Raatin li Xb’eenil Awa’b’ejil

Eb’ li kok’al ut li saaj sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan a’aneb’ xrab’in ut ralal li Dios raarookeb’ xb’aan. Te’ruuq chixk’eeb’al chi uxmank ninqi k’anjel sa’ li ruchich’och’.

Eb’ li na’leb’ li k’utb’ileb’ sa’ li k’anjel a’in choq’ reheb’ li kok’al ut li saaj neke’reetali jun na’leb’ jwal taqenaq ut sant chirix xwaklesinkil xch’ooleb’ li tasal tenamit li yookeb’ chi k’iik, re naq te’xtaaqe li Jesukristo ut te’xyu’ami lix evangelio sa’ chixjunil li neke’xb’aanu. Jo’ xcha’al li nimla k’anjel a’in wan li xtzolb’al li evangelio, li osob’tesink re k’anjelak chiru li qas qiitz’in, li chaab’ilob’resink-ib’, ut eb’ li kok’ k’anjel jwal chaab’ileb’. Li k’anjel a’in natikla sa’ li kab’l. Wan lix loq’laj k’anjeleb’ li na’b’ej yuwa’b’ej re xtzolb’aleb’ lix kok’al sa’ li saqen ut li yaal. Eb’ laj jolominel sa’ li Iglees neke’xtenq’aheb’ ut neke’xk’ameb’ xb’e li kok’al, li saaj, ut lix junkab’aleb’.

Nekexqara. Wan qayo’onihom eerik’in. Naqaye naq li qaYuwa’ sa’ Choxa toj texrosob’tesi ut texxtenq’a naq yookex chixb’eresinkileb’ ut chixk’amb’aleb’ xb’e li ralal xk’ajol rik’in paab’aal.