Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Abraham 2:9–11: Atong mga Responsibilidad diha sa Pakigsaad ni Abraham

“Abraham 2:9–11: Atong mga Responsibilidad diha sa Pakigsaad ni Abraham,” Manwal sa Magtutudlo sa Seminary sa Daang Tugon (2026)

“Abraham 2:9–11: Atong mga Responsibilidad diha sa Pakigsaad ni Abraham,” Manwal sa Magtutudlo sa Seminary sa Daang Tugon

Genesis 12–17; Abraham 1–2: Leksiyon 24

Abraham 2:9–11

Atong mga Responsibilidad diha sa Pakigsaad ni Abraham

A young man in a black shirt standing and showing an open Book of Mormon to another young man standing beside him.

Ang Ginoo naghimo og usa ka pakigsaad ni Abraham ug sa iyang kaliwat. Isip ang binhi ni Abraham, kita adunay responsibilidad sa pakigsaad sa pagdala sa mga panalangin sa ebanghelyo sa Manluluwas sa tanang mga pamilya sa kalibotan. Kini nga leksiyon makatabang sa mga estudyante nga molihok sa mga responsibilidad nga gihatag sa Ginoo kanila isip mga binhi ni Abraham.

Pagpangandam sa estudyante: Dapita ang mga estudyante sa paghunahuna mahitungod sa mosunod nga mga pangutana ug sa paghisgot niini uban sa usa ka sakop sa pamilya: Ngano nga ang ebanghelyo ni Jesukristo importante kanimo? Ngano sa imong hunahuna ang “tanan nga mga tawo nanginahanglan niini?”

Posibleng mga Kalihokan sa Pagkat-on

Ang binhi ni Abraham

Pwede nimong sugdan ang klase pinaagi sa paghatag sa mga estudyante og 30 ka segundo sa paglista og daghan nga mga pulong nga naghulagway sa ilang kaugalingon kutob sa ilang mahimo. Sunod, hangyoa ang mga estudyante nga linginan ang tulo ka pulong nga hingpit nga naglarawan kanila. Ang pipila ka andam nga mga estudyante mahimong mopakigbahin ngadto sa klase.

Sa unsang mga pamaagi kini nga mga ilhanan nakaimpluwensiya sa imong kinaiya?

Si Elder David A. Bednar sa Korum sa Napulog Duha ka Apostoles mitudlo sa mosunod mahitungod sa atong pagkatawo:

17:8

Mahimong malingaw kamo sa musika, mga paugnat sa kusog, o mahiligon kamo sa makina, ug ugma damlag motrabaho og panginabuhian o usa ka propesyon o sa mga arts. Ang ingon niini kaimportante nga mga kalihokan ug mga panginabuhi, dili kini makahulagway kon kinsa kita. Una ug pinakauna, kita mga espirituhanong binuhat. Mga anak nga lalaki [ug mga anak nga babaye] sa Dios ug ang binhi ni Abraham. (“Pagkahimong Usa Ka Misyonaryo,” Liahona, Nob. 2005, 47)

Unsa ang mipatigbabaw kanimo gikan sa gitudlo ni Elder Bednar kabahin sa atong unang pagkatawo?

Kon ang mga estudyante nagtuon sa Leksiyon 23: “Genesis 12; 17,” dapita sila sa pag-summarize uban sa klasmeyt unsa ang ilang nahinumdoman mahitungod sa pakigsaad ni Abraham. Tabangi ang mga estudyante nga makakita nga isip ang binhi, o kaliwat, ni Abraham, wala lang kita gisaaran sa mahinungdanong mga panalangin, apan kita usab nakigsaad sa pagtuman sa mahinungdanon nga mga responsibilidad. Dapita sila sa pagkompleto sa mosunod nga pagsukod sa kaugalingong nakat-onan.

Pilia asa sa mosunod nga mga pamahayag nga tinuod para kanimo:

Akong nasabtan ang akong mga responsibilidad isip ang binhi ni Abraham.
Ako naninguha sa pagtuman sa akong mga responsibilidad isip ang binhi ni Abraham.
Akong nakita ang dakong hingpit nga kalipay sa pagtuman sa akong mga responsibilidad isip ang binhi ni Abraham.
Ako wala makasabot unsa ang akong mga responsibilidad isip ang binhi ni Abraham.
Ako adunay mga pangutana mahitungod sa akong mga responsibilidad isip ang binhi ni Abraham.

Dapita ang mga estudyante nga irekord ang bisan unsa nila nga mga pangutana o mga impresyon nga ilang gibati samtang ilang gikonsiderar kini nga mga pamahayag. Dapita sila sa pagtinguha sa pagpadayag gikan sa ilang Amahan sa Langit pinaagi sa Espiritu Santo aron masayod unsaon nila nga mas makatuman sa ilang mga responsibilidad isip ang binhi ni Abraham.

Ang Abraham 2:9–11 usa ka tudling sa kahanas sa doktrtina. Ikonsiderar ang pagdapit sa mga estudyante sa pagmarka sa mga tudling sa doktrinal nga kahanas sa lahi nga paagi aron dali ra kini nilang makit-an.

Basaha ang Abraham 2:8–11, nga mangita sa atong mga responsibilidad isip ang binhi ni Abraham.

Unsay gilaoman sa Manluluwas kanato?

Mahimo nimong dapiton ang mga estudyante sa pagsukna sa bisan unsa nga mga pangutana mahitungod sa mga bersikulo. Samtang imong gihisgotan ang mga responsibilidad sa pakigsaad ni Abraham, tabangi ang mga estudyante sa pag-ila sa kamatuoran nga sama sa: Isip binhi ni Abraham, ang Manluluwas mihatag kanato og usa ka responsibilidad sa pagpanalangin sa tanang mga pamilya sa kalibotan uban sa mga panalangin sa Iyang ebanghelyo.

Ang mga estudyante mahimong makabenepisyo sa pagkasayod nga sila makatuman sa ilang responsibilidad sa pakigsaad pinaagi sa pagtabang sa pagpundok sa Israel.
Unsa ang pipila ka mga pamaagi nga kita makapanalangin sa tanang mga pamilya sa kalibotan uban sa enbanghelyo sa Manluluwas?

Basaha ang 1 Nephi 15:18, nga mangita kanus-a matuman ang pakigsaad ni Abraham.

Si Presidente Russell M. Nelson mipamatuod:

Atoa ang responsibilidad sa pagtabang og tuman sa pakigsaad ni Abraham. Ang atong kaliwat gi-orden nang daan ug giandam sa pagpanalangin sa tanang katawhan sa kalibotan. Kana mao nganong ang katungdanan sa pagkapari naglakip sa misyonaryo nga buhat. Human sa mga 4,000 ka tuig sa pagpinaabot ug pagpangandam, kini mao ang gitakda nga panahon kanus-a pagadad-on ang ebanghelyo ngadto sa mga kaliwatan dinhi sa yuta. Kini mao ang panahon sa gisaad nga pagpundok sa Israel. Ug kinahanglan kitang moapil! Dili ba kana kulba-hinam? (“Mga Pakigsaad,” Liahona, Nob. 2011, 88)

Bisan kanus-a nga mobuhat kita og bisan unsa sa pagtabang ni bisan kinsa—sa matag habig sa tabil—sa paghimo ug pagtuman sa ilang mga pakigsaad sa Dios, nagtabang kita sa pagpundok sa Israel. (“Ipatigbabaw ang Dios Labaw sa Tanan,” Liahona, Nob. 2020, 92–95)

Unsa ang imong gibati mahitungod sa ebanghelyo ni Jesukristo?
Ngano sa imong hunahuna nga ang tanang mga tawo nagkinahanglan niini?
Unsa ang imong mga kasinatian (o sa mga tawo nga imong nailhan) sa pagpundok sa Israel?

Pagtuman sa atong mga responsibilidad

Unsa ang imong gibuhat o unsa nga mga plano ang imong buhaton aron sa pagpanalangin sa uban sa ebanghelyo sa Manluluwas?
Unsa ang imong gibati nga giaghat nga buhaton sa umaabot nga mga adlaw o mga semana aron:
- Motabang sa uban sa paghimo o pagtuman sa mga pakigsaad?
- Pagpakigbahin sa ebanghelyo sa Manluluwas?
- Pagtabang sa mga tawo sa pikas bahin sa tabil?

Ikonsiderar ang pagpamatuod sa atong importante nga responsibilidad, isip binhi ni Abraham, sa pagpakigbahin sa mga panalangin sa ebanghelyo ni Jesukristo ngadto sa tanan nga mga tawo.

Isag-ulo

Mahimo nimong tabangan ang mga estudyante sa pagsag-ulo sa mga pakisayran sa doktrinal nga kahanas ug sa mahinungdanon nga hugpong sa mga pulong sa kasulatan atol niini nga leksiyon ug irebyo kini sa umaabot nga mga leksiyon. Ang importante nga hugpong sa mga pulong alang sa Abraham 2:9–11 mao “Ang Ginoo misaad ni Abraham nga ang iyang binhi ‘modala niini nga pagpangalagad ug Pagkapari ngadto sa tanan nga mga nasod.’” Ang mga ideya alang sa mga kalihokan sa pagsag-ulo anaa sa mga materyal sa apendiks ubos sa “Mga Kalihokan sa Pagrebyo sa Doktrinal nga Kahanas.”

Dugang nga mga Kapanguhaan

Unsa ang akong nag-unang mga kailhanan?

Si Presidente Russell M. Nelson mitudlo:

Karon, ipadangat nato ang pangutana ngadto kaninyo. Kinsa man kamo?

Una ug labing importante, kamo anak sa Dios.

Ikaduha, isip miyembro sa Simbahan, kamo anak sa pakigsaad. Ug ikatulo, kamo disipulo ni Jesukristo. (“Mga Pagpili alang sa Kahangtoran” [tibuok kalibotan nga debosyonal alang sa mga young adult, Mayo 15, 2022], Librarya sa Ebanghelyo)

Unsa ang akong responsibilidad isip ang binhi ni Abraham?

Si Elder David A. Bednar sa Korum sa Napulog Duha ka Apostoles mitudlo:

Pagkatinuod, dakong responsibilidad ang gisangon sa binhi ni Abraham niining ulahing mga adlaw. …

… Kita gi-ordinahan nang daan didto sa pre-mortal nga kahimtang ug natawo dinhi nga mortal aron matuman ang pakigsaad ug saad sa Dios ngadto ni Abraham. Ania kita karon dinhi sa kalibotan niining panahona aron sa pagpadayag sa pagkapari priesthood ug sa pagsangyaw sa ebanghelyo. Mao kini kita, ug kana mao ang hinungdan nganong ania kita dinhi. (“Pagkahimong Usa Ka Misyonaryo,” Liahona, Nob. 2005, 47)

Si Presidente Russell M. Nelson mipahayag:

61:34

Gusto namo nga inyong masayran nga ang pagpundok sa Israel nagpasabut sa pagtanyag sa ebanghelyo ni Jesukristo ngadto sa mga anak sa Dios sa matag habig sa tabil kinsa wala makahimo og importanteng mga pakigsaad sa Dios og wala makadawat sa ilang importanteng mga ordinansa.

Ang matag anak sa atong Langitnong Amahan takos sa oportunidad sa pagpili nga mosunod ni Jesukristo, modawat sa Iyang ebanghelyo uban sa tanang panalangin niini—oo, tanang panalangin nga gisaad sa Dios ngadto sa kaliwatan ni Abraham, Isaac, ug Jacob, kinsa, sama sa inyong nasayran, nailhan usab isip Israel. (“Paglaom sa Israel,” [tibuok kalibotan nga debosyonal alang sa mga kabatan-onan, Hunyo 3, 2018], Russell M. Nelson ug Wendy W. Nelson, Librarya sa Ebanghelyo)

Si Presidente Camille N. Johnson, Kinatibuk-ang Presidente sa Relief Society, mitudlo:

10:19

Ang atong panalangin sa pakigsaad mao ang makig-uban ni Jesukristo sa paghatag og kahupayan, temporal ug espirituwal, ngadto sa tanan nga anak sa Dios. Kita mao ang agianan diin Siya mohatag og kahupayan.

Ug busa, sama sa mga higala sa tawo nga paralitiko, kita “[mo]tabang sa maluyahon, [mopataas sa] mga kamot sa nawad-an og paglaom, ug [molig-on sa] mga tuhod nga mahuyang.” [Doktrina ug mga Pakigsaad 81:5]. Kita “magtinabangay … sa usag usa nga mga alantoson, ug sa ingon motuman sa balaod ni Kristo.” [Mga Taga-Galacia 6:2]. Kon ato kining buhaton, kita makaila Kaniya, mahimong sama Kaniya, ug makaplagan ang Iyang kahupayan. (“Si Jesukristo Mao ang Kahupayan,” Liahona, Mayo 2023, 83)

Dugang nga mga Kalihokan sa Pagkat-on

Dugang nga mga paagi sa pagtuman sa atong mga responsibilidad

Pwede nimong iapil kini ng mga opsiyon isip dugang nga mga estasyon sa pagkat-on alang sa kalihokan sa leksiyon.

Ipakigbahin ang Basahon ni Mormon. Ang Basahon ni Mormon usa ka instrumento sa Dios sa pagpundok sa Israel. Paghunahuna og usa ka tawo nga mahimo nimong ipakigbahin ang Basahon ni Mormon. Pwede nimo silang dapiton nga i-download ang Basahon ni Mormon nga app. Isulat o ipakigbahin ang imong pagpamatuod sa Manluluwas ug ang Basahon ni Mormon ug pagpili og tudling nga imong ipakigbahin. Pagplano kanus-a ka mopakigbahin sa Basahon ni Mormon uban niini nga tawo o ipadala ang mensahe kanila karon.

Apil sa batalyon sa kabatan-onan sa Ginoo. Pagpili og usa o dugang pa sa mosunod nga mga pagdapit gikan ni Presidente Russell M. Nelson. Iyang gihatag kini nga mga imbitasyon aron matabangan ang mga kabatan-onan nga maandam sa pag-apil sa pagpundok sa Israel:

Paghimo og pito ka adlaw nga puasa gikan sa social media.
Paghimo og sinemana nga sakripisyo sa panahon ngadto sa Ginoo sulod sa tulo ka semana.
Pagbuhat og higpit nga pagsukod sa kinabuhi aron maseguro nga ikaw anaa sa dalan sa pakigsaad.
Pag-ampo matag adlaw nga ang tanang anak sa Dios makadawat sa mga panalangin sa ebanghelyo ni Jesukristo.
Mobarog ug mahimong lahi. Tun-i ug ipakigbahin ang Alang sa Kalig-on sa mga Kabatan-onan nga booklet. (Gikuha gikan sa Russell M. Nelson ug Wendy W. Nelson, “Paglaum sa Israel” [tibuok kalibotan nga debosyonal alang sa mga kabatan-onan, Hunyo 3, 2018], Librarya sa Ebanghelyo)

Makakita ka og dugang nga mga detalye aron ipakigbahin sa mga estudyante mahitungod sa matag imbitasyon ni Presidente Nelson ug ni Sister Wendy W. Nelson sa debosyonal alang sa mga kabatan-onan “Paglaum sa Israel.”

Mga Bidyo

Pwede nimong gamiton ang mosunod nga mga bidyo aron matabangan ang mga estudyante nga makakita sa mga paagi nga makatabang sa tanan nga mga pamilya sa kalibotan nga mapanalanginan uban sa ebanghelyo sa Manluluwas.

Ang bidyo nga “Inviting Others to ‘Come and Stay’” (1:39) nagpakita sa mga paagi nga ang mga estudyante makatabang sa uban nga mobati nga gihangop sa simbahan.

1:44

Ang mga bidyo nga “Inviting All to Come unto Christ: Sharing the Gospel” (4:30) ug “Inviting Others to ‘Come and See’” (1:17) nagpakita sa mga pamaagi nga ang mga estudyante makadapit sa uban nga moapil sa mga kalihokan sa Simbahan.

4:30

1:22

Ang bidyo nga “All the Families of the Earth” (2:55) makatabang sa mga estudyante nga mobati nga nadasig aron moapil sa buhat sa templo ug family history.

2:50