“Susu mai i le EnglishConnect mo Faifeautalai,” Taiala Suesue o le EnglishConnect mo Faifeautalai
“Faafeiloai,” Taiala Su’esu’e o le ECM
Susū Mai i le EnglishConnect mo Faifeautalai
“Afai e te le tautala Igilisi, e tatau ona e suesueina o se faifeautalai. O lenei mea o le a faamanuiaina ai oe i le taimi o lau misiona faapea ma lou olaga atoa. O le aoaoina o le Igilisi o le a faamanuiaina ai foi lou aiga” (Tala’i La’u Talalelei, 140).
Faamoemoega
Ua saunia le EnglishConnect mo Faifeautalai e fesoasoani ia te oe e aoao ai le Igilisi “e ala lava lea i le suesue ma le faatuatua foi” (Mataupu Faavae ma Feagaiga 88:118). E mafai ona fesoasoani le EnglishConnect ia te oe e:
-
Faatupulaia le faatuatua ia Iesu Keriso ma le Tama Faalelagi.
-
Faaaoga aoaoga faavae faaleagaga o le aoaoina o gagana.
-
Atiina ae le tomai i le Igilisi
O le aoaoina o le Igilisi e mafai ona faamanuiaina ai oe o se faifeautalai ma faateleina ai ou avanoa pe a maea le misiona mo auaunaga, galuega, ma aoaoga—e aofia ai le BYU–Pathway Worldwide.
Vaai i le “O a Faamanuiaga o le Aoa’oina o le Igilisi” e a’oa’o atili ai.
Tulaga o le EnglishConnect
E tele ni tulaga o le EnglishConnect mo Faifeautalai e fesoasoani mo lou alualu i luma: EnglishConnect mo Tagata Amata, EnglishConnect 1, EnglishConnect 2, ma le EnglishConnect 3. O tulaga taitasi e i ai punaoa mo suesuega faaletagata lava ia ma faataitaiga faalesoa. Afai e te le’i mauaina au punaoa, faamolemole faafesootai lou taitai misiona.
Suesuega o le Gagana i Aso Uma
E 30–60 minute e faaaoga e faifeautalai mo le taimi e suesue ai gagana i a latou faasologa faatulagaina (tagai i le Faatulagaga o Faifeautalai mo Soo o Iesu Keriso, 2.4.2). E le gata i lea, e mafai ona e faataitai le gagana o lau misiona ma le Igilisi faatasi ma lau soa i le aso atoa.
E mafai ona e faaaogaina le EnglishConnect mo Faifeautalai i le taimi o suesuega o le gagana e faamanuiaina ai oe i le taimi o lau misiona ma i lou olaga atoa.
Tagai i le “EnglishConnect mo Aafiaga Faafaifeautalai”
Faaaoga aoaoga faavae o loo i le Tala’i La’u Talalelei, mataupu e 7, e faataitai ai i aso taitasi ma saili le meaalofa o gagana.
“Ia onosai a o e suesue ma le agaga tatalo ma faataitai le gagana. Talitonu o le a fesoasoani le Agaga ia te oe a o e faia se taumafaiga maelega. Ia faatuatua e mafai ona e maua le meaalofa o le tautala i gagana” (Tala’i La’u Talalelei,143).