Նյութեր

Յուրաքանչյուր տարածքում Եկեղեցին հաստիքային աշխատողներ է վարձում ինքնապահովման գործին աջակցելու համար։ Այդ աշխատողների թվում են ինքնապահովման ծառայությունների կառավարիչը և անձնակազմի այլ աշխատակիցներ։ Այդ աշխատողները ավագ լիաժամկետ միսիոներների հետ միասին կարող են օգնել ուսուցանել ցցի ինքնապահովման հանձնախմբին, թե ինչպես կազմակերպել հոգևոր երեկոներ և կազմել ինքնապահովման խմբեր։ Նրանք կարող են նաև օգնել հանձնախմբին գտնել և կիսվել տեղական համայնքային և Եկեղեցու նյութերով։

«Առանց ինքնապահով լինելու մարդը չի կարող գործադրել ծառայելու այդ ներքին ցանկությունը։ Ինչպե՞ս կարող ենք տալ, եթե ոչինչ չկա այնտեղ։ Սովածին ուտելիք չես կարող տալ դատարկ դարակներից: Կարիքավորին գումար չես կարող տալ դատարկ դրամապանակից: Աջակցությունը և ըմբռնումը չի կարող գալ հոգով քաղցածից: Ուսուցումը չի կարող գալ տգետից: Եվ ամենից կարևորը՝ հոգևոր առաջնորդությունը չի կարող գալ հոգևորապես թույլից»։

Marion G. Romney, “The Celestial Nature of Self-Reliance,” Ensign, Nov. 1982, 93 

Ինքնապահովման ձեռնարկներն առկա են առցանց Gospel Library-ում և srs.lds.org-ում։ Տպագիր ձեռնարկները կարելի է պատվիրել store.lds.org-ում կամ Եկեղեցու բաշխման կենտրոններից։

Սովորաբար անդամները (թեև ոչ պարտադիր) սկսում են ինքնապահովման իրենց ուղին հոգևոր որևէ երեկոյի մասնակցելուց հետո։ «Ինքնապահովման իմ ուղին» գրքույկը կարող է օգնել վարել քննարկումները։

Ուսուցման նյութեր և հաջողված պատմությունների տեսանյութեր կարելի է գտնել առցանց՝ srs.lds.org/videos կայքում։

Ցիցը կարող է որոշել հիմնել ինքնապահովման ռեսուրս-կենտրոն՝ ինքնապահովման խմբերի շրջանակներից դուրս կարիքներ հոգալու համար։ Օրինակ, «կենտրոնը» կարող է լինել ֆիզիկական որևէ տարածք, որը գտնվում է ընտանեկան պատմության կենտրոնում, և որը կարող է համակարգիչներ տրամադրել անդամներին օգնելու համար։ «Կենտրոնը» կարող է լինել նաև վիրտուալ նախաձեռնություն, որը կարող է կապ ստեղծել անդամների և տեղական ու առցանց ռեսուրսների միջև։ Եթե կենտրոնը ֆիզիկական վայր է, ցիցը կարող է որոշել, թե ինչ հաճախականությամբ այն պետք է աշխատի (բաց լինի) և ինչ անձնակազմ ընդգրկվի։

• Ինքնապահովման ինչպիսի՞ կարիքներ ունեն մեր տարածքի անհատները և ընտանիքները։

• Մենք ինչպե՞ս կարող ենք աջակցել եպիսկոպոսներին, քվորումներին և Սփոփող Միությանը՝ աղքատների և կարիքավորների մասին հոգ տանելու իրենց դերը կատարելու հարցում։

• Ինչպե՞ս կարող ենք ավելի լավ օգնել եպիսկոպոսներին և ծխերի խորհուրդներին՝ մարդկանց գտնելու և հրավիրելու նրանց մասնակցել ինքնապահովման մեր նախաձեռնություններին։

• Մենք ի՞նչ կարող ենք անել ինքնապահովման խմբերի ժողովների ժամանակ և դրանցից հետո՝ մասնակիցներին ավելի լավ աջակցելու համար։

• Ինչպե՞ս կարող ենք ավելի լավ օգնել այն մարդկանց, ովքեր չեն կարող հաճախել կամ ավարտել ինքնապահովման խմբի ծրագիրը։

• Ինչպե՞ս կարող ենք ավելի լավ օգտագործել մեր տարածքի անդամների տաղանդները, հմտությունները և մասնագիտական փորձը։

• Ի՞նչ տեսակի ռեսուրսների (Եկեղեցու կամ համայնքի) կարիք ունեն մեր անդամները և ինչպես պետք է զարգացնենք այդ ռեսուրսները և կիսվենք դրանցով։

• Ինքնապահովման մեր նախաձեռնություններով ինչպե՞ս կարող ենք աջակցել ցցի և ծխի առաջնահերթությունների իրականացմանը։ (Օրինակ, միսիոներական աշխատանքին, անդամների վերաակտիվացմանը, երիտասարդ ամուրիների կամ երիտասարդների ամրացմանը։)

• Եթե կիրառելի է, ինչպե՞ս կարող ենք օգնել Կրթության Մշտական Ֆոնդից օգտվողներին ավարտել և վճարել իրենց կրթության վարկը։