iTukutuku Taumada

E levu na lewe ni Lotu e rawa ni ra vakavinakataka nodra bula rawati ira, “sai koya na nodra rawata, nodra yalataki ira, kei na nodra sasaga me ra vakarautaka na veika ni bula vakayalo kei na bula vakayago me baleti ira kei na matavuvale” (iVoladusidusi 2: Veiliutaki ena Lotu 2010], 6.1.1). Sa dua vei ira na va na itavi vakalou ni Lotu me qaravi ira na dravudravua kei na vakaleqai (iVoladusidusi 2, 2.2). Na ivoladusidusi ni veiliutaki oqo ena vukei iko ena vakayacori ni veivakavuvuli vakaivunau ka na vukei ira na lewenilotu me ra vukei ira kei ira na tani me ra rawati ira vakayalo ka vakayago.

Yalovinaka mo taura e vica na miniti mo wilika na ivola mai na Mataveiliutaki Taumada ka vulica eso na veivakalougatataki yalataki ki na bula rawati koya ka ra rawa ni ciqoma na lewenilotu ena iteki (se tikina) kei na tabanalevu (se tabana).