Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Abraham 1: “Nagtinguha … nga Mahimo nga usa ka … Sumusunod sa Pagkamatarong”

“Abraham 1: ‘Nagtinguha … nga Mahimo nga usa ka … Sumusunod sa Pagkamatarong,’” Manwal sa Magtutudlo sa Seminary sa Daang Tugon (2026)

“Abraham 1: ‘Nagtinguha … nga Mahimo nga usa ka … Sumusunod sa Pagkamatarong,’” Manwal sa Magtutudlo sa Seminary sa Daang Tugon

Genesis 12–17; Abraham 1–2: Leksiyon 22

Abraham 1

“Nagtinguha … nga Mahimo nga usa ka … Sumusunod sa Pagkamatarong”

The painting portrays Abram kneeling, his head bowed. Melchizedek lays his hands on his head blessing him. His eyes are shut and his face looks up. An attendant holds bread and wine.

Si Abraham nagdako nga gipalibotan sa pagkadaotan ug pagsimba og diyosdiyos. Bisan pa niini nga mga sirkumstansya, si Abraham nagtinguha nga mosunod ni Jesukristo, kinsa nailhan sa kinabuhi sa wala pa dinhi sa yuta ug kang Abraham isip Jehova. Samtang nagtinguha si Abraham sa iyang matarong nga mga tinguha, ang Ginoo mipanalangin kaniya aron maangkon kini. Kini nga leksiyon makatabang sa mga estudyante nga mobati sa paglaom nga ang Langitnong Amahan makatabang kanila nga makaangkon sa mga panalangin nga gusto Niya nga ilang madawat.

Pagpangandam sa estudyante: Dapita ang mga estudyante sa paghimo og lista sa unsay ilang labing gusto sa kinabuhi ug sa paghunahuna kon unsay bation sa Langitnong Amahan mahitungod sa unsay ilang labing gusto.

Posibleng mga Kalihokan sa Pagkat-on

Unsay imong gitinguha?

Sugdi ang leksiyon pinaagi sa pagtabang sa mga estudyante sa paghunahuna og mga sitwasyon diin sila maglisod sa pagtuo nga ang Ginoo makatabang nila nga makaangkon og matarong nga panalangin nga ilang gitinguha. Aron mahimo kini, mahimo nimong ipakigbahin ang mosunod nga dili kompleto nga mga senaryo ug dapita ang mga estudyante sa pag-ila og babag nga mahimong atubangon sa indibidwal.

Si Samantha adunay dakong tinguha sa pagsunod ni Jesukristo pinaagi sa pagsangyaw sa Iyang ebanghelyo ngadto sa ubang mga tawo. Apan, karon morag lisod kini tungod kay …

Si Yuchen adunay dakong tinguha nga mosunod ni Jesukristo pinaagi sa pagbayad sa iyang ikapulo. Apan, karon morag lisod kini tungod kay …

Si Carlos adunay dakong tinguha nga mosunod ni Jesukristo pinaagi sa pagpabunyag. Apan, karon morag lisod kini tungod kay …

Dapita ang mga estudyante sa paghunahuna mahitungod sa ilang kaugalingong mga kahimtang ug sa mga babag nga mahimo nilang atubangon sa pagsunod ni Jesukristo. Hangyoa sila sa pagkompleto sa mosunod nga mga lakang diha sa ilang mga journal sa pagtuon.

Diha sa imong study journal:

Irekord ang pipila sa panalangin nga imong labing gitinguha sa kinabuhi.
Ilista ang bisan unsang mga babag nga imong makita sa pag-angkon niini nga mga panalangin.

Samtang ang mga estudyante magtuon sa Abraham 1, dapita sila sa pagtinguha sa tabang sa Langitnong Amahan pinaagi sa Espiritu Santo. Ang Espiritu Santo makatabang nila nga mobati og paglaom nga sila makasunod ni Jesukristo ug makaangkon sa Iyang mga panalangin bisan unsa pa ang mga babag nga ilang atubangon.

Mga kahimtang ni Abraham

Sa Leksiyon 3: Abraham 3, ang mga estudyante nakakat-on sa gigikanan sa basahon ni Abraham. Kon wala nimo kini ipasabot sa Leksiyon 3, mahimo nimo kini karon. Kon ang mga estudyante adunay mga pangutana mahitungod sa gigikanan sa basahon ni Abraham, mahimo nimong ipasalida ang bidyo nga “The Book of Abraham | Now You Know” gikan sa time code nga 0:00 hangtod 2:43. Kini nga bidyo makit-an sa ChurchofJesusChrist.org.

Mahimong makatabang ang paghimo sa mga estudyante og duha ka kolum nga tsart. Mahimo nilang butangan og ulohan ang unang kolum nga “Mga Panalangin nga gitinguha ni Abraham” ug ang ikaduha “Mga Babag nga giatubang ni Abraham.” Makatabang ang pag-organisar kon unsa ang nakat-onan sa mga estudyante gikan sa Abraham 1:1–7.

Mga Panalangin nga gitinguha ni Abraham	Mga Babag nga giatubang ni Abraham
Mga Panalangin nga gitinguha ni Abraham	Mga Babag nga giatubang ni Abraham

Basaha ang Abraham 1:1–7, nga mangita kon unsa nga mga panalangin ang gitinguha ni Abraham ug unsa nga mga babag ang iyang giatubang sa pagdawat niadto nga mga panalangin.

Unsa ang mipatigbabaw kanimo gikan sa mga panalangin nga gitinguha ni Abraham?
Ngano kaha nga kini nga mga panalangin usa ka butang nga imo usab nga gitinguha?
Sa unsang paagi kaha nga ang tinguha ni Abraham sa pagsunod ni Jesukristo nakatabang niya sa lisod nga mga kahimtang nga iyang giatubang?

Gitabangan ni Jehova si Abraham nga mabuntog ang iyang mga babag

Basaha ang Abraham 1:15–20, nga mangita kon sa unsang paagi gitabangan ni Jehova si Abraham nga mabuntog ang mga babag nga iyang giatubang.

Unsa kaha ang nakat-onan ni Abraham mahitungod ni Jehova gikan niini nga kasinatian?
Sa unsang paagi ang Langitnong Amahan motabang nato sa pagbuntog sa mga babag aron makadawat og matarong nga mga panalangin nga atong gitinguha?

Ipasabot sa mga estudyante nga human maluwas si Abraham, sa kataposan miadto siya sa Canaan. Gipasidunggan sa Ginoo si Abraham sa pagbuhat sa iyang mga tinguha pinaagi sa pagpanalangin kaniya sa pagkapari ug uban pang mahinungdanong mga panalangin. Ang Dios misaad kang Abraham niini nga mga panalangin isip kabahin sa atong gitawag nga ang pakigsaad ni Abraham. Ang mga estudyante makat-on og dugang mahitungod niini nga pakigsaad sa umaabot nga mga leksiyon.

Sa kaulahian sa kinabuhi ni Abraham, ang Ginoo mibisita kaniya ug misaad nga Iyang tumanon ang tanang matarong nga mga tinguha ni Abraham (tan-awa sa Abraham 2:9–11). Basaha ang Abraham 2:12–13, nga mangita kon unsay gisulti ni Abraham human niini nga kasinatian.

Unsa nga baroganan ang atong makat-onan gikan sa kasinatian ni Abraham?

Mahimong ilhon sa mga estudyante ang lain-laing mga baroganan lakip ang: Kon kita magtinguha sa pagsunod ni Jesukristo, ang Dios mohatag kanato sa matarong nga mga panalangin nga atong gitinguha.

Basaha ang mosunod nga pamahayag gikan ni Presidente Jeffrey R. Holland sa Korum sa Napulog Duha ka Apostoles, o tan-awa ang bidyo nga “A Perfect Brightness of Hope” gikan sa time code nga 11:09 hangtod 11:38. Kini nga bidyo makit-an sa ChurchofJesusChrist.org.

17:45

Nganong dili man kita molaom nga ang matarong nga mga tinguha ug Kristohanong mga pangandoy mahimo gihapong matubag sa Dios sa tanang paglaom diha sa katalagsaon, milagroso nga paagi? Kitang tanan kinahanglan nga motuo nga kon unsa man ang atong gitinguha diha sa katarong sa umaabot, sa ubang paagi, maato ra gihapon. (“Usa ka Hingpit nga Kahayag sa Paglaom,” Liahona, Mayo 2020, 83)

Dapita ang mga estudyante sa paghisgot sa mosunod nga mga pangutana nga magpares o sa ginagmay nga mga grupo, o iparekord sa mga estudyante ang ilang mga tubag diha sa ilang mga journal sa pagtuon. Human sa igong panahon, ang andam nga mga estudyante mahimong mopakigbahin sa usa o duha sa ilang mga tubag ngadto sa klase.

Sa unsang paagi nga ang mga pulong ni Presidente Holland ug ang kasinatian ni Abraham naghatag kanimo og paglaom nga ang Ginoo makatabang nimo sa pagbuntog sa mga babag sa pagsunod ni Jesukristo?
Kanus-a ang Langitnong Amahan mitabang kanimo o sa usa ka tawo nga imong nailhan sa pagbuntog sa mga babag sa pagsunod ni Jesukristo?

Ikonsiderar ang pagpakigbahin sa imong kasinatian sa dihang ang Langitnong Amahan mitabang kanimo sa pagbuntog sa babag sa pagdawat og matarong nga panalangin.

Dapita ang mga estudyante sa pagrekord sa unsay ilang nakat-onan karon diha sa ilang mga journal sa pagtuon.

Ikonsiderar ang pagdapit sa andam nga mga estudyante sa pagpakigbahin sa unsay ilang gisulat. Taposa pinaagi sa pagpakigbahin sa imong pagpamatuod bahin niini nga mga kamatuoran.

Dugang nga mga Kapanguhaan

Asa ko makakat-on pa mahitungod sa basahon ni Abraham?

Ang Simbahan mimantala og daghang mga kapanguhaan mahitungod sa basahon ni Abraham, sama sa:

Ang kapitulo “Ang Basahon ni Abraham” sa Manwal sa Estudyante alang sa Perlas nga Labing Bililhon (2017).
Mga Hisgotanan sa Kasaysayan sa Simbahan “Hubad sa Basahon ni Abraham.”
Ang gumalaysay [essay] sa Mga Hilisgotan sa Ebanghelyo “Hubad ug Kasaysayan sa Basahon ni Abraham.”

Niadtong Hulyo 5, 1835, si Joseph Smith misulat mahitungod sa pagtungha sa basahon ni Abraham ug sa kaimportante niining karaan nga Ehiptohanong mga sinulat:

Ako, uban sila si W[illiam] W. Phelps ug O[liver] Cowdery isip mga eskriba, mipadayon sa paghubad sa pipila ka mga karakter o mga hieroglyphics ug, dako kaayo ang among kalipay, nga usa sa mga linukot gilangkoban sa mga sinulat ni Abraham. … Tinuod kaming nakaingon nga ang Ginoo nagsugod na sa pagbutyag sa abunda nga kalinaw ug kamatuoran. (Joseph Smith, sa History, 1838–1856 [Manuscript History of the Church], volume B-1, 596, josephsmithpapers.org)

Samtang magtuon kita sa basahon ni Abraham, importante nga timan-an ang mosunod, nga makita diha sa Hilisgotan sa Kasaysayan sa Simbahan “Hubad sa Basahon ni Abraham”:

Ang estado sa basahon isip kasulatan anaa sa mahangtorong mga kamatuoran nga gitudlo ug sa gamhanan nga espiritu nga ipadangat niini. Ang kamatuoran sa basahon ni Abraham sa kataposan makita pinaagi sa mabinantayon nga pagtuon sa mga pagtulun-an niini inubanan sa sinsero nga pag-ampo ug sa panghimatuod sa Espiritu. (Mga Hilisgotan sa Kasaysayan sa Simbahan, “Hubad sa Basahon ni Abraham,” Librarya sa Ebanghelyo)

Sa unsang paagi ang akong mga tinguha makaimpluwensya sa akong kinabuhi?

Si Presidente Dallin H. Oaks sa Unang Kapangulohan mitudlo:

Ang mga tinguha ang momando sa atong mga prayoridad, ang mga prayoridad mohulma sa atong mga pagpili, ug ang mga pagpili motino sa atong mga binuhatan. Ang mga tinguha nga atong buhaton motino sa atong kausaban, sa atong kalamposan, ug kon unsa kita mamahimo. …

… Kon kita adunay panglantaw kon unsa kita nga mamahimo, ang atong tinguha ug atong gahom sa pagbuhat molambo pag-ayo. (“Tinguha,” Liahona, Mayo 2011, 42, 44)

Unsa kaha kon ang atong matarong nga mga tinguha ingon og wala matuman?

Si Elder Neil L. Andersen sa Korum sa Napulog Duha ka Apostoles mitudlo:

14:51

Isip sulugoon sa Ginoo, ako mosaad kaninyo nga samtang kamo magmatinud-anon ngadto ni Jesukristo ug sa inyong mga pakigsaad, kamo makadawat sa bayad nga mga panalangin niini nga kinabuhi ug sa inyong matarong nga mga tinguha niining mahangtoron nga latid sa panahon sa Ginoo. Mahimong adunay kalipay diha sa panaw sa mortalidad bisan kon ang atong tanang matarong nga mga gilaoman wala matuman. (“Ang Personal nga Panaw sa usa ka Anak sa Dios,” Liahona, Mayo 2021, 47)

Sa unsa nga paagi kita makapalambo og matarong nga mga tinguha?

Si Elder David A. Bednar sa Korum sa Napulog Duha ka Apostoles mitudlo:

15:42

Makaila kita sa Manluluwas kon mobuhat kita sa atong pinakamaayo sa pag-adto asa ang gusto Niya nga kita moadto, kon maningkamot kita sa pagsulti sa gusto Niya nga atong isulti, ug kon mamahimo kita sa unsay Iyang gusto nga kita mamahimo. Kon manunuton kitang moila nga hingpit kitang nagsalig diha Kaniya, padak-an Niya ang atong kapasidad sa pagserbisyo nga mas epektibo kay kaniadto. Sa hinay-hinay, mas hingpit rang mahiuyon ang atong mga tinguha ngadto sa Iyang mga tinguha, ug ang Iyang mga katuyoan maatoa nga katuyoan, nga kita “dili mangayo niana nga supak sa [Iyang] kabubut-on.” (“Kon Nakaila Pa Kamo Kanako,” Liahona, Nob. 2016, 104)

Dugang nga mga Kalihokan sa Pagkat-on

Abraham 1:11. Ang ehemplo sa mahiyason nga batan-ong mga babaye

Ang mga ehemplo sa tulo ka matarong nga mga birhen mahimong gamiton sa pagtabang sa mga estudyante nga makasabot nga usahay dili nato madawat ang atong matarong nga mga tinguha sa mga paagi nga atong gilaoman.

Basaha ang Abraham 1:11 ug ikompara ang pagluwas ni Abraham uban ang istorya niining tulo ka batan-ong mga babaye.

Mahimo usab nimong i-refer ang pamahayag ni Elder Andersen diha sa Dugang nga mga Kapanguhaan mahitungod sa wala matuman nga matarong nga mga tinguha.

Dapita ang mga estudyante sa paghunahuna nga ang usa ka higala nagpadala kanila og mensahe sa text. Kini nga higala nasagmuyo tungod kay ang Dios wala pa makapanalangin kanila og kalig-on sa pagbatok sa usa ka piho nga tentasyon (o laing matarong nga tinguha nga ilang gipangita). Dapita ang mga estudyante sa pagkonsiderar kon unsaon nila sa pagtubag ang ilang higala. Ang mosunod nga mga pangutana makatabang:

Ngano sa imong hunahuna nga ang matarong nga mga tinguha sa ubang mga tawo gihatag samtang ang uban ingon og wala?
Unsaon nato pagmentinar ang atong hugot nga pagtuo kang Jesukristo bisan kon ang atong matarong nga mga tinguha ingon og wala matuman?

Ubang mga ehemplo sa pagpangita og matarong nga mga tinguha

Aron mapalawoman ang pagsabot sa mga estudyante sa pag-angkon og matarong nga mga tinguha, mahimo nilang ikompara si Abraham ngadto sa ubang mga indibidwal diha sa mga kasulatan.

Dapita ang mga estudyante sa pagpili og usa sa mosunod nga mga indibidwal o lain nga ilang pilion. Ipapangita nila kon unsa ang tinguha sa tawo ug unsa ang gitudlo sa asoy mahitungod sa pag-angkon sa atong mga tinguha.

Nephi: 1 Nephi 10:17; 11:1
Enos: Enos 1:2–8
Alma ug Amulek: Alma 14:9–13
Hyrum Smith: Doktrina ug mga Pakigsaad 11:8, 15–17, 21–22

Pagpahiuyon ngadto sa kabubut-on sa Ginoo

Ang mga estudyante mahimong makabenepisyo gikan sa dugang nga diskusyon mahitungod sa matarong nga mga tinguha usahay dili matubag sa paagi nga atong gusto o gilaoman. Kon mao, ikonsiderar ang pagpasalida sa bidyo nga “Ask in Faith” gikan sa time code nga 10:47 hangtod 13:03.

15:9

Ikonsiderar ang pagpangutana sa mosunod nga mga pangutana:

Unsa ang imong nakat-onan mahitungod sa pagpahiuyon sa atong matarong nga mga tinguha ngadto sa kabubut-on sa Ginoo?
Unsa nga tambag ang imong ikahatag sa usa ka tawo kinsa mibati nga ang Ginoo wala magpanalangin kanila og usa ka matarong nga tinguha?

Ang kaimportante sa mga kasulatan

Aron matabangan ang mga estudyante nga makita ang kaimportante sa mga kasulatan sa atong kinabuhi, ikonsiderar ang pagpangutana sa mosunod:

Unsa ang buot ipasabot sa pagpatunhay sa usa ka butang?
Unsaon nimo pagpreserbar ang usa ka litrato o usa ka sulat gikan sa usa ka minahal?

Dapita ang mga estudyante sa pagbasa sa Abraham 1:28, nga mangita kon unsay nadawat ni Abraham. Human sa pagreport sa mga estudyante sa unsay ilang nakit-an, dapita sila sa pagbasa sa bersikulo 31, ug ipangutana ang mosunod:

Unsa ang gipreserbar sa mga rekord nga gitipigan ni Abraham?
Sa unsang paagi kita makabenepisyo tungod kay nahibalo kita niini nga mga kamatuoran?

Tabangi ang mga estudyante nga makakita nga ang Ginoo mitawag og mga propeta sa pagpreserbar sa mga kasulatan tungod sa Iyang gugma alang kanato. Dapita ang mga estudyante sa pagpakigbahin sa importante nga mga kamatuoran gikan sa mga kasulatan nga sila mapasalamaton nga napreserbar.