Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

O Le Ata o le Faaolataga: O Le Faaola E Totonugalemu i le Fuafuaga a le Tama

“O Le Ata o le Faaolataga: O Le Faaola E Totonugalemu i le Fuafuaga a le Tama,” Tusi Lesona a le Faiaoga Seminare o le Feagaiga Tuai (2026)

“O Le Ata o le Faaolataga: O Le Faaola E Totonugalemu i le Fuafuaga a le Tama,” Tusi Lesona a le Faiaoga Seminare o le Feagaiga Tuai

Faafeiloai Atu Mai le Feagaiga Tuai: Lesona 2

O Le Ata o le Faaolataga

O Le Faaola E Totonugalemu i le Fuafuaga a le Tama

Hand of Christus statue, against creation mural at the Mesa Arizona Temple Visitors' Center. (horiz)

I lo tatou muai olaga, sa tatou “alalaga fiafia” (Iopu 38:7) a o tatou aoao e uiga i le fuafuaga a le Tama Faalelagi mo lo tatou alualu i luma e faavavau. Sa filifilia Ieova e avea ma o tatou Faaola ma Togiola, ma saunia le ala mo i tatou e toe foi atu ai i le Tama ma avea e faapei o Ia. O lenei lesona e mafai ona fesoasoani i tagata aoga ia malamalama i le ata o le faaolataga a le Tama Faalelagi ma le matafaioi autu a Iesu Keriso.

Sauniuniga a le tagata aoga: Valaaulia tagata aoga e mafaufau loloto i mea ua latou iloa e uiga i le ata o le faaolataga a le Tama Faalelagi ma le matafaioi tutotonu a le Faaola i lo tatou alualu i luma e faavavau. E mafai e tagata aoga ona tusi i lalo elemene o le ata o le faaolataga ua latou masani ai ma faataitai ona faamalamalama atu i se tagata o le aiga po o se uo.

Gaoioiga e Mafai ona Fai e Aoao Ai

Taliina o fesili o le olaga

Ina ia amata le vasega, mafaufau e faaali atu ma faasoa atu mea nei.

Ua alu atu lau uo o Ionatana ia te oe ma fesili atu:

O fea na tatou o mai ai?
O le a le faamoemoega o le olaga?
O le a le mea e tupu pe a tatou oti?

Valaaulia tagata aoga e mafaufau i mea ua uma ona latou iloa e uiga i le fuafuaga o le fiafia a le Tama Faalelagi. O le gaoioiga lenei o le api talaaga mo suesuega o se tasi lea o auala e mafai ona e faatinoina ai lenei mea. Ia mautinoa ua malamalama tagata aoga o le a latou maua se avanoa e faataitai ai le taliina o fesili a Ionatana i se taimi mulimuli ane o le lesona.

I lau api talaaga mo suesuega, tali fesili nei e fesoasoani ia te oe e toe manatunatu ai i mea ua uma ona e malamalama i ai e uiga i le ata o le faaolataga a le Tama Faalelagi.

O le a lou mautinoa i lou gafatia e tali atu ai i fesili a Ionatana?
O a ni au fesili o i ai e uiga i le fuafuaga a le Tama Faalelagi?

A o e suesue i le asō, saili le taitaiga a le Agaga Paia e fesoasoani e faateleina lou malamalama i le fuafuaga a le Tama Faalelagi ma le matafaioi tutotonu a le Faaola.

O Iesu Keriso o le totonugalemu o le fuafuaga o le fiafia a le Tama Faalelagi

Sa faamalamalama mai e Peresitene Dallin H. Oaks o le Au Peresitene Sili le matafaioi a le Faaola i le ata o le faaolataga a le Tama Faalelagi:

O le a se mea ua faia e Iesu Keriso mo i tatou taitoatasi? Ua Ia faia mea uma e tatau ai mo la tatou malaga e ui atu i le olaga faaletino ma agai atu i le taunuuga ua faataatia mai i le fuafuaga a lo tatou Tama Faalelagi. … O Lona Alo e Toatasi na Fanaua, o Iesu Keriso, o le totonugalemu lea. (“O Le A le Mea Ua Faia e lo Tatou Faaola mo i Tatou?,” Liahona, Me 2021, 75)

E faapefea ona e aoteleina le aoaoga a Peresitene Oaks o se faamatalaga o le upumoni?

Fesoasoani i tagata aoga e faailoa mai se upumoni e pei o Iesu Keriso e totonugalemu i le ata o le faaolataga a le Tama Faalelagi ma lo tatou alualu i luma e faavavau. Atonu e fesoasoani le tusia o lenei upumoni i luga o le laupapa.

O le fuafuaga a le Tama Faalelagi ma le matafaioi tutotonu a le Faaola

A o e suesue e uiga i le ata o le faaolataga a le Tama Faalelagi, vaavaai mo mea nei:

O le ala e faia ai e Iesu Keriso o se matafaioi tutotonu i le ata o le faaolataga a le Tama Faalelagi.
O upumoni e mafai ona e faasoa atu ia Ionatana e fesoasoani ai e tali ana fesili.

Faamaumau ou manatu i lau api faamaumau mo suesuega.

A uma ona suesue tagata aoga, tuu atu se avanoa mo i latou e faasoa mai ai malamalamaaga ma le malamalama na latou maua. E mafai e tagata aoga ona faataitai le faasoa mai o mea na latou aoaoina e ala i le faatinoina o tala pe faapefea ona latou taliina fesili taitasi e tolu a Ionatana. E mafai foi ona e valaaulia i latou e talanoaina fesili nei ma se paga pe faatasi ma le vasega.

O le a se mea na e aoaoina e uiga i le matafaioi autu na faia e Iesu Keriso i le ata o le faaolataga a le Tama Faalelagi?
O a upumoni po o aoaoga e mafai ona e faasoa atu ia Ionatana e mafai ona fesoasoani e tali ai ana fesili?

Mafaufau i mea na e aoaoina

Mafaufau e faaiu le lesona e ala i le valaaulia o tagata aoga e mafaufau filemu i o latou lagona e uiga i le Tama Faalelagi, Iesu Keriso, ma le ata o le faaolataga. Valaaulia i latou e mafaufau i soo se faatinoga na latou lagona le uunaia e fai. E mafai ona latou faamaumau o latou malamalamaaga ma uunaiga faaleagaga i a latou api talaaga mo suesuega.

O Punaoa Faaopoopo

Na faapefea ona ou faaalia lo’u faatuatua ia Iesu Keriso ae ou te lei fanau mai?

Sa aoao mai Peresitene Dallin H. Oaks o le Au Peresitene Sili:

16:4

I le Fono i le Lagi, sa folasia atu ai i fanau agaga uma a le Atua le fuafuaga a le Tama, e aofia ai ona taunuuga faaletino ma tofotofoga, o ana fesoasoaniga faalelagi, ma lona taunuuga mamalu. Na tatou vaaia le i’uga mai le amataga. O le faitau afe o tagata soifua e le mafaitaulia o e na fananau mai i lenei lalolagi sa filifilia le fuafuaga a le Tama ma tau ai mo [le fuafuaga] i le tauvaga faalelagi na sosoo ai. E toatele foi na osia ni feagaiga ma le Tama e faatatau i mea o le a latou faia i le olaga faitino. (“O Le Fuafuaga Sili,” Liahona, Me 2020, 93)

E faape’ī le lalolagi o agaga?

Na faamatalaina e Peresitene Dallin H. Oaks:

14:48

Ioe, ua tatou iloa mai tusitusiga paia e faapea pe a oti o tatou tino e faaauau pea ona tatou ola o ni agaga i le lalolagi o agaga. Ua aoao mai foi tusitusiga paia ua vaevaeina lenei lalolagi o agaga ia i latou o ē na “amiotonu” pe na “faamaoni” i le taimi o le olaga ma i latou o ē na amioleaga. Ua faamatalaina mai foi le auala e aoao atu ai e nisi o agaga faatuatua le talalelei ia i latou o ē na amioleaga pe na fouvale (tagai i le 1 Peteru 3:19; Mataupu Faavae ma Feagaiga 138:19–20, 29, 32, 37). O le mea sili ona taua, ua faaali mai i faaaliga o ona po nei o le galuega o le faaolataga e agai pea i luma i le lalolagi o agaga (tagai i le Mataupu Faavae ma Feagaiga 138:30–34, 58), ma e ui e uunaia i tatou e aua ne’i faatuai lo tatou salamo i le olaga faaletino (tagai i le Alema 13:27), ae ua aoaoina foi i tatou o nisi vaega o le salamo e mafai ona faia iina (tagai i le Mataupu Faavae ma Feagaiga 138:58). (“Faalagolago i le Alii,” Liahona, Nov. 2019, 26)

Pe mafai ea ona ou maua faamanuiaga o le faaeaga?

Na molimau mai Elder J. Devn Cornish o le Fitugafulu:

Ou te molimau atu afai o le a e taumafai moni lava ma o le a e le fai ’alofaga pe fouvale—o le salamo soo ma le aioi atu mo le alofa tunoa, po o le fesoasoani, a Keriso—o le a mautinoa lava le “lava o lou lelei,” o lona uiga, taliaina i luma o le Alii; o le a e ausia ai le malo selesitila ua atoatoa ia Keriso; ma o le a e mauaina ai faamanuiaga ma le mamalu ma le olioli e finagalo ai le Atua mo Ana fanau pele taitoatasi—e aofia patino ai oe ma a’u. (“O Lava Ea Lo’u Lelei? Pe O Le A Ou Ausia Ea?,” Liahona, Nov. 2016, 32)

O fea e mafai ona ou aoao atili ai e uiga i le ata o le faaolataga?

Ina ia aoao atili e uiga i le ata o le faaolataga, mafaufau e suesue le “Mataupu 3: Lesona 2—Ata o le Faaolataga a le Tama Faalelagi” mai le Tala’i La’u Talalelei: O Se Taiala i le Faasoaina Atu o le Talalelei a Iesu Keriso (2023).

Gaoioiga Faaopoopo e Aoao Ai

O se isi filifiliga e amata ai

Ina ia fesoasoani i tagata aoga ia iloa pe faapefea ona tuuina mai e le ata o le faaolataga a le Tama Faalelagi le taitaiga i o tatou olaga, e mafai ona e faaali atu se ata o se ala po o se auala e i ai se faasinoala avanoa e faasino i itu eseese.

Valaaulia tagata aoga e vaai faalemafaufau faapea sa latou i ai i se malaga ma sa tau ane i se faasinoala avanoa o loo faasino i itu eseese. E mafai e tagata aoga ona talanoaina po o le a le mea e ono faigata ai lenei tulaga ma pe o a faamatalaga o le a faafaigofie ai le malaga. E mafai ona e fai atu se fesili faatalanoa faapenei:

E mafai faapefea ona avea lenei tulaga o se talafaatusa mo se tasi e le iloa le fuafuaga o le fiafia a le Tama Faalelagi? O a fesili e mafai ona fesili ai lena tagata?

Na faamalamalama mai e Elder David A. Bednar o le Korama a Aposetolo e Toasefululua e faapea:

O le fuafuaga o le fiafia a le Tama ua mamanuina e tuuina mai ai le taitaiga mo Ana fanau, e fesoasoani ai ia i latou ia maua le olioli tumau, ma ia aumaia saogalemu ai i latou ia te Ia i le aiga i ni tino toetu ma faaeaina. (“Mataala Pea i le Tatalo,” Liahona, Nov. 2019, 33–34)

E mafai e tagata aoga ona faataitai le faamalamalamaina pe faapefea ona tuuina mai e le ata o le faaolataga a le Tama Faalelagi le taitaiga ma le faamoemoega i o tatou olaga.

O le matafaioi a Iesu Keriso i le fuafuaga a le Tama Faalelagi

Ina ia fesoasoani i tagata aoga ia malamalama i le matafaioi a le Faaola o loo faia i vaega taitasi o le fuafuaga a le Tama, e mafai ona e valaaulia i latou e kopi le siata lenei i a latou api talaaga mo suesuega. E mafai e tagata aoga ona suesue i mau o vaega taitasi, ma vaavaai mo upumoni e uiga i le matafaioi a lo tatou Faaola i vaega taitasi o le fuafuaga. E mafai ona e valaaulia tagata aoga e tusi se faamatalaga o le upumoni i lalo o ulutala taitasi o le siata.

O le fuafuaga a le Tama Faalelagi ma le matafaioi a Iesu Keriso
O le fuafuaga a le Tama Faalelagi ma le matafaioi a Iesu Keriso Matafaioi a Iesu Keriso i le Muai Olaga	Ioane 1:1–3; Moses 4:1–2; Aperaamo 3:24-27
O le fuafuaga a le Tama Faalelagi ma le matafaioi a Iesu Keriso O le Matafaioi a Keriso i le Olaga Faitino	Isaia 53:3–5; Ioane 13:15; Alema 7:11–13
O le fuafuaga a le Tama Faalelagi ma le matafaioi a Iesu Keriso O le Matafaioi a Keriso i le Lalolagi o Agaga ma le Mamalu e Faavavau	1 Korinito 15:22; Mamona 3:20; Mataupu Faavae ma Feagaiga 138:57–58

E mafai e tagata aoga ona faailoa mai upumoni e pei o Iesu Keriso o le Foafoa. Na faia e Iesu Keriso le faataitaiga atoatoa mo i tatou. Sa togiola Iesu Keriso mo a tatou agasala. Na faatoilalo e Iesu Keriso le oti mo tagata uma e ala i le toetu.

Valaaulia tagata aoga e filifili se tasi o upumoni latou te maua ma faasoa atu i se paga po o le vasega pe mafai faapefea e lena upumoni ona fesoasoani i se talavou matua i luitau o le olaga.

Filifiliga o vitio o le ata o le faaolataga

Mo se vaaiga aoao, e mafai ona e valaaulia tagata aoga e faapupula pe tusi ia elemene latou te manatua e uiga i le ata o le faaolataga a le Tama Faalelagi. Ona mafai lea e tagata aoga ona matamata le vitio, “What is the Purpose and Meaning of Life? O Lea Ua E Iloa” (7:43). E mafai ona e valaaulia tagata aoga e faasoa mai mea na latou maitauina na latou misia a o latou tusia pe faapupula mai elemene o le fuafuaga.

7:43

Ina ia suesue i elemene taitasi o le ata o le faaolataga, e mafai ona e faasoa atu vitio nei.

Muai Olaga: Ina ia fesoasoani i tagata aoga ia malamalama i le fuafuaga a le Tama Faalelagi ma vaai faalemafaufau i le matafaioi a le Faaola i le mua’i olaga, mafaufau e faaali le vitio “Faatomuaga: O le Fuafuaga a lo Tatou Tama Faalelagi” mai le taimi 0:00 i le 2:16.

4:7

Olaga Faitino: Ina ia fesoasoani i tagata aoga ia malamalama e mafai ona fesoasoani Iesu Keriso ia i tatou i soo se tulaga i o tatou olaga, mafaufau e faaali le vitio “Why We Need a Savior” (2:15).

2:15

Olaga Pe a Mavae le Olaga Faitino: Ina ia fesoasoani i tagata aoga ia malamalama i le mea e tupu pe a tatou oti ma le auala e fesoasoani ai le Faaola ia tatou manumalo i le oti, mafaufau e faaali le vitio “What Happens after We Die?” (1:40).

1:41