Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Kenese 1:28–31; 2:1–25: “O Le Aiga E Totonugalemu i le Fuafuaga a Lē Foafoa”

“Kenese 1:28–31; 2:1–25: ‘O Le Aiga E Totonugalemu i le Fuafuaga a Lē Foafoa,’” Tusi Lesona a le Faiaoga Seminare o le Feagaiga Tuai (2026)

“Kenese 1:28–31; 2:1–25: ‘O Le Aiga E Totonugalemu i le Fuafuaga a Lē Foafoa,’” Tusi Lesona a le Faiaoga Seminare o le Feagaiga Tuai

Kenese 1–2; Mose 2–3; Aperaamo 4–5: Lesona 9

Kenese 1:28–31; 2:1–25

“O Le Aiga E Totonugalemu i le Fuafuaga a Lē Foafoa”

Ina ua mavae le foafoaga o Atamu ma Eva, sa tuufaatasia e le Tama Faalelagi i laua i le faaipoipoga. Sa Ia poloaiina i laua ia fanafanau ma uluuluola i le lalolagi ma ia pipii atu i le tasi ma le isi. O lenei lesona e mafai ona fesoasoani i tagata aoga ia malamalama i le matafaioi autu o le faaipoipoga ma le aiga i le ata o le faaolataga a le Tama Faalelagi.

Sauniuniga a le tagata aoga: Valaaulia tagata aoga e suesue le “O Le Aiga: O Se Folafolaga i le Lalolagi,” ma vaavaai mo aoaoga o loo faamatala mai ai le mafuaaga e totonugalemu ai le aiga i le ata o le faaolataga a le Tama Faalelagi.

Gaoioiga e ono Mafai ona Fai e Aoao Ai

Pe a talanoaina le taua o le faaipoipoga ma le aiga i le fuafuaga o le faaolataga a le Tama Faalelagi, ia iloa e toatele tagata aoga e le o mauaina i le taimi nei i ni tulaga lelei faaleaiga. Ia e nofouta i manaoga ma fesili a tagata aoga.

O mea e totonugalemu

Mafaufau e tusi i luga o le laupapa se fuaiupu e lē uma se tasi pe sili atu e faapupula mai ai pe faapefea e se mea faitino, gaoioiga, tagata, ma isi mea faapena ona totonugalemu i le faataunuuina o se mea. Atonu e aoga faataitaiga nei: Valaaulia tagata aoga e mafaufau pe faapefea ona latou faatumuina avanoa, ona fai atu lea i tagata aoga eseese e faasoa mai a latou tali i le vasega. Atonu e aoga le faamalamalama atu o le upu totonugalemu e mafai foi ona faauigaina e taua pe sili ona taua.

e totonugalemu i le faamanuiaina i le aoga ona .

o se vaega tutotonu o se olaga fiafia aua .

e i ai se matafaioi tutotonu i lo’u olaga ona .

A uma ona faasoa mai e tagata aoga a latou tali, faaali atu le faamatalaga lenei mai le “O Le Aiga: O Se Folafolaga i le Lalolagi,” ma valaaulia se tagata aoga e faitau leotele. Fai atu i le vasega e vaavaai mo se vaega tutotonu o le ata o le faaolataga a lo tatou Tama Faalelagi.

Ua faapea mai le “O Le Aiga: O Se Folafolaga i le Lalolagi” i:

O i matou, o le Au Peresitene Sili ma le Aufono a Aposetolo e Toasefululua O Le Ekalesia a Iesu Keriso o le Au Paia o Aso e Gata Ai, matou te ta’utino atu ma le faamaoni, o le faaipoipoga i le va o se alii ma se tamaitai, ua faauuina e le Atua, ma o le aiga o le totonugalemu lea o le fuafuaga a Lē Foafoa, mo le taunuuga e faavavau o Lana fanau. (“O Le Aiga: O Se Folafolaga i le Lalolagi,” Potutusi o le Talalelei)

Aisea e te manatu ai o le faaipoipoga ma le aiga e i ai ni matafaioi taua i le fuafuaga o le faaolataga a le Tama Faalelagi?
O a ni auala e mafai ona e vaai ai ia Satani o galue e osofa’ia faaipoipoga ma aiga i o tatou aso?

Valaaulia tagata aoga e mafaufau e uiga i nisi o fesili atonu o loo i ai ia i latou po o isi e uiga i le faaipoipoga ma le aiga. E mafai ona latou tusia a latou fesili i a latou api talaaga mo suesuega. Fautuaina i latou a o latou suesue i le asō e vaavaai mo upumoni ma ia gauai atu i uunaiga faaleagaga ia e mafai ona fesoasoani e taiala ai i latou i le sailia o tali i nei fesili.

O aoaoga mai tusitusiga paia

Faamalamalama atu o le mea na faia e le Tama Faalelagi ina ua mavae le Foafoaga o le lalolagi e mafai ona fesoasoani tatou te malamalama ai i le matafaioi autu o le faaipoipoga ma le aiga i Lana fuafuaga. Faaali atu faatonuga ma punaoa nei, ma tuu atu i tagata aoga se taimi e suesueina ai ia mea. E mafai ona outou suesue faatasi o se vasega nei mea, pe e mafai foi ona e faatulaga tagata aoga i ni vaega e suesue ma talanoaina faatasi ai nei punaoa.

A o faitau e tagata aoga ia fuaiupu mai le Kenese 2, atonu e te manao e faamalamalama atu e faapea o upu fesoasoani e fetaui i le fuaiupu 18 e faasino i “se fesoasoani e fetaui, agavaa, pe talafeagai ma” Atamu (tagai vaefaamatalaga 18b). E mafai foi ona e faamalamalama atu o le tala ia Eva na foafoaina mai le ivi ’aso’aso o Atamu o se faatusa ma e mafai ona faatusa i le faigapaaga tutusa i le va o le tane ma le ava (tagai Russell M. Nelson, “Lessons from Eve,” Ensign, Nov. 1987, 87).

Suesue le faamatalaga ma mau nei, ma vaavaai mo faamaoniga o le taua o le faaipoipoga ma le aiga i le Atua.

Na aoao mai Peresitene Spencer W. Kimball (1895–1985):

“Na [aumai] faatasi e le Alii ia Atamu ma Eva, o lana uluai tane ma le uluai fafine i luga o lenei lalolagi, ma faatinoina se sauniga paia o le faaipoipoga ia avea ai i laua o se tane ma se ava. (Aoaoga a Peresitene o le Ekalesia: Spencer W. Kimball [2006], 192)

Mau e suesue i ai:

Kenese 1:27–28 (poloaiga a le Atua ia Atamu ma Eva)

Kenese 2:18, 21–24 (Foafoaga o Eva)

Kenese 2:24 o se fuaitau o le atamai i aoaoga faavae. Mafaufau e valaaulia tagata aoga e faailoga ia fuaitau o le atamai i aoaoga faavae i se auala iloga ina ia mafai ona latou mauaina gofie.

Mataupu Faavae ma Feagaiga 49:15–17 (O aoaoga a le Alii e ala mai i le Perofeta Iosefa Samita)

O a upumoni na e maua e faaalia ai le taua o le faaipoipoga ma le aiga i le Atua?

E mafai ona faailoa mai e tagata o le vasega ni upumoni e pei o nei:

Ua poloaiina e le Atua tane ma ava ia fanauina ni fanau (Kenese 1:28).

O le tane ma le ava e tatau ona tasi ma galulue o ni paaga tutusa (Kenese 2:18, 24).

O le faaipoipoga i le va o se alii ma se tamaitai ua faauuina e le Atua (Mataupu Faavae ma Feagaiga 49:15).

Na foafoaina le lalolagi e saunia ai se nofoaga e mafai ona fananau mai ai fanau a le Atua i ni aiga ma alualu ai i luma faatasi (Mataupu Faavae ma Feagaiga 49:16–17).

I le avea ai ma se vaega o la outou talanoaga o nei upumoni, atonu e aoga le talanoaina o le saunoaga lenei a Peresitene Russell M. Nelson.

Sa faamamafa mai e Peresitene Russell M. Nelson le taua o le matafaioi o le a faia e aiga pe a uma ona foafoaina le lalolagi e le Atua:

Po o le a le matagofie e pei ona i ai, o le paneta o le Lalolagi o se vaega o se mea e sili atu ona maoae---lena fuafuaga tele a le Atua. I lona aoteleina faafaigofie, na foafoaina le lalolagi ina ia i ai aiga. Ua faamalamalama mai e le mau e faapea, o se tane ma le ava ”ua avea i laua ma tino e tasi, ua faia lenei mea atoa ina ia mafai ona faataunuu e le lalolagi le faamoemoe o lona foafoaga” [Mataupu Faavae ma Feagaiga 49:16]. (“O Le Foafoaga,” Ensign, Me 2000, 85)

E mafai faapefea e le manatuaina o le matafaioi autu o le faaipoipoga ma le aiga i le fuafuaga a le Atua ona aafia ai filifiliga e te faia i lou olaga?
E mafai faapefea e nei upumoni ma aoaoga ona fesoasoani ia i tatou e tali atu ai pe a tatou vaai i le aoaoga faavae o le faaipoipoga po o le aiga o loo ua faitioina pe faaitiitia?
O le a sou manatu e mafai faapefea e le mulimuli i tulaga faatonuina a le Tama Faalelagi e faatatau i le faaipoipoga ma le aiga ona fesoasoani ia te oe e avea atili ai e faapei o Ia?

Fatu se tali

Ina ia fesoasoani i tagata aoga e faamalamalama mai mea na latou aoaoina e uiga i le taua o le faaipoipoga ma le aiga i le fuafuaga a le Atua, mafaufau e faasoa atu se tulaga faataitai e pei o lenei. E mafai ona e fetuunai lenei tulaga faataitai e pei ona manaomia ai ina ia talafeauga atili i la outou aganuu ma olaga o au tagata aoga. A uma ona faasoa atu le tulaga faataitai, faaali atu faatonuga mo tagata aoga e fatu ai se tali.

I se tasi o vasega a Elisapeta i le aoga, sa faia ai se talanoaga e uiga i le faaipoipoga ma le aiga. Sa faasoa atu e Elisapeta nisi o ona manatu e uiga i le faaipoipoga i le va o se alii ma se tamaitai ma le taua o ulugalii faaipoipo i le mauaina o ni fanau. O le toatele o tagata o le vasega a Elisapeta na faasoa mai ni manatu sa matuai ese lava mai ona manatu. Ina ua uma le vasega, sa fesili atu se alii talavou e igoa ia Isaako, o le o loo iai foi i le vasega seminare a Elisapeta, sa fesili atu ia Elisapeta pe aisea na iai pea ia te ia ni manatu e le o toe faaaogaina e uiga i le faaipoipoga ma le aiga.

I le faaaogaina ai o mea ua e aoaoina i le asō, fatu se tali e mafai ona faasoa atu e Elisapeta ia Isaako. Ia aofia ai mea nei i lau tali:

O se faamalamalamaga e uiga i le mafuaaga e taua ai le faaipoipoga ma le aiga i le Tama Faalelagi ma Lana fuafuaga o le faaolataga
Tasi pe sili atu o ni aoaoga mai tusitusiga paia po o taitai o le Ekalesia
O se valaaulia e mafai ona faasoa atu e Elisapeta ia Isaako e mafai ona fesoasoani ia te ia

A uma ua lava le taimi na sauniuni ai tagata aoga, ona tuuina atu lea o se avanoa e faasoa mai ai a latou tali. E mafai foi e tagata aoga ona faasoa atu a latou tali i se paga po o i ni vaega toalaiti. E mafai foi ona valaaulia ni nai tagata aoga naunautai e faasoa mai a latou tali i le vasega pe faatino tulaga faataitai.

Tuu atu i tagata aoga se taimi e toe manatunatu ai i mea sa latou aoaoina ma lagonaina i le asō. E mafai ona latou mafaufau e uiga i upumoni na latou aoaoina na taliina ai nisi o a latou fesili. Valaaulia i latou e tusifaamaumau soo se uunaiga faaleagaga na latou maua ia latou api talaaga mo suesuega. Molimau atu e uiga i upumoni na outou talanoaina i le aso.

Tauloto

Atonu e te manao e fesoasoani i tagata aoga e tauloto le mau faasino o le atamai i aoaoga faavae ma le fuaitau autu o le mau i le taimi o lenei lesona ma iloilo i latou i lesona i le lumanai. O le fuaitau autu o le mau mo le Kenese 2:24 o le, “O le tane … e faatasi ma lana ava: ona avea ai lea o i la’ua ma tino e tasi.” O manatu mo gaoioiga o le taulotoina o loo i ai i anomea faaopoopo i lalo o le “Gaoioiga Toefaamanatu o le Atamai i Aoaoga Faavae.”

O Punaoa Faaopoopo

Kenese 2:21–22. Pe na foafoaina moni ea Eva mai le ivi ’aso’aso o Atamu?

Na aoao mai e Peresitene Spencer W. Kimball (1895–1985) e faapea, “o le tala i le ivi ‘aso’aso e moni lava, o se tala faafaatusa” (“The Blessings and Responsibilities of Womanhood,” Ensign, Mar. 1976, 71).

Sa faamalamalama mai Peresitene Russell M. Nelson o le ivi ‘aso’aso i le tala o le foafoaga o Eva e faatusa pe faafaatusa:

O le ivi ‘aso’aso, e aumai mai le itu, e foliga o loo ta’u mai ai se faapaaga. Ua le faaali mai i le ivi ‘aso’aso se uiga e lē faafiapule pe faatavini, ae ua faaali mai ai se soa tutusa e galulue ma ola faatasi. (“Lessons from Eve,” Ensign, Nov. 1987, 87)

Ae faapefea tagata e le o i ai se faaipoipoga e faavavau po o se aiga lelei i lenei olaga?

Ua aoao mai Elder Neil L. Andersen o le Korama a Aposetolo e Toasefululua:

14:50

Ou te faaleo atu o’u alofa ma le nutimomoia mo ulugalii amiotonu o e, ua faaipoipo ae e le mafai ona maua ni a latou lava fanau,sa latou matua faamoemoeina ma le naunautai, ma i latou o tamaitai ma alii o e e lei maua le avanoa e faaipoipo ai e tusa ai ma le tulafono a le Atua. O miti e lei faataunuuina o le olaga e faigata ona malamalama i ai pe afai e vaavaai atu mai i le na o le vaaiga faaleolaga nei. I le avea ai o se auauna a le Alii, ou te folafola atu e faapea a outou faamaoni ia Iesu Keriso ma a outou feagaiga, o le a outou maua faamanuiaga tauia i lenei olaga ma o outou manaoga amiotonu i le taimi faatulagaina faavavau a le Alii. (“O Le Malaga Patino a se Atalii o le Atua,” Liahona, Me 2021, 47)

E faapefea ona faaatoatoa e alii ma tamaitai le tasi ma le isi o se paaga tutusa?

Na faamalamalama mai e Elder David A. Bednar o le Korama a Aposetolo e Toasefululua faapea:

Mafuaaga 1: O natura o le agaga o le tane ma le fafine e atoa ai ma faaatoatoaina e le tasi le isi, ma o le mea foi lea, ua faamoemoe ai i alii ma tamaitai ina ia aga’i faatasi atu i luma i le faaeaga. …

… Sa manaomia le tuufaatasiga tulaga ese o mana faaleagaga, faaletino, mafaufau, ma lagona o le tane ma le fafine ina ia faataunuuina ai le fuafuaga o le fiafia. E le mafai e le tane na o ia pe na o le fafine foi, ona faataunuu ia faamoemoega o o [laua] foafoaga. …

Mafuaaga 2: E ala i le mamanu paia, e manaomia ai se tane ma se fafine e aumaia fanau i le lalolagi ma saunia se nofoaga sili mo le tausiaina ma le faafaileleina o le fanau.

“O le faaipoipoga i le va o le alii ma se tamaitai o le alafua faatagaina lea, e ulufale mai ai agaga o le muai olaga i le olaga nei. (“E Taua le Faaipoipoga i Lana Fuafuaga Faavavau,” Ensign, Iuni 2006, 83, 84)

Gaoioiga Faaopoopo e Aoao Ai

Kenese 2:1–3. Sa malōlō le Atua i le Sapati

Afai o le a manuia au tagata aoga mai le faia o se fuafuaga totoa e tausia le paia o le aso Sapati, e mafai ona e faaaluina se taimi e suesue ai le Kenese 2:1–3. Faamalamalama atu e faapea o le Kenese 2 o se faaauauga o le tala i le Foafoaga. Valaaulia se tagata aoga e faitau leotele le Kenese 2:1–3. Fai atu i le vasega e mulimuli i le faitauga, ma vaavaai mo le mea na ese ona fai e le Alii i le aso lona fitu.

Ona fai atu lea o le fesili lenei:

O le a se upumoni ua tatou aoaoina e uiga i le aso Sapati mai le faataitaiga a le Alii i nei fuaiupu?

(E ono faailoa mai e tagata aoga se upumoni e pei o lea: E mafai ona tatou tausia le paia o le aso Sapati a o tatou malolo mai a tatou galuega ma taulai atu i mea paia.

Mafaufau e talanoaina fesili e pei o nei:

O a ni nai auala e mafai ona tatou taulai ai i mea paia i le Sapati?
O a ni ou lagona o faapefea ona faamanuiaina oe i lou malolo mai au galuega i le aso Sapati ma le taulai atu i mea paia?

E mafai ona e valaaulia tagata aoga e mafaufau loloto i auala e mafai ai ona latou faapaiaina atoatoa atili le aso Sapati. Ona fautuaina lea o i latou e faatino se tasi [pe sili atu] o nei manatu.

Kenese 2:18, 24. Paaga Tutusa

Atonu o le a manuia tagata aoga mai nisi talanoaga e uiga i le upumoni faapea o le tane ma le avā e tatau ona avea ma paaga tutusa. A uma ona faailoa mai lenei upumoni, e mafai ona e faasoa atu le saunoaga a Elder David A. Bednar i le “Punaoa Faaopoopo.” E mafai foi ona talanoaina fesili e pei o nei:

O le a sou manatu o le a le uiga faapea o se ava ma se tane o ni paaga tutusa i le faaipoipoga?
Aisea e taua ai mo le tane ma le ava ona taulimaina e le tasi le isi o se paaga tutusa?

O vitio e uiga i le taua o le faaipoipoga ma le aiga

Mafaufau e faaaoga se tasi pe sili atu o vitiō nei e fesoasoani ai ia malamalama tagata aoga i le taua o le faaipoipoga ma le aiga:

“Toefaafouina o le Faaipoipoga” (2:36). Na faamalamalama mai e Peresitene Henry B. Eyring o le Au Peresitene Sili le ala na avea ai lona faaipoipo atu ia Sister Eyring ma mea na fesoasoani ai ia te ia e “avea ma mea lelei uma na [ia] manao e avea ai.”

2:36
“O Le a Le Fa’amoemoega o Aiga?” (1:17). O lenei vitio o loo faamatalaina ai le aiga o le poloka [faufale] paia o malo.

1:17
“Mauaina Tamaiti i le Fa’atuatua” (2:25). Ua talanoaina e Elder Neil L. Andersen o le Korama a Aposetolo e Toasefululua ia aoaoga e faatatau i le poloaiga a le Alii ia fanafanau ma uluuluola i le lalolagi.

2:15