Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Ko e Palani ʻo e Fakamoʻuí: ʻOku Mahuʻinga ʻa e Fakamoʻuí ki he Palani ʻa e Tamaí

“Ko e Palani ʻo e Fakamoʻuí: ʻOku Mahuʻinga ʻa e Fakamoʻuí ki he Palani ʻa e Tamaí,” Fuakava Motuʻá – Tohi Lēsoni maʻá e Faiako Seminelí (2026)

“Ko e Palani ʻo e Fakamoʻuí: ʻOku Mahuʻinga ʻa e Fakamoʻuí ki he Palani ʻa e Tamaí,” Fuakava Motuʻá – Tohi Lēsoni maʻá e Faiako Seminelí

Talitali Lelei Koe ki he Fuakava Motuʻá: Lēsoni 2

Ko e Palani ʻo e Fakamoʻuí

ʻOku Mahuʻinga ʻa e Fakamoʻuí ki he Palani ʻa e Tamaí

Hand of Christus statue, against creation mural at the Mesa Arizona Temple Visitors' Center. (horiz)

ʻI he maama fakalaumālie ne tau ʻi aí, naʻa tau “kalanga fakafiefia” (Siope 38:7) ʻi heʻetau ʻilo fekauʻaki mo e palani ʻa e Tamai Hēvaní ki heʻetau fakalakalaka taʻengatá. Naʻe fili ʻa Sihova ke hoko ko hotau Fakamoʻuí mo e Huhuʻí, ʻo ʻomi ʻa e hala ke tau foki ai ki he Tamaí pea hoko ʻo hangē ko Iá. ʻE lava ke tokoni ʻa e lēsoni ko ʻení ke mahino ki he kau akó ʻa e palani ʻo e fakamoʻui ʻa e Tamai Hēvaní mo e tefitoʻi fatongia ʻo Sīsū Kalaisí.

Teuteu ʻa e tokotaha akó: Fakaafeʻi ʻa e kau akó ke nau fakalaulauloto ki he meʻa ʻoku nau ʻilo fekauʻaki mo e palani ʻo e fakamoʻui ʻa e Tamai Hēvaní pea mo e tefitoʻi fatongia ʻo e Fakamoʻuí ʻi heʻetau fakalakalaka taʻengatá. ʻE lava ke hiki ʻe he kau akó ha ngaahi ʻelemēniti ʻo e palani ʻo e fakamoʻuí ʻoku nau maheni mo ia pea akoako fakamatalaʻi kinautolu ki ha mēmipa ʻo e fāmilí pe kaungāmeʻa.

Ngaahi ʻEkitivitī Ako ʻOku Ala Fakahokó

Ko hono tali ʻa e ngaahi fehuʻi ʻo e moʻuí

Ke kamata ʻa e kalasí, fakakaukau ke fakaʻaliʻali mo vahevahe ʻeni.

ʻOku haʻu hoʻo kaungāmeʻa ko Sonatané ʻo ʻeke atu:

Naʻa tau haʻú mei fē?
Ko e hā ʻa e taumuʻa ʻo e moʻuí?
Ko e hā ʻoku hoko hili ʻetau maté?

Fakaafeʻi ʻa e kau akó ke nau fakakaukau ki he meʻa kuo nau ʻosi ʻilo fekauʻaki mo e palani ʻo e fiefia ʻa e Tamai Hēvaní. Ko e ʻekitiviti tohinoa ako ko ʻení ko ha founga ia ʻe taha ke fakahoko ai ʻeni. Fakapapauʻi ʻoku mahino ki he kau akó te nau maʻu ha faingamālie ke akoako tali ʻa e ngaahi fehuʻi ʻa Sonatané ʻamui ange ʻi he lēsoní.

Tali ʻa e ngaahi fehuʻi ko ʻení ʻi hoʻo tohinoa akó ke tokoniʻi koe ke ke fakakaukau ki he meʻa kuo ʻosi mahino kiate koe fekauʻaki mo e palani ʻo e fakamoʻui ʻa e Tamai Hēvaní.

Ko e hā ho tuʻunga loto-falala ki hoʻo malava ke tali ʻa e fehuʻi ʻa Sonatané?
Ko e hā ha ngaahi fehuʻi ʻokú ke maʻu fekauʻaki mo e palani ʻa e Tamai Hēvaní?

ʻI hoʻo ako ʻi he ʻaho ní, fekumi ki he fakahinohino ʻa e Laumālie Māʻoniʻoní ke tokoni ke fakalahi hoʻo mahino ki he palani ʻa e Tamai Hēvaní mo e tefitoʻi fatongia ʻo e Fakamoʻuí.

ʻOku mahuʻinga ʻa Sīsū Kalaisi ki he palani ʻo e fiefia ʻa e Tamai Hēvaní

Naʻe fakamatalaʻi ʻe Palesiteni Tāleni H. ʻOakesi ʻo e Kau Palesitenisī ʻUluakí ʻa e fatongia ʻo e Fakamoʻuí ʻi he palani ʻo e fakamoʻui ʻa e Tamai Hēvaní:

Ko e hā kuo fai ʻe Sīsū Kalaisi maʻatautolu takitahá? Kuó Ne fai ʻa e meʻa kotoa ʻoku mahuʻinga ki heʻetau fononga ʻi he moʻui fakamatelié ki he ikuʻanga kuo fakamatalaʻi ʻi he palani ʻa ʻetau Tamai Hēvaní. … Ko e tokotaha mahuʻinga tahá ko Hono ʻAlo Pē Taha naʻe Fakatupú, ʻa Sīsū Kalaisi. (“Ko e Hā Kuo Fai ʻe Hotau Fakamoʻuí Maʻatautolú?,” Liahona, Mē 2021, 75)

Te ke fakamatalaʻi fakanounou fēfē nai ʻa e akonaki ʻa Palesiteni ʻOakesí ko ha fakamatala ʻo e moʻoní?

Tokoni ke ʻiloʻi ʻe he kau akó ha moʻoni hangē ko e: ʻOku Mahuʻinga ʻa Sīsū Kalaisi ki he palani ʻo e fakamoʻui ʻa e Tamai Hēvaní mo ʻetau fakalakalaka taʻengatá. Mahalo ʻe ʻaonga ke hiki ʻa e foʻi moʻoni ko ʻení ʻi he palakipoé.

Ko e palani ʻa e Tamai Hēvaní mo e tefitoʻi fatongia mahuʻinga ʻo e Fakamoʻuí

ʻI hoʻo ako fekauʻaki mo e palani ʻo e fakamoʻui ʻa e Tamai Hēvaní, kumi ʻa e ngaahi meʻa ko ʻení:

Founga ʻoku maʻu ai ʻe Sīsū Kalaisi ha fatongia mahuʻinga ʻi he palani ʻo e fakamoʻui ʻa e Tamai Hēvaní.
Ngaahi moʻoni te ke lava ʻo vahevahe mo Sonatane ke tokoni ke tali ʻene ngaahi fehuʻí.

Lēkooti hoʻo ngaahi fakakaukaú ʻi hoʻo tohinoa akó.

Hili ʻa e ako ʻa e kau akó, ʻoange ha faingamālie ke nau vahevahe ʻa e ngaahi fakakaukau mo e mahino naʻa nau maʻú. ʻE lava ke fakaangaanga ʻe he kau akó hono vahevahe ʻa e meʻa ne nau akó ʻaki hono fakatātaaʻi ʻa e founga te nau tali ʻaki ʻa e fehuʻi takitaha ʻe tolu ʻa Sonatané. Te ke lava foki ʻo fakaafeʻi kinautolu ke aleaʻi ʻa e ngaahi fehuʻi ko ʻení mo ha hoa pe fakataha mo e kalasí.

Ko e hā naʻá ke ako fekauʻaki mo e fatongia mahuʻinga ʻo Sīsū Kalaisi ʻi he palani ʻo e fakamoʻui ʻa e Tamai Hēvaní?
Ko e hā ha ngaahi moʻoni pe akonaki te ke lava ʻo vahevahe mo Sonatane ʻe lava ʻo tokoni ke tali ʻene ngaahi fehuʻí?

Fakakaukau ki he meʻa naʻá ke akó

Fakakaukau ke fakaʻosi ʻa e lēsoní ʻaki hono fakaafeʻi ʻa e kau akó ke nau fakakaukau fakalongolongo ki he meʻa ne nau ongoʻi fekauʻaki mo e Tamai Hēvaní, Sīsū Kalaisi, pea mo e palani ʻo e fakamoʻuí. Fakaafeʻi kinautolu ke nau fakakaukau ki ha faʻahinga ngāue ne nau ongoʻi ke fai. ʻE lava ke nau lekooti ʻenau ngaahi fakakaukaú mo e ongo fakalaumālié ʻi heʻenau tohinoa akó.

Ngaahi Maʻuʻanga Tokoni Kehé

Naʻá ku fakahaaʻi fēfē ʻeku tui kia Sīsū Kalaisí kimuʻa pea fanauʻi aú?

Naʻe akonaki ʻa Palesiteni Tāleni H. ʻOakesi ʻo e Kau Palesitenisī ʻUluakí ʻo pehē:

16:4

ʻI he Fakataha Lahi ʻi he Langí, naʻe fakafeʻiloaki ki he fānau fakalaumālie kotoa ʻa e ʻOtuá ʻa e palani ʻa e Tamaí ʻo kau ai ʻa e ngaahi nunuʻa mo e faingataʻa fakamatelié, ʻa e ngaahi tokoni fakalangí mo hono ikuʻanga nāunauʻiá. Naʻa tau ʻiloʻi ʻa e ngataʻangá mei he kamataʻangá. Ne fili ʻa e kakai kehekehe kotoa kuo fanauʻi mai ki he māmaní ki he palani ʻa e Tamaí mo taukapoʻi ia ʻi he feʻauʻauhi fakalangi naʻe hoko mai aí. Naʻe tokolahi ha niʻihi ne nau fai ha fuakava mo e Tamaí ʻo kau ki he meʻa te nau fai ʻi he moʻui fakamatelié. (“Ko e Palani Lahí,” Liahona, Mē 2020, 93)

ʻOku fēfē ʻa e maama tataliʻanga ʻo e ngaahi laumālié?

Naʻe pehē ʻe Palesiteni Tāleni H. ʻOakesi:

14:47

Ko e moʻoni, ʻoku tau ʻilo mei he folofolá, ka hili ʻa e mate hotau sinó ʻe hoko atu ʻo tau moʻui ko ha ngaahi laumālie ʻi he maama tataliʻanga ʻo e ngaahi laumālié. ʻOku toe akoʻi foki ʻe he folofolá ʻoku vahe ua ʻa e maama tataliʻanga ko ʻeni ʻo e ngaahi laumālié ʻiate kinautolu naʻe “angatonu” pe “failelei” ʻi he lolotonga ʻo e moʻuí mo kinautolu naʻe faiangahalá. ʻOku nau toe fakamatalaʻi foki ʻa e founga ʻoku akoʻi ai ʻe ha niʻihi ʻo e ngaahi laumālie faivelengá ʻa e ongoongoleleí kiate kinautolu naʻe faiangahala mo fakafetaú (vakai, 1 Pita 3:19; Tokāteline mo e Ngaahi Fuakava 138:19–20, 29, 32, 37). Ko e mahuʻinga tahá, ʻoku fakahaaʻi ʻe he fakahā ʻo onopōní ʻoku hoko atu ʻa e ngāue ʻo e fakamoʻuí ʻi he maama tataliʻanga ʻo e ngaahi laumālié (vakai Tokāteline mo e Ngaahi Fuakava 138:30–34, 58), pea neongo ʻoku naʻinaʻi mai ke ʻoua naʻa tau fakatoloi ʻetau fakatomalá lolotonga ʻa e moʻui fakamatelié (vakai, ʻAlamā 13:27), ka ʻoku akoʻi kitautolu ʻoku malava pē ke kei fakahoko ai ha ngaahi fakatomala ʻe niʻihi (vakai, Tokāteline mo e Ngaahi Fuakava 138:58). (“Falala ki he ʻEikí,” Liahona, Nōvema 2019, 26)

ʻOku malava nai ke u maʻu ʻa e ngaahi tāpuaki ʻo e hakeakiʻí?

Naʻe fakamoʻoni ʻa ‘Eletā J. Tēvini Kōnisi ‘o e Kau Fitungofulύ ʻo pehē:

ʻOku ou fakamoʻoni kapau te mou feinga fakamātoato pea ʻoua ʻe kumi ʻuhinga mo angatuʻu—kae toutou fakatomala mo tautapa ke maʻu ʻa e ʻaloʻofa pe ko e tokoni ʻa Kalaisí—te ke “lelei feʻunga,” pē koe ai, ʻo fakahōifua ki he ʻEikí; te ke aʻusia ʻa e puleʻanga fakasilesitialé, ʻo haohaoa ʻia Kalaisi; pea te ke maʻu ʻa e ngaahi tāpuaki mo e nāunau pea mo e fiefia ʻoku finangalo ʻa e ʻOtuá ke maʻu ʻe Heʻene fānau pelepelengesi kotoa pē—kau ai ʻa kitaua. (“ʻOku ou Lelei Feʻunga Nai? Te u Lava Nai?,” Liahona, Nōvema 2016, 32)

Te u lava fēfē ʻo ako lahi ange fekauʻaki mo e palani ʻo e fakamoʻuí?

Ke ʻilo lahi ange ki he palani ʻo e fakamoʻuí, fakakaukau ke ako ʻa e “Vahe 3: Lēsoni 2: Ko e Palani ʻo e Fakamoʻui ʻa e Tamai Hēvaní” mei he Malanga ʻAki ʻEku Ongoongoleleí: Ko ha Fakahinohino ki hono Vahevahe ʻo e Ongoongolelei ʻo Sīsū Kalaisí (2023).

Ngaahi ʻEkitivitī Fakalahi ki he Akó

Founga ʻe taha ke kamata ʻaki ʻa e lēsoní

Ke tokoni ke ʻilo ʻe he kau akó ʻa e founga ʻoku ʻomi ai ʻe he palani ʻo e fakamoʻui ʻa e Tamai Hēvaní ha fakahinohino ki heʻetau moʻuí, te ke lava ʻo fakaʻaliʻali ha fakatātā ʻo ha hala pe halanga ʻoku ʻi ai ha fakaʻilonga ʻoku ʻikai tohi ai ha meʻa, ʻoku tuhu ki ha ngaahi feituʻu kehekehe.

Fakaafeʻi ʻa e kau akó ke fakakaukauloto naʻa nau ʻalu ki ha feituʻu pea nau aʻu atu ki ha fakaʻilonga ʻoku ʻikai tohi ai ha meʻa ʻoku tuhu ki ha ngaahi feituʻu kehekehe. ʻE lava ke aleaʻi ʻe he kau akó ʻa e meʻa ʻe ala faingataʻa ai ʻa e tūkunga ko ʻení pea ko e hā ha fakamatala te ne fakafaingofuaʻi ange ʻa e fonongá. Te ke lava ʻo fai ha fehuʻi alēlea hangē ko e:

ʻE lava fēfē ke hoko ʻa e tūkunga ko ʻení ko ha fakafehoanaki ki ha taha ʻoku ʻikai ke ne ʻilo ʻa e palani ʻa e Tamai Hēvaní ki he fiefiá? Ko e hā ha ngaahi fehuʻi ʻe lava ke fai ʻe he tokotaha ko iá?

Naʻe fakamatala ʻa ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

[ʻOku] fakataumuʻa ʻa e palani ʻo e fiefia ʻa e Tamaí ke ʻomi ha fakahinohino maʻa ʻEne fānaú, ke tokoni ke nau aʻusia ʻa e fiefia tuʻuloá, mo fakafoki malu kinautolu ki ʻapi kiate Ia ʻi ha sino toetuʻu mo hakeakiʻi. (“Tokanga ke Lotu Maʻu Ai Pē,” Liahona, Nōvema 2019, 33–34)

ʻE lava ke akoako fakamatalaʻi ʻe he kau akó ʻa e founga ʻoku ʻomi ai ʻe he palani ʻo e fakamoʻui ʻa e Tamai Hēvaní ha fakahinohino mo ha taumuʻa ki heʻetau moʻuí.

Ko e Fatongia ʻo Sīsū Kalaisí ʻi he palani ʻa e Tamai Hēvaní

Ke tokoni ke mahino ki he kau akó ʻa e fatongia ʻo e Fakamoʻuí ʻi he konga takitaha ʻo e palani ʻa e Tamaí, te ke lava ʻo fakaafeʻi kinautolu ke hiki tatau ʻa e saati ko ʻení ʻi heʻenau tohinoa akó. ʻE lava ke ako ʻe he kau akó ʻa e ngaahi potufolofola ʻo e konga takitaha, ʻo kumi ha ngaahi moʻoni fekauʻaki mo e fatongia hotau Fakamoʻuí ʻi he konga takitaha ʻo e palaní. Te ke lava ʻo fakaafeʻi ʻa e kau akó ke hiki ha fakamatala ʻo e moʻoní ʻi lalo ʻi he ʻuluʻi tohi takitaha ʻi he sātí.

Ko e palani ʻa e Tamai Hēvaní mo e fatongia ʻo Sīsū Kalaisí
Ko e palani ʻa e Tamai Hēvaní mo e fatongia ʻo Sīsū Kalaisí Fatongia ʻo Kalaisi ʻi he Maama Fakalaumālié	Sione 1:3; Mōsese 4:1–2; ʻĒpalahame 3:24-27
Ko e palani ʻa e Tamai Hēvaní mo e fatongia ʻo Sīsū Kalaisí Fatongia ʻo Kalaisi ʻi he Moʻui Fakamatelié	ʻĪsaia 53:3–5; Sione 13:15; ʻAlamā 7:11–13
Ko e palani ʻa e Tamai Hēvaní mo e fatongia ʻo Sīsū Kalaisí Fatongia ʻo Kalaisi ʻi he Maama Tataliʻanga ʻo e Ngaahi Laumālié mo e Nāunau Taʻengatá	1 Kolinitō 15:22; Molomona 3:20; Tokāteline mo e Ngaahi Fuakava 138:57–58

ʻE lava ke ʻilo ʻe he kau akó ha ngaahi moʻoni hangē ko e ko Sīsū Kalaisi ʻa e Tupuʻangá. ʻOku tā ʻe Sīsū Kalaisi ha sīpinga haohaoa maʻatautolu. Naʻe fakalelei ʻa Sīsū Kalaisi maʻa ʻetau ngaahi angahalá. Naʻe ikunaʻi ʻe Sīsū Kalaisi ʻa e maté maʻá e faʻahinga kotoa ʻo e tangatá ʻo fakafou ʻi he toetuʻú.

Fakaafeʻi ʻa e kau akó ke fili ha taha ʻo e ngaahi moʻoni ʻoku nau ʻiló pea vahevahe mo ha hoa pe ko e kalasí ʻa e founga ʻe lava ke tokoniʻi ai ʻe he foʻi moʻoni ko iá ha tokotaha lahi kei talavou ʻi he ngaahi faingataʻa ʻo e moʻuí.

Ngaahi meʻa ke fili mei ai ki he palani ʻo e fakamoʻuí

Ki ha vakai fakalūkufua, te ke lava ʻo fakaafeʻi ʻa e kau akó ke fakatātaaʻi pe hiki ʻa e ngaahi meʻa ʻoku nau manatuʻi fekauʻaki mo e palani ʻo e fakamoʻui ʻa e Tamai Hēvaní. Hili iá, ʻe lava ke sio ʻa e kau akó ʻi he foʻi vitiō, “What is the Purpose and Meaning of Life? Now You Know” (7:43). Te ke lava ʻo fakaafeʻi ʻa e kau akó ke vahevahe ʻa e meʻa ne nau fakatokangaʻi naʻe ʻikai ke nau maʻu ʻi heʻenau tohi pe fakatātaaʻi ʻa e ngaahi ʻelemēniti ʻo e palaní.

7:43

Ke ako ʻa e konga takitaha ʻo e palani ʻo e fakamoʻuí, te ke lava ʻo vahevahe ʻa e ngaahi vitiō ko ʻení.

Moʻui ʻi he Maama Fakalaumālié: Ke tokoni ke mahino ki he kau akó ‘a e palani ‘a e Tamai Hēvaní mo sio loto atu ki he fatongia ʻo e Fakamoʻuí ʻi he palani ʻi he maama fakalaumālié, fakakaukau ke huluʻi ‘a e vitiō “Introduction: Our Heavenly Father’s Plan” mei he taimi 0:00 ki he 2:16.

4:7

Moʻui Fakamatelié: Ke tokoni ke mahino ki he kau akó ʻe lava ke tokoniʻi kitautolu ʻe Sīsū Kalaisi ʻi ha faʻahinga tūkunga pē lolotonga ʻetau moʻuí, fakakaukau ke huluʻi ʻa e foʻi vitiō “Why We Need a Savior” (2:15).

2:15

Moʻui Hili ʻa e Maté: Ke tokoni ke mahino ki he kau akó ‘a e meʻa ‘oku hoko ʻi he‘etau maté pea mo e founga ʻoku tokoniʻi ai kitautolu ʻe he Fakamoʻuí ke ikunaʻi ʻa e maté, fakakaukau ke huluʻi ʻa e foʻi vitiō “What happens after We Die?” (1:40).

1:41