නත්තල

ඔබ මීට පෙර කිහිපවතාවක්ම යේසුස් ක්‍රිස්තුස්වහන්සේගේ උපත පිළිබඳ කථාව කියවා හෝ අසා ඇති නමුත්, මේ වතාවේ මෙම සිතිවිල්ල මනසේ තබාගෙන එය අධ්‍යයනය කරන්න: “නත්තල යනු යේසුස්වහන්සේ ලෝකයට පැමිණි ආකාරය සැමරීමක් පමණක් නොව, නමුත් උන්වහන්සේ කවුදැයි කියාත්—යේසුස් ක්‍රිස්තුස්වහන්සේ අපගේ ස්වාමින්වහන්සේ හා ගැළවුම්කාරයාණන් බවත්—සහ උන්වහන්සේ පැමිණියේ ඇයි යන්නත් දැනගැනීමයි” (Craig C. Christensen, “The Fulness of the Story of Christmas” [First Presidency Christmas devotional, Dec. 4, 2016], broadcasts.ChurchofJesusChrist.org).

යේසුස් ක්‍රිස්තුස්වහන්සේ ඉපදීමට පෙර උන්වහන්සේ කවුද කියා ඔබ දන්නේ කුමක්ද? (උදාහරණ සඳහා, බලන්න, යොහාන් 17:5; මොසායා 3:5; දහම සහ ගිවිසුම 76:13–14, 20–24; මෝසෙස් 4:2). උන්වහන්සේගේ උපත ගැන කියවන විට ඔබට දැනෙන ආකාරයට මෙම දැනුම බලපාන්නේ කෙසේද?

යේසුස් ක්‍රිස්තුස්වහන්සේ පොළොවට ආවේ ඇයි කියා ඔබ දන්නේ කුමක්ද? (උදාහරණ සඳහා, බලන්න, ලූක් 4:16–21; යොහාන් 3:16–17; 3 නෙපි 27:13–16; දහම සහ ගිවිසුම 20:20–28). ඔබ ගැලවුම්කරුවාණන් ගැන කියවන විට ඔබට දැනෙන ආකාරයට මෙම දැනුම බලපාන්නේ කෙසේද? එය ඔබගේ ජීවන රටාවට බලපාන්නේ කෙසේද?

තවත් බලන්න 2 කොරින්ති 8:9; හේබ්‍රව් 2:7–18; 1 නෙපි 11:13–33; ඇල්මා 7:10–13; “The Nativity” (video, ChurchofJesusChrist.org).

ක්‍රිස්තුස්වහන්සේගේ උපත පිළිබඳ කථාව ආශ්චර්යමත් සිදුවීම් වලින් වටවී තිබුණද, උන්වහන්සේගේ ජීවිතයේ පසුකාලීනව උන්වහන්සේ විසින් ඉටුකරන ලද විශාල වැඩ සඳහා නොවේ නම්, උන්වහන්සේගේ උපත තවත් උපතක් පමණක් වනු ඇත. සභාපති ගෝර්ඩන් බී. හින්ක්ලි පැවසූ පරිදි, “ගෙත්සෙමනේ හා කල්වාරියේ මිදුම්කරුවාණන් වන ක්‍රිස්තුස්වහන්සේ සහ නැවත නැගිටීමේ ජයග්‍රාහී සත්‍යය නොමැතිව, බෙත්ලෙහෙමේ ළදරු යේසුස්වහන්සේ තවත් ළදරුවෙක් පමණක් වනු ඇත” (“The Wondrous and True Story of Christmas,” Ensign, Dec. 2000, 5).

ගැලවුම්කරුවාණන්ගේ දිව්‍යමය මෙහෙවර පිළිබඳ සාක්ෂි සහ අන්‍යයන් කෙරෙහි උන්වහන්සේගේ බලවත් ප්‍රේමය අලුත් ගිවිසුම පුරාම දක්නට ලැබේ. ඔබේ මතකයට එන්නේ කුමන ඡේද හෝ වාර්තාද? ඔබට මෙම සම්පත හෝ අධ්‍යයන සඟරාව හරහා ආපසු හැරීබලා ඔබ වාර්තා කළ හැඟීම් කිහිපයක් සමාලෝචනය කළ හැකිය. ඔබට 1 කොරින්ති 15:21–26; කොලොස්සි 1:12–22; 1 පේත්‍රැස් 2:21–25 කියවා ඉන්පසු ගැලවුම්කරුවාණන් සහ උන්වහන්සේගේ කාර්යය ඔබේ ජීවිතයට ආශිර්වාද කර ඇති ආකාරය ගැන මෙනෙහි කළ හැකිය. ඔබේ ජීවිතයේ කුමක් වෙනස්කිරීම සඳහා ඔබ පෙළඹෙන්නේද? ගැලවුම්කරුවාණන්ගේ බලය ඔබ ලබාගන්නේ කෙසේද?

යේසුස් ක්‍රිස්තුස්වහන්සේගේ උපත ඔබේ පවුලේ අය සමග ඔබට සැමරිය හැක්කේ කෙසේද? මෙන්න අදහස් කිහිපයක්, හෝ ඔබට ඔබේම දෑ ඉදිරිපත් කළ හැකිය:

• උපතේ කථාවේ කොටස් එකට කියවන්න හෝ රඟදක්වන්න.

• “The Nativity” (ChurchofJesusChrist.org) වීඩියෝව බලන්න.

• christmas.ComeUntoChrist.org; jesuschrist.ChurchofJesusChrist.org ; or “Christmas,” Gospel Topics, topics.ChurchofJesusChrist.org හි ඇති සම්පත් කිහිපයක් ගවේෂණය කරන්න.

• පළමු සභාපතිත්වයේ නත්තල් දේශනාව නරඹන්න (broadcasts.ChurchofJesusChrist.org).

• නත්තල් ගීතිකා එකට ගායනා කරන්න, නැතහොත් බැහැදැක ඒවා ඔවුන්හට ගායනා කිරීමට අසල්වැසියන් හෝ මිතුරන් තෝරාගන්න (ගීතිකා, අංක 201–14 බලන්න).

• සේවයක් කරන්න.

• යේසුස් ක්‍රිස්තුස්වහන්සේව සිහිපත්කිරීම සඳහා ඔවුන්ට කළ හැකි අලංකාර හෝ සැරසිලි සඳහා අදහස් ලබාදෙන උපත් කතාවේ විස්තර සොයාබැලීමට පවුලේ සාමාජිකයන්ගෙන් ඉල්ලාසිටින්න.

යේසුස් ක්‍රිස්තුස්වහන්සේ උපත ලැබීම ගැන අප කෘතඥ වන්නේ ඇයි? උන්වහන්සේ අපට දී ඇති ත්‍යාග මොනවාද? අපට අපගේ කෘතඥතාව උන්වහන්සේට පෙන්විය හැක්කේ කෙසේද?

නත්තල් වේලාවේදී ඔබගේ පවුලට ගැලවුම්කරුවාණන් කෙරෙහි අවධානය යොමුකිරීමට ඔබට අවශ්‍ය නම්, “ජීවමාන ක්‍රිස්තුස්වහන්සේ: ප්‍රේරිතවරුන්ගේ සාක්ෂිය” එකට කියවීමට හා අධ්‍යයනය කිරීමට ඔබට යම් කාලයක් ගතකළ හැකිය (එන්සයින් හෝ ලියහෝනා, මැයි 2017, මුල් පිටේ ඇතුලත). සමහරවිට ඔබට “ජීවමාන ක්‍රිස්තුස්වහන්සේ” වෙතින් ඡේද කටපාඩම් කරගැනීමට හෝ අලුත් ගිවිසුමේ ගැලවුම්කරුවාණන්ගේ ජීවිතය පිළිබඳ විස්තර සොයාබැලීමට හැකිය. යේසුස් ක්‍රිස්තුස්වහන්සේ පිළිබඳව තමාගේම සාක්ෂියක් ලිවීමට පවුලේ සෑම සාමාජිකයෙකුටම ආරාධනා කළහැකි අතර, කියවීමට පෙළඹීමක් දැණුනොත් එය පවුලට කියවන්න.