පාස්කුව

මෙම සතියේ ගැළවුම්කරුවාණන්ගේ වන්දිගෙවීමේ ආශිර්වාද වෙත අවධානය යොමුකිරීමට හැකි ක්‍රමයක් වන්නේ යේසුස්වහන්සේගේ ජීවිතයේ අවසාන සතිය පිලිබඳව සෑම දවසකම කියවීමට කාලය යොමුකිරීමයි (කියවිය හැකි කාලසටහනක් පහත දැක්වේ). ගැළවුම්කරුවාණන්ගේ ආදරය හැඟීමට ඔබට උපකාර කළහැකි මෙම පරිච්ඡේද වලින් ඔබට සොයාගත හැකි දේවල් මොනවාද? පාපයෙන් සහ මරණයෙන් ඔබව ගලවාගැනීමට උන්වහන්සේගේ බලය පිළිබඳව ඔබ ඉගෙනගත්තේ මොනවාද? පරික්ශාවන් වලට අවසානය දක්වා විඳදරාගැනීම සහ දුර්වලකම් වලින් ජයගැනීම පිලිබඳව ඔබ ඉගෙනගත්තේ මොනවාද? උන්වහන්සේගේ ගලවාගැනීමේ බලය මත ඔබේ ඇදහිල්ල ඔබ ක්‍රියාවට නංවන්නේ කෙසේද?

• ඉරිදා: යෙරුසලමට උත්සවාකාර පිවිසුම (මතෙව් 21:6–11)

• සඳුදා: දේවමාළිගාව පවිත්‍ර කිරීම (මතෙව් 21:12–16)

• අඟහරුවාදා: යෙරුසලමේ ඉගැන්වීම (මතෙව් 21–23)

• බදාදා: ඉගැන්වීම තවදුරටත් කරගෙන යෑම (මතෙව් 24–25)

• බ්‍රහස්පතින්දා: පාස්කුව සහ ගෙත්සෙමනි උයනේ ක්‍රිස්තුස්වහන්සේගේ වන්දිගෙවීම (මතෙව් 26)

• සිකුරාදා: පරික්ශාව, කුරුසියේ ඇණ ගැසීම සහ භූමදානය (මතෙව් 27:1–61)

• සෙනසුරාදා: ක්‍රිස්තුස්වහන්සේගේ ශරීරය සොයොන්ගෙය තුල වැතිරසිටින අතරතුර (මතෙව් 27:62–66) උන්වහන්සේගේ ආත්මය ආත්මික ලෝකයේ දේවසේවයේ කිරීම (දහම සහ ගිවිසුම 138)

• ඉරිදා: මරණයෙන් නැවත නැගිටිනු ලැබූ ක්‍රිස්තුස්ගේවහන්සේගේ සම්ප්‍රාප්තිය (මතෙව් 28:1–10)

යේසුස්වහන්සේව සමච්චලයට ලක්කිරීම, හිරිහැරකිරීම, සහ කුරුසියේ ඇණගසනු දැකීම ගෝලයන්ට දැණුනේ කෙසේදැයි සිතාබලන්න. ඔවුන් උන්වහන්සේගේ බලයේ සාක්ශිකරුවන් වූහ, උන්වහන්සේගේ ඉගැන්වීම් වල සත්‍යතාව දැනසිටියහ, එමෙන්ම උන්වහන්සේ දෙවියන්වහන්සේගේ පුත්‍රයාණන් යයි විශ්වාස කළහ. උන්වහන්සේගේ මරණය දැකීම ඔවුන්ගෙන් සමහරකට ඇදහිල්ලේ පරීක්ශාවක් වන්නට ඇත, නමුත් වැඩිකල් නොගොස් ඔවුන් උන්වහන්සේගේ මරණයෙන් නැවත නැගිටීමේ මහත් හාස්කමේ සාක්ශිකරුවන් වූහ.

නැවත නැගිටුණු ලැබූ ගැළවුම්කරුවාණන් දුටු අයගේ වාර්තා වලින් ඔබට කුමක් ඉගෙනගත හැකිද? මතෙව් 28:1–10; ලූක් 24:13–35; යොහාන් 20:19–29; සහ 1 කොරින්ති 15:1–8, 55 හි එක් එක්කෙනාගේ අත්දැකීම් ලකුණු කරන්න නැතිනම් සටහන් කරන්න. (ක්‍රිස්තුස්වහන්සේගේ මරණයෙන් නැවත නැගිටීමේ අනෙකුත් සාක්ශිකාරයන් 3 නෙපි 11; මොර්මන් 1:15; ඊතර් 12:38–39; දහම සහ ගිවිසුම 76:19–24; 110:1–10 සහ Joseph Smith—History 1:15–17 හි සොයාගත හැකි බව දැනගන්න.) මෙම විස්තර වලින්, ස්වාමින්වහන්සේගේ මරණයෙන් නැවත නැගිටීම පිළිබඳව ඔබගේ ඇදහිල්ල ශක්තිමත් කරන්නේ මොනවාද? ගැළවුම්කරුවාණන්ගේ වන්දිගෙවීමෙන් පසු, තවත් අය මරණයෙන් නැවත නැගිට බොහෝ දෙනෙකුට දර්ශනය වී ඇත (මතෙව් 27:52–53; 3 නෙපි 23:9 බලන්න). මෙය බයිබලයේ සහ මෝර්මොන්ගේ පොතේ යන දෙකෙහිම වාර්ථා කරතිබීම වැදගත් යැයි ඔබට හැඟෙන්නේ ඇයි?

තවත් බලන්න “Jesus Is Resurrected,” “The Risen Lord Appears to the Apostles,” “Blessed Are They That Have Not Seen, and Yet Have Believed” (videos, ChurchofJesusChrist.org).

පේත්‍රැස් විසින් විස්තර කර ඇති “ජීවන බලාපොරොත්තුවට” මාරාන්තික පිළිකාවකින් පීඩාවිඳි සැත්කම් බොහෝමයක් විඳදරාගත් වැඩිහිටි පෝල් වී. ජොන්සන්ගේ දියණිය වන ඇලීසා නිදසුනකි 1 පේත්‍රැස් 1:3–11. පාස්කු කාලයේදී වැඩිහිටි ජොන්සන් ඇලීසා මියයාමට ටික කලෙකට පෙර ලියූ ලිපියක් බෙදාගත්තේය: “පාස්කුව මා වෙනුවෙන් මම බලාපොරොත්තු වන සියලුදේකම මතක්කිරීමකි. ඒ කවදා හෝ මම සුවය ලබන අතර කවදා හෝ මම සම්පූර්ණ වෙමි. කවදා හෝ මාගේ සිරුර තුල කිසිඳු ලෝහයක් හෝ ප්ලාස්ටික් දෙයක් නොතිබෙනු ඇත. කවදා හෝ මාගේ හදවත බියෙන් තොරවනු ඇති අතර මාගේ මනස කරදර වලින් තොරවනු ඇත. … මරණින් මතු සුන්දර ජීවිතයක් ගැන මම සැබවින්ම විශ්වාස කිරීම ගැන මම සතුටු වෙමි” (“And There Shall Be No More Death,” Ensign or Liahona, May 2016, 121).

1 පේත්‍රැස් 1:3–11 හි යේසුස් ක්‍රිස්තුස්වහන්සේ නිසා ඔබට බලාපොරොත්තුවක් ලබාදෙන වචන සහ වාක්‍ය ඛණ්ඩ මොනවාද? එම බලාපොරොත්තුව ඔබට ලැබුනේ කවදාද? යේසුස් ක්‍රිස්තුස්වහන්සේ තුලින් ඔබට ඇති බලාපොරොත්තුව ඔබ ආදරය කරන අය සමග බෙදාගන්නේ කෙසේද?

තවත් බලන්න ඇල්මා 27:28;36:1–24; 3 නෙපි 9:11–17; මොරෝනි 7:40–41.

ComeUntoChrist.org/easter හි “Holy Week” කොටසේ ගැළවුම්කරුවාණන්ගේ ජීවිතයේ අවසාන සතියේ සෑමදිනකම සිදුවූ දේ පිළිබඳව කාලසීමාවක් සහ විස්තරයක් අඩංගු වේ. සතියේ සෑමදිනකම එම දවසේදී ගැළවුම්කරුවාණන් කළේ කුමක්ද කියා දැනගැනීමට ඔබේ පවුලට මෙම විස්තර නැවත පරික්ශා කල හැකිය නැතිනම් පවුලක් ලෙස ශුද්ධලියවිලි වල උන්වහන්සේගේ අවසාන සතිය පිළිබඳව ඔබට කියවිය හැකිය (“පුද්ගලික ශුද්ධලියවිලි අධ්‍යයනය සඳහා අදහස්” කොටසෙහි යෝජිත ලැයිස්තුව බලන්න).

ඔබට එතරම් හුරු නැති සමහරක් ගීතද ඇතුලුව, ගැළවුම්කරුවාණන්ගේ වන්දිගෙවීම සහ මරණයෙන් නැවත නැගිටීම පිළිබඳව ගීත මෙම සතිය තුල එකට ගායනා කිරීමට සලකා බලන්න (“Atonement,” “Easter,” හෝ “Resurrection” යන මාතෘකා යටතේ Hymns හෝ Children’s Songbook, හි මාතෘකා දර්ශකය බලන්න). ගීතය ඉගෙනගැනීමට ඔබේ පවුලේ සාමාජිකයන්ට උපකාර කිරීම සඳහා, ඔබට ගීතය වචන සමග ගැළපෙන පින්තූර පෙන්විය හැක.

පවුලක් ලෙස, “ජීවමාන ක්‍රිස්තුස්වහන්සේ: ප්‍රේරිතවරුන්ගේ සාක්ෂිය” (එන්සයින් හෝ ලියහෝනා, 2000 අප්‍රි, 2–3 කියවන්න; තවත් බලන්න ChurchofJesusChrist.org), සහ අනෙක් අය සමග බෙදාගැනීමට මෙම සාක්ශියෙන් පාස්කු පණිවිඩයක් උපුටාගැනීමට පවුලේ එක් එක් සාමාජිකයාට ආරාධනා කරන්න. උදාහරණයක් ලෙස, ඔබේ ජනේලයේ, ඔබේ ඉදිරිපස දොරටුවේ, හෝ සමාජ මාධ්‍යය වල ප්‍රදර්ශණය කිරීම සඳහා ඔබට පෝස්ටර් නිර්මාණය කල හැකිය.