Josep Smith—Bwebwenato 1:1–26

• Ro uwaan kūlaaj eo am̧ remaron̄ ekkeijel ippān kōņaan eo an Josep n̄an kappukot m̧ool eo ilo laļ in ijo elōn̄ meļeļe ko rekapokpok rej katakin. Ekōjkan an pok in ilo raan kein ad āinwōt ta eo ekar ioone? N̄an jipan̄ ro uwaan kūlaaj eo lale wāween ad maron̄ kappukot uwaak ko n̄an kajjitōk ko ad, kwomaron̄ karuwaineneik er n̄an kōlaajrak ioon board eo jet wāween ko armej rej kappukot m̧ool eo. Remaron̄ etale Josep Smith—Bwebwenato 1:5–18 im kobaik ilo laajrak eo ta eo Josep Smith ekar kōm̧m̧ane n̄an kappukot uwaak ko n̄an kajjitōk ko an.

• Ro uwaan kūlaaj eo remaron̄ kwaļo̧k ewi wāween aer kar ļoor waanjon̄ak eo an Josep Smith ilo aer kappukot m̧ool im ewi wāween an kar Anij uwaake er. Enaan eo an Būreejtōn Russell M. Nelson ilo “Kein Jipan̄ Ko””ej kwaļo̧k jet wāween jemaron̄ kappukot m̧ool jān Anij.

  

• Visōn eo M̧oktata ekar kwaļo̧k jejjo m̧ool ko kōn Anij me ekar kabōd ta eo elōn̄ raar tōmak ilo raan ko an Josep. Ro uwaan kūlaaj eo remaron̄ riiti Josep Smith—Bwebwenato 1:15–20 im kile juon men rej ekkatak kōn Anij. Etke eaorōk n̄an jeļā men kein rem̧ool kōn Anij?

• N̄e Josep Smith enkar lotok kūlaaj in ad, ta eo jemaron̄ kajjitōk ippān kōn ta eo ekar waļok n̄ane? Pija eo “Ask of God: Visōn eo M̧oktata” (ChurchofJesusChrist.org) emaron̄ leļo̧k kakobaba in jelā ko n̄an ro uwaan kūlaaj eo kōn Visōn eo M̧oktata an Josep Smith, ( lale barāinwōt “Kein Jipan̄ ko”). Bōlen remaron̄ kōļmenļo̧kijen kōn ewi wāween aer naaj kadedeļo̧k juon jentōj āinwōt in: “Kōnke Visōn eo M̧oktata ekar waļo̧k, ijeļā ke …”Ta kōjeram̧m̧an ko rekar itok n̄an mour kein ad kōn kar Visōn eo M̧oktata?

  

  6:38

• N̄an kobaikwaj n̄an jetōb in kōmeļeļe eo am̧, ro uwaan kūlaaj eo remaron̄ riiti ak al“Joseph Smith’s First Prayer” (Al ko, numba. 26). Ta eo al in ej jipan̄ kōj meļeļe im en̄jake kōn Visōn eo M̧oktata? Bōlen jet uwaan kūlaaj eo remaron̄ kwaļo̧k ewi wāween aer kar jelā ilo er make ke Josep ekar lukkuun lo Anij Jemed im Jisōs Kraist ilo Bukun Wōjke Ko Kwojarjar. Ak komaron̄ karuweineneik mijenede ro (ak juon mijenede eo ejkab rooltok) n̄an lotok kūlaaj eo im kōnnaan kōn ewi wāween an Visōn eo M̧oktata kar ukōt mour ko an armej ro rekar katakin er.

• Ro uwaan kūlaaj eo remaron̄ kile er ilo jet iaan men ko Josep Smith ekar iooni ke ekar jino ba n̄an jet armej kōn visōn eo an (lale Josep Smith—Bwebwenato 1:21-26). Bōlen remaron̄ kwaļo̧k jet eoon ko me rej jipan̄ er n̄e jet rej aitwerōk e tōmak ko aer.

• N̄e kwojeļā kōn ro uwaan ward eo im em̧ōj aer ioon jum̧ae kōnke rej uwaan Kabun̄ in, ļōmņak in kajjitōk ippāer n̄an itok n̄an kūlaaj im pojak n̄an kwaļo̧k ewi wāween aer kõkajoor wõt tõmak eo aer. Ta eo jej katak jen waanjon̄ak eo an Josep Smith ilo Josep Smith—Bwebwenato 1:21–26?

Būreejtōn Russell M. Nelson eaar katakin:

“Rikanaan Josep Smith ekar kōm̧m̧ane juon jon̄ak n̄an kōj n̄an ļoore ilo ad ņamejļan kajjitōk ko ad. Kar tōlļo̧k e n̄an kallim̧ur in an Jemes bwe eļan̄n̄e jej aikuj māletlet jemaron̄ kajjitōk ippān Anij [lale Jemes 1:5], ļaddik eo Josep ekar bōkļo̧k kajjitōk in an kaju n̄an Jemedwōj Ilan̄. Ekar kappukot revelesōn eo an make, im kappok eo an ekar kōpeļļo̧k tōre in bōk eddo.

“lo ejja wāween in wōt, ta eo kwonej pukote bwen peļļo̧k n̄an eok? Māletlet rot ejabwe ippem̧? Ta eo kwoj en̄jake ej juon menin ekairir n̄an jeļā ak meļeļe? Ļoor waanjon̄ak eo an Rikanaan Josep. Pukot juon jikin elūr ijo me kwomaron̄ in etal n̄ane aolep raan. Kōttāik eok make im̧aan Anij. Leļo̧k aolepān būruwōm̧ n̄an Jemedwōj Ilan̄. Oktak n̄an E n̄an uwaak im n̄an aenōm̧m̧an” (“Revelesōn n̄an Kabun̄ in, Revelesōn n̄an Mour ko Ad,” Ensign ak Liaona, Māe 2018, 95).

N̄an riiti juon kōmeļeļe kōn Visōn eo M̧oktata me ej kalikkar ilo elōn̄ iaan bok ko an Josep Smith, lale Rekwojarjar, 1:14–16.