Mwakoro 44: E Nako te Tia Kamiu Nako Ierutarem

Tabeman aomata a tuangiia ibonga ao Bwaretaio bwa e a tia Iesu ni kamaiua Rataro. Tenaan Bwaritaio a taku bwa ni kabane aomata a na kakoaua Iesu. A maaku ngkana akea ae a na ongo irouia.

Ioane 11:46–48

Tenaan Bwaritaio a bairea te kawai ae a na tiringa iai Iesu. A tataninga rokona i Ierutarem ibukin te baka n amwarake are te Riao.

Ioane 11:49–51, 55–57

Iesu e nako Ierutarem. A mwaiti aomata ake a ongo rokona ao a nako ni kaitibo ma ngaia. Iesu e toka n te taongki ae uarereke nakon te kaawa. E a tia te burabeti ni koreia ae Natin te Atua e na karaoa aio. A mwaiti aomata aika a kakoaua Iesu bwa natin te Atua. A katikui taian banni ma tabeua oneaia iaontano Ibukina bwa e na toua bwa kawaina. A takaruaea Otanna ao n taku bwa Iesu bon aia Uea.

Tekaria 9:9; Mataio 21:4–9; Ioane 12:1, 12–15

Aomata i Ierutarem a roko n noora te bwai ae e riki. A titiraki bwa antai Iesu. Aomata ake a roko a tuangiia bwa bon Ngaia te burabeti mai Natareta.

Mataio 7:21–23

A un Bwaretaio. A aki tangiriia aomata bwa a na kakoaua ae Iesu bon te Tia Kamaiu. Iesu e ataia bwa tenaan Bwaretaio a tangiria bwa a na tiringnga.

Ioane 11:53; 12:19, 23

Iesu e tuangiia ana reirei ae e a kaan ana tai ni mate. E na maraki ibukin aia bure aomata ni kabane ao ni mate iaon te kaibangaki. Boni Ngaia te Tia Kamaiua te aonaaba. Aio bukina ngkai E roko nakon te aonaaba.

Ioane 12:23–25, 27, 32–33, 47