iVurevure

Tamata Cakacaka ena Lotu kei na Voladia Veitokoni

E vakacakacakataki ira na tamata ena veivanua yadua na Lotu me vukea na sasaga ni bula rawati koya. Oqo e okati kina e dua na manidia ni Bula Rawati Koya, kei na vakailesilesi tale eso. Ko ira na tamata cakacaka oqo, kei ira na qase kaulotu tudei, e rawa ni ra veivuke me tubera na komiti ni bula rawati koya ni iteki me tuva na lotu kei na ilawalawa ni bula rawati koya. Era rawa talega ni vukea na komiti me raica ka veiwasei baleta na ivurevure voleka kei na Lotu.

“Ni sega na bula rawati koya e sega ni rawa vua e dua me vakayacora na gagadre titobu me veiqaravi. Ena rawa vakacava me da solisoli kevaka e sega ni tiko e dua na ka? Na kakana vei ira na via kana e sega ni rawa ni lako mai ena kovate e lala tu. Na ilavo me ra vukei kina na leqa tu e sega ni rawa ni tauri mai na baosi lala. Na veitokoni kei na kila deivaki ena sega ni rawa ni lako mai vei ira na waloloi tu na ituvaki ni veika ni lomadra. Na ivakavuvuli ena sega ni rawa ni lako mai vei ira na sega ni vuli. Kena bibi duadua, na veidusimaki vakayalo ena sega ni rawa ni lako mai vei ira na malumalumu vakayalo.”

Marion G. Romney “Na Ka Bula Vakasilesitieli ena Bula Rawati Koya,” Ensign, Nove. 1982, 93

iVolavakarau

Na ivolavakarau ni bula rawati koya e tu ena initaneti ni Gospel Library kei na srs.lds.org. Na ivolavakarau lavetaki e rawa ni otataki ena store.lds.org se mai na sitoa ni Lotu.

iVolavakarau	iVakavakayagataki	Naba ni iYaya (ena vuku ni otataki)
Noqu Salatu ki na Bula Rawati Koya	Lotu ni Bularawati Koya	14068000
Noqu Yavu ni Bula Rawati Koya	iVakavuvuli Vakayalo Kei na Kila Vakacakacaka	14067000 (iVakaraitaki: Kuri talega ena ivolacakacaka ni ilawalawa yadudua)
Tekivuna ka Vakatubura na Noqu Bisinisi	iVolacakacaka ni iLawalawa	14678000
Kunea e Dua na Cakacaka e Vinaka Cake	iVolacakacaka ni iLawalawa	14072000
Vuli me baleta na Cakacaka Vinaka Cake	iVolacakacaka ni iLawalawa	14066000
iLavo ni Tamata Yadua	iVolacakacaka ni iLawalawa	14863000
Na iLawalawa ni Veituberi	Vuli nei Dauveiqaravi	Onolaini ga

Lotu ni Bula Rawati Koya

Ena dau tekivu na lewenilotu ena salatu ki na bula rawati koya (ia e sega ni gadrevi sara) ena tiko ena lotu. Na ivola ni cakacaka ni Noqu Sala ki na Bula Rawati Au ena vukea na kena veitalanoataki.

Vidio ni Vulitara kei na iTalanoa ni Qaqa

Na iyaya ni vuli kei na italanoa ni qaqa e tu ena onalaini na vidio eso ena srs.lds.org/videos.

Valenivolavola ni iVurevure ni Bula Rawati Koya

E rawa ni vakatulewataki mai na iteki me duri e dua na valenivolavola ni ivurevure ni bula rawati koya me sotava na gagadre ka sivita na ilawalawa ni bula rawati koya. Me ivakaraitaki, na “valenivolavola” e rawa ni dua na buturara ka veiwasei kei na valenivolavola ni tuva kawa ka rawa ni tu kina na kompiuta me vukei ira na lewenilotu. E dua na “valenivolavola” e rawa sara ga ni dua na sasaga laurai me semati ira na lewenilotu kei na madigi voleka kei na ivurevure onalaini. Kevaka me vanua votuka na valenivolavola, me vakatulewataki mai na iteki na gauna e dau dola kina kei na kena dauveiqaravi.

Taro me na Dikeva na Komiti

Na veivuke cava ni bula rawati koya e tiko ena noda yasayasa me baleta na tamata yadudua kei na matavuvale?
Eda tokoni ira rawa vakacava na bisopi, kuoramu, kei na iSoqosoqo ni Veivukei ena nodra ilesilesi mera qaravi ira na dravudravua kei na vakaleqai?
E rawa vakacava me da vukei ira vakavinaka cake na bisopi kei na matabose ni tabanalevu me ra kunei ka sureti na tamata me ra vakaitavi ena igu ni bula rawati koya?
Na cava eda rawa ni cakava e loma vakakina ni cava na ilawalawa ni bula rawati koya meda tokoni ira cake vakavinaka na vakaitavi?
Eda rawa vakacava ni vukei ira cake vakavinaka na tamata era sega ni rawa ni tiko se vakacavara na ilawalawa ni bula rawati koya?
Ena rawa vakacava ni da vakayagataka vakavinaka cake na taledi, kila vakacakacaka, kei na nodra maqosa na lewenilotu ena noda yasayasa?
Na ivurevure cava ena Lotu kei na itikotiko era gadreva na lewenilotu, ka rawa vakacava ni da vakatubura ka wasea na veivurevure oqori?
E rawa vakacava ni da vakayagataka na noda sasaga ni bula rawati koya meda tokona kina na veika bibi ni iteki kei na tabanalevu? (Me ivakaraitaki, na cakacaka vakaulotu, na vakabulabulataki ni lewenilotu, na itabagone qasecake dawai, se itabagone.)
Ke ganita, e rawa vakacava meda vukei ira ka ciqoma na iLavovure ni Vuli mera tauri ivola ka sauma lesu nodra idinau?