Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Mose 8: Mulimuli i le Faaola i se Lalolagi Amioleaga

“Mose 8: Mulimuli i le Faaola i se Lalolagi Amioleaga,” Tusi Lesona a le Faiaoga Seminare o le Feagaiga Tuai (2026)

“Mose 8: Mulimuli i le Faaola i se Lalolagi Amioleaga,” Tusi Lesona a le Faiaoga Seminare o le Feagaiga Tuai

Kenese 6–11; Mose 8: Lesona 19

Mose 8

Mulimuli i le Faaola i se Lalolagi Amioleaga

Jesus Christ walking along a path by a river. There are a number of sheep following him.

Na valaauina e le Alii ia Noa e avea ma perofeta i se taimi na faamatalaina ai tagata ua “nao le leaga e le aunoa” (Mose 8:22). E oo lava i le lotolotoi o le tele o le amioleaga, sa filifili lava Noa ma ona atalii e mulimuli ia Iesu Keriso. O lenei lesona e mafai ona fesoasoani i tagata aoga e mulimuli lelei atili ai i le Faaola e ui ina ola ai i se lalolagi amioleaga.

Sauniuniga a le tagata aoga: Valaaulia tagata aoga e mafaufau e uiga i luitau po o faigata latou te feagai i le mulimuli ia Iesu Keriso i le lalolagi i aso nei. Fai atu ia i latou e o mai saunia i le vasega e faasoa mai mea na fesoasoani ia i latou e faatoilalo ai le lalolagi ma mulimuli ia Iesu Keriso.

Gaoioiga E Ono Mafai Ona Aoao Ai

Ola i le lalolagi ae e le ni o o le lalolagi

Amata le vasega i le faaali atu i tagata aoga o se pakete vai ma se mea faitino mago laitiiti.

Pe mafai ea e se mea faitino ona tumau le mago pe afai e tuu i totonu o se pakete vai? E faapefea?

A uma ona maua e tagata aoga se avanoa e faasoa mai ai o latou manatu, tuu le mea faitino i se taga palasitika po o se koneteina ua faamauina, ma tuu i totonu o le pakete vai.
E mafai faapefea ona fesootai lenei lesona faatino i a tatou taumafaiga e tumau i le amiotonu i se lalolagi amioleaga?

Ina ia fesoasoani i tagata aoga e iloilo o latou tomai i le taimi nei e ola amiotonu ai i se lalolagi amioleaga, mafaufau e faaali atu faamatalaga nei. Valaaulia tagata aoga e mafaufau loloto pe faapefea ona moni ia faamatalaga taitasi mo i latou.

E faigata ia te au ona tetee atu i faatosinaga a le lalolagi ma mulimuli ia Iesu Keriso.

Ou te iloa le mea e mafai ona ou tapa i ai mo se fesoasoani e tumau faamaoni ai i se lalolagi amioleaga.

Ou te faaaluina le taimi i aso taitasi e saili ai e aoao atili e uiga ma mulimuli ia Iesu Keriso.

Faamanatu atu i tagata aoga o le a faaali mai e le Agaga Paia ia i tatou mea e tatau ona tatou faia (tagai i le 2 Nifae 32:5). Valaaulia tagata aoga e saili musumusuga ia iloa ai mea e mafai ona latou faia e tumau ai i le amiotonu i se lalolagi ua faateleina le amioleaga.

O se lalolagi amioleaga

Ina ua ave e le Alii ia Enoka ma lona nuu i le lagi (tagai Mose 7:69), sa nofo ai pea le atalii amiotonu o Enoka, o Metusela i le lalolagi (tagai Mose 8:2). O le atalii o le atalii o Metusela, o Noa, ma atalii e toatolu o Noa sa “savavali faatasi ma le Atua” (Mose 8:27), ae o le toatele o tagata o e sa nonofo ai pea i le lalolagi na filifilia le amioleaga.

Faaali faatonuga ma le siata lenei i luga o le laupapa. Valaaulia tagata aoga e tusi le siata i a latou api faamaumau mo suesuega. E mafai e tagata aoga ona faatumu le siata i vaega toalaiti.

Faitau le Mose 8:12–22, 28–29, ma vaavaai mo le tulaga faaleagaga o tagata i ona po o Noa.

Ona faailoa lea o mea e talitutusa ai tulaga faaleagaga i ona po o Noa ma tulaga tatou te vaaia i o tatou aso.

Tulaga Faaleagaga o le Toatele i Ona Po o Noa	O Mea e Talitutusa ai Aso o Noa ma o Tatou Aso

Valaaulia vaega e faasoa atu mea na latou maua i isi vaega. Fautuaina le vasega e faaopoopo mea na faasoa mai e a latou uo i le vasega i a latou lava siata.

Afai e manaomia e tagata aoga se fesoasoani, e mafai ona e faailoa atu mea e talitutusa ai e pei o nei:

1. E pei o afafine o fanau a Noa, o nisi tagata i aso nei ua le maua faamanuiaga ua ofoina mai e le Atua ia i latou e ala i le faaipoipoga e faavavau, ma le feagaiga (tagai fuaiupu 12–15).

2. O nisi tagata i aso nei ua tau faasaga i le perofeta ma teena lana fautuaga (tagai fuaiupu 18–20).

Toe iloilo le Mose 8:16–17 e vaai ai po o le a le mea na ta’u atu e le Alii ia Noa o le a tupu pe afai e le salamo tagata.

O le a le tele o le taimi na tuu atu e le Alii i tagata ia salamo ai?
O le a se mea ua aoao mai e lena mea ia i tatou e uiga i le natura o le Atua?

Mulimuli i le Faaola i se lalolagi amioleaga

Ina ia fesoasoani i tagata aoga ia lagona le faamoemoe e mafai ona latou mulimuli i le Faaola i se lalolagi amioleaga, mafaufau e valaaulia se tagata aoga e faitau le faamatalaga lenei.

Na faasoa mai e Peresitene Russell M. Nelson le auala e mafai ai ona faatoilaloina lenei lalolagi pa’ū:

Talu ai na manumalo Iesu Keriso i lenei lalolagi pa’ū, ma talu ai na Ia togiola mo i tatou taitoatasi, e mafai foi ona e faatoilaloina lenei lalolagi tumu i agasala, manatu faapito, ma e masani ona vaivai. (“Manumalo i le Lalolagi ma Maua le Malologa,” Liahona, Nov. 2022, 96)

O le a se mea o le a e faaaogaina mai le saunoaga a Peresitene Nelson e fesoasoani ai i se tasi e lagonaina le lofituina e le amioleaga o siomia ai i latou?

Tusi le faamatalaga le uma lenei o se upumoni i luga o le laupapa. Valaaulia tagata aoga e amata ona mafaufau i ni auala eseese e mafai ona latou faamaeaina ai.

E mafai ona ou filifili e mulimuli i le Faaola i se lalolagi amioleaga e ala i le …

O le filifili mai punaoa nei, fai se lisi i lau api talaaga o suesuega o mea e mafai ona tatou faia e mulimuli ai ia Iesu Keriso e ui lava i le amioleaga ma faaosoosoga o siomia ai i tatou.

A uma ua lava se taimi o vaega e suesue ai ma fatu ni lisi, mafaufau e tuu atu i vaega taitasi e tusi i luga o le laupapa se mea se tasi na latou maua e faauma ai le faamatalaga o le upumoni. Mo se faataitaiga, mai le Mose 8:13, 23–24, atonu e maua e tagata aoga le faalogo i le Alii ma Ana perofeta, talitonu ia Iesu Keriso, salamo, ma le osia feagaiga ma le Atua.

E mafai e ni nai tagata aoga ona faasoa mai pe aisea na taua ai mea na latou tusia ia i latou lava.

Mafaufau e faaali le vitio “Faasoa atu Lou Malamalama” (2:56), o loo maua i le ChurchofJesusChrist.org. I lenei vitio, ua mulimuli se tamaitai talavou i le Faaola e ui lava i filifiliga a isi na siomia o ia.

Mafaufau loloto i mea na e faia e fesoasoani ai ia te oe e faatoilalo le amioleaga o loo siomia ai oe. O nei faatinoga atonu o ni mea laiti ma faatauvaa e te faia e le aunoa, o sini sa e galue ai i le polokalama a Tamaiti ma le Autalavou, po o isi aafiaga.

O le a se mea ua e faia e fesoasoani ia te oe e mulimuli lelei atili ai i le Faaola ma faatoilalo ai le amioleaga o loo siomia ai oe?
Pe na i ai ni mea faalavefau sa e feagai ai i au taumafaiga? Afai o lea, o le a se mea na e faia pe e mafai ona e faia e faatoilalo ai na faafitauli? O le a sau fautuaga mo nisi tagata?

O la’u fuafuaga e mulimuli ia Iesu Keriso.

Fesoasoani i tagata aoga e mafaufau i auala e mafai ai ona latou mulimuli ia Iesu Keriso. E mafai ona e faia lenei mea e ala i le valaaulia o i latou e tali mai i fesili nei. E mafai ona e fautuaina tagata aoga e tusi a latou tali i se mea o le a latou vaai soo i ai pe faasoa atu foi a latou fuafuaga i uo faatuatuaina, tagata o le aiga, po o taitai o le Ekalesia. O nei fautuaga e mafai ona faamanatu ai i tagata aoga mea ua latou aoaoina ma mananao e fai.

O le a se mea ua musuia oe e fai i le asō?
O le a faapefea e le mulimuli ai i nei uunaiga ona faateleina lou gafatia e mulimuli i le Faaola ma manumalo ai i le lalolagi?

Mafaufau e faaiu i molimau a tagata aoga e uiga i mea sa latou aoaoina ma lagonaina i le asō ma e uiga i le ala e mafai ai e le mulimuli i le Faaola ona fesoasoani ia i latou e faatoilalo le lalolagi. E mafai foi ona e faasoa atu lau molimau.

Punaoa Faaopoopo

Mose 8:18. O le a le uiga o le “sa i le lalolagi o tagata maualuluga”?

O le igoa Eperu mo “tagata maualuluga” i le Kenese 6:4 ma le Mose 8:18 o le Nephilim, lea e sau mai le veape naphal, o lona uiga “ia pa’uu.” O le mea lea, atonu o i latou o tagata sa liliuese pe pa’uu ese mai le tapuaiga moni.

Mose 8:25. O le a le uiga o le “sa salamo ia Noa, ma sa tiga lona loto”?

O lenei fuaiupu o se aoaiga taua ma musuia i le Kenese 6:6, lea e faitauina faapea, “Ua salamo foi Ieova ina ua faia e ia tagata i le lalolagi, ma ua tiga ai lona finagalo.” O le upu Eperu o loo faaaogaina iinei, ma ua faaliliuina salamo i le Tusi Paia, o le nacham (naw-kham), o lona uiga “ia mapuea,” “ia faamalie atu,” po o le “ia alofa.”

E mafai faapefea e le faailoa atu i isi o mea ou te talitonu i ai ona fesoasoani ia te au e ola amiotonu ai i se lalolagi amioleaga?

Na faasoa mai Elder Peter F. Meurs o le Fitugafulu:

I lo’u aafiaga, o se ki i le ola ai i se lalolagi amioleaga o le faailoa atu lea i a tatou uo ma paaga faigaluega mea tatou te talitonu i ai. Ua puipuia ma malutia au i le tele o taimi e uo e iloa o au o se tagata o le Au Paia o Aso e Gata Ai ma iloa le mea ou te tu atu ai. (“Ola Amiotonu i se Lalolagi Amioleaga,” Liahona, Fep. 2018, 51)

E faapefea ona silasila mai le Atua i lo’u salamo faamaoni?

Na faamatala mai e Elder Dale G. Renlund o le Korama a Aposetolo e Toasefululua:

13:49

Pe a tatou iloa ua tatou o ese mai le ala, e mafai ona tatou tumau ai iina, a le o lena, ona o le Togiola a Iesu Keriso, e mafai ai ona tatou filifili ina ia toe liliu a tatou laa ma toe foi mai i luga [o le ala].

E tusa lava pe o le a le umi tatou te o ese ai mai le ala pe o le a foi le mamao na tatou oo i ai, o le taimi lava tatou te filifili ai ia suia, e fesoasoani mai le Atua ia tatou toe foi mai. Mai le silafaga a le Atua, o le salamo faamaoni ma le fetaomi atu i luma ma le tumau ia Keriso, pe a tatou toe foi mai i luga o le ala, o le a pei lava na tatou le’i o ese. Na totogi e le Faaola a tatou agasala ma faasaoloto i tatou mai le foufou faaitiitia o le fiafia ma faamanuiaga. (“Ina Filifili Ia o Outou i le Aso Nei,” Liahona, Nov. 2018, 106)

Gaoioiga Faaopoopo e Aoao Ai

Mulimuli i le Faaola

E mafai e tagata aoga ona suesue i nisi o vaega o le Mo le Malosi o le Autalavou: O Se Taiala mo le Faia o Filifiliga e faailoa mai ai mataupu faavae e mafai ona taiala ai i latou e filifili Iesu Keriso. E mafai ona e faaaogaina lenei mea o se manatu faaopoopo mo suesuega faatasi ai ma le pepa e tufa atu o le lesona.

E faataunuu e le Alii Ana feagaiga

Ina ia fesoasoani i tagata aoga ia iloa se faataitaiga o le ala e faataunuu ai e le Alii Ana feagaiga ma Ana fanau, e mafai e tagata aoga ona faitau le Mose 7:50–52, ma vaavaai mo mea na folafola mai e le Alii (tagai fuaiupu 52). Pe a manaomia, faamalamalama atu na aveina e le Alii le nuu o Enoka i le lagi ona o le amiotonu o tagata (tagai Mose 7:69). Ona mafai lea ona e faitauina le Mose 8:1–2 e iloa ai pe na faapefea ona faataunuu e le Alii Lana folafolaga. (E lei aveina e le Alii i le lagi se tagata amiotonu e igoa ia Metusela ina ia mafai ai ona fanau mai Noa o se vaega o augatupulaga o Enoka.)

E mafai ona e valaaulia tagata aoga e faasoa mai pe na faapefea ona latou vaaia le faataunuuina e le Alii o Ana folafolaga ia i latou i o latou olaga. E mafai foi ona e valaaulia tagata aoga e faitau le Mataupu Faavae ma Feagaiga 1:38 ma fesootai i le Mose 8:1–2.

Filifiliga o le vitiō

Mafaufau e faasoa atu le vitio “Lototele e Tu Toatasi” (4:20) e fesoasoani ai i tagata aoga e vaai i faataitaiga o tagata taitoatasi o loo mulimuli ia Iesu Keriso i le lalolagi i aso nei.

4:20