Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Mose 6:47–68: “O Le Ata Lenei o le Faaolataga”

“Mose 6:47–68: ’O Le Ata Lenei o le Faaolataga,’” Tusi Lesona a le Faiaoga Seminare o le Feagaiga Tuai (2026)

“Mose 6:47–68: ’O Le Ata Lenei o le Faaolataga,’“ Tusi Lesona a le Faiaoga Seminare o le Feagaiga Tuai

Kenese 5; Mose 6: Lesona 14

Mose 6:47–68

“O Le Ata Lenei o le Faaolataga”

O Iesu Keriso o loo i le totonugalemu o le fuafuaga o le faaolataga a lo tatou Tama Faalelagi. Ua Ia valaaulia tagata uma ia o mai ia te Ia e ala i le ola ai i Lana mataupu faavae. O lenei lesona e mafai ona fesoasoani i tagata aoga ia malamalama i le ala e o mai ai ia Iesu Keriso ma maua faamanuiaga e na o Ia ma Lona Tama e mafai ona ofoina mai.

Sauniuniga a le tagata aoga: Valaaulia tagata aoga e fesili i se tagata o le aiga po o se uo pe aisea e taua ai Iesu Keriso ia i latou ma pe o le a le uiga ia i latou o le o mai ia te Ia.

Gaoioiga e ono Mafai ona Fai e Aoao Ai

O Mai ia Keriso

Mafaufau e faaali atu se ata o Iesu Keriso, e pei o lea o loo maua i le amataga o le lesona. Ona faasoa atu lea o le tulaga faataitai lenei.

Vaai faalemafaufau e i ai sau uo o loo faaleiloaina lelei Iesu Keriso. Ua fesili atu lau uo ia te oe po o ai Iesu Keriso ma pe aisea e taua ai o Ia ia te oe.

Tuuina atu se taimi i tagata aoga e mafaufau pe faapefea ona latou tali atu. Ona valaaulia lea o i latou e faasoa mai o latou manatu i vaega toalaiti po o le vasega.

Afai na o sina taimi itiiti lava e te tali atu ai, o le a se mea e te manao e iloa e lau uo e uiga ia Iesu Keriso? Aisea?

Faamanatu i tagata aoga le valaau a Enoka e talai atu le salamo i se vaega o ni tagata amioleaga (tagai Mose 6:27–29). Faamalamalama atu o le lesona o le asō o le a taulai atu i ana aoaoga i na tagata. O le savali a Enoka na taulai atu i lo tatou manaomia o Iesu Keriso ma le ala e mafai ai ona tatou o mai ia te Ia.

Ina ia fesoasoani i tagata aoga e toe manatunatu i lo latou manaomia o le Faaola, mafaufau e faaali atu faatonuga nei ma tuu atu i tagata aoga se taimi e iloilo le leoa ai i latou lava e fua i faamatalaga taitasi.

O le faaaogaina o se fua faatatau o le 1 (e le moni [e uiga] ia te au) i le 5 (moni [e uiga] ia te au), iloilo oe lava e faaaoga ai faamatalaga nei:

Ou te iloa le mafuaaga ou te manaomia ai se Faaola.
Ua ou malamalama i le auala e mafai ona ou sau ai ia Iesu Keriso.
Ou te fia sau i le taimi nei ma mulimuli ia Iesu Keriso.

Po o le a lava le auala e te iloiloina ai oe lava, e finagalo le Faaola ia e sau ia te Ia ma maua faamanuiaga e na o Ia e mafai ona ofoina atu ia te oe. A o e suesue i upu a le perofeta o Enoka i le asō, ia gauai atu i uunaiga mai le Agaga ina ia malamalama atili ai pe aisea e te manaomia ai le Faaola ma pe mafai faapefea ona e sau ia te Ia.

Ua aoao e Enoka lona nuu

Ina ia fesoasoani i tagata aoga e aoao mai aoaoga a Enoka i le Mose 6, mafaufau e kopi le siata lea i luga o le laupapa. E mafai foi e tagata aoga ona kopi le siata i a latou apitalaaga mo suesuega. Fai atu i tagata aoga e suesue i fuaiupu. Tofi le afa o le vasega e vaavaai pe aisea tatou te manaomia ai se Faaola. O le isi afa e mafai ona vaavaai pe faapefea ona tatou o mai ia Keriso. A o suesue le vasega, atonu e te manao e savalivali solo ma fesili i le vasega pe i ai ni upu po o ni fasifuaitau latou te manaomia le fesoasoani e malamalama iai. E mafai ona fesoasoani mea nei i le vasega e malamalama ai i le fuaiupu 59:

E avea i tatou o e fananau mai i la le Agaga e ala i le mauaina o le meaalofa o le Agaga Paia (tagai i Autu ma Fesili, “Taiala Suesue o le Talalelei: “Meaalofa o le Agaga Paia,” Potutusi o le Talalelei).
O le faapaiaina o lona uiga o le “tuusaolotoina mai le agasala, atoatoa, mama, ma paia e ala i le Togiola a Iesu Keriso” (Taiala i Tusitusiga Paia, “Faapaiaina” Gospel Library).

O aoaoga a Enoka e uiga i le o mai ia Keriso: Mose 6:48–52, 57–59

Ou te manaomia se Faaola ona …	E mafai ona ou sau ia Keriso e ala i le …

A uma ona faatumu e tagata aoga la latou afa o le siata, tuu atu ia i latou se avanoa e talanoaina ai mea na latou maua. E mafai ona latou faia lenei mea e ala i le faatumuina o le siata i luga o le laupapa o se vasega po o le faasoa atu o mea sa latou aoaoina ma se paga.

O le a se mea na e aoaoina mai nei fuaiupu e uiga i le mafuaaga tatou te manaomia ai se Faaola?

O tagata aoga o e taulai atu i le mafuaaga tatou te manaomia ai se Faaola e mafai ona faasoa mai upumoni e pei e na o Iesu Keriso e mafai ona tatou maua ai faamanuiaga o le faaolataga (fuaiupu 52); e manaomia e tagata uma i soo se mea ona salamo (fuaiupu 49–50, 57); e leai se mea le mama e mafai ona mau i le malo o le Atua (fuaiupu 57). E mafai ona e valaaulia tagata aoga e tusi upumoni na latou maua i le siata i luga o le laupapa.
O a mea na aoao mai e nei fuaiupu ia te oe e uiga i faatinoga patino e mafai ona e faia o le a fesoasoani e te sau ai ia Iesu Keriso?

O tagata aoga o e taulai atu i auala e mafai ona tatou o mai ai ia Keriso e mafai ona tusia mea na latou maua i luga o le laupapa. O a latou tali e mafai ona aoteleina i se upumoni e peitatou te o mai ia Keriso a o tatou faalogo atu i le siufofoga o le Faaola, talitonu ia te Ia, salamo i a tatou agasala , papatisoina, ma maua le meaalofa o le Agaga Paia.

Atonu e fesoasoani le faamalamalama atu faapea, o nisi taimi e faatatau ai tusitusiga paia i lenei faagasologa o le “mataupu faavae a Keriso” (2 Nifae 31:2–21), o le aoaoga faavae a le Faaola (tagai 3 Nifae 11:31–40), po o le talalelei a le Faaola (tagai 3 Nifae 27:13–22). Mafaufau e valaaulia tagata aoga e faitau le Mose 6:62 e vaai ai i se isi faaupuga na faaaoga e le Tama Faalelagi e faamatala ai lenei faagasologa. E mafai ona e valaaulia tagata aoga e faasoa mai mea o loo latou makaina e uiga i le matafaioi a Iesu Keriso i le ata o le faaolataga a le Tama Faalelagi.
O le a sau tala e fai atu i se tasi e taumanatunatu pe aoga le taumafaiga e sau ai ia Keriso?

I le avea ai ma se vaega o la outou talanoaga o le fesili talu ai, atonu e aoga mo tagata aoga le suesue o nisi po o fuaiupu uma nei, ma vaavaai mo faamanuiaga e mafai ona tatou maua pe a tatou o mai ia Iesu Keriso: Mataio 11:28–30; 2 Nifae 31:21; 3 Nifae 19:13–14; Eteru 12:27; Moronae 10:32–33. E mafai foi ona e mafaufau e valaaulia tagata aoga e faasoa mai faamanuiaga na latou maua a o latou faia ni taumafaiga e o mai ia Iesu Keriso.

Faataitai le malamalamaaga

Valaaulia tagata aoga e tagai i le tulaga faataitai ma a latou uo mai le amataga o le lesona. Ina ia faataitai ona faamalamalama atu mea sa latou aoaoina, e mafai e tagata aoga ona faasoa mai a latou tali i fesili nei i ni vaega toalaiti.

E faavae i mea ua e aoaoina ma lagonaina i le asō, faamalamalama atu le mea lenei i lau uo i se auala o le a faigofie ai mo i latou ona malamalama i ai:

Aisea tatou te manaomia ai Iesu Keriso?
O le a se mea e mafai ona tatou faia e o mai ai ia te Ia?

Mafaufau e faaiu le lesona i le valaaulia o tagata aoga e tusifaamaumau manatu po o uunaiga faaleagaga na latou maua ia latou api talaaga mo suesuega. E mafai ona e faasoa atu mea ua e aoaoina e uiga i le manaomia o Iesu Keriso ma molimau atu i le ala ua faamanuiaina ai lou olaga i le o mai ai ia te Ia.

O Punaoa Faaopoopo

O le a le taua o le valaau a le Faaola ina ia o mai ia te Ia?

Sa aoao mai e Peresitene Henry B. Eyring o le Au Peresitene Sili:

O upu “o mai ia Keriso“ o se valaaulia. O le valaaulia sili lea ona taua e mafai ona e ofoina atu i se isi tagata. O le valaaulia sili lea ona taua e mafai ona talia e soo se tasi. (“O Mai ia Keriso,” Ensign, Mati 2008, 49)

E mafai faapefea e le mataupu faavae a Iesu Keriso ona fesoasoani ia i tatou e o atu ia te Ia?

Na faamatala mai e Elder Dale G. Renlund o le Korama a Aposetolo e Toasefululua:

“Matou te talitonu e ala i le Togiola a Keriso, e mafai ai ona faaolaina tagata uma, e ala i le usiusitai i tulafono ma sauniga o le Talalelei” (Mataupu Faavae o le Faatuatua 1:3). E mafai e tagata taitasi ona o mai atoatoa ia Iesu Keriso i le tau lava o le taliaina o le talalelei toefuataiina. Tatou “te talia le talalelei toefuataiina e ala i le faatuatua ia Iesu Keriso ma Lana Togiola, salamo, papatisoga, mauaina o le meaalofa o le Agaga Paia, ma tumau ai e oo i le iuga” [Tala’i La’u Talalelei: O Taiala i Auaunaga Faa-Misionare (2004), 1].

O le feau tuufaatasi lenei a le Tama ma le Alo. Ua laua finagalo i fanau uma a le Tama Faalelagi e mulimuli i le mataupu faavae a Keriso. (“O Le Meaalofa Matagofie o le Faamanatuga,” Liahona, Auk. 2018, 20)

E mafai faapefea e le mataupu faavae a Keriso ona fesoasoani ia te au?

Na faasoa mai Peresitene Russell M. Nelson:

5:27

O le mataupu faavae mamā a Keriso e mamana tele. E suia ai le olaga o tagata uma e malamalama i ai ma saili e faatino i lona olaga. E fesoasoani le mataupu faavae a Keriso ia i tatou e saili atu ma tumau i luga o le ala o feagaiga. O le tumau ai i luga o lena ala vaāpiāpi ae ua manino lona alafua, o le a iu ina faaagavaaina ai i tatou e maua mea uma ua i ai i le Atua. E leai se mea e sili atu ona taua i lo mea uma ua i ai i lo tatou Tama! (“Upumoni Mamā, Mataupu Faavae Mamā, ma Faaaliga Mamā,” Liahona, Nov. 2021, 6)

Gaoioiga Faaopoopo e Aoao Ai

O se malamalama loloto atu i le mataupu faavae a le Faaola

E mafai e tagata aoga ona faalolotoina lo latou malamalama i le mataupu faavae a Keriso e ala i le filifilia o se vaega se tasi o le mataupu faavae e suesue atili i ai. E mafai ona latou suesue i le vaega talafeagai i itulau 6–9 o le Tala’i La’u Talalelei: O Se Taiala i le Faasoaina Atu o le Talalelei a Iesu Keriso (2023). A o suesue ai, e mafai ona latou tali atu i fesili nei:

O le a le uiga ia te oe o le vaega lenei o le mataupu faavae a Iesu Keriso?
E mafai faapefea ona fesoasoani ia te oe e alu atu ai ia Keriso?
E mafai faapefea ona fesoasoani ia te oe e avea ai e faapei o le Tama Faalelagi?

Ona mafai lea ona e faaali atu se vitio se tasi po o kilipi uma nei e lua mai le “Trusting the Doctrine of Christ,” o loo maua i le ChurchofJesusChrist.org. Na faasoa mai e Elder Evan A. Schmutz o le Fitugafulu le ala e mafai ai e le faatuatuaina o le mataupu faavae a Keriso ona suia le ala tatou te ola ai i o tatou olaga (faailo taimi 3:41 i le 5:33). Ona ia faamatala mai lea o le ala na tuu atu ai e le ulugalii faaipoipo o Travis ma Kacie lo la faatuatuaga ia Iesu Keriso e ui lava i luitau la te feagai (faailo taimi 6:02 i le 8:26).

10:31

Mose 6:59. Fanau mai faaletino ma le toefanauina faaleagaga

E mafai e tagata aoga ona aoao e uiga i le faagasologa o le toefanauina faaleagaga e ala i le faatusatusaina i le fanau mai faaletino.

Valaaulia tagata aoga e faitau le Mose 6:59 ma faailoa mai elemene e tolu (vai, Agaga, toto) e taua i le fanau mai faaletino ma le faaleagaga.

Valaaulia se tagata aoga e faitau le Mose 6:60, ma fesili atu:

O le a le matafaioi a nei elemene taitasi i le faagasologa o le toefanauina?

Ina ia fesoasoani i tagata aoga e tali lenei fesili, e mafai ona e faitau le faamatalaga lenei a Elder Bruce R. McConkie (1915–85) o le Korama a Aposetolo e Toasefululua:

“I le fanau mai i la le tino uma e lilofia le tamaitiiti i le vai i le manava o le tina. I le taimi ua faatulagaina e ulu ai le agaga i le tino, ma e tafe e le aunoa le toto i alatoto o le tagata fou. A le o lea, a aunoa ma mea nei, e leai se ola, leai se fanau mai, leai se ola i la le tino.

I fanauga uma i totonu o le malo o le lagi, e faatofu le pepe faatoa fanau mai ia Keriso i le vai, na te maua le Agaga Paia e ala i le faaee atu o lima, ma o le toto o Keriso e faamamaina ai o ia mai agasala uma. A leai, a aunoa ma nei mea taitasi, e leai se fanau mai i la le Agaga, leai se ola fou, leai se faamoemoe o le ola e faavavau. (O Se Molimau Fou mo Mataupu Faavae o le Faatuatua [1985], 288)

Mose 6:63. “Ua molimau mea uma ia te a’u“

Ina ia fesoasoani i tagata aoga ia iloa pe faapefea ona molimau mea uma ia Iesu Keriso, e mafai ona e fai atu ia i latou e faitau le Mose 6:63. Ona mafai lea ona e fai atu i tagata aoga e faasoa mai mea o loo molimau mai e uiga ia Iesu Keriso i o latou olaga.

Manatua: Afai na e faaaogaina tele le Mose 6:63 i le Lesona 7: “Kenese 1:1–25” e aoao atili ai e uiga ia Iesu o le Foafoa, e mafai ona e filifili e aua nei faaaogaina iinei.

Vitio

A o sauniuni le vasega e talanoaina pe aisea e aoga ai le o mai ia Iesu Keriso, e mafai ona e valaaulia i latou e matamata i le “O Mai ia Keriso: Pese o le Autu 2014“ (4:48).

4:48