O A Faamanuiaga o le Aoaoina o le Igilisi?

“Afai e te le tautala Igilisi, e tatau ona e aoaoina a o avea ai ma se faifeautalai. O le a faamanuiaina ai oe i le taimi o lau misiona ma lou olaga atoa” (Tala’i La’u Talalelei, 140). O le aoaoina o le Igilisi i le taimi o lau misiona e mafai ona maua ai e oe ma lau soa ni avanoa e faamalosia ai ma lagolago ai e le tasi le isi. “Fesoasoani i au soa ia maua le aafiaga o le faamanuiaina ma maua le mautinoa i le aoaoina o le gagana a le misiona po o le aoaoina o le Igilisi. Ia faia pea ma le loto atoa le tuuina atu o le faamalo i au soa ma isi faifeautalai i lo latou alualu i luma” (Talai Lau Talalelei, 142). A e toe foi atu i le fale, e mafai ona e faaaogaina ou tomai i le Igilisi e fesoasoani ai i isi. “Faaauau pea ona faaaoga le gagana o lau misiona pe a e toe foi i le fale. Ua tele mea ua tuuina atu e le Alii ia te oe, ma o le a Ia faaogaina ou tomai i le gagana i se taimi o lou olaga i le lumana” (Tala’i La’u Talalelei, 140).

O faifeautalai talavou faamisiona uma ua faamaeaina a latou auaunaga faafaifeautalai (e aofia ai faifeautalai vave faamalolo ma faifeautalai auauna atu) ua muai faatagaina mo le BYU–Pathway Worldwide ma maua se tau pau o pili aoga. Pe a faamaeaina e faifeautalai le kosi i luga o le initoneti o le EnglishConnect 3 pe ausia foi se togi agavaa i le iloiloga o le Igilisi, o le a mafai ona le sueina le suega ulufale i le BYU–Pathway Worldwide. O le BYU–Pathway o se polokalama a le iunivesite lea e maua ai tusi faamaonia ma tikeri i luga o le initoneti.

O le aoaoina o le Igilisi e mafai ona faaleleia ai avanoa mo galuega. O nei avanoa e mafai ona maua i le lotoifale pe mamao foi. I atunuu e le o le Igilisi le gagana autu, o tagata taitoatasi e tautatala i le Igilisi ua faalauteleina filifiliga mo galuega ma e mafai ona maua le 30-50 pasene totogi maualuga atu nai lo le averesi o tagata e le tautatala i le Igilisi.

Asiasi i le missionary.englishconnect.org e aoao atili ai ma maua ai punaoa faaopoopo.