Bilong Praimeri—Ol Instraksen bilong Singsing Taim na ol Sakramen Miting Presentesen bilong Pikinini

Wantaim daireksen bilong bisop, sakramen miting presentesen bilong ol pikinini i save kamap namel long namba foa kwota bilong yia. Ol Praimeri presidensi na musik lida, wok wantaim kaunsela long bisoprik husait i lukautim Praimeri long plenim presentesen.

Dispela presentesen mas larim ol pikinini long presentim wanem samting ol na ol famili bilong ol i lainim long Olpela Testamen long haus na insait long Praimeri,na tuol Praimeri singsing ol bin singim long yia. Taim yu plenim presentesen, tingim ol we long halivim memba fokas long Sevia na ol tisin bilong Em.

Ol yunit wantaim liklik number bilong ol pikinini i ken tingim ol we we ol famili memba ken tek pat wantaim pikinini bilong ol. Wanpela memba bilong bisoprik i ken pasim miting wantaim liklik toktok.

Taim yu redim presentesen, tingim dispela ol gaidlain:

• Ol prektis mas noken kisim planti taim long ol Praimeri klas o long ol famili.

• Ol piksa, kostum, na ol midia presentesen i no orait long sakramen miting.

Lukim Jenerol Hanbuk: Sevin insait long Sios bilong Jisas Krais bilong ol Seint long Las-De, 12.2.1.2, Gospel Laiberari.

5 pela minit (Presidensi bilong Praimeri): Opinin prea, skripsa o atikol ol feit, na wanpela tok

20 pela minit (lida bilong musik): Singsing taim

Presidensi bilong Praimeri na lida bilong musik bai selektim ol singsing bilong wanwan mun long strongim ol toktru we ol pikinini i lainim insaitlong klas bilong ol na long haus. Wanpela list bilong ol singsing long strongim dispela ol toktru i stap insait long dispela gaid.

Taim yu tisim ol singsing long ol pikinini, invaitim ol long serim wanem samting ol i lainim pinis long ol stori na ol doktrin prinsipol ol singsing i tisim. Invaitim ol pikinini long serim ol tingting na pilings bilong ol long toktru i stap insait long ol singsing.

Dispela Singsingbuk bilong ol Pikinini em i wanpela besik risos bilong musik insait long Praimeri. Ol hymn long hymnbuk na ol singsing long Pren i orait tu. Yu ken usim ol singsing long Ol hymn—Bilong Haus na Sios. Long yusim olgeta narapela musik long Praimeri mas kisim tok orait long bisoprik (lukim Jenerol Hanbuk, 12.3.4

Singsing taim em bilong helpim ol pikinini long lainim ol dispela toktru bilong Gospel. Dispela ol aidia ken litimapim tingting bilong yu taim yu plenim ol we long tisim gospel prinsipol i stap insait long ol hymn na ol Praimeri singsing.

Ridim ol dispela wankain skripsa. Long planti bilong ol dispela singsing insait long Singsingbuk bilong Pikinini na hymnbuk, ol i referensim long ol wankain skripsa i stap long lis. Halivim ol pikinini ridim sampela bilong ol dispela hap tok,na toktok long olsem wanem ol skripsa i wankain long dispela ol singsing. Yu ken tu lisim sampela ol skripsa referens long bod na invaitim ol pikinini long metsim wanwan referens long wanpela singsing o wanpela ves bilong wanpela singsing.

Pulapim dispela spes. Raitim wanpela ves bilong singsing long bod wantaim sampela ki wod we i no stap. Bihain askim ol pikinini long singim dispela singsing, long harim ol wod we i bai pulapim spes. Taim ol i pulapim wanwan spes, toktok wantaim wanem ol gospel toktru yu lainim long ol wod i mis.

Testifai. Autim liklik testimoni long ol pikinini bilong gosple toktru i stap insait long Praimeri singsing. Halivim ol pikinini luksave olsem singsing i wanpela we ol i ken autim testimoni na pilim Spirit.

Sanap olsem wanpela witnes. Invaitim ol pikinini long kisim sans long sanap na serim wanem ol lainim long singsing ol i singim o ol pilim wanem long ol toktru stap insait long singsing. Askim ol hau ol i pilim taim ol singim singsing,na helpim ol luksave long pawa bilong Holi Spirit.

Usim ol piksa. Askim ol pikinini long halivim yu painim o mekim ol piksa long go wantaim ol impotent wod o ol hap toktok insait long singsing. Invaitim ol long serim hau ol piksa i wankain long ol singsing na wanem singsing i tisim. Long eksampel, sapos yu tisim dispela singsing “Taim Em i Kam Bek Gen” (Singsingbuk bilong Pikinini, 82–83),yu i ken putim ol piksa long olgeta hap bilong run long soim ol impoten wod long singsing (kain olsem ol ensel, sno, na sta). Askim ol pikinini long bungim ol piksa na holim ol go antap long raitpela oda taim yu singsing wantaim olgeta.

Serim wanpela objek lesen. Yu i ken yusim wanpela objek long litimapim toktok bilong wanpela singsing. Long eksampel,taim singim dispela song “Papa bilong Mi long Heven i Lovim Mi” (Singsingbuk bilong Pikinini, 228–29), yu i ken soim ol pikinini wanpela piksa bilong ol samting olsem,pisin,rein,o ol flawa. Dispela i ken lidim yumi long toktok long hau long panim ol kainkain sain bilong lov bilong Papa long Heven wer i raunim yumi.

Invaitim ol long serim pesenel ekspiriens. Halivim ol pikinini konektim lol toktru i stap insait long singsing wantaim ol ekspiriens ol i bin gat wantaim ol dispela toktru. Long eksampel, bipo long singsing “Mi Lov Long Lukim Tempel” (Singsingbuk bilong Pikinini,95), yu i ken askim ol pikinini long apim han sapos ol i bin lukim wanpela temple. Invaitim ol, taim ol singsing, long tingim hau ol pilim taim ol lukim wanpela tempel.

Askim ol kwesten. I gat planti ol askim yu ken askim taim yu singim ol singsing. Long eksampel, yu ken askim ol pikinini wanem ol lainim long wanwan ves insait long singsing. Yu ken askim ol tu long tingim ol askim we singsing i ansarim. Dispela i ken lidim i go long wanpela diskasen long ol toktru i tisim insait long dispela singsing.

Yusim ol isi han eksen. Invaitim ol pikinini long tingim ol isi han eksen long helpim ol tingim ol wod na toktok bilong wanpela singsing. Long eksample, taim yu singim ”Painim, Tingim, na Beten,”” (Singsingbuk bilong Pikinini,109), yu ken invaitim ol pikinini long poin go long ai bilong ol taim ol singsing long painim ol skripsa, poin go long ol het bilong ol taim ol singsing long tingim, na foldim han bilong ol taim ol singsing long beten.