Kūriijmōj

• Ro uwaan kūlaaj eo remaron̄ riiti perokūrāāp eo kein kajuon an “Kraist Eo Emour” im kwaļo̧k ļōmņak ko aer kōn etke kareel eo an Jisōs Kraist ekar ļapļo̧k an m̧wilaļļo̧k jān jabdewōt kareel an armej. Ta ennaan ko jet ilo “Kraist Eo Emour” rej rie ennaan in? Kajjitōk ippān ro uwaan kūlaaj eo n̄an kwaļo̧k ekōjkan An kar kareel er make. Pija in alooj eo “Why We Need a Savior” (ChurchofJesusChrist.org) emaron̄ jipan̄ iien ekōnono eo ami.

• Ro uwaan kūlaaj renan̄in ke kar aikuj kōmeļeļeik n̄an juon armej jān bar juon m̧anit etke jej keemem e Kūrijm̧ōj? Bōlen remaron̄ kwaļo̧k en̄jake ko aer. Ak kwomaron̄ kajjitōk ippān ro uwaan kūlaaj eo n̄an pijaikļo̧k kar aer kajjitōk ippāer kajjitōk in jān juon eo me ejjab jeļā kōn Kirijtin. Ekōjkan ad maron̄ uwaak n̄an kajjitōk in? Kōketak ro uwaan kūlaaj eo n̄an etale “Kraist Eo Emour” kōn ļōmņak in ilo kōļmenļo̧kjeņ, im kajjitōk ippān jet n̄an kwaļo̧k ļōmņak ko aer. Āinwōt juon kūlaaj, kom̧ maron̄ barāinwōt riiti Luk 2:10–14 ak al juon al in jar me ej kwaļo̧k lan̄lōn̄ eo an Kūrijm̧ōj (eo āinwōt “Joy to the World,” Hymns, nō. 201) im kōnono kōn etke ļotak eo an Kraist ej bōktok “eļap ļan̄lōn̄.” Ta eo jemaron̄ kōm̧m̧ane n̄an “bōk Kiin̄ eo [ad]”?

  

• Ilo “Kraist Eo Emour,” Rijilōk ro rej kōnono kōn Rilo̧mo̧o̧r āinwōt juon “menin letok” jān Jemādwōj Ilan̄. N̄an jipan̄ ro uwaan kūlaaj eo ekkatak eļapļo̧k kōn menin letok in, kwomaron̄ je ioon boot eo Kōn Jisōs Kraist, Anij ej letok n̄an kōj menin letok eo an … im kajjitōk ippān ro uwaan kūlaaj eo n̄an kwaļo̧k wāween ko n̄an kadedeikļo̧k jentōj in, pedped ioon ta eo raar riiti ilo “Kraist Eo Emour” im ennaan eo jān Būreejtōn Russell M. Nelson ilo “Kein Jipan̄ ko Jet.” Ekōjkan ad bōk menin letok kein? Kwomaron̄ kajjitōk ippān ro uwaan kūlaaj eo n̄an kāālet juon iaan menin letok kein im jerbal n̄an bōk menin letok jab eo ilo eļapļo̧k.

Ekōnono ilo iien Kūrijm̧ōj, Būreejtōn Russell M. Nelson ekar kōllaajrak emen menin letok ko me Rilo̧mo̧o̧r ej litok n̄an aolep ro me rej m̧ōņōņō in būki.

“Juon, Ekar letok n̄an kwe im n̄a juon maron̄ eo ejjeļo̧k jon̄an n̄an iakwe. Ekoba jon̄an eo n̄an iakwe ro ejjeļo̧k iakwe ippāer im ro rejjab wōt kōņaan iakwe eok ak kakkure eok im kōņaan kōjerbal eok.

“Kōn jipan̄ eo an Rilo̧mo̧o̧r, jemaron̄ ekkatak n̄an iakwe āinwōt Ekar iakwe. …

Kein karuo mennin leļo̧k eo Rilo̧mo̧o̧r eo ej lewaj ej maron̄ eo n̄an jeorļo̧k bōd. Jān Pinmuur eo Eļap, kwomaron̄ jeorļo̧k an ro rekar kōmetak eok bōd im ro me reban bōk eddo kōn nana eo aer n̄an eok. …

“Kein kajilu mennin letok eo jān Rilo̧mo̧o̧r ej eo an ukweļo̧k. Mennin letok in jejjab aolep iien meļeļe kake. … Ukweļo̧k Ej juon Mennin Letok Eaiboojoj. Ej juon jerbal jejjab aikuj mijake. Ej juon mennin letok n̄an kōj n̄an bōk kōn lan̄lōn̄ im n̄an kōjerbale—aaet m̧ōņōņō—raan n̄an raan ilo ad pukot n̄an erom̧ eļapļo̧k āinwōt Rilo̧mo̧o̧r eo ad. …

Kein kemān mennin letok jān ad Rilo̧mo̧o̧r ej juon kallim̧ur—juon kallim̧ur an mour ejjeļo̧k jem̧ļo̧kin … Mour indeeo ej kain mour rot im karbab eo me Jemedwōj Ilan̄ im Nejin Jitōb Bōro rej mour. Ke Jemen ekar letok n̄an kōj mour ejjeļo̧k jem̧ļo̧kin, Ej baj ba, ‘Eļan̄n̄e kwoj kālet n̄an ļoor Nejū m̧aan—eļan̄n̄e kōņaan eo am̧ ej lukkuun erom̧ āinwōt E—innām ilo tōre in kwomaron̄ mour āinwōt am mour im tōl ioon laļ ko im aelōn̄ in kiin̄ ko āinwōt kōm̧.’

“Mennin letok kein emān rejenolo̧k renaaj bōktok n̄an kōj eļapļo̧k im eļapļo̧k lan̄lōn̄ ilo ad būki. Raar kakūrm̧ool kōnke Jeova ekar itok jān ijo jikin ilan̄ n̄an itok n̄an laļ in āinwōt nin̄nin̄ Jisōs” (“Four Gifts That Jesus Christ Offers to You” [First Presidency Christmas devotional, Dec. 2, 2018], broadcasts.ChurchofJesusChrist.org).