ඇල්මා 30–31

ඇල්මා 30 හි, කොරිහෝර්ව “ක්‍රිස්තු-විරෝධියා” (6 පදය) ලෙස හැඳින්වේ. ක්‍රිස්තු-විරෝධියෙකු යනු “ක්‍රිස්තුස්වහන්සේගේ මුවාවෙන් උපකල්පනය කරන නමුත් යථාර්ථයේදී ක්‍රිස්තුස්වහන්සේට විරුද්ධ කෙනෙකු වනු ඇත (1 යොහාන් 2:18–22; 4:3–6; 2 යොහාන් 1:7). පුළුල් අර්ථයකින් එය සැබෑ සුභාරංචියට හෝ ගැලවීමේ සැලැස්මට ව්‍යාජ වන ඕනෑම කෙනෙක් හෝ ඕනෑම දෙයක් වන අතර එය විවෘතව හෝ රහසිගතව පිහිටුවා ඇත්තේ ක්‍රිස්තුස්වහන්සේට විරුද්ධවය” (Bible Dictionary, “Antichrist”).

වර්තමාන ලෝකයේ ඔබ දකින “සැබෑ ශුභාරංචියේ ව්‍යාජත්වයන්” මොනවාද? නිදසුනක් වශයෙන්, හිටපු සහන සමිතියේ ප්‍රධාන සභාපතිනිය ජුලී බී. බෙක් සහෝදරිය මෙසේ ඉගැන්වූවාය, “පවුල් විරෝධී යැයි ලෝකයෙන් අපට අසන්නට ලැබෙන ඕනෑම දහමක් හෝ මූලධර්මයක් වුවත් ක්‍රිස්තු විරෝධීය” (“Teaching the Doctrine of the Family,” Ensign, Mar. 2011, 15).

ඔබ ඇල්මා 30:6–31 කියවන විට, කොරිහෝර්ගේ ඉගැන්වීම් හුරුපුරුදු ලෙස දැනිය හැකිය. එයට හේතුව, සභාපති එස්රා ටෆ්ට් බෙන්සන් ඉගැන්වූ පරිදි, “අපේ කාලයේ යක්ෂයාගේ නපුරු සැලසුම්, උපායමාර්ග සහ මූලධර්ම වලට එරෙහිව අපව ශක්තිමත් කිරීමට, ඒවා හෙළිකිරීමටත් සහ ඒවාට විරිද්ධව අපව ශක්තිමත් කිරීමටත් මොර්මොන්ගේ පොතට හැකිය. මෝර්මොන්ගේ පොතෙහි ඇදහිල්ල අත්හළ අයගේ වර්ගය අද අප සතුව ඇති වර්ගයටම සමානය. දෙවියන්වහන්සේ, උන්වහන්සේගේ අසීමිත අනාගත ඥානය සමග, මෝර්මොන්ගේ පොත සකස් කළේ එම දෝෂය අපට දැකගත හැකිවී අපගේ කාලයේ ව්‍යාජ අධ්‍යාපන, දේශපාලන, ආගමික හා දාර්ශනික සංකල්ප සමග සටන්කරන්නේ කෙසේදැයි දැනගැනීමටය” (Teachings of Presidents of the Church: Ezra Taft Benson, [2014], 132).

කෝරිහෝර් ඇල්මා 30:6–31 හි උගන්වා ඇති ව්‍යාජ ඉගැන්වීම් ලැයිස්තුවක් සැකසීම ගැන සලකා බලන්න. මෙම ඉගැන්වීම් විශ්වාස කිරීමේ ප්‍රතිවිපාක සමහරක් මොනවාද? නිදසුනක් වශයෙන්, “මිනිසෙකු මියගිය විට එහි අවසානය එයයි” යනුවෙන් විශ්වාස කිරීමේ ප්‍රතිඵලය කුමක්ද?? (ඇල්මා 30:18). කොරිහෝර් විසින් උගන්වන ලද ව්‍යාජ ධර්මයන්ට සමාන අද ලෝකයේ ඔබ දැක ඇති ව්‍යාජ මූලධර්ම මොනවාද?

කෝරිහෝර් සහ ඇල්මා අතර අන්තර්ක්‍රියා ගැන කියවීමෙන් අන් අය ඔබව රවටාගැනීමට උත්සාහ කරන අවස්ථාවන් සඳහා සූදානම් වීමට ඔබට හැකිවේ. කෝරිහෝර් රැවටී ඇති ආකාරය තේරුම්ගැනීමට ඇල්මා 30:29-60 අධ්‍යයනය කිරීම උපකාරී වේ (විශේෂයෙන් 52-53 පද බලන්න). කොරිහෝර්ගේ ඉගැන්වීම් වලට ඇල්මා දැක්වූ ප්‍රතිචාරයෙන් ඔබට ඉගෙනගත හැක්කේ මොනවාද? (ඇල්මා 30:31-35 බලන්න).

නෙපිවරුන්ගෙන් වෙන්වන සෝරම්වරුන්ගේ ගැටලුව සඳහා දේශපාලන හෝ යුධ විසඳුමක් අවශ්‍ය යැයි සමහරුන්ට පෙනෙන්නට තිබුණි (ඇල්මා 31:1-4 බලන්න). නමුත් “දෙවියන්වහන්සේගේ වචනයේ යහපත්කම” විශ්වාස කිරීමට ඇල්මා ඉගෙනගෙන තිබුණි (ඇල්මා 31:5). දෙවියන්වහන්සේගේ වචනයේ බලය ගැන ඇල්මා 31:5 වෙතින් ඔබ ඉගෙනගන්නේ මොනවාද? දෙවියන්වහන්සේගේ වචනය “මිනිසුන්ට යුක්තිසහගත දේ කිරීමට” මගපෙන්වන ආකාරය ඔබ දැක ඇත්තේ කෙසේද? (ඇල්මා 31:5). ඔබ ආදරය කරන කෙනෙකුට උපකාර කිරීම සඳහා දෙවියන්වහන්සේගේ වචනය “උත්සාහ” (භාවිතා කිරීම හෝ පරීක්ෂා කිරීම) කරන්නේ කෙසේදැයි සිතා බලන්න.

අන් අය බේරාගැනීම සඳහා ඇල්මා 31 විස්තර කර ඇති පරිදි, ඇල්මාගේ ප්‍රවේශය තවදුරටත් අවබෝධ කරගැනීම සඳහා, ඔබට ඔහුගේ ආකල්ප, හැඟීම් සහ ක්‍රියාවන් සෝරාම්වරුන්ගේ ආකල්ප සමග සන්සන්දනය කළ හැකිය. පහත දැක්වෙන වගුව වැනි එකක් උපකාරී විය හැකිය. ඔබ දකින වෙනස්කම් මොනවාද? ඔබට වඩාත් ඇල්මා මෙන් විය හැකි යැයි ඔබට හැඟෙන්නේ කෙසේද?

ඔබ පිටත ඇවිදින විට හෝ දෙවියන්වහන්සේගේ නිර්මාණවල පින්තූර දෙස බලන විට ඇල්මා 30:44 එකට කියවීම සහ සාකච්ඡා කිරීම සලකා බලන්න. ඔවුන් දකින දෙයින් දෙවියන්වහන්සේ ගැන සාක්ෂි දරන්නේ මොනවාදැයි පවුලේ සාමාජිකයන්ට බෙදාගත හැකිය. මේ දේවල්—හෝ අපට ඇති වෙනත් අත්දැකීම්—දෙවියන්වහන්සේ සැබෑ බව දැනගැනීමට අපට උදව් කරන්නේ කෙසේද?

යක්ෂයා තම අනුගාමිකයන්ට සලකන ආකාරය ගැන ඇල්මා 30:56-60 දක්වා අප ඉගෙනගන්නේ මොනවාද? ඔහුගේ බලපෑමෙන් අපේ නිවස ආරක්ෂා කිරීමට අපට කුමක් කළ හැකිද?

ඔබේ පවුලේ අය සමග ඇල්මා 31:20–38 කියවීමෙන් පසු ඔබට පහත සඳහන් ප්‍රශ්න සාකච්ඡා කළ හැකිය: ඇල්මාගේ යාච්ඤාව සෝරාම්වරුන්ගේ යාච්ඤාවට වඩා වෙනස් වූයේ කෙසේද? අපගේ පුද්ගලික සහ පවුලේ යාච්ඤා වලදී අපට ඇල්මාගේ ආදර්ශය අනුගමනය කළ හැක්කේ කෙසේද?

සෑම උදෑසනකම සහ රාත්‍රියේදී යාච්ඤා කිරීමට මතක තබාගැනීමට කුඩා දරුවන්ට කොට්ට යට ගලක් දැමිය හැකිය. ඔවුන්ගේ ගල අලංකාර කිරීමෙන්ද ඔවුන් සතුටට පත් විය හැකිය.

දෙවියන්වහන්සේ ගැන ඉගෙනගැනීමට හා කථාකිරීමට අප සෑම දිනකම අපේ නිවසේ කරන්නේ කුමක්ද?