اعمال ۱۶–۲۱

ہر ایک کو یِسُوع مسِیح کی اِنجیل کی ضرورت ہوتی ہے، لیکن کچھ لوگ اِسے قبول کرنے کے لیے دُوسروں کی نسبت زیادہ تیار ہوتے ہیں۔ اِسی وجہ سے اِنجیل کا اشتراک کرتے ہوئے ہمیں رُوحُ الُقدس کے ساتھ کی ضرورت ہوتی ہے—تاکہ ہماری مدد کرے کہ کون اُس کا کلام سُننے کے لیے تیار ہے۔ جب آپ اعمال ۱۶–۲۱ پڑھیں، تو ایسی مثالوں پر غور فرمائیں جن میں رُوح نے پَولُس اور اُس کے ساتھیوں کی راہنمائی کی۔ رُوح کی پیروی کرنے کے باعِث اُنھوں نے کون سی نَعمتیں حاصل کیں؟ آپ نے کب اِنجیل کا اشتراک کرنے کی اپنی کوششوں میں رُوح کی سرگوشیوں کو محسوس کیا ہے؟

مزید دیکھیں ایلما ۷: ۱۷–۲۰؛ ڈیلن ایچ اوکس، ”Sharing the Restored Gospel،“ انزائن یا لیحونا، نومبر ۲۰۱۶، ۵۷–۶۰؛ Preach My Gospel، ۹۲–۹۳۔

اِنجیل کی منادی کے باعِث قید خانہ میں ڈال دیا جانا منادی کو روکنے کے لیے ایک قابلِ فہم وجہ معلوم ہوتی ہے۔ لیکن پولُس اور سِیلاس نے، اِسے داروغہ کو تبدیل کرنے کے موقع کے طور پر جانا (دیکھیں اعمال ۱۶:۱۶–۳۴)۔ اعمال ۱۶–۲۱ کے ہر حصّے میں، پَولُس کی اپنی گواہی کو سب کے ساتھ بانٹنے پر آمادگی کی دُوسری مثالوں کی تلاش کریں۔ آپ کے خیال میں وہ کیوں اتنا دلیر اور نڈر تھا؟ ہم پَولُس کی مثال سے کیا سیکھتے ہیں؟

ابواب ۱۶–۲۱ میں اِنجیل کو پھیلانے کے بارے میں اور بھی بہت سے پیغامات ملتے ہیں۔ اگر آپ غور سے دیکھیں، تو آپ کو کچھ اَیسے پیغامات مِل سکتے ہیں جو خاص طور پر آپ پر لاگو ہوتے ہیں۔ اِس مقصد کو ذہن میں رکھتے ہوئے اِن ابواب کو پڑھنے کی کوشش کریں۔ آپ کیا ڈھونڈتے ہیں؟

اتھینے میں، پَولُس نے متنوع رائے اور مذہبی نظریات کے حامل لوگوں کو پایا۔ وہ ہمیشہ ”نئی نئی باتیں کہنے سُننے“ میں وقت صرف کرتے تھے، اور پَولُس کی پیش کش یقیناً اُن کے لیے نئی تھی (دیکھیں اعمال ۱۷: ۱۹–۲۱)۔ وہ بہت سے معبُودوں کو پُوجتے تھے جن میں سے ایک ”نا معلُوم خُدا“ کہلاتا تھا (اعمال ۱۷: ۲۳)، لیکن اُن کا ماننا تھا کہ دیوتا، بے جان، قُدرت یا قوتیں ہیں، ایک خُوش اندام اور خُوش اطوار ہستی، اور یقیناً ہمارا باپ نہیں۔ خُدا کو جاننے میں اُن کی مدد کے لیے پَولُس کے اِلفاظ کو پڑھیں، اور پائی جانے والی خُدا کی خصوصیات کو نوٹ کریں۔ ”خُدا کی نسل“ ہونے کا کیا مطلب ہے؟ (اعمال ۱۷: ۲۹)۔ آپ کے خیال میں، خُدا کا فرزند ہونا اُس کی مخص ایک تخلیق ہونے سے کِس طرح مختلف ہے؟ اگر آپ پَولُس کے ساتھ کھڑے ہوتے جب وہ گواہی دے رہا تھا تو آپ ہمارے آسمانی باپ کے بارے میں قدیم یُونانِیوں سے کیا کہتے؟ کیا آپ کسی اَیسے شَخص کو جانتے ہیں جو آپ کی گواہی سُن کر مستفید ہو سکتا ہے؟

مزید دیکھیں رومیوں ۸: ۱۶؛ ۱ یُوحنّا ۵: ۲۔

اکٹھے پڑھائی کرتے ہوئے، اپنے خاندان کی یہ جاننے میں مدد کے لیے کہ اِن ابواب میں کیا ہورہا ہے، آپ نقشے پر اُن شہروں کو نشان زد کرنے سے لطف اُٹھا سکتے ہیں، جہاں جہاں پَولُس گیا تھا (اِس خاکہ کے آخِر میں نقشہ دیکھیں)۔

ہم مزید کیسے اِن صحائف میں درج مُقدّسین کی مانند ہو سکتے ہیں؟ روزانہ صحائف کا مُطالعہ کرنے سے ہم کیسے مزید ”نِیک ذات“ بنتے ہیں؟ (اعمال ۱۷: ۱۱)۔ ہم ”کِتاب مُقدّس کے ماہِر“ بننے کے لیے کیا کر سکتے ہیں؟ (اعمال ۱۸: ۲۴)۔

جوزف سمتھ کی یہ تعلیمات آپ کے خاندان کو اعمال ۱۹: ۱–۷ پر گفتگو کرنے میں مدد فراہم کرسکتی ہیں: ”پانی سے بپتِسمہ آدھا بپتِسمہ ہے، اور دُوسرے نصف حصّے—یعنی، رُوحُ القُدس کے بپتِسمہ کے بغیر بے سود ہے۔ … ’پانی اور رُوح سے پَیدا ہونے‘ کا مطلب گُناہوں کی مُعافی کے لیے پانی میں ڈوبنا اور اِس کے بعد رُوحُ القُدس کی نَعمت پانا ہے۔ یہ خُدا سے اِختیّار کے حامل شَخص کے ہاتھوں کے رکھے جانے کی بدولت بخشا جاتا تھا“ (Teachings of Presidents of the Church: Joseph Smith, ۹۵)۔ رُوحُ القُدس کی نَعمت حاصل کرنے کے وسیلہ سے ہم نے کون سی برکات پائی ہیں؟

کِس چِیز نے اِن آیات میں لوگوں کو ”پچاس ہزار چاندی کے سکوں“ کی مالیت کی کِتابیں جلانے کی ترغیب دی؟ (اعمال ۱۹:۱۹)۔ کیا آسمانی نَعمتیں حاصل کرنے کے لیے ہمیں دُنیاوی ملکیت یا سرگرمیاں ترک کرنے کی ضرورت ہے؟

آپ کے خاندان نے کب مسِیح کی اِس تعلیم کا تجربہ کیا کہ ”دینا لینے سے مُبارک ہے“؟ (اعمال ۲۰: ۳۵)۔ کیا کوئی ایسا شَخص ہے جو آپ کے خاندان کی خدمت، وقت، یا تحائف سے فائدہ اُٹھا سکے؟ بطور خاندان، چند خیالات پر تبادلہ خیال کریں اور کسی کی خدمت کا منصوبہ بنائیں۔ جب ہم دُوسروں کی خدمت کرتے ہیں تو ہمیں کیسا محسوس ہوتا ہے؟ لینے کی بجائے دینا کیوں زیادہ بابرکت ہے؟