Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Kenese 6–8: “Sa Faia foi e Noa … Mea Uma Na Poloai Atu ai Ieova”

“Kenese 6–8: ‘Sa Faia foi e Noa … Mea Uma Na Poloai Atu ai Ieova,’” Tusi Taiala Faiaoga Seminare o le Feagaiga Tuai (2026)

“Kenese 6–8: ‘Sa Faia foi e Noa … Mea Uma Na Poloai Atu ai Ieova,’” Tusi Taiala Faiaoga Seminare o le Feagaiga Tuai

Kenese 6–11; Mose 8: Lesona 20

Kenese 6–8

“Sa Faia foi e Noa … Mea Uma Na Poloai Atu ai Ieova”

The Old Testament prophet Noah standing on a log as he preaches to a group of assembled people. The people are laughing and mocking Noah. The partially completed ark is visible in the background.

Ua fetalai mai ma le alofa le Atua ia i tatou ia usiusitai i Ana poloaiga. O nisi poloaiga atonu e faigata ona malamalama i ai, ae e mo lo tatou lelei i taimi uma. Sa faasaoina le aiga o Noa mai se lolo lemafaatusalia ma faavavega ona sa latou usitai i le poloaiga a le Atua e fau se vaa. O lenei lesona e mafai ona fesoasoani i tagata aoga e faateleina ai lo latou manao e usitai i poloaiga a le Atua.

Sauniuniga a le tagata aoga: Valaaulia tagata aoga e mafaufau loloto ma o mai saunia e faasoa mai pe faapefea ona faaalia i se poloaiga patino le alofa o le Tama Faalelagi mo i tatou ma Lona finagalo e puipuia i tatou.

Gaoioiga E Ono Mafai Ona Aoao Ai

Poloaiga a le Atua

Mafaufau e amata le lesona e ala i le fautuaina o tagata aoga e mafaufau loloto pe aisea ua tuuina mai ai e lo tatou Tama oi le Lagi alofa ia i tatou ia poloaiga. O se tasi o auala e faia ai lenei mea o le faaali atu lea o ata nei ma fatu se talanoaga e faaaoga ai fesili o loo i lalo. O le isi auala o le tuu atu lea i tagata aoga e faasoa mai tulafono ua faatulagaina e o latou matua e tausia ai a latou fanau ia saogalemu.

A young man Starting a campfire at Burraston Ponds, Utah

A group of little boys and girls play together outside.

Manatu faapea o loo e tausia se vaega toatele o tamaiti laiti i lenei tolauapiga.

O a ni tulafono patino e mafai ona e tuuina atu i tamaiti e tausia ai i latou ia saogalemu?
Afai e feitai tamaiti ia te oe mo le faia o tulafono, o le a se mea e te faamalamalama atu ia i latou?

Valaaulia tagata aoga e faasoa atu i se paga pe faapefea ona latou faatusatusaina lenei tulaga i poloaiga a le Tama Faalelagi mo i tatou.

Ona valaaulia lea o tagata aoga e tusi o latou lagona patino e uiga i le Atua ma Ana poloaiga i a latou api talaaga mo suesuega e faaaoga ai uunaiga e pei o nei. Atonu e te valaaulia ni nai volenitia e faasoa mai mea na latou tusia.
Aisea e te manatu ai e finagalo le Atua ia te oe lava ia, e tausi Ana poloaiga?
E faapefea ona e naunau e usitai i mea e finagalo ai le Atua, e tusa lava pe e te le malamalama i le mafuaaga o le poloaiga? Aisea?

O tagata i le taimi o Noa

Mafaufau e faaali atu le ata o Noa i le amataga o le lesona. Fai atu i tagata aoga e faasoa mai mea ua uma ona latou iloa e uiga i manatu faavae nei. Valaaulia i latou e faaaoga fuaitau fautuaina o mau pe a manaomia.

O le tulaga faaleagaga o tagata i ona po o Noa ma le mea na faia e le Atua o se taunuuga (tagai Mose 8:17, 20, 22, 28–29)
O le mea na poloaiina e le Atua ia Noa e fai e laveai ai e usiusitai (tagai Mose 7:43)

A o faaauau pea ona suesue tagata aoga, fautuaina i latou e saili le uunaiga a le Agaga Paia ia malamalama i le alofa o le Atua mo i tatou. O mea uma e faia e le Atua, e aofia ai le Lolo, e faaosofia e le alofa (tagai i le 2 Nifae 26:24). Fesoasoani i tagata aoga ia iloa na puapuagatia Iesu Keriso mo agasala a tagata o e na maliliu i le Lolo ina ia mafai ona latou aoao ma salamo i le lalolagi o agaga (tagai Mose 7:38–40; 1 Peteru 3:18–20). E le gata i lea, o le filifiliga a le Atua e auina mai le Lolo na puipuia ai isi Ana fanau agaga mai le fananau mai i tulaga matautia ma le amioleaga (tagai John Taylor, i le Journal of Discourses, 19:158–59).

O le aaa

Mafaufau e saunia se pepa mo ni vaega toalaiti o tagata aoga ma tuu atu ia i latou se taimi puupuu e faamaea faatasi ai le gaoioiga lenei. (Ia faaeteete e sefe le taimi pe a uma lenei gaoioiga mo tagata aoga e talanoaina ai mea ua latou aoaoina ma ia faatatau i ai i o latou olaga.)

Faitau le Kenese 6:14–22; 7:1–12, 23; 8:13–17, ma vaavaai mo mea o loo aoao mai e lenei tala e uiga i le Atua ma mea e mafai ona tatou aoao mai ia Noa.
Fai se ata faigofie o le mea na tupu.
Ia faaaofia i lau ata se tasi o mea na e aoaoina e uiga i le Atua ma se mea se tasi na e aoaoina mai le faataitaiga a Noa.

Valaaulia vaega e faaali ma faamatala atu a latou ata (e tusa lava pe lei uma) i se isi vaega. Ona valaaulia lea o vaega e faasoa mai i le vasega mea na latou aoaoina e uiga i le Atua ma mea na latou aoaoina mai le faataitaiga a Noa.

O se tasi o upumoni e ono faailoa mai e tagata aoga mai lenei tala o le, a o tatou usiusitai i le Alii i le faatuatua, o le a Ia faamanuiaina ma puipuia i tatou.

Mafaufau e faaali atu le faamatalaga lenei ma valaaulia vaega e faitau ma talanoaina pe faapefea ona faatatau ia i tatou i aso nei.

Na faasoa mai e Peresitene Spencer W. Kimball (1895–1985) nisi o mafuaaga na manaomia ai e Noa ma lona aiga le faatuatua ia Keriso e faataunuu ai le poloaiga e fau le vaa.

Ae i le taimi lea sa leai se faʻamaoniga o ni timuga ma lologa. Sa tauemu le nuu [o Noa] ma fai mai o ia o le vale. Na pa’u lana talaiga i ni taliga tutuli. O ana lapataiga sa manatulia e le faavaea. Sa leai se faata’imuaga; sa lei i ai lava se mautinoaga e faapea o se lologa [po o se lolo] e ono mafai ona ufitia ai le lalolagi. Maʻeu le valea o le fausiaina o se vaa i luga o le eleele matutu faatasi ai ma le susulu o le la ma le agai ai pea i luma o le olaga e pei ona masani ai! (Aoaoga a Peresitene o le Ekalesia: Spencer W. Kimball [2006], 140–41)

O a nisi o poloaiga a le Alii e le amanaia pe tauemu ai tagata i aso nei?
O le a se mea ua e iloa e uiga i le Atua ma Ana perofeta e mafai ona fesoasoani ia i tatou e usitai ai i le Alii e ui lava i mea faatauagai?

Valaaulia tagata aoga e faasoa mai poloaiga latou te talitonu o ni puipuiga alofa mai le Atua.

Usiusitai i le Atua i o tatou olaga

Mafaufau e faaali atu le faamatalaga lenei faatasi ai ma uunaiga o manatunatuga patino o loo i lalo.

Na faasoa mai e Peresitene Thomas S. Monson (1927–2018) se tasi o lesona aupito sili e mafai ona tatou aoaoina i o tatou olaga.

Sa i ai ia Noa le faatuatua le maluelue e mulimuli ai i poloaiga a le Atua. Se i o tatou faia ia faapena. Ia tatou manatua o le atamai o le Atua e foliga mai i nisi taimi faisoo o se mea faavalevalea i tagata; ae o le lesona sili lava e mafai ona tatou aoaoina i le olaga nei afai e fetalai mai le Atua ma tatou usiusitai, o le a tonu pea lava i tatou. (“O Faataitaiga e Mulimuli Ai,” Liahona, Nov. 2002, 61)

Faamaumau i lau api faamaumau mo suesuega:

E faapefea ona e lagona o le saunoaga a Peresitene Monson e faatatau i tulaga po o poloaiga i lou olaga.
O mea na e aoaoina pe lagonaina i le asō e uiga i le Tama Faalelagi ma Ana poloaiga.
O le mea e te talitonu e finagalo le Tama Faalelagi e te faia e mulimuli ai i le faataitaiga a Noa o le usiusitai faamaoni.

E mafai ona e faaiuina le lesona i le valaaulia o tagata aoga e maka le faataitaiga a Noa i le Kenese 7:5 ma fefaasinoai ma le faataitaiga a le Faaola i le muai olaga i le Mose 4:2. Mafaufau e molimau atu o le a faamanuia e le Atua au tagata aoga mo a latou taumafaiga faamaoni e mulimuli i le faataitaiga a le Faaola o le usiusitai.

Punaoa Faaopoopo

E mafai faapefea ona faatusatusa tulaga o le lalolagi i aso nei i se lolo?

Na faamalamalama mai e Peresitene Henry B. Eyring o le Au Peresitene Sili mea nei i faiaoga seminare ma inisitituti:

O le lalolagi o loo nonofo ai le autalavou ua televave ona suia. Pe a toe foi atu o latou uso ma tuafafine matutua e asiasi i aoga lava e tasi ma lotoa sa latou auai ai, latou te maua se siosiomaga o le ola mama ua matua eseese lava. O le gagana i alasavali o poletito ma potu o loka ua ’alu’alua. O laei ua faaitiitia le tauagafau. Ua matala mai ponokalafi i fafo i le laolao. E le gata ina faateleina le onosaia o le amioleaga, ae o le tele o mea sa ta’useseina ua le o toe tauemuina ma e mafai, e oo lava i o tatou talavou o le Au Paia o Aso e Gata Ai, ona faamemelo i ai. …

… Ua toatele [talavou], ua matua toatele naua, ua fai ane ia i latou lava: “… O le a ou alu faatasi ma tafega (taa’iga).”

Ia, ua avea nei le tafega ma se lolo ma o le a le pine ae avea ma se vaitafe tele. O le a avea ma vaitafe leoleoa ma ni vaaiga ma ni lagona e valaaulia ai faaosoosoga ma faatausuai ai i le Agaga o le Atua. (“E Ao ona Tatou Sii Ae a Tatou Vaaiga” Ensign, Setema. 2004, 14)

O le a se mea e mafai ona tatou aoao mai le teenaina e tagata o lapataiga a Noa?

Na fai mai Peresitene Henry B. Eyring o le Au Peresitene Sili:

O le isi mea sese o le talitonu e faapea o le filifiliga e talia pe le taliaina le fautuaga a perofeta e le sili atu nai lo le filifili ai pe talia fautuaga lelei ma maua ona faamanuiaga pe tumau ai pea i le mea o loo tatou i ai. Ae o le filifiliga e le talia ai fautuaga faaperofetaga ua suia ai foi le tulaga lava ua tatou tutu ai. O le a avea ma mea e matuai sili lava ona matautia. O le toilalo ai e taliaina fautuaga faaperofeta e faaitiitia ai lo tatou malosiaga e taliaina ai fautuaga musuia i le lumanai. O le taimi sili lava sa ao ona faia ai le faaiuga e fesoasoani ia Noa e fau le vaa o le taimi muamua lava na ia fai atu ai. O taimi uma sa ia fai atu ai i le mavae ai o lena taimi muamua, o taimi taitasi foi e le tali atu ai, e faaitiitia ai le lagonagofie o le Agaga. Ma o taimi uma lava sa foliga mai o lana talosaga sa sili atu ona faavalevalea, ina seia oo i le taimi ua sau ai le timu. Ae oo atu i lena taimi ua tuai. (“Finding Safety in Counsel,” Ensign, Me 1997, 25)

O le a le mea na avea ai le nuanua ma se faailoga ina ua mavae le Lolo?

O le “nuanua” o se faailoga o le a le toe faalolovaia lava e le Atua le lalolagi atoa (tagai Kenese 9:13–15). Ae, sa tele atu isi mea i le feagaiga na osia e le Atua ma Noa. O le Faaliliuga a Iosefa Samita e fesoasoani tatou te malamalama ai o loo faafouina e le Atua le feagaiga lava lea e tasi Na Ia faia ma Enoka (tagai Faaliliuga a Iosefa Samita, Kenese 9:21–25, i le faaopoopoga o le Tusi Paia). O lea feagaiga e e aofia ai se folafolaga e faapea, pe a usitai fanau a Noa i poloaiga uma a le Atua, o le a olioli le lagi ma o le a toe foi mai le aai o Siona a Enoka i le lalolagi.

O a fuataga [sa fuaina] mo le vaa?

Ua fuaina e tusitusiga paia le vaa i kupita. O le tasi le kupita e masani ona fuafua i le va o le 18 ma le 22 inisi (46 i le 56 senitimita.) Faapea la o le 18 inisi o le kupita lea e tasi, e mafai ona tatou fuaina faapea o le vaa pe tusa ma le 450 futu le umi (pe tusa ma le 138 mita), 75 futu le lautele (pe tusa ma le 23 mita), ma le 45 futu le maualuga (pe tusa o le 14 mita). Atonu e fesoasoani le faatatau o le telē o le vaa i se mea ua e masani ai. Mo se faataitaiga, o se malae soka faapolofesa e 330–360 futu le umi (pe tusa ma le 100–110 mita) ma le 210–240 le lautele (e tusa o le 64–73 mita). O le a umi atu le vaa nai lo se malae soka ae e tusa ma le tasi vaetolu le lautele.

Gaoioiga Faaopoopo e Aoao Ai

Se isi amataga

Ina ia fesoasoani i tagata aoga e taulai atu i le ala e mafai ai e le Faaola ma Lana talalelei ona puipuia i latou mai le amioleaga o aso e gata ai, mafaufau e amata le lesona i le faaali atu o le saunoaga muamua a Peresitene Eyring i le vaega “Punaoa Faaopoopo”. Fai atu i le vasega e faasoa mai o latou manatu e uiga i le faamatalaga lenei. Atonu latou te faasoa mai ni auala e faapei ai le amioleaga ma faaosoosoga latou te feagai e pei o se lolovai.

Valaaulia tagata aoga e saili musumusuga i aso nei mo mea e mafai ona latou faia e maua ai faamanuiaga a le Atua ma le puipuiga mai lologa faaonapo nei o le amioleaga ma faaosoosoga.

Kenese 6:14. “Puluti ai foi i le liu ma tua”

Atonu e manuia tagata aoga mai le suesueina o le auala e mafai ai e le Atua ona puipui i tatou mai faaosoosoga ma agasala o siomia ai i tatou. E mafai ona e valaaulia i latou e faitau ia faatonuga na tuuina mai e le Atua i perofeta nei e toalua e puipuia ai o latou aiga mai le vai ua ulu atu i o latou vaa. Ona valaaulia lea o tagata aoga e talanoa ma se paga i fesili o loo i lalo.

Noa – Kenese 6:14 (Manatua: O le pulu o se mea e pei o se ta e faaaoga mo le pulutiina o le vai.)
O Le Uso o Iareto – Eteru 2:17
- O le a sou manatu e mafai faapefea e faatonuga a le Atua i nei perofeta ona fesoasoani i se tasi o loo taumafai e taofia le agasala mai le ulu atu i o latou olaga?
- O a nisi o auala e mafai ai ona tatou “puluti ai foi [o tatou olaga] i le liu ma tua” e taofia ai le agasala mai le faamagotoina o i tatou?

E mafai foi ona e valaaulia tagata aoga e faitau le solo lenei, na siiina mai e Peresitene Boyd K. Packer (1924–2015) o le Korama a Aposetolo e Toasefululua. E mafai ona e tuu atu ia i latou e tusi le solo i a latou tusitusiga paia i talaane o le Kenese 6:14. Fai atu ia i latou e faasoa mai pe faapefea ona latou talitonu e faatatau i o latou olaga.

O vai uma i le lalolagi,

Po o le a lava le faigata na taumafai ai,

E le mafai ona goto ai le tamai vaa

Sei vagana ua [sao] i totonu.

Ma o mea leaga uma i le lalolagi,

O le ituaiga agasala e sili ona uliuli,

E le mafai lava ona tiga ai

Sei vagana ua e faatagaina i totonu.

E le mailoa le tusitala. Sii mai e Boyd K. Packer, “The Spirit of Revelation,” Ensign, Nov. 1999, 24)

Faatusa o le Lolo

Atonu e te manao e fesoasoani i tagata aoga e faataitai le malamalama i faatusa i tusitusiga paia e ala i le faia o faatusatusaga. E mafai ona e valaaulia tagata aoga e faatumu avanoa nei ma se paga.

“E mafai ona faatusatusa le Lolo i le papatisoga aua ___________.”

“O le vaa na fausia e Noa ua faamanatu mai ai ia te au Iesu Keriso ona_____________.”

Ona mafai lea ona e fai atu i tagata aoga e fatufatuai ma faasoa mai pe mafai faapefea e le tala ia Noa ma le vaa ona aoao i latou e uiga i soo se isi lava mataupu faavae o le talalelei e pei o le faatuatua, salamo, tapuaiga i le malumalu, galuega faafaifeautalai, perofeta, ma isi mea faapena.

E mafai ona e valaaulia tagata aoga e faasoa mai mea na latou aoaoina mai aoaoga a Iesu Keriso, o le na faatusatusaina le saunia mo le Lolo i ona po o Noa i le sauniuni ai mo le Afio Mai Faalua (tagai Mataio 24:36–39).