Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Mose 4:1–4: “Ia Faia Lou Finagalo, ma e A Oe Pea le Mamalu e Faavavau”

“Mose 4:1–4: ‘Ia Faia Lou Finagalo, ma e A Oe Pea le Mamalu e Faavavau,’” Tusi Lesona a le Faiaoga Seminare o le Feagaiga Tuai (2026)

“Mose 4:1–4: ‘Ia Faia Lou Finagalo, ma e A Oe Pea le Mamalu e Faavavau,’” Tusi Lesona a le Faiaoga Seminare o le Feagaiga Tuai

Kenese 3–4; Mose 4–5: Lesona 10

Mose 4:1–4

“Ia Faia Lou Finagalo, ma e A Oe Pea le Mamalu e Faavavau”

O Iesu Keriso o loo foafoaina le lalolagi

I le muai olaga, sa filifilia ai e le Tama Faalelagi Iesu Keriso e avea ma Faaola i Lana fuafuaga. E usitai pea lava pea Iesu Keriso i le finagalo o le Tama Faalelagi, e tusa lava pe faigata. O lenei lesona e mafai ona fesoasoani i tagata aoga ia iai le manao e mulimuli i le faataitaiga a Iesu Keriso o le usitai i le Tama Faalelagi.

Sauniuniga a le tagata aoga: Valaaulia tagata aoga e mafaufau e uiga i tagata latou te iloa o a latou faataitaiga ua musuia ai i latou ia usiusitai atili i le Tama Faalelagi. Valaaulia i latou e o mai sauniuni e faasoa.

Gaoioiga e ono Mafai ona Fai e Aoao Ai

Faia o le finagalo o le Tama Faalelagi

Ina ia amata le vasega, mafaufau e faasoaina atu se taimi na finagalo ai le Tama Faalelagi i se talavou e fai se mea faigata. E mafai ona avea lenei mea o se aafiaga patino po o se aafiaga na e faalogo i ai. O le tala lenei o se tasi lea o faataitaiga e mafai ona e faaaogaina. Valaaulia tagata aoga e mafaufau i taimi na latou maua ai ni lagona faapea.

Sa faasoa mai e Brother M. Joseph Brough, sa avea muamua ma se tasi o le Au Peresitene Aoao o Alii Talavou, le tala lenei e uiga i lona afafine:

9:51

Tagata talavou e, e manaomia e le Atua mea faigata mai ia te outou. O se tasi o tamaitai talavou e 14 tausaga sa auai i tauvaga pasiketipolo. Sa ia moemiti i le taalo pasiketipolo i le aoga maualuga e pei o lona uso matua. Ona ia iloaina lea ua valaauina ona matua e pulefaamalumalu i le misiona i Kuatemala.

I le taunuu atu, sa ia iloaina ai o nisi o ana vasega e faaSipaniolo, o se gagana na te lei tautala ai lava. Sa leai ma se ‘au taalo e tasi a teine i lana aoga. Sa nofo o ia i le fogafale lona 14 o se fale e matuai malupuipuia lava. Ma o le mea silisili o na mea uma, sa le mafai ona ia alu na o ia i fafo mo mafuaaga o le saogalemu.

Sa faalogo ona matua i lona tagi ma moe i po uma mo le tele o masina. (“Ea i Luga Lou Ulu ma Olioli,” Liahona, Nov. 2018, 14)

Ana faapea sa e i ai i le tulaga o lenei tamaitai talavou, mata o le a se mea e sili ona faigata mo oe?

Manatunatu i fesili nei:

O le a se mea faigata na manaomia pe ono manaomia e le Atua mai ia te oe?
E faapefea ona e naunau e fai lenei mea faigata? Aisea?
O le a se mea e te manao e aoao pe lagonaina i lenei lesona e mafai ona fesoasoani ia te oe ia naunau atili ai e fai mea e finagalo ai le Atua?

A o suesue e tagata aoga le Mose 4:1–4, o le a latou aoao ai e uiga ia Iesu Keriso ma Lona naunau e faia mea faigata e finagalo ai le Tama Faalelagi. Fautuaina le vasega e saili le fesoasoani a le Agaga Paia ia iloa pe mafai faapefea e le faataitaiga a le Faaola ona fesoasoani ia i latou i mea faigata e mafai ona finagalo le Atua ia i latou e fai.

O le uiga o Keriso

Atonu e te manao e faamalamalama atu le faamatalaga o loo i le parakalafa lenei e fesoasoani ai i tagata aoga ia malamalama i le faatatauga o le fuaitau o le a latou suesueina i le aso.

Sa tatou ola i le muai olaga faatasi ma lo tatou Tama Faalelagi. A o i ai iina, sa aoaoina i tatou i Lana fuafuaga e fesoasoani ia i tatou ia avea faapei o Ia. O leMose 4:1–4 o loo i ai se tala o le Fono i le Lagi ina ua filifilia Iesu Keriso e avea ma o tatou Faaola. I nei fuaiupu, tatou te vaai ai i uiga o Iesu Keriso ma Satani a o laua tali atu taitoatasi i le finagalo o le Tama Faalelagi i ni auala eseese.

Atonu e te mafaufau e fai se siata faigofie e pei o lea i luga o le laupapa e fesoasoani ai i tagata aoga ia iloa manino ai eseesega i le va o Iesu Keriso ma Satani.

Iesu Keriso	Satani

Faitau le Mose 4:1–4, ma vaavaai mo mea e mafai ona e aoaoina e uiga i faamoemoega ma uiga faaalia o Iesu Keriso ma Satani.

Valaaulia tagata aoga e tusi o latou manatu i luga o le laupapa ma talanoaina mea sa latou aoaoina. (Atonu e ta’ua e tamaiti pe faafia ona faaaoga e Satani le upu “O a’u” ma lona manao ia maua le mamalu. I se faatusatusaga, atonu latou te maitauina le faaaogaina e le Faaola o le upu “lou/lau” ma Lona finagalo mo le mamalu e avea ma ā le Tama ia. Atonu e maitauina e tagata aoga le ala na “fouvale ai Satani” i le Tama ma “saili e faaumatia le faitalia a le tagata.” I se faatusatusaga, atonu latou te faailoa mai le finagalo o le Faaola e usitai i le finagalo o le Tama ma talia le fuafuaga a le Tama.)

O a mea o aoao ai oe mai nei fuaiupu e uiga i le sootaga a Iesu Keriso ma Lona Tama?

O se tasi o upumoni e ono faailoa mai e tagata aoga i le taimi o le talanoaga o le usitai ai ma le lotomaualalo o Iesu Keriso i lo tatou Tama oi le Lagi.

O tala nei e uiga i le Faaola e mafai ona fesoasoani i tagata aoga e aoao ai mai Lana faataitaiga. Fesoasoani i tagata aoga ia malamalama o le aoao atili e uiga i le usiusitai o le Faaola i le Tama, tusa lava pe sa faigata, e mafai ona faateleina ai lo tatou manao e mulimuli i Lana faataitaiga.

Faitau tala nei, ma vaavaai mo le finagalo faifai pea o Iesu Keriso e usitai i le Tama Faalelagi, e tusa lava pe sa faigata.

Luka 2:49 (a o 12 ona tausaga)
Ioane 8:28–29 (o se tagata matua)
Mataio 26:36–39 (i le Faatoaga o Ketesemane)
3 Nifae 11:10–11 (o se tagata toetu)

Talanoaina ma tagata aoga mea ua latou aoaoina e uiga ia Iesu Keriso mai nei faataitaiga. Ona valaaulia lea o i latou e faasoa mai isi faataitaiga mai le soifuaga o le Faaola ina ua Ia usitai ma le lotomaualalo i le finagalo o le Tama.

Valaaulia tagata aoga e toe mafaufau i le mea faigata i o latou olaga sa latou mafaufau i ai i le amataga o le vasega. Ina ia fesoasoani ia i latou e faafesootai mea ua latou aoaoina e uiga ia Iesu Keriso i o latou olaga, fai atu fesili e pei o nei:

O le a le fetalaiga po o se mea na faia e Iesu Keriso e mafai ona musuia ai se tasi e filifili e usitai i le Tama Faalelagi, e tusa lava pe faigata?
O ai e te iloaina o se faataitaiga lelei o le usitaia o le finagalo o le Tama Faalelagi? O le a se mea ua e aoaoina mai lana faataitaiga?
O le a se mea e faaosofia ai oe e usitai i le finagalo o le Tama Faalelagi, e tusa lava pe faigata?

O le mulimulitai ai i le faataitaiga a Iesu Keriso

O le tamaitai talavou mai le tala i le amataga o le lesona o le afafine o Uso Brough. Afai na e faasoaina le tala a lona afafine, ta’u i le vasega e faapea sa feagai o ia ma le lototoa i le tolu tausaga na auauna atu ai ona matua o ni taitai misiona i Kuatemala.

Faasoa atu le faaauauga lenei o lana tala, valaaulia tagata aoga e vaavaai mo uiga faaKeriso latou te vaaia i lana faataitaiga. Afai na e faasoaina se tala e ese mai i le amataga o le vasega, mafaufau e faasoa atu se tulitatao, e pei o le faaiuga o le tala po o se isi aafiaga i le olaga o le tagata lava e tasi. Valaaulia tagata aoga e vaavaai mo uiga faaKeriso i lena tagata.

Sa faaauau le saunoaga a Brother Brough:

9:51

I le faaiuga o le ma misiona, sa ou fesili i lo’u afafine pe alu e auauna atu i se misiona faafaifeautalai. O lana tali o le “Leai Tama, ua uma ona ou auauna atu.”

Sa ou fiafia i lena mea! Ae pe a ma le ono masina mulimuli ane, na fafaguina a’u e le Agaga i le po ma lenei manatu: “Ua ou valaauina lou afafine e auauna atu i se misiona.”

O la’u tali e faapea “Tama Faalelagi, ua tele mea ua ia tuuina atu.” Sa vave ona faasa’oina a’u e le Agaga ma ou iloa ai sa manaomia e le Alii lana auaunaga faafaifeautalai.

Sa ou aveina lo’u afafine mo se ‘aiga o le aoauli. Mai le isi itu o le laulau, sa ou fai atu i ai, “Ganzie, e te iloa le mafuaaga ua ta i ai iinei?”

Sa fai mai o ia “Ioe, Tama. E te iloa e tatau ona ou alu i se misiona. Ou te le fia alu, ae o le a ou alu.”

Talu ai sa ia tuuina atu lona loto i le Tama Faalelagi, sa ia auauna atu ia te Ia ma lona loto atoa, manatu, mafaufau, ma le malosi atoa. Sa ia aoao atu i lona tama le ala e faia ai se mea faigata. (“Sii i Luga Lou Ulu ma Olioli,” Liahona, Nov. 2018, 14)

Mafaufau i fuaiupu e te faitau i ai e uiga ia Iesu Keriso i le asō. Na faapefea ona mulimuli lenei tamaitai talavou i Lana faataitaiga?

I lau api talaaga mo suesuega, tusi ai se tali i fesili nei e lua, ia e gauai atu i mafaufauga po o uunaiga mai le Agaga:

O le a se mea ua e aoaoina i le aso e uiga ia Iesu Keriso lea e mafai ona fesoasoani ia te oe e usitai ai i le Tama Faalelagi, e tusa lava pe finagalo e te faia ni mea faigata?
O le a se mea ua uunaia oe e fai ona o mea na e aoaoina ma lagonaina i le asō?

Molimau atu i le faataitaiga a Iesu Keriso ma Lona gafatia e fesoasoani ai ia i tatou e faia mea ua poloaiina ai i tatou e le Atua.

O Punaoa Faaopoopo

Na faapefea ona ese le manao o Satani mai le fuafuaga a le Tama Faalelagi?

Na aoao mai Elder D. Todd Christofferson o le Korama a Aposetolo e Toasefululua e faapea:

O lenei mea sa lē na o se tulaga o le lagolagoina e Iesu o le fuafuaga a le Tamā ma le fautuaina atu e Lusifelo sina fetuutuunaiga laitiiti. O le talosaga a Lusifelo na semanu e faaumatia ai le fuafuaga e ala i le aveesea o o tatou avanoa e galulue taitoatasi ai. O le fuafuaga a Lusifelo na faavaeina i le fai faamalosi, e faia ai isi atalii ma afafine uma o le Atua—o i tatou uma lava—o ana papeti moni lava. …

Ma ia tatou manatua, sa lei ofo atu Satani e avea ma o tatou faaola. Sa le fia puapuagatia o ia pe oti mo se isi. Sa ia le fia faamaligiina sona toto. Sa manao o ia i le viiga, mamalu, ma le mana o le Atua e aunoa ma le totogiina o se tau. (“O Se Savali i le Kerisimasi” [Brigham Young University devotional, Dec. 12, 2017], 3, 4, speeches.byu.edu)

O a eseesega i le va o faamoemoega ma manaoga o Satani ma Iesu?

Na faasoa mai e Elder Dale G. Renlund o le Korama a Aposetolo e Toasefululua le mea lenei i lana saunoaga “Filifili Ia Outou i le Asō” ( Liahona, Nov. 2018, 104–105):

13:49

Aisea e matuai taua ai le faitalia i le fuafuaga a le Atua?

Na saunoa mai Elder Robert D. Hales (1932–2017) o le Korama a Aposetolo e Toasefululua:

O la tatou faitalia—lo tatou gafatia e filifili ma faatino ai mo i tatou lava—o se elemene taua o lenei fuafuaga. A aunoa ma le faitalia, o le a le mafai ona tatou faia ni filifiliga sao ma alualu ai i luma. Ae peitai, o le faitalia o le a tatou faia ai foi ni filifiliga sese, fai le agasala, ma o le a le maua ai le avanoa e toe faatasi ai ma le Tama Faalelagi. Ona o lenei mafuaaga, o le a tuuina mai ai se Faaola e puapuagatia mo a tatou agasala ma faamagaloina i tatou, pe a tatou salamo. E ala i Lana Togiola lē i’u, ua Ia faataunuuina ai “le fuafuaga o le alofa mutimutivale, e faamalie ai manaoga o le faamasinoga” [Alma 42:15]. …

E ui “na faaosoosoina o Ia i mea uma pei o i tatou” [Hebrews 4:15], ma i filifiliga ma faatinoga uma lava na Ia faaaogaina ai le faitalia e avea ma o tatou Faaola—ina ia tatalaina mo i tatou noataga o le agasala ma le oti. Ma e ala i Lona soifuaga atoatoa, na Ia aoaoina ai i tatou pe a tatou filifili e fai le finagalo o lo tatou Tama Faalelagi, o le a faasaoina la tatou faitalia, faateleina o tatou avanoa, ma tatou alualu ai i luma. (“Filifiliga: E Taua i le Fuafuaga o le Olaga,” Liahona, Nov. 2010, 24–25)

Gaoioiga Faaopoopo e Aoao Ai

O Le Fono i le Lagi

Ina ia fesoasoani i tagata aoga ia malamalama i la latou matafaioi i le Fono ma le Taua i le Lagi, faasoa atu le saunoaga lenei mai ia Peresitene Dallin H. Oaks o le Au Peresitene Sili.

I le Fono i le Lagi … [o le] atoa o le anoano o tagata soifua ua fananau mai i lenei lalolagi sa filifilia le fuafuaga a le Tama ma tau ai i le taua faalelagi na sosoo ai. (“O Le Fuafuaga Sili,” Liahona, Me 2020, 93)

E mafai faapefea e le malamalama i la tatou filifiliga i le muai olaga e mulimuli i le fuafuaga a le Tama Faalelagi ona aumaia ia i tatou le talitonuga sili atu i le filifili e mulimuli ia te Ia i aso nei? E mafai faapefea ona aafia ai le ala tatou te vaai atu ai i isi o siomia i tatou?

E mafai foi ona e valaaulia tagata aoga e faitau le Faaaliga 12:7–11, ma vaavaai pe na faapefea ona tatou manumalo ia Satani ma ana ’au i le Taua i le Lagi. Valaaulia tagata aoga e talanoaina pe faapefea ona tatou faaauau ona faatoilalo Satani “i le toto o le Tamai Mamoe” (Faaaliga 12:11).

O le matafaioi a le faitalia i le fuafuaga a le Atua

I le amataga o le lesona, fesoasoani i tagata aoga e talanoaina tulaga e mafai ai e ni filifiliga patino ona faaitiitia atili ai ni filifiliga i le lumanai, e pei o le lē amanaiaina o faailoga lapatai e pei o le “Faasā Taelega” ma le mau ai i se tatafe matautia.

A o suesueina e tagata aoga le Mose 4:1–4, fautuaina i latou e vaavaai mo eseesega i le va o manaoga o Iesu Keriso ma Satani. Ta’u i ai o le fasifuaitau “saili e faaumatia le faitalia a le tagata” (fuaiupu 3). Ina ia faapupula le matafaioi o le faitalia i le fuafuaga a le Atua, faaaoga le faamatalaga mai ia Elder Robert D. Hales i le vaega o Punaoa Faaopoopo. Fesoasoani i tagata aoga e faailoa mai se upumoni e pei o le faitalia e taua i le fuafuaga a le Tama Faalelagi.

Fai atu i le vasega e faasoa mai ni auala o loo faaauau ai pea e Satani ona taumafai e faaumatia lo tatou faitalia e ala i le faaosoosoina o i tatou e fai filifiliga e taitai atu ai i le faatagataotauaina. Fai atu ia i latou e faasoa mai ni auala ua uunaia ai i tatou e le Faaola e faia filifiliga e taitai atu ai i le saolotoga (tagai i le 2 Nifae 2:27). E mafai e tagata aoga ona suesue atili e uiga i le faitalia e ala i le suesueina o punaoa o loo maua i le “Faitalia ma le Tali Atu mo Oe Lava” i lalo o Autu ma Fesili i le Gospel Library.

Musuia e ala i le faataitaiga a le Faaola

Atonu e aoga mo tagata aoga le suesue o se faataitaiga o le ala na fesoasoani ai le upumoni faamatatetele i le lesona i se tasi e feagai ma se mea faigata na poloaiina i latou e le Atua e fai. E mafai ona e faamalamalama atu sa poloaiina Matini Harisi e faatupe le lolomiina o le Tusi a Mamona e ala i le mokesiina o se vaega tele o lana faatoaga, e aofia ai lona fale (tagai Mataupu Faavae ma Feagaiga 19:32–35). Sa tauivi o ia e fai. Faitau mea na aoao atu e le Faaola ia te ia i le Mataupu Faavae ma Feagaiga 19:16–19, 23–24, 26.

E mafai faapefea e le aoaoina o le taulaga ma le usiusitai o le Faaola i le Tama ona fesoasoani ia i tatou e usitai ai i le Atua, e tusa lava pe faigata?

Faamalamalama atu na mulimuli Matini Harisi i le faataitaiga a le Faaola ma faatupeina le Tusi a Mamona i se osigataulaga tele.