Ren Kinter—Amwonata Semirit ngeni eu Unusen Manau won An Kot Anen Pwon mi pin

Ngeni ekkewe semirit ekkoch sasing mi tongeni tupuni nuku non Jises Kraist, aier, Gospel Art Book, nos. 1, 111, 103, and 105). Anneani ika apasa fengeni me ekkewe semirit ewe aruwanun nongonongen achifoua, me eisinir ar repwe eitieta nour kewe sasing nupwen a kapas usun ewe nongonong ika angangepin. Anisi ekkewe semirit repwe weweiti ifa usun eu me eu ekkei nongonong me angangepin ra anisi kich ne winiti usun Samach won Nang me Jises Kraist.

Ifa usun ka tongeni anisi ekkewe semirit repwe weweiti pwe nuku, aier, papatais, me kapunguno resap eu mettoch a fis fan eu nge ra apochokuna ach amarin ngun non unusen manauach? Ka tongeni pwar ngenir echo sasingin echo foun ira me efoch watten ira (ika chungani ekkei mettoch won ewe pap). Anisir ne ekieki usun mettoch mi anisi ewe foun ira an marita ngeni efoch ira, usun ren konik, puun, me saramen akkar. Anisir repwe kuna pwe ekkei ir usun ekkewe mettoch sia fori ach sipwe arap ngeni Kot non unusen manauach—amari ach nuku non Jises Kraist, aier iteiten ran, manaueni ach pwonen papatais, mwongo ewe sakrament, me angei ewe Ngun mi Fel.

Aporousa ngeni ekkewe semirit ewe tutunapen ewe anapi seni an Elter Dale G. Renlund we afanafan “Ifa usu n Aier a Tongeni Anisiei ne Mefi Pwapwa?” (Friend, Dec. 2017, 12–13, or Liahona, Dec. 2017, 70–71; nengeni pwan ewe fitio “Repentance: A Joyful Choice” [Gospel Library]). Non ekkoch kinikinin fansoun ewe tutunap, tingorei ekkewe semirit ar repwe ekieki ita ifa usun Elter Renlund a mefi. Pwata sia mefi pwapwa nupwen sia aier? Aporousa ngeni ekkewe semirit ewe pwapwa me tong ka fen mefi nupwen ka tingorei Samach won Nang epwe omusokono.

4:36

Pwari echo sasingin an ewe Chon Amanau papatais me pwan an emon aramas papatais (ika nengeni Gospel Art Book, nampa. 35 me eu me nein nampa 103 ika nampa. 104). Tingorei ekkewe semirit repwe aporousa met mi sokkono me met mi nonno fengen nefinen ekkewe ruacho sasing. Annea fengeni Matthew 3:13–17 ika “Sopwun 10: Jises a Papatais” non Porousen Testamen Sofo, 26–29. Mut ngeni ekkewe semirit repwe itini mettoch non ekkewe sasing ekkewe ra rong me non ekkei porous. Ureni ekkewe semirit usun om tongei ewe Chon Amanau me om mochen tapweno mwirin I.

1:52

Ausening ngeni ika konu echo kon usun papatais, usun ren “When Jises Kraist A Papatais” (Noun Semirit Puken Kon, 102). Met sia kaeo usun papatais seni ewe kon? Anneani 2 Nifai 31:9–10, me tingorei ekkewe semirit repwe ausening ngeni pwata Jises Kraist a papatais. Etiwer repwe chungani echo sasingir non ar we ranin papatais.

Awewei pwe eu pwon mi pin eu pwon nefinen emon aramas me Samach won Nang. Nupwen sia achocho ne apwonueta ach kewe pwon ngeni Kot, Kot a pwonei pwe epwe efeiochu kich. Makkei won ewe pap Ai Pwon ng.eni Kot me An Kot Pwon Ngeniei. Aneani fengeni Mosaia 18:10, 13 me Doctrine and Covenants 20:37, me anisi ekkewe semirit fori fori eu tettenin ekkewe pwon ra kuna ekkewe tettenochun itenap (nengeni pwan Dallin H. Oaks, “Your Baptism Covenant,” Friend, Feb. 2021, 2–3). Aporousa ifa usun Samach won Nang a fen efeiochuk nupwen ka achocho ne apwonueta om kewe pwonen papatais.

Pwar ngeni ekkewe semirit sasingin mettoch Jises Kraist a fori fansoun An angangen afanafan (ren ekkoch awewe, nengeni Gospel Art Book, nampa 33–49). Mut ngeni ekkewe semirit repwe porous usun met Jises mi fori non eu me eu sasing. Anneani Mosaia 18:8–10, 13, me etiwa ekkewe semirit repwe ausening ngeni ekkoch anen ar repwe tongeni apwonueta ewe pwonen papatais (nengeni pwan “My Baptismal Covenant,” Liahona, Aug. 2023, 10–11). Ifa usun ewe pwonen papatais a tongeni pesei ach foffor iteiten ran? Etiwa ekkewe semirit repwe chungani echo sasingir ar anisi emon non ewe napanap Jises epwe foril.

Tingorei emon a keran papatais me kapunguno an epwe etto ngeni klas me aporousa met usun nikinikin an we a kapunguno. Tingorei ei aramas an epwe kapas usun met wewen ngeni i an a winiti emon chon Ewe Mwichefenin Jises Kraist ren Aramas mi Pin non Fansoun Soponon. Anisi ekkewe semirit repwe ekieki usun ekkoch anen ar repwe tongeni apwonueta ar pwonen papatais usun chon ewe Mwichefen. Aporousa ifa usun om fori ekkei mettoch a anisuk ne mefi ewe pwapwan om emon chon an Kraist we Mwichefen.

Pwari echo sasing usun ekkewe aramas ren ekkewe Konikin Mormon (nengeni Gospel Art Book, nampa. 76), me eisini ekkewe semirit repwe anapanapa met ra kuna me non ewe sasing. Aprousa ewe tutunapen Alma me noun kewe aramas ar ra papatais ikewe (nengeni Mosaia 18:1–17; “Alma ren ekkewe Konikin Mormon,” non Porousen Puken Mormon). Anneani Mosaia 18:8–9 me etiwa ekkewe semirit repwe fori ekkoch foffor an epwe anisir repwe chechemeni ekkewe mettoch ekkewe aramas ra mochen fori usun chochon an Kraist Mwichefen. Aporousa eu fansoun nupwen ka fen kuna chon ewe Mwichefen ra angang ngeni ekkoch non ekkei napanap.

2:41

Anneani Doctrine and Covenants 33:15, me eisini ekkewe semirit ar repwe ausening ngeni ewe auchean niffang Samach won Nang a ngeni kich nupwen sia papatais me kapunguno. Om kopwe anisir ar epwe kaeo pwan ekkoch ren ifa usun ewe niffangen ewe Ngun mi Fel epwe anisir, atonasefani fengen John 14:26; Galatians 5:22–23; 2 Nifai 32:5; 3 Nifai 27:20. Ka pwan tongeni atona sefani ewe toropwe “A Special Gift” (Liahona, Aug. 2023, 18–19).

Me mwen Klas, eisini saman me inen emon semirit ika fen napeseni emon ar repwe aporousa ifa usun ra fen feioch pokiten mi wor rer ewe niffangen ewe Ngun mi Fel. Ifa usun I a anisir? Ifa usun ar rong Mongungun?

Konu fengeni echo kon usun ewe Ngun mi Fel, usun ren “The Holy Ghost” (Noun Semirit Puken Kon, 105). Anisi ekkewe semirit repwe weweiti met ewe kon a aiti kich ren ifa usun ewe Ngun mi Fel a tongeni anisi kich.

Anisi ekkewe semirit ar repwe ekieki usun ekkoch sokopaten anen ach sipwe tongeni kapas ngeni emon chienach ewe mi nonnom towaw, usun ren makkei echo toropwe, tinano eu email, ika porous won ewe fon. Aitir pwe Samach won Nang a tongeni kapas ngeni kich non sokopaten aan me ren ewe Ngun mi Fel. Aea an Preseten Dallin H. Oaks we porous “How Does Heavenly Father Speak to Us?” ne anisi ekkewe semirit ar repwe weweiti ekkewe sokofesenin anen ewe Ngun mi Fel a tongeni kapas ngeni ach ekiek me netipach (Friend, Mar. 2020, 2–3, or Liahona, Mar. 2020, F2–F3).

Aporousa eu fansoun nupwen ewe Ngun mi Fel a kapas ngonuk, ika pwe ngeni om ekiek ika seni eu memmef non netipom (nengeni Doctrine and Covenants 6:22–23; 8:2–3; nengeni pwan Henry B. Eyring, “Open Your Heart to the Holy Ghost,” Liahona, Aug. 2019, F2–F3). Pwarata ngeni ekkewe semirit pwe we Ngun mi Fel mi tongeni anisir non ekkena sokkun chok pwan napanap.

Anisi ekkewe semirit ar repwe esinna ekkewe fansoun nupwen ra mefi ewe Ngun—ren awewe, nupwen ra konu echo kon usun ewe Chon Amanau ika nupwen ra fori och mettoch mi kirekiroch ngeni ekkoch. Anisir repwe esinna ekkewe memmefin ngun minne ewe Ngun mi Fel a wato, akkaewin An ammemef ar repwe foffor. Pwata ka ekieki pwe ewe Ngun mi Fel a ngeni kich ekkei memmef? Anisi ekkewe semirit repwe ekieki usun mettoch mi namot ngeni kich ach sipwe ausening ngeni ewe Ngun mi Fel an kapas ngeni kich. Kapas usun met kopwe fori om kopwe ausening ngeni ewe Ngun an epwe kon fatoch.

Tingorei ekkewe semirit repwe enuwa “Jises a Esinei usun ewe Sakrament ngeni ekkewe Chon Nifai” non Puken Enuwa Porousen Pukefel: Puken Mormon (2019), 26. Eisinir ar repwe itini met ekkewe aramas ra ekieki usun me non ewe sasing. Annea ngeni ekkewe semirit ekis kinikinin 3 Nifai 18:1–12 ika “Jises a Eineti ewe Sakrament,” non Porousen Puken Mormon. Met sia tongeni fori ach sipwe chechemeni Jises Kraist fansoun ewe sakrament?

Eisini ekkewe semirit ar repwe uronuk ekkoch mettoch repwe chechemeni ne fori fansoun meinisin, usun ren ar repwe foti nour sus ika tonu pour me mwen repwe mwongo. Pwata mi auchea pwe sipwe pochokun non inisich? Anneani Moronai 4:3 ngeni ekkewe semirit, me urenir repwe ausening ngeni met sia pwonei ach sipwe chechemeni fansoun meinisin nupwen sia angei ewe sakrament. Pwata mi auchea pwe sipwe chechemeni Jises Kraist? Anisi ekkewe semirit repwe weweiti ifa usun ewe pinewa me konikin ewe sakrament ra anisi kich ne chechemeni met Jises a fen fori fan itach (nengeni Moroni 4:3; 5:2).

Makkei won ewe pap “Ua pwonei ai upwe …” Anneani ewe iotekin sakrament ngeni ekkewe semirit (nengeni Doctrine and Covenants 20:77, 79). Nupwen ra rong eu pwon sia fori ngeni Kot, kouno me anisir repwe awesi ewe sentence won ewe pap ren ewe pwon ra rong.

Met wewen ach sipwe wata iten Jises Kraist woch pwisin? Om kopwe anisi ekkewe semirit ne ponuweni ei kapaseis, aporousa eu awewen och mettoch sia wata itach won. Pwata sia wata itach won ekkei mettoch? Pwata Jises Kraist epwe mochen sipwe wata Itan woch? Ekieki om kopwe aporousa ei awewe seni Preseten Russell M. Nelson: “Ach wata iten ewe Chon Amanau won mi pachenong ach afanafana me pwarata ngeni ekkoch—seni ach kewe foffor me ach kapas—pwe Jises i ewe Kraist” (“Ewe Itochun ewe Mwichefen,” Liahona, Nov. 2018, 88).

Anisi ekkewe semirit repwe apareni ekkewe feioch ra angei pokiten ewe pristut. Ngenir ekkoch ekiek, kopwe pwar ngenir ewe fitio “Feiochun ewe Pristut” (Gospel Library). Ekieki om kopwe etettenatiw ekkei feioch won ewe pap. Pwata ekkei feioch ra auchea ngeni kich? Pwarata pwe ekkei feioch ra feito ngeni kich pokiten Jises Kraist me An we manamanen Pristut.

3:5

Anisi ekkewe semirit repwe kutta ekkoch sasing mi pwari ifa usun Kot a aea An manaman ne afeiochu kich. Ren awewe, ra tongeni kutta echo sasingin ewe Fonufan I a forata fan itach, awewe ren an echikara ekkewe mi semwen, me angangepin I a awara fan itach (nengeni Gospel Art Book, nampa. 3, 46, 104, 105, 107, 120). Aporousa pwata ka men kinisou ren ewe pristut me ekkewe feioch a wato. Anisi ekkewe repwe ekieki usun fansoun nupwen ra feioch me ren an Kot manamanen pristut.

Eu me nein ekkewe anenapen ach sipwe angei ekkewe feiochun an Kot manaman non manauach ina epwe seni angangepinen pristut (nengeni Doctrine and Covenants 84:20). Om kopwe anisi ekkewe semirit repwe kaeo ei ennet, ka tongeni etettenatiw ekkei uwokisin won ewe pap: 3 Nifai 11:21–26, 33 (papatais); Moronai 2 (kapunguno); Moronai 4–5 (sakrament). Ekkewe semirit ra tongeni finit eu me nein ekkei porous me affatata ewe angangepin a awewei. Tingorei ekkewe semirit repwe aporousa ifa usun ra pwisin feioch ren ar angei angangepinen pristut.

Anisi ekkewe semirit repwe weweiti pwe repwe angei manaman seni Kot nupwen ra papatais me apwonueta ar pwonen papatais. Eisini ekkewe semirit ifa usun ei manaman a tongeni anisir.

Annea fengen me ekkewe semirit Mark 3:14–15, me pwar ngenir echo sasingun ewe mettoch a fis mi awewetiw ikewe (usun ren Gospel Art Book, nampa. 38). Eisini ekkewe semirit ika ir mi kukkuna emon a fen efeioch ngeni wisen kokko ika epinipinino ngeni eu wisen pristut (ika urenir usun met a fen fis ngonuk). Ifa usun ena a nonno ngeni met ewe Chon Amanau a fori ngeni Noun kewe Aposel? Anisi ekkewe semirit repwe etettenatiw won ewe pap ekkewe kokko ika wis pristut mi tongeni kawor ngeni chon ewe Mwichefen, usun ren emon ticher ika souemwen non eu kinikin. Unukun eu me eu kokko ika wis, ka tongeni makkei met emon ren ena kokko ika wis a wor ren ewe mumuta ne fori. Ureni ekkewe semirit ifa usun om efeioch ngeni wisom me ren emon mi wor ren ewe emwenin kiien pristut a fen anisuk ne angang.

Etiwa ekkewe semirit ar repwe ekieki usun och mettoch a namot ngonuk epwe wor kiian, usun ren efoch taraku ika eu asam. Met a fis ika ese wor reom ewe kii? Annean fengeni Doctrine and Covenants 65:2, me apasa om kapasen pwarata usun ewe auchean an epwe wor pristut kii. Ka pwan tongeni katon ewe fitio “Where Are the Keys?” (Gospel Library) me nenengeni met Elter Gary E. Stevenson a aiti kich usun kiien pristut.

2:51

Pwari eu ika ekkoch sasingin tempel. Eisini ekkewe semirit met a efisi ewe tempel an epwe eu neni mi auchea. Affata pwe won eu me eu tempel mi wor ei mak: “Pinino ngeni ewe Samon—Ewe Imwen ewe Samon.” Eisini ekkewe semirit met ra ekiek pwe met wewen “Pinino ngeni ewe Samon.” Pwata ewe tempell a iteni ewe imwen ewe Samon? Met ei a aiti kich ussun ewe tempel? Ika mi wor me nein ekkewe semirit a fen pin no ngeni eu tempel, ra pwan tongeni aporousa ifa usun ra mefi nupwen ar we nom ikewe. Ika ka fen pin no ngeni ewe tempel, aporousa ifa usun ka mefi nonnomun ewe Samon ikewe, me porous usun pwata ewe tempel eu neni mi pin ngonuk.

Anneani fengen Doctrine and Covenants 97:15–17. Eisini ekkewe semirit ar repwe kutta met ewe Samon a eusuku seni aramsa kewe ra tonong non Imwan we. Pwata mi namot sipwe nimenimoch ne tonong non Imwan we? Ren pekin ei aporous, porous ngeni ekkewe semirit usun toropwen mumuta ne tonong non tempel, mi pachenong ifa usun ar repwe angei eu. Ka tongeni tingorei emon chon ewe mwichen pisoprik an epwe aporousa ngenir met usun nikinikin echo toropwen mumuta non tempel me ekkewe kapaseis ra eis me non eu.

Eisini ekkewe semirit ar repwe anisuk ne atona sefani ekkewe pwon mi pin sia fori ren Kot nupwen sia papatais me nupwen sia angei ewe sakrament (nengeni Mosaia 18:10, 13; Doctrine and Covenants 20:77, 79). Pwari echo sasingin ewe tempel, me awewei pwe Samach won Nang a wor chommong an efeioch A mochen epwe ngeni kich me non ewe tempel.

Chungani eu tit mi emwen ngeni eu aan. Eisini ekkewe semirit pwata ra ekieki pwe mi murino an epwe wor eu aan sipwe fetan won. Annea fengeni 2 Nifai 31:17–20, ikewe Nifai a anono fengeni ewe pwonen papatais ngeni eu tit me tingorei kich sipwe soposopono won ewe aan mwirin papatais. Mi wor pwan ekkoch pwon mi pin sipwe fori mwirin papatais, mi pachenong pwon mi pin sia fori non ewe tempel. Awewei pwe Preseten Nelson a eita ngeni ei aan ewe “aanen pwon mi pin.”

Kapas usun eu fansoun nupwen emon a fori och mettoch fan itom ewe kose tongeni pwisin fori won winikapom. Etiwa ekkewe semirit repwe aporousa mettoch mi nonno ngeni. Awewei pwe nupwen sia no ngeni ewe tempel, sia tongeni angei angangepin usun ren papatais fan iten ekkewe ra fen mano. Ifa usun kich sia usun Jises nupwen sia fori angang fan iten ekkewe mi mano? Met I a fen fori fan itach ewe kich sise tongeni fori won winikapach?

Tingorei emon ika ekkoch serafo ekkewe ra fen pin papatais fan iten ar kewe neuo ar repwe aporousa usun met ra fen fori. Eisinir ifa usun nikinikin non ewe tempel. Peser ar repwe aporousa ifa usun ra mefi ar fori ei angang fan iten ar kewe neuo.

Chungani efoch ira won ewe pap, mi pachenong ekkewe waran me panan. Eisini ekkewe semirit ar repwe ekieki ifa usun eu famini a usun efoch ira. Makkei ren ekkewe waran Neuo, makkei ren ekkewe panan Mwirimwirir, me makkei won ewe popun ewe ira En. Annea fengeni ei sentence seni Doctrine and Covenants 128:18: Pun kich me nukur [ach kewe neuo] sise tongeni unusono; rese pwan tongeni unusono me nukuch. Eis kapaseis usun ekkei: “Pwata a namot ngenikich ach kewe neuo? Pwata sia namot ngeni ach kewe neuo? Ifa usun samach me inach, samach me inach chinnap, me ekkoch ach neuo ra anisi kich? Tingorei ekkewe semirit ar repwe anneani unusen Doctrine and Covenants 128:18 ren och kapas a awewei ifa usun sia tongeni anisi ach kewe neuo.

Ekieki om kopwe angang ren semen me inen emon me emon ekkewe semirit ar repwe kutta iten emon ar neuo ewe mi namot ngeni angangepin non ewe tempel (nengeni FamilySearch.org).