Luaku, Undonde
Ngondu wa Dikumi ne Muibidi 21–27. “Tuvua Bamuindila, ne Neatupandisha”: Tshikondu tshia Diledibua dia Kilisto

“Ngondu wa Dikumi ne Muibidi 21–27. ‘Tuvua Bamuindila, ne Neatupandisha”: Tshikondu tshia Diledibua dia Kilisto,” Luaku, Undonde—Bua mu Dîku ne mu Ekelezia: Dipungila Dikulukulu 2026 (2026)

“Ngondu wa Dikumi ne Muibidi 21–27. ‘Tuvua Bamuindila, ne Neatupandisha,’” Luaku, Undonde—Bua mu Dîku ne mu Ekelezia: Dipungila Dikulukulu 2026

muana Yezu mulala

Bualu bua Bakutulelela Muana, kudi Simon Dewey

Ngondu wa Dikumi ne Muibidi 21–27: “Tuvua Bamuindila, ne Neatupandisha”

Tshikondu tshia Diledibua dia Kilisto

Dipungila Dikulukulu didi ne luidi lutamba bunena bua kuamba pa ngabi bua (Mashiya). Mu mushindu awu, bidi bisua kufuanangana ne tshikondu tshia Diledibua dia Kilisto. Kutuadija ne Adama ne Eva, nkambua mikulu ya Dipungila Dikulukulu, baprofete, bafundi, ne bantu ba Dipungila Dikulukulu bavua batangila kumpala ku matuku malenga, buwujibua ne ditekemena dia dipinguluja ne bupikudi bia Masiya. Ne Bena Isalela bavua dijinga ne ditekemena edi misangu yonsu—nansha muvuabu mu bupika mu Ejipitu anyi mu babulona anyi bakuatshibua ku bupika kudi mibi yabo anyi ditomboka. Kupitshila ku bionsu ebi, baprofete bavua babavuluija bua Masiya, Mupatuishi nealua “bua kuambila dîyi dia budishikaminyi kudi badi mu bupika” (Yeshaya 61:1).

Ditekemena edi diakabanga kukumbana diba divua Yezu Kilisto muledibua mu Beteleme. Mupikudi wa bukola bonsu wa Isalela uvua muledibua ne muladikibua mu tshidilu tshia nyama (tangila Luka 2:7). Kadi kavua anu Mupikudi wa Isalela wa kala to. Wakalua bua kukupatuisha—bua kuambula mpaji yeba, bua kuambula tunyinganyinga tuetu, bua kuikadi musamishibua bua malu mabi eba, ne ku mibundabunda yenda tudi bôndopibua (tangila Yeshayi 53:4–5). Ke bualu kayi Tshikondu tshia Diledibua dia Yezu tshidi tshiuwujibua ne disanka dia ngabi nansha lelu. Masiya uvua mulua bidimu bitipa 2000 bimana kupita, kadi udi utungunuka ne kulua mu mioyo yetu meba onsu atudi tumukeba.

ikone wa bia kulonga

Ngenyi bua Dilonga mu Dîku ne mu Ekelezia

ikone wa seminaire
Ndi ntshionkomoka mu Musungidi wanyi.

Tshikondu tshia Diledibua dia Yezu tshidi tshimanyibua bua tshikondu tshia disanka dinena bualu bua disanka didi Yezu Kilisto utuadila ba pa buloba. Nkama ya bidimu kumpala kua Mupandishi kuledibua, bambi ba Dipungila Dikulukulu bavua biabu bumvua disanka pavuabu bakula bua dilua dia Masiya. Bala imua ya bitupa bia mifundu idi ilonda eyi, ne ela meji pa buatshinyi bivua bikala bia mushinga kudi bantu bavua batangila kumpala ku bukenji bua Mupandishi: Misambu 35:9; Yeshaya 25:8–9; 44:21–24; 51:11; Sefanya 3:14–20; Mose 5:5–11. Buatshinyi bitupa bia mifundu ebi bidi bia mushinga kuwudi? Kipatshila kayi kadi bitupa bia mifundu ebi bifila bidi bia kusankidila?

Tangila kabidi Dallin H. Oaks, “Good Tidings of Great Joy” (First Presidency Christmas devotional, Dec. 4, 2022), Tshia Mikanda ya Lumu Luimpa; “Joy to the World,” Hymns, no 201.

mutotu ukenka mu diûlu butuku

Bimanyinu bidi mua kungambuluisha bua kuvuluka Yezu Kilisto.

Bilela bia bungi bidi bipetangana ne Tshikondu tshia Diledibua dia Yezu bidi mua kuikala ne bimanyinu bidi bituambuluisha bua kuela meji pa Kilisto. Bu muwudi ulonga Dipungila Dikulukulu tshidimu etshi, udi mua kumona bimanyinu bia bungi bia Mupandishi. Bimua bikesa bidi biamba kuinshi eku. Ela meji ubilonga anyi ubueja dîyi pa bidibi bilongesha pa yeya.

  • Mutotu (Nomba 24:17; Matayo 2:2; Buakabuluibua 22:16).

  • Mulami wa Mikoku (Misambu 23; Luka 15:4–7; Yone 10:11)

  • Muana wa Mukoku (Genese 22:8; Ekesode 12:5; 1 Petelo 1:18–20).

  • Mâyi (Ekesode 17:1–6; Yelemiya 2:13; Yehezekele 47:1–12; Yone 4:7–14).

  • Dibua (1 Samuela 2:2; 2 Samuela 22:2–3; Misambu 118:22–23; Yeshaya 28:16; Efeso 2:20).

  • Ditamba (Yeshaya 11:1–2; Yelemiya 23:5; 33:15).

  • Bukenka (Misambu 27:1; Yeshaya 9:2; 60:19; Mika 7:8; Yone 8:12).

Bimanyinu kayi bikuabu, bitupa bia mifundu, ne milubu mikuabu iwuvua mupeta mu mifundu idi ijadika bua Yezu Kilisto?

Tangila kabidi 2 Nefi 11:4; Mosiya 3:14–15; Mose 6:63.

“Dîna dienda nedibikidibua ne Mubakemeshi.”

Yezu Kilisto udi mufuanyikijibua ku mena makuabu a bungi ne a butumbi. Keba mena a butumbi mu tunungu tudi tulonda etu: Misambu 23:1; 83:18; Yeshaya 7:14; 9:6; 12:2; 63:16; Amose 4:13; Zekâya 14:16; Mose 7:53. Mena kayi makuabu a butumbi awudi mua kuelela meji? Udi mua kusanka bua kuenza lista wa mena a butumbi a Yezu Kilisto awudi mupeta mu misambu ya Tshikondu tshia Diledibua dia Yezu. Mushindu kayi udi dîna dia butumbi edi dituala luidi lueba lua kuela meji pa yeya?

Ela meji usungula dîna dia butumbi anyi mudimu wa Mupandishi udi mua kukuambuluisha bua kumuvuluka mu tshidimu tshionsu tshialu.

Tangila kabidi Quentin L. Cook, “Personal Peace in Challenging Times,” Liahona, Ngondu wa Dikumi ne Umua 2021, 89–92; “Hark! The Herald Angels Sing,” Hymns, no. 209.

Bua bia bungi, tangila malu a ngondu ewu a Liahona ne Magazina a Bua Dikankamika dia Bansonga.

ikone wa tshitupa tshia bana

Ngenyi bua Kulongesha Bana

Dipungila Dikulukulu didi dindongesha pa Yezu Kilisto.

  • Wewa ne bana beba nudi ne mua kuikala ne ngakajilu wa Tshikondu tshia Dilebua dia Yezu nudi mua kumuangata bua kutuadija muyuki pa Yezu Kilisto. Ku misangu udi mua kuakula pa mushindu udi mutoto, mankeka anyi dipa bia mu Tshikondu tshia Diledibua dia Yezu bikuvuluija pa Mupandishi. Pashisha nudi mua kutangila mu umua anyi ya bungi ya ku mifundu idi ilonda eyi bua tshintu tshidi mua kumanyibua bu Yezu Kilisto: Genese 22:8; Nomba 24:17; Misambu 23:1; 27:1. Kumisangu bana beba badi bua kukuata tshimfuanyi anyi kuenza ngakajilu udi upetangana ne kanungu konsu padibu bakabala. Mushindu kayi udi Yezu bu muana wa mukoko, mutoto, mulami wa mikako, anyi bukenka? Ela meji nuimba musambu wa Tshikondu tshia Diledibua dia Yezu pamua, bu mudi “Stars Were Gleaming” (Children’s Songbook, 37).

  • Bana beba badi kabidi mua kutangila tshimfuanyi panyima pa tshifundu etshi pawudi ubala Yeshaya 9:6 kudibu. Konka bana beba bua kufunkuna muana Yezu padibu bumvua tshiambilu “muana muledibua.” Tangalaja bujadiki bueba ne baprofete ba mu Dipungila Dikulukulu bavua bamanya ne Yezu nealedibua.

  • Bu muwudi udilongolola bua kulonga moyo wa Yezu Kilisto mu Dipungila Dipia-Dipia tshidimu tshialua, ela meji umonununa ne bana beba bivuabu balonga pa yeya tshidimu etshi mu Dipungila Dikulukulu. Udi mua kumonununa bifundu mu tshiambuluishi etshi ne miaku mikuabu ya mu dilonga dia nkaya bua kukuvuluija biwuvua mulonga. Bana beba bakesa badi mua kupeta diakalenga mu kutangila kupitshila ku Old Testament Stories anyi binfuanyi mu Luaku, Undonde. Mêyi kayi a buprofete anyi miyuki kayi idi ya mushinga? Tshinyi tshitudi balonga pa Mupandishi?

Tshikondu tshia Diledibua dia Yezu tshidi mua kufukuna kudi Yezu Kilisto.

  • Mêku a Isalela avua ne bilela, bumudi Pâsaka ne matshionkomoka makuabu, avua asaka mitshima yabu ne meji kudi Mukalenga (tangila Ekesode 12). Bilela kayi binudi wewa ne bana bena nabi mu Tshikondu tshia Diledibua dia Yezu bidi mua kukuambuluisha bua kuimanyina pa Yezu Kilisto? Bilela kayi biwudi mumanya pa malu a kala a dîku dieba? Udi mua kuela meji uyukila ne bana beba pa bilela kayi biwudi mua kutuadija. Ngenyi mikuabu idi mua kuangata kusadila muntu mu dijinga, kusungula tshintu tshiwudi mua kufila bu “dipa” kudi Mupandishi, kubikila mulunda bua kubandila nenda disambila dia Bulombodi Bukuku bua Kumpala pa Tshikondu tshia Diledibua dia Yezu (broadcasts.ChurchofJesusChrist.org), kufunda musambu weba pa Tshikondu tshia Diledibua dia Yezu, anyi kufuka mushindu wa kutangalaja mukenji wa dilledibua dia Yezu.

Mu dîku, kulonga ne kuteka mu tshienzedi bidi bisuikakana. “Lumu luimpa ludi luangata luidi lua mushinga mu Dîku. Apu ne bantu bawudi ulonga nabu lumu luimpa ke bawudi uluteka nabu mu tshienzedi—dituku dionsu. Misangu mivula kuteka kua lumu luimpa mu tshienzedi kudi kulondesha ne mushindu utudi tulonga lumu luimpa. Bu muwudi ulonga ne ulongesha lumu luimpa mu dîku, keba mishindu ya kutuangaja biwudi ulonga ne biwudi wenza. Mu dîku dieba, lekela lumu luimpa luikala mushindu weba wa kusomba, kaluyi anu tshintu tshiwudi wakula” (Teaching in the Savior’s Way, 31).

dinaya pa Diledibua

Diledibua, kudi Ethan Brown

Tatu wa mu Diûlu wakampesha dipa dia Muanenda Muluma bua ikala Mupandishi wanyi.

  • Mushindu kayi uwudi mua kuambuluisha bana beba bua kumvua kanemu ne disanka mu dituku dia diledibua dia Kilisto? Nudi mua kubandila video “The Christ Child” (Tshisangi tshia Mikanda ya Lumu Luimpa) anyi kubala pamua Matayo 1:18–25; 2:1–12; Luka 1:26–38; 2:1–20. Muana yonsu udi mua kusungula muntu mu video anyi mulubu wa mu mifundu ne kutangalaja mushindu kayi udi muntu awu umvua bua Mupandishi. Pashiya udi mua kuabanyangana ne umua ne mukuabu ngumvuilu weba pa yeya.

    17:57

    The Christ Child

  • Ku misangu wewa ne bana beba nudi mua kuakula pa mapa anuvua bafila anyi anuvua bapeta mu bidimu adi makutuadila disanka. Pashisha nudi mua kubala Yeshaya 25:9 pamua ne kuakula pa buatshinyi udi utshionkomoka bualu Tatu wa mu Diûlu wakatutumina Mupandishi. Bua kuambuluisha bana beba kumvua biakana mudimu wa Yezu Kilisto mu Mupadishi wetu, babikila bua kubala Yeshaya 25:8–9; 53:3–5; ne Hoshea 13:14. Tshinyi tshidi mifundu eyi itulongesha pa mushindu udi Mukalenga mutusungila?

  • Nudi mua kuimba kabdi pamua musambu wa Tshikondu tshia Diledibua dia Yezu, bu mudi “Away in a Manger” (Children’s Songbook, 42–43) anyi “O Little Town of Bethlehem” (Hymns, no. 208). Ambuluisha bana beba bua kupeta biambilu mu musambu bidi mua kubambuluisha bua kumanya ne Tatu wa Diûlu ne Yezu Kilisto mbabananga.

Bua ngenyi ya bungi, tangila malu a ngondu ewu a Magazine a Mulunda.

dinaya pa Diledibua

Diledibua, kudi N. C. Wyeth

Dibeji dia tshibilu tshia bana: Dipungila Dikulukulu didi dindongesha pa Yezu Kilisto