Doktrina e Besëlidhje 67

• Përse mund të jetë e dobishme të kesh një dëshmi të këtyre aspekteve të planit të Atit Qiellor?

• Cilat janë disa pengesa që mund ta pengojnë forcimin e kësaj dëshmie?

Nga fundi i vitit 1831, Jozef Smithi mori një koleksion zbulesash nga Zoti, por shumë pak njerëz kishin qasje te kopje të tyre. Zoti u zbuloi se ishte e nevojshme që ata t’i botonin në një libër. Si Libri i Mormonit, Libri i Urdhërimeve (i botuar më vonë si Doktrina e Besëlidhje) supozohej të përfshinte dëshmi nga dëshmitarët. Megjithatë, disa udhëheqës të Kishës ishin ngurrues për të dëshmuar; ata kishin shqetësime me një pjesë të gjuhës dhe dëshironin ta përmirësonin atë.

Lexo te Doktrina e Besëlidhje 67:1–5, duke kërkuar atë që Zoti u tregoi këtyre burrave.

• Si mendon, përse ishte e nevojshme që ata ta dëgjonin këtë?

• Cilën të vërtetë të ungjillit mund të përcaktosh nga këto vargje?

  Ndërsa nxënësit flasin, ndihmojini ata të përcaktojnë një të vërtetë si kjo: Zoti i dëgjon lutjet tona, i njeh zemrat tona dhe mund të na japë një dëshmi për të vërtetën që kërkojmë.

• Si mendon se kjo mund të na ndihmojë kur jemi duke kërkuar një dëshmi ose kemi vështirësi me të?

• Përse mendon se “frik[a] në zemr[ën tonë]” (Doktrina e Besëlidhje 67:3) mund të na pengojë t’i marrim bekimet? 3 Ju u përpoqët të besoni se duhet të merrni bekimin që ju ofrua juve; por vini re, në të vërtetë unë ju them se pati frikë në zemrat tuaja dhe në të vërtetë kjo është arsyeja që nuk e morët.

• Te vargu 5, çfarë pranoi Zoti rreth Jozef Smithit? Megjithëse Profeti nuk ishte i përsosur dhe elokuent, përse mund të mos jetë diçka e urtë të përpiqesh të “shprehe[sh] përtej gjuhës së tij”? (Doktrina e Besëlidhje 67:5.)

Zoti e njeh zemrën tonë dhe mund të na ndihmojë t’i kapërcejmë pengesat ndaj dëshmive tona. Në këtë rast, Zoti dha një sfidë për pleqtë e Kishës së Tij për t’i ndihmuar ata të marrin një “dëshmi për të vërtetën” (vargu 4) e zbulesave të marra nga Jozef Smithi.

Lexo te Doktrina e Besëlidhje 67:6–9, duke kërkuar hollësitë e sfidës së Zotit.

• Çfarë lloj zbulese supozohej të zgjidhnin ata? (Shih vargun 6.)

• Çfarë lloj personi supozohej të përzgjidhnin ata? (Shih vargun 6.)

• Çfarë u ftua ky person të shkruante? (Shih vargun 7.)

• Çfarë do të ndodhte nëse ata do t’ia dilnin mbanë? (Shih vargun 7.)

• Çfarë do të ndodhte nëse do të dështonin? (Shih vargjet 8–9.)

  Për të zbuluar se çfarë ndodhi më pas, mund të shtypni ose paraqitni skicën e vizatuar “The Prophet’s Words Are True” [“Fjalët e Profetit Janë të Vërteta”] nga revista Për Forcën e Rinisë e qershorit të vitit 2021 dhe t’i ftoni nxënësit ta lexojnë atë. Përndryshe, mund të shpjegoni se Uilliam Mek‑Lelini, një arsimtar 25‑vjeçar dhe i kthyer rishtas në besimin në Kishë, u caktua si “më i mençuri” (vargu 6) i grupit dhe e pranoi sfidën e Zotit. Kur mbaroi, të gjithë e dalluan se ajo që ai shkroi, nuk ishte nga Zoti.

• Si mendon, cilat janë disa nga mësimet që mësuan këta njerëz nga kjo përvojë?

  Ndërsa nxënësit përgjigjen, mund t’i ftoni ata të shqyrtojnë vargun 9. Mund të shpjegoni gjithashtu se shumë nga pleqtë nënshkruan një dokument duke dhënë dëshminë e tyre zyrtare për vërtetësinë e zbulesave në Librin e Urdhërimeve.

• Si e tregon kjo përvojë se Zoti i njihte ata dhe mund t’i ndihmonte për dëshmitë e tyre?

Zoti vazhdoi duke u premtuar këtyre burrave përvoja shpirtërore edhe më të mëdha nëse ata do të “zhvishe[shin] nga xhelozitë e frika dhe përule[shin] përpara [Tij]” (Doktrina e Besëlidhje 67:10).

Imagjino sikur dikush që ti e njeh ka vështirësi të besojë se Zoti na flet nëpërmjet profetëve dhe se Doktrina e Besëlidhje është fjala e Zotit.

Mendo se si mund ta ndihmosh këtë person duke bërë sa vijon:

1. Shkruaj atë që do të thoshe për ta ndihmuar atë ta dijë se Zoti i dëgjon lutjet tona, e njeh zemrën tonë dhe mund të na japë një dëshmi për profetët dhe librin Doktrina e Besëlidhje. Nëse është e mundur, mund të duash të përfshish ndonjë përvojë vetjake ose përvoja të njerëzve pranë teje, që dëshmojnë për këto të vërteta.

2. Përdori shkrimet e shenjta, historitë nga shkrimet e shenjta ose përvojat vetjake për të treguar disa gjëra që mund t’i bëjmë për t’i rritur dëshmitë tona për profetët dhe librin Doktrina e Besëlidhje (disa shembuj përfshijnë Doktrina e Besëlidhje 1:37–38; 21:4–6; Moroni 10:4–5). Trego se si mund të na bekojë Zoti për këto veprime.