“Jānwōde 18–24 Katak im Bujen ko 3–5: ‘Jerbal eo Aō enaaj Wōnm̧aanļo̧k,’” Itok, Ļoor Eō—N̄an Jabōt Jikuuļ: Katak im Bujen ko 2021 (2020)
“Jānwōde 18–24. Katak im Bujen ko 3–5,” Itok, Ļoor Eō—N̄an Jabōt Jikuuļ: 2021
Iien Jonikōn ilo France, jān James Taylor Harwood
Jānwōde 18–24
Katak im Bujen ko 3–5
“Jerbal eo Aō enaaj Wōnm̧aanļo̧k”
Ekkatak Katak im Bujen ko 3–5 m̧okta jen am̧ etale meļeļe ko ilo kōlaajrak in enaaj jipan̄ eok bōk tōl jān Jetōb Kwojarjar eo. Laajrak eo an wiik in ilo Itok, Ļoor Eō —N̄an Kajjojo Armej im Baam̧le Ko emaron̄ jipan̄ eok meļeļe bwebwenato eo ekar tōl ļo̧k n̄an revelesōn ko em̧ōj jeiki ilo jekjōn kein.
Je En̄jake ko Rej Im̧we Eok
Pija eo ej Bōk Jikin Kajjitōk n̄an Kwaļo̧ke
Lelo̧k n̄an ro uwaan kūlaaj eo jejjo minūt ko n̄an aer etale jeje ko rekwojarjar me rekar riiti ilo m̧oko im kappukot juon eoon im rej lo ke eļap an aurōk. Innām karuwaineneik er n̄an kwaļo̧k ta eo raar ekkatak ippān bar juon armej ilo kūlaaj eo.
Katakin Katak ko
Jej aikuj lōke Anij ijjelo̧kin mijak armej.
-
Āinwōt Josep Smith, em̧ōj ad aolep ioon iien ko n̄e jet armej rej akweļap e kōj n̄an kōm̧m̧ane juon men jejeļā ke ebwōd. Ta m̧ool ko jej ekkatak jān Katak im Bujen ko 3:1–15 me remaron̄ jipan̄ kōj depdep ilo tōmak ilo Irooj ilo iien rōt kein?
-
Ekar menin aikuj n̄an kauweiki Josep Smith kōn an ļapļo̧k an mijak armej jān Anij, ak ekar barāinwōt aikuj n̄an kōkajoor e. Kūr ro uwaan kūlaaj eo n̄an lale ilo jekjōn 3 ewi wāween an Irooj jim̧ōr kauwe im kōkajoor Josep. N̄an waanjon̄o̧k, remaron̄ kōlaajrak ioon board eo naan ko eoon ko 1–15 eped kauwe ko an Irooj im naan ko jet eped rojan̄ ko An n̄an ukweļo̧k im depdep ilo tōmak. Ta men eo ekar waļo̧k n̄an Josep ej katakin kōj kōn wāween an Rilo̧mo̧o̧r eo jipan̄ kōj anjo ioon bōd ko ad?
Irooj ej kajjitōk ipped n̄an jerbal n̄an E kōn aolepān būruwōd.
-
Kadkad ko rej kōmeļeļeik rijerbal ro an Irooj em̧ōj laajraki ilo Katak im Bujen ko 4:5–6 rej barāinwōt kadkad ko an Jisōs Kraist. N̄an jipan̄ ro uwaan kūlaaj eo katak eļapļo̧k, kwomaron̄ karuwaineneik er n̄an kālōt juon iaan kadkad ko im kappukot meļeļe ko ak eoon ko jet me ejipan̄ er kōļapļo̧k aer meļeļe kadkad eo (lale, n̄an waanjon̄ak, enaan eo jān Sister Elaine S. Dalton ilo “Kein Jipan̄ ko jet”). komaron̄ karuwaineneik jet iaan armej ro n̄an kwaļo̧k ta eo reloe. Remaron̄ barāinwōt kwaļo̧k etke kadkad eo rekar kālōte ej juon menin aikuj n̄an kōjerbale ilo laļ eo an Anij. Ewi wāween ad maron̄ kōļapļo̧k kadkad kein? (lale eoon 7).
-
Katak im Bujen ko 4 kar kwaeļo̧k n̄an Josep Smith Sr., eo ekar kōņaan jeļā ewi wāween an maron̄ jipan̄ kōn jerbal eo an Irooj. Jekjōn in emaron̄ barāinwōt jipan̄ jabdewōt iadean̄ ro ewōr aer ikdeleel n̄an jerbal n̄an Irooj. Juon in wāween n̄an ekkatak jekjōn in: ro uwaan kūlaaj eo remaron̄ jerbal ilo doulul jidik ko n̄an jeik juon kōmeļeļe in juon jerbal an ro karejaran Anij, kōjerbal jekjōn 4 āinwōt juon kein tōl. Ewi wāween an kadkad kein oktak jān kōmeļeļein jerbal ko jet? Etke kadkad kein raurōk ilo kōm̧m̧ane jerbal eo an Anij? Ennaan eo jān Elder David A. Bednar ilo “Kein Jipan̄ ko jet” emaron̄ jipan̄ ro uwaan kūlaaj eo meļeļe aurōkin ejaake kadkad kein.
Juon kam̧ool kōn m̧ool eo ej itok jān ro rej kōttāik er im tōmak.
-
Elan̄n̄e gold pileij ko renkar kwaļoki n̄an laļin n̄an loe, enaaj ke ukōt buruōn armej bwe Bok in Mormon ej m̧ool? Etke ak etke ejjab”? (lale Katak im Bujen ko 5:–7). Bōlen ro uwaan kūlaaj eo remaron̄ lale jekjōn 5 meļeļe ko me remaron̄ jipan̄ er uwaake juon armej eo ej kajjitōk kōn kein kam̧ool ke Bok in Mormon ej m̧ool. Ta eo Irooj ej katakin Josep Smith im Martin Harris me emaron̄ jipan̄ kōj bōk ad make kam̧ool kōn m̧ool ko an gospel?
Martin Harris, jān Lewis A. Ramsey
Kein Jipan̄ ko jet
Mour erreo meļeļein kajoor.
Sister Elaine S. Dalton ekar letok kōmeļeļe in kōn mour erreo: “Mour Erreo ej juon naan ejjab emakijkij ad ron̄ ilo jukjukin pād eo rainin, bōtaab naan in Latin eo virtus ej meļeļein kajoor. Kōrā ro rerreo im em̧m̧aan ro elōn̄ ippāer ettā im kajoor itulowa. Rej peran kōnke rerreo n̄an bōk im tōl jān Jetōb Kwojarjar” (“Juon Jepļaak n̄an Mour Erreo,” Ensign ak Liaona, Nob. 2008, 79).
Erōm̧ juon mijenede.
Elder David A. Bednar ekar ba: “Wāween eo n̄an erom̧ juon mijenede ejjab aikuji juon likao n̄an kōņake juon jōōt mouj im tae [ak juon jiron̄ n̄an kōņake juon nuknuk in jar] n̄an jikin jikuuļ aolep raan ak ļoor kōlaajrak ko an mijenede kōn ien kiki im iien rūj tok. … Bōtaab komaron̄ ļapļo̧k ilo am̧ ikdeelel n̄an jerbal n̄an Anij [lale Katak im Bujen ko 4:3], im komaron̄ jino ļōm̧ņak in āinwōt an mijenede ro ļōmņak, riiti ta ko mijenede ro rej riit, jar āinwōt an mijenede ro jar, im en̄jake ta ko mijenede ro rej en̄jake. Komaron̄ bōbrae kapo ko an laļin me rej kōm̧m̧an an Jetōb Kwojarjar etal, im komaron̄ eddōkļo̧k ilo peran ilo kile im eo̧ron̄ im̧we ko an Jetōb” (“Becoming a Missionary,” Ensign ak Liaona, Nob. 2005, 45–46).
Kōkōm̧anm̧anļo̧k Ad Katakin
Kajjitōk kajjitōk ko me rojan̄ ekōnono ko eļap meļeļeir. Kajjitōk ko me elōnļo̧k jān juon aer uwaak jim̧we kūr rikatōk ro n̄an uwaak ekkar n̄an ļōmņak ko aer make, en̄jaake ko aer, im jeļā ko aer. N̄an waanjon̄ak, komaron̄ kajjitōk, “Ewi wāween am̧ jeļā n̄āāt Anij ej ekōnono n̄an eok?” (Lale Katakin Ilo Wāween eo An Irooj, 33.)