkob sa mga ehemplo sa mga panabot nga mahimong makita sa mga estudyante samtang sila nagtuon niini nga asoy. Kon gikinahanglan, mahimo nimong gamiton kini nga mga ehemplo aron matabangan ang mga estudyante sa ilang pagtuon. Sama pananglit, mahimo nimong ipakigbahin ang mga panabot mahitungod sa yuta sa Moria (tan-awa sa Genesis 22:2) sa dili pa o human sa pagtuon sa mga estudyante.

Abraham ug Isaac	Ang Langitnong Amahan ug si Jesukristo
Genesis 22:2, 12—“imong bugtong nga anak”	Si Jesukristo mao ang Bugtong Anak sa Langitnong Amahan (tan-awa sa Juan 3:16).
Genesis 22:2—“ang yuta sa Moria”	“Ang dapit nailhan nga tradisyon nga lugar nga gihalad si Isaac ni Abraham anaa … sa sama nga dapit diin ang Amahan mihalad sa Iyang Anak” (Old Testament Student Manual, 3rd ed. [2003], 77).
Genesis 22:2—“halad pinaagi sa pagsunog”	Ang mga halad sinunog mao ang pamaagi sa paghalad sa hayop. Ang paghalad sa usa ka hayop nagsimbolo kang Jesukristo (tan-awa sa Moises 5:4–7).
Genesis 22:6—“mikuha og sugnod alang sa halad sinunog ug gipapas-an niya sa iyang anak”	Si Kristo mipas-an sa Iyang Krus (tan-awa sa Juan 19:16–18).
Genesis 22:7–8—“Ang Dios sa iyang kaugalingon motagana sa nating karnero”	Ang Langitnong Amahan mipadala sa Iyang Anak, ang Kordero sa Dios, isip usa ka paghalad sa pag-ula (tan-awa sa Juan 1:29).
Genesis 22:9—“gigapos niya si Isaac, nga iyang anak, ug iyang gipahimutang siya ibabaw sa sugnod”	Si Kristo gigapos diha sa Krus pinaagi sa lansang (tan-awa sa 1 Nephi 11:33).

Human ang mga estudyante makatuon, hatagi sila og kahigayonan sa pagpakigbahin unsa ang gitudlo sa Espiritu kanila samtang gitun-an nila kini nga mga bersikulo. Mahimo kang mangutana sama sa mosunod isip kabahin niini nga panaghisgot.

Unsa may imong nakat-onan mahitungod sa Langitnong Amahan ug ni Jesukristo gikan sa istorya ni Abraham ug Isaac?
Unsa ang pipila ka mga simbolo sa Langitnong Amahan ug ni Jesukristo nga makahuloganon kanimo? Ngano man?

Ang gugma sa Dios alang kanako

Hatagi og kahigayonan ang mga estudyante nga mamalandong sa gugma sa Langitnong Amahan ug ni Jesukristo alang kanila. Aron maandam sila sa pagpamalandong mahimo ninyong kantahon o paminawon ang usa ka himno nga nakatutok sa gugma, sama sa “Kita sa Dios Gihigugma, Anak Niya Gipadala” (Mga Himno, nu. 109).

Mahimo usab nimong ipakigbahin ang pamahayag gikan ni Presidente Dallin H. Oaks diha sa Dugang nga mga Kapanguhaan.

Sa unsang paagi alang nimo ang paghinumdom sa gugma sa Langitnong Amahan ug ni Jesukristo makaapekto sa imong kinabuhi?
Unsa ang nakatabang o makatabang nimo nga mabati ang gugma sa Langitnong Amahan ug ni Jesukristo?

Taposa ang leksiyon pinaagi sa pagdapit sa mga estudyante nga maghunahuna mahitungod kon unsa ang ilang nakat-onan ug gibati karon kabahin sa gugma sa Langitnong Amahan ug ni Jesukristo alang kanila. Dapita sila sa pagrekord sa ilang mga hunahuna ug espirituhanong mga impresyon diha sa ilang mga journal sa pagtuon. Ikonsiderar ang pagpakigbahin sa imong pagpamatuod mahitungod sa gugma sa Langitnong Amahan ug ni Jesukristo alang sa matag usa kanato. Dasiga ang mga estudyante nga magtinguha sa mga kasinatian nga makatabang kanila nga makanunayong mobati sa gugma sa Dios alang kanila.

Dugang nga mga Kapanguhaan

Sa unsang paagi ang pag-ula sa Manluluwas nagpakita sa gugma sa Dios alang kanato?

Si Presidente Dallin H. Oaks sa Unang Kapangulohan mipakigbahin:

12:44

Ang talagsaon ug dili matugkad nga epekto sa Pag-ula ni Jesukristo gibase sa gugma sa Dios alang sa matag usa kanato. Kini nagpamatuod sa Iyang pahayag nga “ang bili sa mga kalag”—ang tanan—“mahinungdanon sa panan-aw sa Dios” (Doktrina ug mga Pakigsaad 18:10). Diha sa Biblia, si Jesukristo mipasabot niini pinaagi sa gugma sa Langitnong Amahan: “Kay gihigugma pag-ayo sa Dios ang kalibotan ug tungod niini gihatag niya ang iyang bugtong Anak, aron ang tanan nga motuo kaniya dili malaglag, kondili makabaton hinuon sa kinabuhing dayon” (Juan 3:16). Sa modernong pagpadayag ang atong Manunubos, si Jesukristo, mipahayag nga Siya “nahigugma sa kalibotan nga siya mihatag sa iyang kaugalingon nga kinabuhi, nga kutob sa motuo mahimo nga mga anak sa Dios” (Doktrina ug mga Pakigsaad 34:3). (“Unsa ang Nabuhat sa Atong Manluluwas alang Kanato?, Liahona, Mayo 2021, 76)

Unsa kaha kon ako magduhaduha sa gugma sa Langitnong Amahan alang kanako?

Si Presidente Thomas S. Monson (1927–2018) mipasabot:

16:36

Ang inyong Langitnong Amahan nahigugma kanimo—matag usa ninyo. Kana nga gugma dili gayod mausab. Dili kini maimpluwensyahan sa imong panagway, mga kabtangan, o kantidad sa kwarta nga anaa sa imong bank account. Dili kini mausab sa imong mga talento ug mga abilidad. Anaa ra kini. Anaa kini alang kanimo kon kamo naguol o malipayon, nawad-an sa paglaom o malaomon. Ang gugma sa Dios anaa alang kanimo dili igsapayan kon mobati man kamo nga angayan o dili sa gugma. Anaa ra kini kanunay. (“Wala Kita Mag-inusara,” Liahona, Nob. 2013, 124)

Nganong gisugo man sa Ginoo si Abraham nga ihalad si Isaac?

Si Presidente George Q. Cannon (1827–1901) sa Unang Kapangulohan miingon:

Nganong gipabuhat man sa Ginoo si Abraham sa maong mga butang? Tungod kay, nasayod kon unsa ang iyang umaabot ug nga siya mamahimong amahan sa hilabihan ka daghan nga kaliwatan, determinado siya nga sulayan siya. Wala kini buhata sa Dios alang sa Iyang kaugalingong kaayohan kay nasayod Siya pinaagi sa Iyang pagkasayod nang daan sa mga butang kon unsay buhaton ni Abraham; apan ang katuyoan mao ang pagsilsil diha kang Abraham sa usa ka leksiyon ug aron makaangkon siya og kahibalo nga dili niya maangkon sa laing paagi. Mao kana nganong kitang tanan sulayan sa Dios. Dili kini alang sa Iyang kaugalingong kahibalo kay nasayod na Siyang daan sa tanang butang. Nasayod Siya sa tanan ninyong kinabuhi ug sa tanang butang nga inyong buhaton. Apan Siya misulay kanato alang sa atong kaugalingon nga kaayohan nga kita masayod sa atong kaugalingon. (George Albert Smith, sa Conference Report, Apr. 1899, 66)

Dugang nga mga Kalihokan sa Pagkat-on

Akedah (The Binding) nga bidyo

Mahimong makatabang alang sa pipila ka mga estudyante ang paghanduraw sa istorya ni Abraham ug Isaac. Aron matabangan sila sa pagbuhat niana, mahimo nimong ipasalida ang bahin o tibuok sa “Akedah (The Binding)” (12:57). Gamita ang mosunod nga time code sa bidyo aron abag sa pagtuon sa mga estudyante sa Genesis 22:1–14.

Genesis 22:1–2 (0:00 ngadto 1:34). Human niini nga bahin, ikonsiderar ang pagdapit sa mga estudyante sa paghisgot sa mahimo tingaling mga pangutana ni Abraham.

Genesis 22:3–6 (3:08–6:00). Sa dili pa kini nga bahin, ikonsiderar ang pagdapit sa mga estudyante sa pagpangita sa ebidensiya nga kini usa ka lisod sundon nga sugo alang ni Abraham.

Genesis 22:7–9 (6:01–10:10). Sa dili pa kini nga bahin, ikonsiderar ang pagdapit sa mga estudyante nga mangita sa mga paagi nga nagpahinumdom si Isaac kanila ni Jesukristo. Human makita kini nga bahin, mahimong hisgotan nila ang ilang mga panabot.

Genesis 22:10–18 (10:11–12:57). Human niini nga bahin, ikonsiderar ang pagdapit sa mga estudyante nga mopakigbahin sa unsay ilang nakat-onan mahitungod sa Langitnong Amahan ug ni Jesukristo gikan niini nga asoy.

12:57

Lisod nga mga butang

Ang mosunod nga kalihokan makatabang sa mga estudyante nga makasabot sa pipila ka mga rason kon nganong ang Dios mahimong mosugo kanato sa pagsinati sa lisod nga mga butang. Ang mga estudyante mahimong mobasa sa Genesis 22:2 ug hisgotan ang mga rason nga mahimong lisod kang Abraham ang pagbuhat kon unsa ang gihangyo sa Ginoo nga iyang buhaton. Mahimo dayon nimong tan-awon ang duha ka clip sa bidyo. Kini nga mga clip nagpakita sa (1) usa ka lisod nga butang sa modernong adlaw nga nasinati ni Elder Isaac K. Morrison sa Seventy ug (2) ang mga butang nga iyang nakat-onan pinaagi sa iyang kasinatian.

10:53

Dugang nga mga kapanguhaan nga bidyo

Sa kataposan sa leksiyon, ang mga estudyante adunay higayon sa paghunahuna mahitungod sa gugma sa Langitnong Amahan ug ni Jesukristo alang kanila. Aron matabangan ang mga estudyante nga makapamalandong, puwede nimong gamiton ang mosunod nga mga bidyo:

4:49

“For God So Loved the World” (4:48). Samtang tan-awon sa mga estudyante kini nga paglarawan gikan sa kinabuhi sa Manluluwas, pwede nilang pamalandongan ang gugma sa Langitnong Amahan ug ni Jesukristo alang kanila.

5:37

“There Is No Limit to God’s Love” (5:37). Ang mga estudyante mahimong maghunahuna sa ilang kaugalingong mga kasinatian nga pagbati sa gugma sa Dios samtang magtan-aw sila sa bidyo, nga naghulagway sa nabati nga gugma sa young adult nga babaye samtang siya nagpadayon sa paghinulsol.