“O a Mea Ou Te Faia a o Su’esu’eina le Gagana i Aso Taitasi?,” Taiala suesue o le EnglishConnect mo Faifeautalai

“Su’esu’eina o le Gagana i Aso Taitasi,” Taiala suesue o le ECM

O a Mea Ou Te Faia a o Su’esu’eina le Gagana?

Mulimuli i Mataupu Faavae o le Tala’i La’u Talalelei

O le Tala’i La’u Talalelei e aoaoina ai oe i auala e saunia ai oe lava faaleagaga ma ia anoa au suesuega. O le a fesoasoani foi ia te oe e aoao ai pe faapefea ona saili le meaalofa o gagana ma faaaoga aoaoga faavae o le aoaoina o gagana. Iloilo e le aunoa ia mataupu faavae o loo aoaoina i le Tala’i La’u Talalelei, mataupu e 7 ma saili e mulimuli i ai i le taimi o au suesuega o le gagana.

Fausia se Fuafuaga mo le Suesueina o le Gagana

“O se fuafuaga mo le suesueina o le gagana o le a fesoasoani i faifeautalai fou ma faifeautalai ua lava le malamalama, ia taulai atu i mea e mafai ona latou faia i aso taitasi e faaleleia ai lo latou tomai” (Talai Lau Talalelei, 141). Mafaufau e faaaoga le faagasologa o le faatutuina o sini o loo aoao mai i le Tala’i La’u Talalelei, mataupu e 8, e fesoasoani ia te oe e aoao ai le Igilisi.

Faatu ni sini i vaiaso taitasi ma aso taitasi mo le aoaoina o le Igilisi.
Faamaumau ma faatulaga po o a lesona o le EnglishConnect, tusi lesona mo tagata aoao, api o galuega, ma punaoa i luga o le initoneti o le a e faaaogaina, o afea o le a e faaaogaina ai, ma pe faapefea ona e fuafua e faaaofia ai lau soa.
Faatino i au fuafuaga.
Iloilo ma toe tulitatao. Ia Iloilo so’o lau fuafuaga o suesuega e iloa ai po o le a le lelei o lo o i ai.

Faaaoga mataupu faavae o loo i le Tala’i La’u Talalelei, mataupu e 7, e faaleleia atili ai au suesuega. Tagai i le faataitaiga lenei o fuafuaga mo suesuega mo se fesoasoani faaopoopo e tusa ai ma lou tulaga:

Iloilo ma Toe Tulitatao

Pe a e faamaeaina gaoioiga i se lesona, faaaoga siaki faaletagata lava ia o le lesona e iloilo ai lou aoaoina. A uma ona e faamae’aina uma gaoioiga mo se tulaga, fai le su’ega mo lena tulaga. O le taimi lava e te lagona ai ua e sauni, e mafai ona e agai i le isi tulaga. E mafai ona maua siaki a le tagata lava ia ma gaoioiga i luga o le initoneti i le missionary.englishconnect.org. Mai lea taimi i lea taimi, faaalu se taimi e iloilo ai pe mafai faapefea ona e faaaogaina mataupu faavae o loo i le Tala’i La’u Talalelei, mataupu e 7, e faaleleia atili ai au suesuega.

E Faapefea Ona Siaki Lo’u Alualu i Luma?

E ta’i fa masina ma e maua se imeli e vala’aulia ai oe e faia se su’esu’ega o lou tomai i le Igilisi. A maea le faavasegaga, o le a e mauaina se lipoti o le alualu i luma. O lenei lipoti o le a fesoasoani ia te oe e siaki ai lou alualu i luma ma aoao ai auala e faaleleia atili ai. I le taimi o lau siitaga mulimuli, o le a e faia se iloiloga mulimuli ma maua se tusi faamaonia. E mafai ona e mauaina ou faavasegaga i luga o le itulau o le aoaoina o gagana i le Faitotoa a Faifeautalai e siaki ai lou alualu i luma.