“ජනවාරි 6–12. 1 නෙපි 1–7: ‘මම ගොස් එය කරන්නෙමි’” එන්න, මා අනුගමනය කරන්න - පුද්ගලයන් සහ පවුල් සඳහා: මොර්මොන්ගේ පොත 2020 (2020)
“ජනවාරි 6–12. 1 නෙපි 1–7,” එන්න, මා අනුගමනය කරන්න - පුද්ගලයන් සහ පවුල් සඳහා: මොර්මොන්ගේ පොත 2020
ගැරී ස්මිත් විසින්, ලෙහි රතු මුහුද අසලින් ගමන් කරමින්
ජනවාරි 6–12
1 නෙපි 1–7
“මම ගොස් එය කරන්නෙමි”
නෙපි “දෙවියන්වහන්සේගේ දේවල්” වාර්තා කළේය (1 නෙපි 6:3). ඔබ නෙපිගේ වාර්තාව අධ්යයනය කරන විට, ඔබ සොයාගන්නා දෙවියන්වහන්සේගේ දේවල් කෙරෙහි, විශේෂයෙන් ආත්මයාණන්ගෙන් ලැබෙන හැඟීම් කෙරෙහි අවධානය යොමුකරන්න.
ඔබේ හැඟීම් සටහන් කරන්න
මෝර්මොන්ගේ පොත ආරම්භ වන්නේ සැබෑ පවුලක් සැබෑ අරගල අත්විඳින විස්තරයක් සමගිනි. එය සිදුවූයේ ක්රි.පූ 600 දීය, නමුත් මෙම ගිණුම පිළිබඳ කරුණු අද පවුල් වලටද හුරුපුරුදු විය හැකිය. මෙම පවුල වැඩි වැඩියෙන් දුෂ්ට ලෝකයක ජීවත් වූ නමුත් ස්වාමින්වහන්සේ ඔවුන්ට පොරොන්දු වූයේ ඔවුන් උන්වහන්සේව අනුගමනය කරන්නේ නම් උන්වහන්සේ ඔවුන්ව ආරක්ෂිතව ගෙන යන බවය. මගදී ඔවුන්ට හොඳ අවස්ථා සහ නරක අවස්ථා තිබුණි; ඔවුන් මහත් ආශිර්වාද හා හාස්කම් අත්විඳින නමුත් ඔවුන්ගේ සාධාරණ තර්ක හා වාද විවාදද ඔවුන්ට තිබුණි. තම පවුල කෙරෙහි ඇදහිල්ල ඇති කිරීමට පොරබදින පියෙක්, ඔහුව විශ්වාස කරනවාද යන්න තීරණය කරමින් සිටින පුතුන්, දරුවන්ගේ ආරක්ෂාව ගැන බියෙන් සිටින මවක් සහ, ඊර්ෂ්යාව සහ මතභේද සමග පොරබදින සහ සමහර අවස්ථා වල එකිනෙකාට සමාවදෙන සහෝදරයන් වැනි: පවුලක් සුභාරංචිය අනුව ජීවත්වීමට උත්සාහ කිරීම පිළිබඳව ශුද්ධලියවිලි වල කලාතුරකින් සඳහන් වේ. සමස්තයක් වශයෙන්, මෙම පවුල ඔවුන්ගේ අඩුපාඩුකම් තිබියදීත් පෙන්නුම් කළ ඇදහිල්ලේ ආදර්ශ අනුගමනය කිරීමේ සැබෑ බලයක් තිබේ.
පුද්ගලික ශුද්ධලියවිලි අධ්යයනය සඳහා අදහස්
ශුද්ධලියවිලි වලට ඉතා විශාල වටිනාකමක් ඇත.
මෝර්මොන්ගේ පොතේ පළමු පරිච්ඡේද හය තුළ පූජනීය පොත්, පූජනීය වාර්තා සහ ස්වාමින්වහන්සේගේ වචනය ගැන බොහෝ යොමුකිරීම් ඇත. ඔබ 1 නෙපි 1–6 කියවන විට, දෙවියන්වහන්සේගේ වචනය “ඉතා වටිනා” වන්නේ මන්ද යන්න ගැන ඔබ ඉගෙනගන්නේ කුමක්ද? (1 නෙපි 5:21). මෙම ඡේද ඔබට ශුද්ධලියවිලි ගැන උගන්වන්නේ මොනවාද? වැඩි කැපවීමකින් ශුද්ධලියවිලි සෙවීමට ඔබව පොලඹවන දේ මොනවා යැයි ඔබ සොයාගන්නේද?
තවත් බලන්න “Scriptures Legacy” (video, ChurchofJesusChrist.org).
මොර්මොන්ගේ පොත යේසුස් ක්රිස්තුස්වහන්සේ ගැන සාක්ෂි දරයි.
එහි මාතෘකා පිටුවෙහි සඳහන් කර ඇති අරමුණට අනුව - යේසුස්වහන්සේ ක්රිස්තුස් බව සියල්ලන්ටම ඒත්තුගැන්වීම සඳහා - මෝර්මොන්ගේන් පොත ආරම්භවන්නේ ගැලවුම්කරුවාණන් පිළිබඳ ලෙහිගේ විශිෂ්ට දර්ශනයෙනි. ලෙහි දුටු දෙයින් ඔබ යේසුස් ක්රිස්තුස්වහන්සේ ගැන ඉගෙනගන්නේ කුමක්ද? ඔබගේ ජීවිතයේ ගැලවුම්කරුවාණන්ගේ “ශ්රේෂ්ට හා පුදුමාකාර” කාර්යයන් මොනවාද? (1 නෙපි 1:14).
මම ස්වාමින්වහන්සේ සොයා ගොස් විශ්වාස කරන විට, උන්වහන්සේට මාගේ සිත මෘදු කළ හැකිය.
ලාමන්, ලෙමුවෙල් සහ නෙපි යන තිදනාම එකම පවුලක හැදී වැඩුණද ඔවුන්ට සමාන අත්දැකීම් තිබුණද, මෙම පරිච්ඡේදයේදී තම පියාට ලැබුණු දිව්යමය දිශාවට ඔවුන් ප්රතිචාර දැක්වූ ආකාරය අතර තරමක වෙනස්කමක් ඇත. ඔබ 1 නෙපි 2 කියවන විට, ඔහුගේ සහෝදරයන්ගේ හදවත් එසේ නොවූවත් නෙපිගේ හදවත මෘදු වූයේ මන්දැයි ඔබට හඳුනාගත හැකිදැයි බලන්න. ශුද්ධාත්මයාණන්වහන්සේ හරහා හෝ උන්වහන්සේගේ අනාගතවක්තෘවරයා තුළින් ස්වාමින්වහන්සේගෙන් ලැබෙන මගපෙන්වීම සඳහා ඔබ දක්වන ප්රතිචාර ගැනද ඔබට සිතිය හැකිය. එබැවින් ඔබට උන්වහන්සේගේ මගපෙන්වීම සහ උපදෙස් වඩාත් කැමැත්තෙන් භාරගත හැකිය
දෙවියන්වහන්සේගේ කැමැත්ත කිරීමට මට මාර්ගයක් සූදානම් කරයි.
ලාබන්ගෙන් පිත්තල තහඩු ලබාගන්නා ලෙස ස්වාමින්වහන්සේ ලෙහිට සහ ඔහුගේ පවුලේ අයට අණ කළ විට, මෙම අණ පණත ඉටුකළ යුතු ආකාරය පිළිබඳ නිශ්චිත උපදෙස් උන්වහන්සේ දුන්නේ නැත. දෙවියන්වහන්සේගෙන් අපට ලැබෙන වෙනත් අණ පණත් හෝ පෞද්ගලික හෙළිදරව් කිරීම් සම්බන්ධයෙන් මෙය බොහෝ විට සත්යයක් වන අතර, මෙය උන්වහන්සේ “අමාරු දෙයක්” අපෙන් බලාපොරොත්තු වනවාය යැයි හැඟීමට හේතු වේ (1 නෙපි 3:5). 1 නෙපි 3: 7, 15-16 දක්වා ඇති ස්වාමින්වහන්සේගේ අණට නෙපි දක්වන ප්රතිචාරයෙන් කුමක් කිරීමට ඔබව පොළඹවන්නේද? “ගොස් කරන්න” කියා ඔබට හැඟෙන යමක් තිබේද?
ඔබ 1 නෙපි 1–7 අධ්යයනය කරන විට, දෙවියන්වහන්සේ ලෙහිට සහ ඔහුගේ පවුලේ අයට මාර්ගය සකස් කළ ආකාරය සොයා බලන්න. උන්වහන්සේ ඔබ වෙනුවෙන් මෙය කර ඇත්තේ කෙසේද?
තවත් බලන්න හිතෝපදේශ 3:5–6; 1 නෙපි 17:3; “කීකරුකම,” සුභාරංචි මාතෘකා, topics.ChurchofJesusChrist.org; ChurchofJesusChrist.org හි ඇති මොර්මොන්ගේ පොතේ වීඩියෝ පට හෝ සුභාරංචි පුස්ථකාල යෙදුම.
දෙවියන්වහන්සේගේ ක්රියා මතක තබාගැනීමෙන් උන්වහන්සේගේ අණ පණත් වලට කීකරු වීම සඳහා මට ඇදහිල්ල ලබාදෙයි.
ලාමන්ට සහ ලෙමුවෙල්ට මැසිවිලි නගන්නට දැනුණු විට, ඔවුන්ව දිරිමත් කර අවවාද කරන්නට නෙපි සහ ලෙහි අසල සිටියහ. ඔබට මැසිවිලි නැඟීමට මෙන් දැනෙන විට, නෙපි සහ ලෙහිගේ වචන කියවීමෙන් වටිනා උපදෙස් හා ඉදිරි දර්ශනයක් ලබාගත හැකිය. දෙවියන්වහන්සේ කෙරෙහි ඇදහිල්ල ගොඩනගාගැනීමට තම පවුලේ සාමාජිකයන්ට උපකාර කිරීමට නෙපි සහ ලෙහි උත්සාහ කළේ කෙසේද? (බලන්න 1 නෙපි 4:1–3; 5:1–8; 7:6–21). ඊළඟ වතාවේ ඔබ මැසිවිලි නැගීමට හෝ කැරලි ගැසීමට පෙළඹෙන විට ඔබට උපකාර කළ හැකි ඔවුන්ගේ උදාහරණ වලින් ඔබ ඉගෙනගන්නේ කුමක්ද?
පවුල් ශුද්ධලියවිලි අධ්යයනය සහ පවුල් නිවාස සන්ධ්යාව සඳහා අදහස්
ඔබ ඔබේ පවුලේ අය සමග ශුද්ධලියවිලි කියවන විට, ඔබේ පවුලේ අවශ්යතා සපුරාලීම සඳහා අවධාරණය කළ යුතු හා සාකච්ඡා කළ යුතු මූලධර්ම මොනවාදැයි දැනගැනීමට ආත්මයාණන්ට උපකාර කළ හැකිය. මෙන්න අදහස් කිහිපයක්.
1 නෙපි 1–7
1 නෙපි 1–7 පුරාම, ලෙහි සහ සාරියාගේ පවුලේ සාමාජිකයන් අතර අන්තර් ක්රියාකාරිත්වයන් දැකීමට ඔබට පවුලේ සාමාජිකයින් දිරිමත් කළ හැකිය. අපේ පවුලට උපකාර කළ හැකි මෙම සබඳතාවලින් අපට ඉගෙනගත හැක්කේ මොනවාද?
නෙපි සහ ඔහුගේ පවුලේ අය අනාගතවක්තෘවරුන්ගේ වචන අගය කළහ.
1 නෙපි 2:20
1 නෙපි 2: 20 හි ඇති මූලධර්මය මෝර්මොන්ගේ පොත පුරා බොහෝ විට පුනරාවර්තනය වේ. ඔබ මේ වසරේදී මෝර්මොන්ගේ පොත එකට අධ්යයනය කරන විට ඔබේ පවුලේ සාමාජිකයින්ට එය ඔවුන්ගේ ජීවිතවලට අදාළ කරගත හැක්කේ කෙසේද? සමහරවිට ඔබට මෙම පදයෙහි ඇති ස්වාමින්වහන්සේගේ පොරොන්දුව ඇතුළත් පෝස්ටරයක් සාදා එය ඔබගේ නිවසේ ප්රදර්ශනය කළ හැකිය. ස්වාමින්වහන්සේගේ අණ පණත් පිළිපැදීමෙන් ඔබේ පවුල සමෘද්ධිමත් වන ආකාරය ඔබට වරින් වර සාකච්ඡා කිරීමට එය මතක්කිරීමක් විය හැකිය. මෙම අත්දැකීම් පෝස්ටරයේ සටහන් කිරීම සලකා බලන්න.
1 නෙපි 2:11–13; 3:5–7
ස්වාමින්වහන්සේගේ අණ පණත් වලට ලාමන් සහ ලෙමුවෙල් දැක්වූ ප්රතිචාරය සහ නෙපිගේ ප්රතිචාරය අතර වෙනස සටහන් කිරීමෙන් යම්විට ඔබේ පවුලට ප්රයෝජන ලැබෙනු ඇත. 1 නෙපි 2:11–13; 3:5–7 මැසිවිලි නැගීම පිළිබඳ අපට ඉගෙනගත හැක්කේ මොනවාද? අප ඇදහිල්ලෙන් ක්රියා කරන විට ලැබෙන ආශිර්වාද මොනවාද?
1 නෙපි 3:19–20; 5:10–22; 6
මෙම පද ඔබේ ජීවිතයේ වැදගත් සිදුවීම් හා අත්දැකීම් පිළිබඳ වාර්තාවක් තබාගැනීමට ඔබේ පවුලට පෙලඹවීමක් ලබාදිය හැකිය. සමහරවිට නෙපි සහ ලෙහි ඔවුන්ගේ පවුලේ අත්දැකීම් පිළිබඳ වාර්තා වලට සමාන, පවුලේ සඟරාවක් ඔබට ආරම්භ කළ හැකිය. ඔබගේ පවුලේ වාර්තාවට ඇතුළත් කළ හැක්කේ මොනවාද?
1 නෙපි 7:19–21
මෙම පදවල නෙපිගේ ආදර්ශය ගැන අපව විශ්මයට පත්කරන්නේ කුමක්ද? අපි එකිනෙකාට “අවංකව සමාව” දෙන විට අපේ පවුල ආශිර්වාදිත වන්නේ කෙසේද?
දරුවන්ට ඉගැන්වීමට තවත් අදහස් සඳහා, බලන්න Come, Follow Me—For Primary හි this week’s outline.
පුද්ගලික අධ්යයනය වර්ධනය කරගැනීම
ශුද්ධලියවිලි නිරන්තරයෙන් අධ්යයනය කරන්න. නිවසේ අර්ථවත් ඉගැන්වීම් සඳහා එක් යතුරක් වන්නේ ඔබේ පවුලට ස්ථාවර ඉගෙනුම් අවස්ථා නිර්මාණය කිරීමයි. සභාපති තෝමස් එස්. මොන්සන් මෙසේ ඉගැන්වූවේය, “එදිනෙදා කියවීම සහ ශුද්ධලියවිලි අපේ ජීවිත වලට අදාළ කරගැනීම තරම් කෙටි පාඨමාලා ඵලදායී නොවේ” (“Be Your Best Self,” Ensign or Liahona, May 2009, 68).
වෝල්ටර් රනේ විසින්, ආත්මයාණන්ගේ හඬට මම කීකරු වීමි