Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Genesis 12; 17: Ang Pakigsaad ni Abraham

“Genesis 12; 17: Ang Pakigsaad ni Abraham,” Manwal sa Magtutudlo sa Seminary sa Daang Tugon (2026)

“Genesis 12; 17: Ang Pakigsaad ni Abraham,” Manwal sa Magtutudlo sa Seminary sa Daang Tugon

Genesis 12–17; Abraham 1–2: Leksiyon 23

Genesis 12; 17

Ang Pakigsaad ni Abraham

The Old Testament prophet Abraham kneeling in prayer on the plains of Mamre. Abraham's wife, Sarah, is standing in the doorway of a tent in the background. Sarah is watching Abraham. There is desert scenery in the background.

Ang Ginoo ug si Abraham misulod ngadto sa pakigsaad nga karon nailhan nga pakigsaad ni Abraham. Samtang kita mohimo ug motuman sa mga pakigsaad uban sa Dios karon, kita makadawat sa samang mga panalangin gikan Kaniya sama sa gibuhat ni Abraham. Kini nga leksiyon makatabang sa mga estudyante nga makapasabot sa pakigsaad ni Abraham ug unsay koneksiyon niini ngadto kanila.

Pagpangandam sa estudyante: Dapita ang mga estudyante sa pagpangita sa “Pakigsaad ni Abraham” diha sa Librarya sa Ebanghelyo o sa Ang Giya ngadto sa mga Kasulatan, ug motambong nga andam nga mopakigbahin sa unsay ilang nakit-an.

Posibleng mga Kalihokan sa Pagkat-on

Ang Pakigsaad ni Abraham

Dapita ang mga estudyante nga handurawon nga gihangyo sila nga mohatag og pakigpulong diha sa panagtigom alang sa sakramento mahitungod sa pakigsaad ni Abraham. Aron matabangan sila nga masukod kon unsa sila kaandam puwede nilang buhaton kini, dapita silang isulat ug tubagon ang mosunod nga mga pangutana diha sa ilang mga journal sa pagtuon.

Unsa ang pakigsaad ni Abraham?
Unsaon nako pagkadawat og pakigsaad ni Abraham?
Nganong ang pakigsaad ni Abraham importante kanako?

Ipasalig sa mga estudyante nga okey ra nga kon wala kaayo silay daghan nga nasayran mahitungod sa pakigsaad ni Abraham. Pahibaloa sila nga makahimo sila sa pagdugang ngadto sa ilang mga tubag atol sa klase. Dasiga sila nga tinguhaon ang kompirmasyon sa Espiritu Santo mahitungod sa katinuod sa unsay ilang nakat-onan.

Timan-i: Kini nga leksiyon nakatutok sa mga panalangin sa pakigsaad ni Abraham ug nganong importante kini kanato. Leksiyon 24 “Abraham 2:9–11” magtutok sa atong mga responsibilidad diha sa pakigsaad ni Abraham.

Unsa ang pakigsaad ni Abraham?

Hinumdomi nga si Abraham nagtinguha “sa mga panalangin sa akong mga amahan” ug mahimong usa ka “sumosunod sa pagkamatarong” (Abraham 1:2). Ang Ginoo misaad nga ibutang ang Iyang ngalan ngadto ni Abraham ug mohatag kaniya sa pagkapari (tan-awa sa Abraham 1:18).

Ikonsiderar ang pagbuhat sa mosunod nga tsart diha sa pisara. Dapita ang mga estudyante nga tun-an ang mga bersikulo sa unang kulom ug ilista ang mga panalangin nga ilang makita tapad sa katugbang nga mga bersikulo sa pisara. Tun-an nila ang mga bersikulo sa ikaduhang kulom unya sa leksiyon.

Ang mga panalangin nga gisaad sa Ginoo ngadto kang Abraham

Ang panalangin nga gisaad sa Ginoo kanako

Genesis 12:2; 17:1–2, 4–6

Genesis 12:3; 17:7

Genesis 12:7; 17:8

Abraham 2:11

Doktrina ug mga Pakigsaad 132:19–22, 30–31

Abraham 2:9–11

Doktrina ug mga Pakigsaad 88:18–20

Doktrina ug mga Pakigsaad 84:33–38

Basaha ang Genesis 12:2–3, 7; 17:1–8; Abraham 2:11, nga mangita sa mga panalangin nga gilugway ngadto kang Abraham.

Samtang basahon sa mga estudyante ang mga kasulatan, ikonsiderar ang pagtuyok libot sa lawak. Ang pipila sa mga estudyante mas malagmit mangutana kon duol lang ang magtutudlo, mao nga ang pagtuyok sa lawak klasehan samtang ang mga estudyante magbasa mahimong sayon sa uban nga mga estudyante sa pagpangayo og tabang nimo. Kon mahuman na ang mga estudyante, dapita sila nga ipakigbahin kon unsay ilang napalgan.

Unsay imong nakaplagan?
Unsa ang gitudlo niini nga mga saad kanimo mahitungod sa Dios?

Ang mosunod mao ang lista sa pipila ka panalangin nga mahimong makita sa mga estudyante:

Genesis 12:2; 17:1–2, 4–6: amahan sa dagahang nasud; midaghan pag-ayo; labing matinuoron (Sa Hebreo, ang ngalan nga Abram nagpasabot nga “gibayaw nga amahan,” ug ang ngalan nga Abraham nagpasabot nga “amahan sa daghan.”)
Genesis 12:3; 17:7: ang tanang pamilya sa kalibotan napanalanginan sa iyang kaliwat; ang pakigsaad sa Dios nagpadayon sa kaliwatan ni Abraham
Genesis 12:7; 17:8: yuta sa Canaan
Abraham 2:11: pagkapari

Mahimong maila sa mga estudyante ang hugpong sa mga pulong nga “mga hari magagikan kanimo” (Genesis 17:6). Kini nagtumong ngadto sa mga hari nga magahari sa Israel ug Juda; apan mas importante, kini nagtumong ngadto ni Jesukristo (tan-awa sa Mateo 1:1; Pinadayag 19:16).

Mahimo nimong ipasabot nga ang pakigsaad sa Ginoo nga gihimo ni Abraham nailhan nga pakigsaad ni Abraham. Ipasabot nga ingon niini ang Dios motanyag sa Iyang labing dakong mga panalangin ngadto sa Iyang mga anak. Ang Dios nagpamatuod usab niini nga pakigsaad diha ni Abraham daghang higayon sa iyang kinabuhi (tan-awa sa Genesis 13:14–17; 15:5, 18; 22:15–18; Abraham 2:8–12; 3:14).

Unsaon nako pagkadawat og pakigsaad ni Abraham?

Ipakigbahin ang mosunod nga pamahayag gikan ni Presidente Nelson aron matabangan ang mga estudyante nga makita unsa ka konektado ang pakigsaad ni Abraham diha kanila (tan-awa usab sa Mga Taga-Galacia 3:27–29; Abraham 2:10).

Mitudlo si Presidente Russell M. Nelson unsaon sa matag usa kanato sa pagdawat sa samang panalangin nga gisaad sa Dios ngadto kang Abraham:

Sa dihang atong gihangop ang ebanghelyo ug nabunyagan, gidala nato sa atong kaugalingon ang sagradong ngalan ni Jesukristo. Ang bunyag mao ang ganghaan nga mopadulong ngadto sa pagkahimong kauban nga manununod sa tanang mga saad nga gihatag kaniadto sa Ginoo ngadto ni Abraham, Isaac, Jacob, ug sa ilang kaliwatan.

“Ang bag-o ug walay kataposan nga pakigsaad” (Doktrina ug mga Pakigsaad 132:6) ug ang pakigsaad ni Abraham managsamang mahinungdanon—duha ka paagi sa pagpamulong sa pakigsaad nga gihimo sa Dios uban sa mortal nga kalalakin-an ug kababayen-an sa managlahi nga higayon. …

…[K]amo ug ako personal nga misulod sa dalan sa pakigsaad atol sa bunyag. Dayon mas hingpit kitang misulod niini diha sa templo. Ang mga panalangin sa pakigsaad ni Abraham ihatag diha sa balaang mga templo. Kining mga panalangin motugot kanato, nga mobangon sa pagkabanhaw aron “makapanunod sa mga trono, mga gingharian, mga kagamhanan, mga kayutaan, ug kamandoan, ngadto sa atong ‘pagkahimaya ug himaya sa tanan nga mga butang’ [Doktrina ug mga Pakigsaad 132:19].” (“Ang Walay Katap[o]san nga Pakigsaad,” Liahona, Okt. 2022, 4, 6-7)

Unsaon nimo sa pag-summarize ang unsay atong makat-onan gikan ni Presidente Nelson mahitungod sa mga panalangin ni Abraham?

Tabangi ang mga estudyante nga makaila sa usa ka kamatuoran sama sa: Samtang mohimo ug motuman kita sa mga pakigsaad sa Dios, mahimo kitang mga manununod sa mga panalangin nga gihatag ngadto ni Abraham.

Nganong ang pakigsaad ni Abraham importante kanako?

Dapita ang mga estudyante nga tun-an ang mga pakisayran sa ikaduha nga kolum ug ipalista diha sa ilang mga journal sa pagtuon sa unsang paagi ang mga panalangin nga gisaad ngadto ni Abraham mao usab ang gisaad ngadto kanila. Kini nga mga bersikulo mas maayo tingali alang sa mga estudyante nga motrabaho nga magpares o diha sa ginagmay nga mga grupo.

Ang mosunod mao ang pipila sa panalangin nga tingali makit-an sa mga estudyante:

Doktrina ug mga Pakigsaad 132:19–22, 30–31: mahangtorong mga pamilya (“pagpadayon sa mga binhi” ug “pagpadayon sa kinabuhi”)
Abraham 2:9–11: ang ebanghelyo gipakigbahin diha sa tanang pamilya sa kalibotan; kaluwasan ug kahimayaan
Doktrina ug mga Pakigsaad 88:18–20 (“kini” nagpasabot sa kalibotan): kabilin diha sa celestial nga gingharian (tan-awa usab sa Mga Hebreohanon 11:8, 13–16)
Doktrina ug mga Pakigsaad 84:33–38: ang mga panalangin sa pagkapari, apil ang tanan nga anaa sa Amahan

Sa unsang mga paagi ang mga panalangin nga gisaad makahuloganon kanimo?
Unsa ang matudlo niini nga mga panalangin kanimo kabahin sa mga pagbati sa Dios alang kanimo?

Aron sa pagbutang sa pakigsaad ni Abraham diha sa konteksto sa plano sa Langitnong Amahan, pwede tingali nga pangutan-on nimo ang mga estudyante unsay nakapahimo niini nga posible alang kanato nga makadawat sa mga panalangin nga ilang gilista. Hangyoa ang mga estudyante nga mamalandong o mopakigbahin og pipila sa ilang mga hunahuna. Mahimo usab nimong ipakigbahin kini nga pamahayag gikan kang Presidente Nelson.

Gipasabot ni Presidente Russel M. Nelson unsa ang nakapahimong posible alang kanato nga makadawat sa mga panalangin sa pakigsaad ni Abraham:

Ang maulaon nga sakripisyo sa Manluluwas nakapahimo sa Amahan sa pagtuman sa Iyang mga saad ngadto sa Iyang mga anak. … Ang katumanan sa pakigsaad ni Abraham mahimong posible tungod sa Pag-ula sa atong Manluluwas, ang Ginoo nga si Jesukristo. Si Jesukristo mao ang sentro sa pakigsaad ni Abraham. (“Ang Walay Kataposan nga Pakigsaad,” Liahona, Okt. 2022, 7).

Ipasabot ang pakigsaad ni Abraham

Dapita ang mga estudyante sa pagdugang sa ilang mga tubag gikan sa pagsugod sa klase:

Unsa ang pakigsaad ni Abraham?
Unsaon nako pagkadawat og pakigsaad ni Abraham?
Nganong ang pakigsaad ni Abraham importante kanako?

Aron mapalig-on ang ilang pagsabot, ikonsiderar ang pagdapit sa mga estudyante sa pag-adto sa ilang pares ug ipasabot ang pakigsaad ni Abraham sa usag usa. Dasiga sila nga kon mahimo mubo apan kompleto ang ilang mga tubag. Ipasabot kini nga pakigsaad sa pipila ka pulong kon posible mahimong makatabang sa mga estudyante nga mas klarong masabtan kini.

Pagpamatuod sa mga panalangin ug mga saad sa Dios nga gitanyag kanato pinaagi sa pakigsaad ni Abraham.

Dugang nga mga Kapanguhaan

Unsa ang pipila ka saad sa pakigsaad ni Abraham?

Si Presidente Russell M. Nelson miingon:

14:19

Ang pakigsaad nga gihimo sa Dios uban kang Abraham ug sa wala madugay gipanghimatuod og usab uban ni Isaac ug ni Jacob usa ka talagsaong kahulogan. Kini naglangkob og daghang mga saad, nga naglakip:

Si Jesus ang Kristo matawo pinaagi sa kaliwatan ni Abraham.

Ang mga kaliwat ni Abraham dili maihap, may katungod sa walay kataposang pagdaghan ug usab may katungod sa pagdala sa pagkapari.

Si Abraham mahimong amahan sa daghang nasod.

May mga yuta nga mapanunod sa iyang kaliwat.

Ang tanang kanasoran sa yuta mapanalanginan sa iyang binhi.

Ug kana nga pakigsaad walay kataposan—gani ngadto sa “usa ka libo ka kaliwatan.”

(“Mga Pakigsaad,” Liahona, Nob. 2011, 87)

Makahimo ba kita sa samang pakigsaad ngadto sa Dios sama sa gihimo ni Abraham?

Si Presidente Russell M. Nelson mitudlo:

Si Adan ug si Eva, si Noe ug iyang asawa, si Abraham ug Sarah, si Lehi ug Sariah, ug tanan pang uban nga debotong mga disipulo ni Jesukristo—sukad sa paglalang sa kalibotan—mihimo sa samang mga pakigsaad sa Dios. Nadawat nila ang sama nga mga ordinansa nga atong gihimo isip mga miyembro sa gipahiuli nga Simbahan sa Ginoo karon: kadto nga mga pakigsaad nga atong nadawat atol sa pagbunyag ug sa templo. (“Dali, Sunod Kanako,” Liahona, Mayo 2019, 89-90)

Sa unsang paagi konektado ang deklarasyon sa akong kaliwat diha sa patriyarkal nga panalangin ngadto sa pakigsaad ni Abraham?

Si Elder David A. Bednar sa Korum sa Napulog Duha ka Apostoles mitudlo:

Bisag sa … orihinal nga kaliwat o sa pagsagop, … [kita] may katungod nga [mga] manununod sa mga gisaad sa Dios ngadto ni Abraham. Kita mga binhi ni Abraham. Usa sa mahinungdanong mga rason nga midawat kita sa patriyarkal nga panalangin mao nga matabangan kitang madugangan ang pagsabot kon kinsa kita isip mga kaliwat ni Abraham ug makamatngon sa atong responsibilidad. (“Pagkahimong Usa Ka Misyonaryo,” Liahona,, Nob. 2005, 47)

Si Elder Kazuhiko Yamashita sa Seventy mitudlo:

Kon madawat ninyo ang deklarasyon sa kaliwat, inyong mahibaloan nga gikan kamo sa balay ni Israel ug sa binhi ni Abraham. Aron masabtan ang kahulogan niini, tutoki ang mga saad sa Ginoo nga gihimo ngadto sa balay ni Israel pinaagi kang Abraham. (“Kanus-a Ka Angay nga Makadawat og Patriyarkal nga Panalangin,” Liahona, Mayo 2023, 90)

Dugang nga mga Kalihokan sa Pagkat-on

Ang tahas sa mga pakigsaad diha sa ebanghelyo ni Jesukristo

Kon ang mga estudyante nagkinahanglan og tabang sa pagkonektar sa pakigsaad ni Abraham ngadto sa pakigsaad nga atong gihimo sa ebanghelyo ni Jesukristo, ikonsiderar ang pagpasalida sa bidyo nga “Elder Nelson Talks about Covenants” (4:45). Hangyoa ang mga estudyante nga mangita kon nganong importante ang pakigsaad diha sa plano sa Dios.

4:45

Genesis 17:8. “Ako mao ang mahimo nga ilang Dios”

Aron matabangan ang mga estudyante nga mas makasabot sa ilang relasyon sa pakigsaad uban sa Dios, mahimo nimong ipasabot ang gibalikbalik nga konsepto diha sa Genesis 17:7–8. Ang Ginoo misaad “aron mahimo nga Dios nimo” (bersikulo 7) ug nag-ingon, “ako mao ang mahimo nga ilang Dios” (bersikulo 8). Dapita ang mga estudyante nga i-cross-reference ang Abraham 1:18 ug Mga Salmo 48:14 diha sa ilang mga kasulatan o ikonektar sila ngadto sa Librarya sa Ebanghelyo nga app. Samtang ilang basahon ang tanang tulo ka mga hut-ong sa mga bersikulo, dasiga ang mga estudyante nga mangita sa mga pulong ug mga hugpong sa mga pulong nga makatabang nilang masabtan unsay gipasabot sa ang Ginoo mamahimong atong Dios. Ikonsiderar ang pagpangutana sama sa mosunod:

Unsa kaha sa imong hunahuna ang gipasabot kon Siya mosulti nga “mahimo nga Dios mo”?
Unsa ang ubang mga butang sa atong mga kinabuhi nga kita tingali gitental nga mahimong atong Dios?
Nganong ikaw mipili nga himoon ang Ginoo nga imong Dios?

Dapita ang mga estudyante sa pagpangita sa mga sangpotanan sa pagpili o pagsalikway sa Ginoo isip atong Dios samtang magtuon sila sa Daang Tugon niining tuiga.