Përqendrimi te Jezu Krishti në Shkrimet e Shenjta

Merreni parasysh të bëni veprimtarinë vijuese ose një veprimtari tuajën për të paraqitur aftësinë e studimit të shkrimeve të shenjta të përqendrimit te Shpëtimtari. Për të nxitur gatishmërinë e nxënësve, mund të paraqitni variantin e turbulluar të figurës që nxënësit ta shohin ndërsa vijnë.

Ndërsa nxënësit këqyrin figurën e Shpëtimtarit duke u dhënë shërbesë njerëzve të kontinentit të lashtë amerikan, merreni parasysh të bëni pyetje si vijueset. Ndërsa nxënësit u përgjigjen pyetjeve tuaja, bëjuani të ditur atyre se i vlerësoni pikëpamjet dhe pjesëmarrjen e tyre.

Merreni parasysh të jepni informacion si ai në vijim, për t’i ndihmuar nxënësit ta kuptojnë më mirë objektivin për sot.

Një aftësi që mund t’ju ndihmojë të përqendroheni te Shpëtimtari, është kërkimi për emrat dhe titujt e Tij të shumtë ndërkohë që i studioni shkrimet e shenjta. Këta emra dhe tituj vënë në dukje rolet që Ati Qiellor i ka dhënë Atij.

Merreni parasysh të jepni modelin për këtë aftësi për nxënësit duke përdorur fragmentin vijues të shkrimeve të shenjta ose një tjetër sipas zgjedhjes suaj. Mundet edhe të paraqitni figurën nga fillimi i mësimit ose një figurë tjetër të Shpëtimtarit. Ndërsa përcaktohen emrat dhe titujt e ndryshëm gjatë gjithë mësimit, nxënësit mund të ftohen t’i shkruajnë këto përqark figurës së Shpëtimtarit në tabelë dhe të shpjegojnë përse emri ose titulli është domethënës për ta.

Për shembull, kur ndiejmë se kemi nevojë për më tepër dritë në jetën tonë, mund të kujtojmë se Shpëtimtari është ajo dritë. Ai mund të na udhërrëfejë gjatë rrugës së kthimit tonë për tek Ati ynë Qiellor.

Merrini parasysh nevojat e nxënësve tuaj ndërsa vendosni a duhet ta bëjnë ata veprimtarinë vijuese individualisht ose në grupe të vogla. Për më tepër, nxënësit mund të tregojnë titujt që gjetën nga studimi i tyre vetjak, që janë kuptimplotë për ta.

Pasi t’u jepni nxënësve kohë për të studiuar dhe përsiatur, ftojini ata të tregojnë atë që mësuan dhe ndien nga veprimtaria. Kërkoni mënyra për të theksuar se si emrat e Shpëtimtarit shkojnë paralelisht me përpjekjet e Tij për të na ndihmuar.

Sa vijon është një mënyrë tjetër për t’u përqendruar te Shpëtimtari ndërkohë që i studioni shkrimet e shenjta. Nëse keni kohë të mjaftueshme në mësimin tuaj, mund të jepni modelin dhe t’i ftoni nxënësit ta ushtrojnë këtë aftësi gjithashtu.

Nëse është e nevojshme, merreni parasysh t’u jepni nxënësve modelin se si të përcaktojnë një cilësi të Shpëtimtarit duke përdorur njërin nga fragmentet në seksionin tjetër ose një fragment sipas zgjedhjes suaj. Një mënyrë për t’iu qasur veprimtarisë vijuese, është të shkruani fragmentet nga Doktrina e Besëlidhje në copa të veçanta letrash dhe t’i vini ato në vendndodhje të ndryshme kudo nëpër dhomë. Nxënësit mund të punojnë në grupe të vogla që të shkojnë te secila copë e letrës dhe të kërkojnë te fragmenti për një cilësi hyjnore të Shpëtimtarit.

Për shembull, nxënësit mund të përcaktojnë gatishmërinë e Krishtit për të bërë vullnetin e Atit Qiellor te seksioni 19. Nëse nxënësit kanë shkruar emra dhe tituj përqark një figure të Shpëtimtarit në tabelë, inkurajojini ata t’i shkruajnë edhe cilësitë që zbulojnë. Kërkoni mënyra për t’i falënderuar nxënësit për pjesëmarrjen e tyre dhe theksoni pse duhet ta duam Shpëtimtarin dhe t’i mirëbesojmë Atij.

Merreni parasysh të jepni dëshminë tuaj për sa i përket rëndësisë së përqendrimit te Shpëtimtari kur jeni duke studiuar shkrimet e shenjta. Ftojini nxënësit të përqendrohen te Shpëtimtari në çdo seksion të librit Doktrina e Besëlidhje.

Në orën mësimore të ardhshme, merreni parasysh t’i ftoni nxënësit të tregojnë atë që gjetën në studimin e tyre vetjak ose familjar rreth Shpëtimtarit. Kërkoni mundësi në mësimet e ardhshme për t’i inkurajuar nxënësit ta ushtrojnë këtë aftësi në orën mësimore.