Genesis 15–18; 21

2:42

1. Usa ka batan-ong babaye mipili nga magmatinuoron sa iyang buluhaton sa eskwelahan, nagtuo nga ang Ginoo mopanalangin kaniya. Namatikdan niya nga mas mubo ang iyang mga grado kaysa ubang mga estudyante nga nangopya.

2. Usa ka batan-ong lalaki nakadawat sa iyang patriyarkal nga panalangin, nga nag-ingon nga siya moserbisyo og full-time nga misyon. Atol sa usa ka medikal nga eksamin, ang mga doktor nakadiskobre nga siya adunay pisikal nga mga komplikasyon nga dili motugot kaniya sa pagserbisyo.

3. Usa ka batan-ong babaye misulay sa saad ni Moroni pinaagi sa pagbasa sa Basahon ni Mormon ug sa pag-ampo aron masayod nga kini tinuod. Gibati niya nga wala siya makadawat og tubag. Unsa ang pipila ka pangutana niining mga batan-on mahitungod sa Dios ug sa Iyang mga saad?

   • Unsa ang pipila ka pangutana niining mga batan-on mahitungod sa Dios ug sa Iyang mga saad?

Samtang magtuon kita sa mga kasulatan, makatabang ang pagsabot sa konteksto (mga sirkumstansya o background nga naglibot sa usa ka partikular nga tudling). Ang konteksto makapatin-aw ug makadala og mas lawom nga pagsabot sa mga istorya o mga pagtulun-an diha sa mga kasulatan. Pananglitan, samtang magtuon sa istorya ni Abraham ug Sara, makatabang ang pagkahibalo nga sa dakong bahin sa iyang kinabuhi, si Abraham nagtinguha nga mahimong usa ka amahan (tan-awa sa Abraham 1:2). Apan samtang siya ug ang iyang asawa nga si Sara nag-edad na og milabay sa normal nga mga tuig sa pagpanganak, ingon og dili nila masinati ang gisaad nga mga panalangin sa pagbaton og ilang kaugalingong mga anak atol sa ilang mortal nga kinabuhi.

Ablihan ang PDF

• Sa unsang paagi imong gibati nga ang konteksto nakatabang nimo nga masabtan ang unsay imong gitun-an?

• Unsa kaha ang imong bation kon imong nasinati ang gibuhat ni Abraham ug Sara niini nga mga bersikulo?

Basaha ang Genesis 21:1–6, nga mangita kon giunsa pagtuman sa Ginoo ang Iyang mga saad ngadto kang Abraham ug Sara.

• Unsa nga mga kamatuoran ang imong nakat-onan mahitungod sa Ginoo gikan niini nga asoy?

Si Presidente Dieter F. Uchtdorf, kaniadto sa Unang Kapangulohan, mipakigbahin og leksiyon nga iyang nakat-onan mahitungod sa mga saad sa Dios:

Ang mga saad sa Dios dili kanunay nga matuman dayon o sa paagi nga atong gilaoman; kini moabot sa Iyang panahon ug sa Iyang mga pamaagi. (“Ipadayon ang Pagpailob,” Liahona, Mayo 2010, 58)

• Sa unsang paagi makabenepisyo kita sa mga panahon dihang ang mga saad sa Ginoo dili dayon matuman sa atong kinabuhi?

• Unsa ang imong nahibaloan mahitungod sa Ginoo nga makatabang kanimo samtang naghulat ka sa Iyang mga saad nga matuman?

Aron matabangan ang mga estudyante sa pagpamalandong sa unsay ilang nakat-onan, ikonsiderar ang pagpakita sa mosunod nga pamahayag o pagtan-aw sa “Good Things to Come” (4:55), nga anaa sa ChurchofJesusChrist.org. Dapita ang mga estudyante sa paghunahuna og personal nga mga kasinatian nga mahimong may kalabotan sa pamahayag o bidyo.

4:55

Si Presidente Jeffrey R. Holland sa Korum sa Napulog Duha ka Apostoles mipakigbahin sa mosunod nga panabot mahitungod sa gisaad nga mga panalangin sa Ginoo:

Ang ubang panalangin moabot diha dayon, ang uban dugay, ug ang uban dili moabot hangtod didto sa langit; apan para niadtong mohangop sa ebanghelyo ni Jesukristo, moabot kini. (“An High Priest of Good Things to Come,” Ensign, Nov. 1999, 38)

• Unsa nga mga kasinatian ang imong nasinati o sa uban nga nakatabang nimo nga motuo nga ang Ginoo motuman sa Iyang mga saad sa Iyang paagi ug sa Iyang panahon?

Pagpili og usa sa mosunod nga mga kalihokan nga kompletohon diha sa imong journal sa pagtuon:

1. Pamalandongi ang mga senaryo nga gipakigbahin diha sa sinugdanan sa leksiyon. Paghimo og sulat ngadto sa usa niadto nga mga indibidwal, ug ilakip kon nganong nagtuo ka nga ang Ginoo motuman sa Iyang mga saad.

2. Pagsulat og mubo nga parapo diha sa imong journal. Ilakip ang mga butang nga imong nakat-onan ug gibati karon nga makatabang nimo kon ikaw maghulat sa mga saad sa Ginoo nga matuman.