“Appendix D: Ren Mwichen ewe Pristut seni Aaron me Klasin Mwichen Fopun—Kokkotun Mwich,” Feito, Tapweto Mwiri—Ren Imw me Mwichefen: Testamen Noom 2026 (2026)
“Appendix D” Feito, Tapweto Mwiri: Testamen Noom 2026
Appendix D
Ren Mwichen ewe Pristut seni Aaron me Klasin Mwichen Fopun—Kokkotun Mwich
Ranin ewe Mwich:
Etetten (chon ewe klass ika mwichen presetensi):
Nepoputan
Kon mi fen (finata):
Iotek:
Enniwini ewe Itenapen Ekkwe Mwichen Fopun ika Itenapen Mwichen ewe Chon ewe Pristut seni Aaron.
Kapasen ourour fengen
Emwen me ren ewe aramas a etetteni ewe mwich, ewe klas ika mwich ra ourour fengen non 5 to 10 minich usun wiser kewe non an Kot we angangen amanau me manau tekia. Ei eu tufich ren ewe klas ika mwichen presetensi ar repwe porous fengen usun mettoch ra fen aporous won me non mwichen presetensi ika an wart mwichen opungupungun serafo.
Ewe aramas a etetten a pwan tongeni aea eu ika epwe napeseni me nein ekkei kapaseis:
Manaueni ewe kapas allim
-
Met mettoch a keran fis minne a apochokunano ach kapasen pwarata usun Jises Kraist me An kapas allim?
-
Met sia fori ach sipwe arap ngeni ewe Chon Amanau? Ifa ussun sia achocho ngeni ach sipwe ussun I?
-
Ifa usun sia fen mefi an ewe Samon emwen me non manauach?
Tumunu ekkewe aramas mi nom non osupwang
-
Ion sipwe mefi ach sipwe anisi ika angang ngeni? Met wis sia fen angei ach sipwe anisi emon mi nom non osupwang?
-
Met weires ekkewe chon ach we klas ika mwich ra mesengeni? Ifa usun sia tongeni aninis fengen non ekkewe mettoch sia nom non?
-
Mi wor emon a keran mwokut ngeni ach we wart ika choni ewe Mwichefen? Ifa usun sipwe anisir ar repwe mefi pwe ir mi ketiw?
Etiwa Meinisin pwe repwe Angei ewe Kapas Allim
-
Met sia tongeni fori ne anisi ekkoch ar repwe mefi an Kot tong?
-
Met pekin urumot repwe fis ekkewe sia tongeni etiwa chienach kewe repwe fiti?
-
Met kewe kokkot ne afanafana ewe kapas allim ra fen aporous won me non an wart mwichen opungupungun serafo? Ifa usun ach we klas ika mwich epwe pachenong?
Achufengeni famini ren feinfeino
-
Met ekkoch anen ach sipwe tongeni ochufen och me chochon famini, mi pachenong samach me inach chinnap me tettenin pwich/fefinach/mwongeach?
-
Met sia fori ach sipwe kuna iten ach kewe neuo ekkewe mi namot ngenir angangepinen non tempel? Met sia tongeni fori ne anisi ekkoch ar repwe kuna iten ar kewe neuo?
-
Ifa usun ach sipwe aninis pwan non ekkoch angangen tempel—ren emon me emon me ren usun eu klas ika mwich?
Kaeo Fengen
Emon souemwen mi mwukono ika emon chon ewe mwich ika klas a emweni ewe ourour usun anean non ei wik ren Feito, Tapweto Mwiri. Ra aea ekkewe kokkotun kaeo non Feito, Tapweto Mwiri—Ren Imw me Mwichefen. Ewe kokkotun kaeo ren ei esisin mi wenengeni seminary me mi akkaewin wewe ngeni serafo. Inamo, en mi tongeni aea och me nein ekkewe kokkotun kaeo. Ei kinikinin ewe mwich a kan fis non ukukun 35 ika 40 minich.
Nesoponon
Ewe aramas a etetteni ewe mwich:
-
A apasa an kapasen pwarata usun nongonong ra osukuna.
-
Porous fengen ren ifa usun ewe klas ika mwich epwe foffor won met kewe ra kaeo—usun eu mwich ika ren emon me emon.
Iotek: