Kubw’Ishuri ry’ibanze—Amabwiriza y’Igihe cyo Kuririmba n’Iyerekana mu Iteraniro ry’Isakaramentu

Muyobowe n’umwepiskopi, Iyerekana mu Iteraniro ry’isakaramentu ubusanzwe rikorwa mu gihembwe cya kane cy’umwaka. Nk’ubuyobozi bw’ishuri ry’ibanze n’umuyobozi w’umuziki, mukorane n’umujyanama mu bwepiskopi ugenzura Ishuri ry’ibanze gutegura iyerekana.

Iri turwa rigomba kwemerera abana kwerekana ibyo bo n’imiryango yabo bize mu isezerano rya Kera bari mu rugo no mu ishuri ry’ibanze, harimo n’indirimbo zo mu Ishuri ry’ibanze baririmbye muri uyu mwaka. Uko mutegura iryo turwa, mutekereze inzira rishobora gufashamo itorero kwibanda ku Mukiza n’inyigisho Ze.

Ibyiciro bifite imibare mitoya y’abana bishobora gutekereza inzira abanyamiryango bashobora kwitabiramo hamwe n’abana babo. Umunyamuryango w’ubwepiskopi ashobora gusozesha iteraniro amagambo make.

Uko mutegura iryo turwa, nimwibuke amabwiriza akurikira:

• Imikorere ntigomba gutwara igihe kitari nogmbwa cy’amashuri y’ibanze cyanga imiryango.

• Ibifata amashusho, imyambarire idahwitse, n’ibitangazamakuru ntibikwiriye mu iteraniro ry’isakaramentu.

Reba Igitabo cy’amabwiriza Rusange: Gufashiriza mu Itorero rya Yesu Kristo ry’Abera b’Iminsi ya Nyuma, 3.5, Isomero ry’Inkuru Nziza.

iminota 5 (ubuyobozi bw’Ishuri ry’ibanze): isengesho rifungura, icyanditswe gitagatifu cyangwa ingingo y’ukwizera, n’ikiganiro kimwe.

iminota 20 (umuyobozi w’umuziki): Igihe cyo kuririmba

Ubuyobozi bw’Ishuri ry’ibanze n’umuyobozi w’umuziki batoranya indirimbo za buri kwezi kugira ngo bashimangire amahame abana barimo kwiga mu mashuri yabo no mu rugo. Urutonde rw’indirimbo zishimangira aya mahame yashyizwe muri iyi mfashanyigisho.

Uko mwigisha abana indirimbo, mubasabe gusangira ibyo bamaze kumenya byerekeranye n’inkuru n’amahame y’inyigisho izo ndirimbo zigishaho. Musabe abana gusangiza ibitekerezo byabo n’ibyiyumviro ku mahame aboneka muri izo ndirimbo.

The Children’s Songbook ni cyo gikoresho cy’ibanze ku muziki mu Ishuri ry’Ibanze. Indirimbo zo gitabo cy’indirimbo n’indirimbo zo mu Nshuti na zo ziba zikwiriye. Mushobora kandi gukoresha indirimbo zo muri Hymns—For Home and Church. Gukoresha undi muziki uwo ari wo wose bigomba kwemerwa n’ubwepiskopi (reba Igitabo cy’amabwiriza Rusange, 12.3.4).

Igihe cyo kuririmba cyagenewe gufasha abana kumenya amahame y’inkuru nziza. Ibitekerezo bikurikira bishobora kubunganira uko mutegura uburyo bwo kwigisha amahame y’inkuru nziza ziboneka mu ndirimbo z’ishuri ry’ibanze.

Musome ibyanditswe bifitanye isano. Kubw’indirimbo zo mu Gitabo cy’Indirimbo z’Abana n’igitabo cy’indirimbo, amafatiro afitanye isano n’ibyanditswe bitagatifu yakorewe urutonde. Mufashe abana gusoma imwe muri iyi mirongo, kandi muganire ku byerekeranye n’uko ibyo ibyanditswe bitagatifu bifitanye isano n’iyo ndirimbo. Mushobora kandi gukora urutonde rw’ibyanditswe bitagatifu bimwe ku kibaho maze mugahamagarire abana guhuza buri fatiro n’indirimbo cyangwa umurongo w’indirimbo.

Mwuzuze ahatuzuye. Mwandike umurongo w’indirimbo ku kibaho ufite amagambo menshi y’ingenzi abura. Noneho musabe umwana kuririmba indirimbo, muteze ugutwi amagambo yakuzuzwa ahatuzuye. Uko buzuza buri hantu, muganire ku mahame y’inkuru nziza mwigiye ku magambo yaburagamo.

Guhamya. Muhe abana ubuhamya bugufi bw’amahame y’inkuru nziza aboneka mur ndirimbo y’Ishuri ry’Ibanze. Mufashe abana gusobanukirwa ko kuririmba ari inzira imwe bashobora gutangamo ubuhamya no kumva Roho.

Muhagarare nk’abahamya. Musaba abana kugenda basimburana bahaguruka maze bagasangiza ibyo bize mu ndirimbo barimo kuririmba cyangwa uko biyumvira ku byerekeye amahame bigishijwe muri iyo ndirimbo. Mubabaze uko biyumvira mu gihe baririmba iyo ndirimbo, maze mubafashe kumenya imbaraga za Roho Mutagatifu.

Mukoreshe amashusho. Musabe abana kubafasha gushaka cyangwa gukora amashusho ajyanye n’amagambo y’ingenzi cyangwa interuro muri iyo ndirimbo. Mubahamagarire gusangiza uko amashusho afitanye isano n’indirimbo n’icyo indirimbo yigisha. Nk’urugero, niba murimo kwigisha indirimbo “When He Comes Again” (Igtabo cy’Indirimbo z’Abana, 82–83), mushobora gushyira amashusho mu cyumba hose agaragaza amagambo y’ingenzi yo mu ndirimbo (nka abamarayika, urubura, n’ inyenyeri). Musabe abana gukoranya ayo mashusho maze bayafatire hejuru uko akurikirana by’ukuri uko muririmbira hamwe iyo ndirimbo.

Musangire imfashanyigisho ifatika. Mushobora gukoresha ikintu gituma mutangira ikiganiro kuri iyo ndirimbo. Nk’urugero, mu gihe muririmba iyo ndirimbo “My Heavenly Father Loves Me” (Children’s Songbook, 228–29), mushobora kwereka abana ishusho y’ibintu nk’inyoni, imvura, cyangwa indabo. Ibi bishobora kuganisha ku kiganiro cyerekeye uko dushobora kubona ibimenyestso by’urukundo rwa Data wo mu Ijuru bidukikije.

Muhamagarire gusangiza ibyabaye ku muntu. Mufashe abana kwihuza n’amahame yigishwa mu ndirimbo n’ibimaze kubabaho muri aya mahame. Nk’urugero, mbere yo kuririmba “I Love to See the Temple” (Children’s Songbook, 95), mushobora kubaza abana kuzamura ibiganza niba barabonye ingoro. Mubahamagarire, uko baririrmba, gutekereza uko biyumvira ighe babonye ingoro.

Baza ibibazo. Hariho ibibazo byinshi mushobora kubaza uko mu singa izi ndirimbo. Nk’urugero, mushobora kubaza abana ibyo biga muri buri murongo muri iyo ndirimbo. Mushobora kandi kubabaza gutekereza ku bibazo iyo ndirimbo isubiza. Ibi bishobora kuganisha ku kiganiro cyerekeye amahame yigishwa muri iyo ndirimbo.

Gukoresha ibikorwa byoroheje by’amaboko. Muhamagarire abana gutekereza ku bikorwa byoroheje by’intoki kugira ngo mubafashe kwibuka amagambo n’ubutumwa bw’innirimbo. Nk’urugero, mu gihe muririmba “Search, Ponder, and Pray” (Children’s Songbook, 109), mushobora guhamagarira abana gutunga urutoki ku maso yabo uko baririmba ibyo gutohoza ibyanditswe bitagatifu, gutunga urutoki ku mitwe yabo uko baririmba ibyo gutekereza byimbitse, no kwipfumbata uko baririmba ibyo gusenga.