“Apendiks B: Bilong ol Praimari—Redim ol Pikinini Bilong Yu Long wanpela Laiptaim Kavanen Rot bilong God,” Kam, Bihainim Mi—Bilong Hom na Sios: Old Testament 2026 (2026)

“Apendiks B,” Kam, Bihainim Mi:Olpela Testamen 2026

Apendiks B

Bilong ol Praimari—Redim ol Pikinini Bilong Yu Long wanpela Laiptaim Kavanen Rot bilong God

Insait long ol Mun we i gat faivpela Sande, ol Praimeri tisa bai senisim skediul Kam, Bihainim Mi autlain long namba faiv Sande wantaim wanpela o moa ektiviti bilong lainim.

Ol Tok tru na Odinens bilong Gospel bilong Jisas Krais

Dispela doktrin bilong Krais tisim yumi hau yumi ken go bek long God.

Taim Jisas Krais kamap long pipol insait long Amerika, Em tisim ol doktrin bilong Em. Em tok yumi ken go insait long kindom bilong God sapos yumi i gat feit, tanim bel, na baptais, kisim Holi Gos, na stap strong i go pinis (lukim 3 Nifai 11:31–40; lukim tu Doktrin na ol Kavanen 20:29 Ol ektiviti ananit i ken halivim yu tisim ol pikinini olsem dispela ol tok tru na odinens bai halivim yumi go moa klostu long Sevia long laip bilong yumi.

Long lainim moa long doktrin bilong Krais, lukim 2 Nifai 31.

Ol Ektiviti Yu Ken Mekim

Givim ol pikinini piksa i makim feit bilong ol insait long Jisas Krais, tanim bel, baptisim, na konfemesen (lukim Gospel Art Buk, nos. 1, 111, 103, na 105). Ridim o kolim long tingting wantaim ol pikinini namba fo artikol bilong feit, na askim ol long holim ol piksa bilong ol go antap taim ol kolim toktru o odinens. Halivim ol pikinini kliagut olsem wanem wanwan bilong ol dispela toktru na odinens save hailivim yumi kamap moa olsem Papa long Heven na Jisas Krais.
Hau bai yu hailivim ol pikinini save long feit, tanim bel, baptisim,na konfemesen i no save kamap long wanpela taim tasol ol save strongim gro bilong spirit bilong yumi long laip bilong yumi? Yu i ken soim piksa bilong wanpela sid na wanpela bikpela diwai ( o droim dispela ol samting long bod). Halivim ol tingim ol samting we bai halivim dispela sid long gro kamap bikpela diwai, kain olsem wara, graun,na lait bilong san. Halivim ol lukim olsem dispela i olsem ol samting yumi mekim long gro klostu moa long God long laip bilong yumi—bildim feit bilong yumi insait long Jisas Krais, tanim bel olgeta de, bihainim baptisimol kavanen bilong yumi, kaikai sakramen na kisim Holi Gos.
Serim wantaim ol pikinini stori bilong paiakreka bilong Elda Dale G. Renlund “Hau tanim bel i bai halivim pilim amamas?” (Poroman“, Dec. 2017, 12–13, o Liahona, Dec. 2017, 70–71; lukim tu Vidio “Repentance: A Joyful Choice” [Gospel Laiberari]). Long ol kain kain taim insait long stori, invaitim ol pikinini long tingim hau Elda Renlund i bin pilim. Bilong wanem yumi save pilim amamas taim yumi tanim bel? Serim wantaim ol pikinini amamas na lav yu pilim taim yu askim Papa long heven long fogivim yu.

4:36
Repentance: A Joyful Choice

Baptisim

Jisas Krais i soim wanpela eksampel long mi taim Em bin baptais.

Maski Jisas i bin nogat sin, Em bin baptais long soim wanpela gutpela eksampel bilong harim tok bilong Papa long Heven (lukim 2 Nifai 31:6–10).

Long lainim moa long Baptisim, lukim Doktrin na ol Kavanen 20:37Ol Topik na Askim, “Baptism,” Gospel Laibrari.

Ol Ektiviti Yu Ken Mekim

Soim piksa bilong Sevia i baptais na baptisim bilong narapela man (o lukim Gospel Art Buk, no. 35 na wanpela o narapela no. 103 o no. 104). Askim ol pikinini long serim wanem samting i narakain na i wankain namel long dispela tupela piksa. Ridim wantaim Matthew 3:13–17 o “Sapta 10: Jisas i bin Baptaisinsait Ol Nuipela Testimoni Stori, 26–29. Larim ol pikinini soim ol samting insait long ol piksa we ol i harim insait long stori. Tokim ol pikinini long lav bilong yu long Sevia na laik bilong yu long bihainim Em.

1:52
Chapter 10: Jesus Is Baptized
Harim o singim wanpela singsing long baptisim, kain olsem “Taim Jisas I Bin Baptias” (Singsingbuk bilong Pikinini102). Yu lainim wanem long baptisim long dispela singsing? Ritim 2 Nifai 31:9–10, na invaitim ol pikinini long harim bilong wanem Jisas Krais i bin baptais. Invaitim ol long droim wanpela piksa bilong ol yet long baptisim de bilong ol.

Mi ken mekim kavanen wantaim God na baptais.

Redi long baptais minim moa long redi long wanpela bung. Em i min long redi long mekim kavanen na bihain kipim dispela kavanen long laiptaim. Tingim hau yu ken halivim ol pikinini kliagut long kavanen ol i bai mekim wantaim Papa long Heven taim ol i baptais, i bai gat promis Em mekim long ol na ol promis ol mekim long Em.

Ol Ektiviti Yu Kem Mekim

Tok klia olsem kavanen i wanpela promis namel long wanpela man na Papa long Heven. Taim yumi traim long kipim ol promis bilong yumi long God, God promis long blesim yumi. Raitim long bod Ol Promis bilong Mi long God na Ol Promis bilong God long Mi. Ridim wantaim Mosaia 18:10, 13 na Doktrin na ol kavanen 20:37, na halivim ol pikinini mekim wanpela lis bilong ol promis ol painim aninit long ol hedtok (lukim tu Dallin H. Oaks, “Baptism Kavanen Bilong Yu,” Poroma, Feb. 2021, 2–3). Serim hau Papa long Heven i blesim yu taim yu traim long kipim baptisim kavanen bilong yu.
Soim ol pikinini piksa bilong ol samting Jisas Krais bin mekim long ministri bilong Em (long sampela eksampel, lukim Gospel Art Buk, nos. 33–49) Larim ol pikinini toktok long wanem Jisas i mekim insait long wanwan piksa. Ridim Mosaia 18:8–10, 13,na invaitim ol pikinini long harim ol we long kipim baptism kavanen bilong ol (lukim tu “Baptism Kavanen Bilong Yu,” Liahona, Aug. 2023, 10–11). Hau bai dispela ol promis influensim ol eksen bilong yumi olgeta de? Invaitim ol pikinini long droim wanpela piksa bilong ol yet halivim wanpela man long we Jisas i ken.

Konfemesen

Taim mi baptais na konfem, Mi kamap wanpela memba bilong Sios bilong Jisas Krais bilong ol Seint Long Las-De.

Kamap wanpela memba bilong Sios bilong Jisas Krais bilong ol Seint long Las-De i save bringim planti ol blesing, wantaim ol sans bilong ol pikinini long kamap ektiv lain insait long wok bilong God.

Ol Ektiviti Yu Ken Mekim

Invaitim wanpela man o meri husait i bin baptais na konfem long kam long klas na serim hau em pilim long konfemesen. Askim dispela man long toktok long wanem em minim long dispela man o meri long kamap wanpela memba bilong Sios biong Jisus Krais bilong ol Seint long Las-De. Halivim ol pikinini long tingim ol we long kipim ol baptism kavanen bilong ol olsem ol memba bilong Sios. Serim hau taim yu mekim dispela ol samting i halivim yu pilim amamas long stap olsem wanpela memba bilong Sios bilong Krais.
Soim wanpela piksa bilong ol pipol long ol wara bilong Momon ( lukim Gospel art Buk, no. 76), na askim ol pikinini long tok klia long wanem ol i lukim insait long piksa. Tokim ol stori bilong Alma na ol pipol bilong em taim ol i bin baptais long hap (lukim Mosaia 18:1–17; “Alma long Wara bilong Momon,” insait Ol stori bilong Buk Momon). Lukim gen Mosaia 18:8–9 na invaitim ol pikinini long mekim ol eksen long halivim ol tingim ol samting ol pipol i mekim olsem ol memba bilong Sios bilong Krais. Serim wanpela ekspiriens taim yu bin witnesim ol memba bilong Sios sev long ol dispela wei.

2:41
Alma at the Waters of Mormon

Taim mi bin konfem, Mi kisim gif bilong Holi Gos.

Taim yumi baptais na konfem,Papa long Heven promis olsem yumi “bai i gat Spirit bilong em long stap wantaim [yumi] olgeta taim” (Doktrin na ol Kavanen 20:77). Dispela wandaful gif i kam long God em i gif bilong Holi Gos.

Long lainim moa long gif bilong Holi Gos, lukim Gary E. Stevenson, “Ol Prompting bilong Spirit,” Liahona, Nov. 2023, 42–45; Ol Topik na Askim, “Gift bilong Holi Gos,” Gospel Laiberari.

Ol Ektiviti Yu Ken Mekim

Ridim Doktrin na ol Kavanen 33:15, na askim ol pikinini long harim ol spesel gif we Papa long Heven i save givim long yumi taim yumi baptais na konfem. Long halivim ol lainim long hau gif bilong Holi Gos bai halivim ol, rivuim gen Jon 14:26; Galatians 5:22–23; 2 Nifai 32:5; 3 Nifai 27:20. Yu i ken tu lukim gen dispela atikel “Wanpela Spesel Gif” (Liahona,Aug. 2023, 18–19).
Bipo long klas, askim ol papamama bilong wanpela o moa pikinini long serim hau ol kisim blesing bikos lo i gat gif bilong Holi Gos. Hau Em i save halivim ol? Hau ol i harim vois bilong Em?
Singim wantaim wanpela singsing bilong Holi Gos, kain olsem “Holi Gos” (Singsingbuk bilong piknini105). Halivim ol pikinini long kliagut long wanem samting singsing tisiim yumi long hau Holi Gos i ken halivim yumi.

Holi Gos i ken toktok long mi long planti wei.

Ol pikinini husait i ken luksave long nek bilong Spirit bai redi long kisim pesenel revelesen long gaidim ol thru aut long laip bilong ol. Helpim ol long kliagut olsem i gat planti we Holi Gos i ken toktok long yumi.

Ol Ektiviti Yu Ken Mekim

Halivim ol pikinini tingting long kainkain we yumi i ken toktok long wanpela poroman husait stap longwe, kain olsem raitim wanpela pas, salim wanpela imeil, o toktok long fon. Lanim ol olsem Papa long Heven ken toktok long yumi long kainkain we long Holi Gos. Yusim toktok bilong Presiden Dallin H. Oaks’s “Hau Papa Long Heven is Toktok long Yumi?“ long halivim ol pikinini long kliagut long kainkain we Holi Gos i ken toktok long tingting na bel bilong yumi (Pren, Mar. 2020, 2–3; Liahona, Mar. 2020, F2–F3).
Serim wanpela ekspiriens taim Holi Gos i toktok wantaim yu, long tingting bilong yu o long wanpela filin insait long bel bilong yu (lukim Doktrin na ol Kavanen 6:22–23; 8:2–3, lukim tu Henry B. Eryring, “Opim Bel bilong Yu long Holi Gos,” Liahona, Aug. 2019, F2–F3). Testifai long ol pikinini olsem Holi Gos ken halivim ol long wankain ol we.
Halivim ol pikinini luksave long ol taim we ol bin filim Spirit—long eksampel, taim singim wanpela singsing long Sevia o taim ol i mekim gutpela pasin long ol narapela. Halivim ol luksave long ol filing bilong spirit we Holi Gos save bringim, speseli long ol samting long mekim. Bilong wanem yu ting Holi Gos save givim yumi dispela ol filing? Halivim ol pikinini long tingim ol samting yumi nidim long mekim long harim Holi Gos toktok long yumi. Toktok long wanem yu save mekim long harim Spirit moa klia?

Sakramen

Taim mi kisim sakramen, Mi tingim aakrifais bilong Sevia na mekim kavanen bilong mi wantaim Em.

Taim yumi kisim sakramen, yumi mekim ol kavanen long tingim Sevia olgeta taim, kisim nem bilong Em long yumi yet na kipim ol lo bilong Em.

Long lainim moa, lukim Matthew 26:26–30; 3 Nifai 18:1–12; Doktrin na ol kavanen 20:77, 79.

Ol Ektiviti Yu Ken Mekim

Invaitim ol pikinini long kala “Jisas I Bin Statim Sakramen long ol Nifaite” insait Skripsa Stori Kala Buk: Buk Momon (2019), 26. Askim ol long soinim wanem ol pipol i tingting long insait long piksa. Ridim long ol pikinini ol pat bilong 3 Nifai 18:1–12 o “Jisas i Serim Sakramen,” in Ol Buk bilong Momon Stori. Yumi ken mekim wanem samting long tingim Jisas Krais long taim bilong sakramen?
Askim ol pikinini long tokim yu sampela samting ol i mas tingim long mekim olgeta taim , kain olsem taitim su bilong ol o wasim han bilong ol bipo long kaikai. Bilong wanem em i impotent long tingim dispela ol samting? Ritim Moronai 4:3 long ol pikinini, na invaitim ol long harim wanem yumi promis long olgeta taim tingim taim yumi kisim sakramen. Bilong wanem em i impotent long tingim Jisas Krais? Halivim ol pikinini kliagut long hau bred na wara long sakramen i save halivim yumi tingim wanem Jisas Krais i bin mekim long yumi (lukim Moronai 4:3; 5:2).
Raitim long bod “Mi promis long …” Ridim ol sakramen prea long ol pikinini (lukim Doktrin na ol Kavanen 20:77, 79). Taim ol harim wanpela promis yumi mekim long God, stop liklik taim na halivim ol pinisim senten long bod wantaim promis ol harim.
Em i minim wanem long kisim antap long yumi yet nem bilong Jisas Krais? Long halivim ol pikinini ansarim dispela kwesten, serim wanpela eksampel bilong samting yumi save putim ol nem bilong yumi long en. Bilong wanem yumi save putim nem bilong yumi long dispela ol samting? Bilong wanem Jisas Krais i laik putim nem bilong Em antap long yumi? Serim dispela eksplenesen bilong Presiden Russell M. Nelson: “Kisim nem bilong Sevia antap long yumi minim olsem yumi mas tokaut na witnes long ol narapela—long oleksen bilong yumi na ol toktok bilong yumi—olsem Jisas em i Krais” (“Raitpela Nem Bilong Sios,” Liahona, Nov. 2018, 88).

Prishud Pawa, Atoriti, na ol Ki

God save blesim ol pikinini bilong Em thru prishud pawa.

Olgeta pikinini bilong God—man na meri, yangpela na olpela—kisim pawa bilong God taim ol kipim kavanen ol mekim wantaim Em. Yumi mekim dispela ol kavanen taim yumi kisim prishud odinens olsem baptisim (lukim Jenerel Hanbuk: Sev insait long Sios bilong Jisas Krais bilong ol Seint long Las-De, 3.5, 3.6, Gospel Laiberari). Long lainim moa, lukim Russell M. Nelson, “Spiritual Treasures,” Liahona, Nov. 2019, 76–79; “Prishud Prinsipol,” sapta 3 insait Jeneral Hanbuk.

Ol Ektiviti Yu Ken Mekim

Halivim ol pikinini luksave long ol blesing ol kisim bikos long prishud. Long givim ol sampela aidia, yu i ken soim vidio “Blesings bilong Prishud” (Gospel Laibrari). Tingim long listim dispela ol blesing long bod. Bilong wanem dispela ol blesing impoten long yumi? Testifai olsem dispela ol blesing kam long yumi bikos long Jisas Krais na prishud pawa bilong Em.

3:5
Blessings of the Priesthood
Halivim ol pikinini painim ol piksa we i soim hau God save yusim pawa bilong Em long blesim yumi. Long eksample, ol ken painim wanpela piksa bilong wol Em i mekim bilong yumi, eksample long oratim wanpela sik man o meri, na sakred odinens Em givim yumi (lukim Gospel Art Buk, nos. 3, 46, 104, 105, 107, 120). Serim bilong wanem yu gretful long prishud na ol blesing em i kisim kam. Halivim ol pikinini tingting long ol ekspiriens taim ol bin kisim blesing long prishud pawa bilong God.
Wanpela bikpela rot we yumi save kisim ol blesing long pawa bilong God insait long laip bilong yumi em long prishud odinens (lukim Doktrin na ol Kavanen 84:20). Long halivim ol pikinini lainim dispela tok tru, yu i ken listim ol dispela skripsa long bod: 3 Nifai 11:21–26, 33 (baptisim); Moronai 2 (konfemesen); Moronai 4–5 (sakramen). Ol pikinini i ken wanwan sosim wanpela ves na painimaut ol odinens em i toktok long em. Invaitim ol pikinini long serim hau ol i kisim blesing long laip bilong ol yet taim ol i kisim prishud odinens.
Halivim ol pikinini save olsem ol bai kisim pawa long God taim ol baptais na kipim baptisimol kavanen bilong ol. Askim ol pikinini hau dispela pawa i ken hilivim ol.

Wok bilong God i kisim daireksen long ol prishud ki na save kamap long atoriti bilong prishud.

Taim ol makim wanpela man long kisim kolin o asaimen long halivim wok bilong God, dispela man o meri i ken yusim prishud atoriti ol i givim long em. Na tu, ol stretpela man memba bilong Sios i ken kisim prishud na odenim i go long wanpela prishud opis. Yus bilong olgeta prishud atoriti long Sios i kisim direksens long ol lida husait i holim ol prishud ki, kain olsem stek presiden, bisop, na koram presiden. Ol Prishud ki em atoriti bilong dairektim yus bilong prishud long mekim wok bilong Bikpela.

Ol Ektiviti Yu Ken Mekim

Ridim wantaim ol pikinini Mak 3:14–15, na soim ol wanpela piksa bilong bung insait long hap ( kain olsem Gospel Art Buk, no. 38). Askim ol piknini sapos ol i bin lukim wanpela man ol i makim long kisim kolin o odenim i go long wanpela prishud opis (o tokim ol long ekspiriens yu bin gat). Hau em i wankain long wanem Sevia i ben mekim wantaim ol Aposel bilong Em? Halivim ol pikinini listim long bod ol kolin o ol prishud opis we i ken givim long ol memba bilong Sios, kain olsem wanpela tisa o lida long wanpela ogennaisesen. Neks long wanwan opis o kolin, yu ken raitim wanem wanpela man o meri wantaim dispela kolin o opis kisim autoriti long mekim. Tokim ol pikinini hau long kisim kolin long man wantaim daireksen bilong prishud ki i halivim yu long sev.
Invaitim ol pikinini long tingting long wanpela samting yu nidim wanpela ki long em, kain olsem wanpela kar o dua. Wanem samting bai kamap sapos yu nogat ki? Ridim wantaim Doktrin na ol Kavanen 65:2, na serim testimoni bilong yu long hau impotent long gat prishud ki. Yu ken tu luksim vidio “Ol Ki Stap Long We?” (Gospel laiberari) na painim wanem Elda Stevenson tisim long ol prishud ki.

2:51
Where Are the Keys?

Tempel na Plen bilong Amamas

Tempel em haus bilong Bikpela.

Ol tempel em wanpela pat bilong plen bilong Papa long Heven long ol pikinini bilong Em. Long ol tempel, yumi mekim ol sekred kavanen wantaim Em, na endou wantaim prishud pawa, kisim revelesen, mekim ol odisens bilong ol dai tumbuna bilong yumi, na sil long ol famili bilong yumi long oltaim oltaim. Olgeta dispela em kamap bikos long Jisas Krais na atonin sakrifais bilong Em.

Hau bai yu halivim ol pikinini bilong yu lainim long luksave long holines bilong haus bilong Bikpela na redim ol yet long kamap stret long tekpat long ol tempel odinens? Tingim gen long ol dispela risos: Russell M. Nelson, “Tempel na Spirituol Faundesen bilong Yu,” Liahona, Nov. 2021, 93–96; “Bilong wanem ol Las-de Seint bildim ol Tempel,” temples.ChurchofJesusChrist.org.

yut long wanpela tempel — Ol tempel em wanpela pat plen bilong Papa long Heven long ol pikinini bilong Em.

Ol Ektiviti Yu Ken Mekim

Soim wanpela o moa piksa bilong ol tempel. Askim ol pikinini wanem i mekim temple wanpela spesol ples. Pointim aut olsem long wanwan temple i gat dispela hap tok: “Holines long Bikpela—Haus bilong Bikpela.” Askim ol pikinini ol tingim wanem em “Holines long bikpela” i minim. Bilong wanem tempel ol i kolim haus bilong Bikpela? Dispela i tisim yumi wanem long tempel? Sapos sampela bilong ol pikinini i bin go long wanpela temple, ol i ken tu serim wanem samting ol pilim taim ol stap long hap. Sapos yu bin go long temple, serim hau yu pilim presens bilong Bikpela long hap, na toktok bilong wanem tempel em holi ples long yu.
Ridim wantaim Doktrin na ol Kavanen 97:15–17. Askim ol pikinini long painim wanem Bikpela i laikim long ol pipol husait i go insait long holi haus bilong Em. Bilong wanem na yumi mas kamap stret long go insait long haus bilong Em? Olsem hap tok bilong dispela toktok, toktok long ol pikinini long ol tempel rekomen, wantaim hau long kisim wanpela. Yu i ken invaitim wanpela memba bilong bishoprik long serim wantaim ol wanem em temple rekomen na ol kwesten ol i save askim.

Insait long temple, yumi save mekim ol kavanen wantaim God.

Presiden Russell M. Nelson i tisim, “Jisas Krais i invaitim yumi long kisim kavanen rot long go bek long haus long Papamama bilong yumi long Heven na stap wantaim husait yumi lavim” (“Kam, Bihainim Me,” LiahonaMe 2019, 91). Halivim ol pikinini long kliagut long ol kavanen rot i gat baptisim, konfemesen, na temple endoumen na siling.

Ol Ektiviti Yu Ken Mekim

Askim ol pikinini long halivim yu riviuimol kavanen yumi mekim wantaim God taim yumi baptais na yumi kisim sakramen (lukim Mosaia 18:10, 13; Doktrin na ol Kavanen 20:77, 79). Soim wanpela piksa bilong tempel na tokim ol olsem Papa long Heven i gat moa blesing Em i laik long givim long yumi insait long tempel.
Droim wanpela geit i lid go long wanpela rot. Askim ol pikinini bilong wanem ol ting em gutpela long i gat wanpela rot long wokabaut. Ridim wantaim 2 Nifai 31:17–20, we Nifai i skelim kavanen bilong baptisim long wanpela geit na invaitim yumi long go yet long dispela rot bihain long baptisim. I gat moa kavanen long mekim bihain long baptisim, ol dispela ol kavanen i save kamap insait long temple. Tokim ol olsem Presiden Nelson i kolim dispela rot “Kavanen rot.”

Insait long tempel, yumi ken baptais na konfem long ol tumbuna lain bilong yumi husait i bin dai pinis.

Gospel bilong Jisas Krais mekim isi tru long olgeta pikinini bilong God long go bek long stap wantaim Em, maski sapos ol i no save long gospel bilong Em na dai. Insait long temple, yumi ken baptais na konfem bilong ol tumbuna bilong yumi.

Ol Ektiviti Yu Ken Mekim

Toktok long wanpela taim wanpela man o meri bin mekim samting long yu we yu no inap long mekim long yu yet. Invaitim ol pikinini long serim wankain ekspiriens. Toksave long ol olsem taim yumi go long tempel, yumi ken kisim ol holi odinens kain olsem baptisim bilong ol narapela husait i dai pinis. Hau bai yumi kamap olsem Jisas taim yumi mekim wok bilong ol lain i dai pinis? Em mekim wanem samting long yumi we yumi i no inap mekim long yumi yet?
Invaitim wanpela o moa yut husait i baptais long ol tumbuna bilong ol long serim ekspiriens bilong ol. Askim ol wanem samting ol i pilim insait long temple. Strongim bel bilong ollong serim hau ol pilim long wokim wok bilong ol tumbuna lain bilong ol.
Droim wanpela diwai long bod, wantaim ol rut na brans. Askim ol pikinini long tingim hau famili em i olsem wanpela diwai. Makim ol rut Ol Tumbuna, makim ol brans Ol Pikinini, na makim bun bilong diwai Yu. Ridim wantaim dispela sentens long Doktrin na ol Kavanen 128:18: “Long wanem sapos yumi no gat ol [ol tumbuna bilong yumi] yumi ino inap kamap gutpela; wankaim olsem ol i nonap kamap gutpela sapos ol nogat yumi.” Askim ol kwesten olsem dispela: “Bilong wanem yumi nidim ol tumbuna bilong yumi? Bilong wanem na ol tumbuna bilong yumi nidim yumi? Olsem wanem ol papamama bilong yumi, ol bubu, na ol narapela tumbuna i bin halivim yumi? Invaitim ol pikinini long painim olgeta hap bilong Doktrin na ol Kavanen 128:18 long wanpela hap tok i tok klia long hau yumi i ken halivim ol tumbuna bilong yumi.
Tingim tu long wok bung wantaim papamama bilong wanwan pikinini long painim nem bilong tumbuna husait i nidim odinense long tempel (lukim FamilySearch.org).