Mjetet e Studimit tëShkrimeve të Shenjta

• Si kanë ndikuar këto mjete në aftësitë tona për të udhëtuar dhe punuar?

• Çfarë mjetesh të tjera janë zhvilluar gjatë viteve që i kanë rritur aftësitë tona për të bërë gjëra?

• Si do të ishte jeta ndryshe nëse nuk do të ishim në dijeni të këtyre mjeteve ose se si t’i përdorim ato?

Ashtu si me udhëtimin dhe punën, ka mjete që na ndihmojnë t’i studiojmë shkrimet e shenjta dhe t’i afrohemi më shumë Atit Qiellor dhe Jezu Krishtit.

Vëllai Ted R. Kelister, ish‑President i Përgjithshëm i Shkollës të së Dielës, tregoi sa vijon:

“Brezi i tanishëm po zbulon të vërteta, ide dhe konfirmime shtesë të panjohura për shumë paraardhës të tij – jo ngaqë brezi i tanishëm është domosdoshmërisht më i drejtë, as ngaqë ka aftësi intelektuale më të mëdha, por sepse ka mjete më të mira. Bujku më i ditur me një kalë dhe parmendë nuk mund të krahasohet me një bujk po aq të aftë me një traktor të teknologjisë së lartë që ai komandon. Matematikani me një vizore logaritmike nuk përbën asnjë sfidë për kolegun e tij me një kompjuter me shpejtësi të lartë. Një Galileo me një teleskop dore nuk do ta zbulojë asnjëherë universin si një Galileo me teleskopin më të përparuar në dispozicionin e tij. Zoti duhet të presë shumë më tepër nga ne në diturinë e ungjillit nga sa priti në brezat e mëparshëm, për shkak se kemi kaq shumë në dispozicionin tonë.” (Tad R. Callister, The Infinite Atonement [2000], f. 21)

Përsiati pyetjet vijuese:

• Sa në dijeni je të mjeteve të studimit të shkrimeve të shenjta që mund të të ndihmojnë të gjesh përgjigje për pyetjet e tua dhe të afrohesh më shumë me Atin Qiellor dhe Jezu Krishtin?

• Sa mirë e ndien se i përdor ato?

Ndërsa e studion këtë mësim, kërko t’i kuptosh më mirë mjetet e studimit të shkrimeve të shenjta dhe se si ato mund të të ndihmojnë.

Poshtëshënimet

Udhëzuesi për Shkrimet e Shenjta

Hartat

Fotografitë e Historisë së Kishës

Mendo për atë që di dhe çfarë do të doje të dije rreth faljes.

Lexo te Doktrina e Besëlidhje 64:9–11 dhe kërko të vërteta rreth faljes.

• Çfarë mësove? Çfarë të ndihmojnë këto vargje të kuptosh më mirë rreth Atit Qiellor dhe Jezu Krishtit?

  Tani ftojini nxënësit të tregojnë se çfarë mjetesh mund të përdorin për ta thelluar kuptueshmërinë e tyre. Ndërsa një nxënës e tregon një mjet, pyeteni se si përdoret dhe ftojini të gjithë nxënësit ta ndjekin drejtimin e tij. Për shembull, ai mund të kërkojë shkrimet e shenjta që gjenden në poshtëshënimet e këtyre vargjeve. Ai mund të kërkojë gjithashtu “Jezu Krishti” ose “Shëlbues” tek Udhëzuesi për Shkrimet e Shenjta.

  Ftojini nxënësit ta tregojnë se çfarë mësuan dhe përse ishte kuptimplotë për ta.

• Si e ndihmuan studimin tënd këto mjete të studimit të shkrimeve të shenjta?

Duke i përdorur mjetet e studimit të shkrimeve të shenjta, shpenzoni disa minuta për ta studiuar këtë temë ose pyetje. Kërkoji të vërtetat që janë kuptimplota për ty, u përgjigjen pyetjeve të tua ose të sjellin më afër Atit Qiellor dhe Jezu Krishtit.

• Si mund të ndikojë përdorimi i vazhdueshëm i këtyre mjeteve të studimit vetjak të shkrimeve të shenjta në njohurinë dhe marrëdhënien tënde me Atin Qiellor dhe Jezu Krishtin?