Vini, Suiv Mwen
21–27 Desanm. “Nou Te Tann Li, e L ap Sove Nou”: Nwèl

“ 21–27 Desanm. Nwèl: ‘Nou Tann Li, e L ap Sove Nou: Nwèl’” Vini, Suiv Mwen—Pou Lakay ak Legliz: Ansyen Testaman 2026 (2026)

“21–27 Desanm. “Nou Te Tann Li, e L ap Sove Nou,’” Vini, Suiv Mwen: Ansyen Testaman 2026

ti bebe Jezi k ap dòmi

Yon Timoun Fèt Pou Nou, pa Simon Dewey

21—27 Desanm: “Nou Te Tann Li, e L ap Sove Nou”

Nwèl

Ansyen Testaman an pote yon espri antisipasyon sensè. Nan sans sa a, li yon ti jan tankou sezon Nwèl la. Kòmanse avèk Adan ak Èv, patriyach, pwofèt, powèt, ak moun Ansyen Testaman yo t ap t ap tann pou pi bon tan vini, pandan yo te ranpli avèk espwa pou renouvèlman ak delivrans pa Mesi a. Epi souvan Izrayelit yo te nan bezwen espwa sa a—keseswa yo te an kaptivite nan peyi Lejip oswa nan Babilòn oswa kaptif pa pwòp peche oswa rebelyon pa yo. Atravè tout bagay sa yo, pwofèt te raple yo ke yon Mesi, yon Liberatè, t ap vini “pou fè tout prizonye yo konnen pòt prizon louvri pou yo” (Ezayi 61:1).

Espwa sa a te kòmanse reyalize lè Jezikri te fèt nan Betleyèm nan. Liberatè puisan Izrayèl la te fèt nan yon etab epi li te kouche nan ganmèl kote yo bay bèt manje (gade nan Lik 2:7). Men Li pa t sèlman Liberatè Izrayelit tan lontan yo. Li te vini pou delivre nou—pou pote soufrans nou yo, pou pote doulè nou yo, pou yo te ka blese L pou inikite nou yo, pou kout baton L resevwa yo te ka geri nou (gade nan Ezayi 53:4–5). Se poutèt sa Nwèl si ranpli avèk gwo antisipasyon konsa menm jounen jodi a. Mesi a te vini sa gen plis pase 2.000 ane, e Li kontinye vini nan lavi nou kèlkeswa lè nou chèche Li.

senbòl etid

Ide pou Aprantisaj nan Fwaye a ak nan Legliz la

senbòl seminè
Mwen rejwi nan Redanmtè m nan.

Yo rekonèt Nwèl kòm yon epòk kè kontan akozde jwa ke Jezikri pote nan mond lan. Plizyè santèn syèk avan Sovè a te fèt, pwofèt Ansyen Testaman yo te santi yo kontan tou lè yo t ap pale de Mesi ki t ap vini an. Li kèk nan pasaj sa yo, epi reflechi sou rezon ki fè yo t ap presye pou moun ki t ap tann misyon Sovè a: Sòm 35:9; Ezayi 25:8–9; 44:21–24; 51:11; Sofoni 3:14–20; Moyiz 5:5–11. Poukisa pasaj sa yo presye pou ou? Ki rezon k fè pasaj ekriti sa yo bay kè kontan?

Gade tou Dallin H. Oaks, “Bòn Nouvèl Gwo Lajwa” (Devosyon Nwèl Premye Prezidans lan, 4 Desanm 2022), Bibliyotèk Levanjil; “Oh, quel bonheur! Jésus viendra!,” Cantiques, 123.

yon etwal klere nan syèl lannuit la

Senbòl yo kapab ede m sonje Jezikri.

Anpil nan tradisyon ki asosye avèk Nwèl yo kapab gen siyifikasyon senbolik ki pwente nou sou Kris la. Pandan w ap etidye Ansyen Testaman ane sa a, ou kapab remake anpil senbòl sou Sovè a. Kèk ladan yo mansyone nan lis ki pi ba la a. Anvizaje pou w etidye senbòl sa yo epi ekri sa yo anseye w konsènan Li.

  • Zetwal (Kantite 24:17; Matye 2:2; Revelasyon 22:16).

  • Bèje (Sòm 23; Lik 15:4–7; Jan 10:11)

  • Mouton (Jenèz 22:8; Egzòd 12:5; 1Pyè 1:18–20).

  • Dlo (Egzòd 17:1–6; Jeremi 2:13; Ezekyèl 47:1–12; Jan 4:7–14).

  • Wòch (1 Samyèl 2:2; 2 Samyèl 22:2–3; Sòm 118:22–23; Ezayi 28:16; Efezyen 2:20).

  • Branch (Ezayi 11:1–2; Jeremi 23:5; 33:15).

  • Limyè (Sòm 27:1; Ezayi 9:2; 60:19; Miche 7:8; Jan 8:12).

Ki lòt senbòl, pasaj, ak istwa ou jwenn nan ekriti yo ki temwaye de Jezikri?

Gade tou 2 Nefi 11:4; Mozya 3:14–15; Moyiz 6:63; “Kalite oswa senbòl sou Kris la” ak “Jezikri,” tou de nan Gid Ekriti yo (Bibliyotèk Levanjil).

“Y a rele l: Mèveye.”

Yo fè referans a Jezikri sou anpil non ak tit diferan. Chèche tit nan vèsè sa yo: Sòm 23:1; 83:18; Ezayi 7:14; 9:6; 12:2; 63:16; Amòs 4:13; Zakari 14:16; Moyiz 7:53. A ki lòt tit ou kapab panse? Ou ta kapab menm kontan drese lis tit Jezikri ke w jwenn nan kantik Nwèl yo. Kijan chak tit enfliyanse jan w panse konsènan Li?

Konsidere chwazi yon tit oswa yon wòl Sovè a ki pral ede w sonje Li pandan tout ane kap vini an.

Gade tou Quentin L. Cook, “Lapè Pèsonèl nan Tan Difisil,” Liahona, Nov. 2021, 89; “Ecoutez! Ecoutez le chant des anges,” Cantiques, no. 128.

Pou plis ide, gade piblikasyon revi Liahona mwa sa a ak Pou fòs jèn yo.

senbòl seksyon timoun yo

Ide pou Anseye Timoun yo

Ansyen Testaman an anseye m konsènan Jezi.

  • Oumenm ak timoun ou yo ka gen kèk dekorasyon Nwèl nou ka itilize pou kòmanse yon konvèsasyon sou Jezikri. Petèt ou ta ka pale sou fason yon zetwal Nwèl, limyè, oswa yon kado raple nou Sovè a. Apresa, ou ta ka gade nan youn oswa plis nan ekriti sa yo pou yon bagay ki ta ka senbolize Jezikri: Jenèz 22:8; Kantite 24:17; Sòm 23:1; 27:1. Petèt timoun ou yo ka kenbe yon foto oswa yon dekorasyon ki mache avèk chak vèsè pandan y ap li l la. Nan ki fason Jezi tankou yon ti mouton, dlo, wòch, yon fò, oubyen limyè? Konsidere chante yon chan Nwèl ansanm, tankou “Nuit de Noel” (Chants pour les enfants, 37).

  • Timoun ou yo ta kapab gade foto ki nan fen plan leson sa a tou pandan w ap li Ezayi 9:6 pou yo. Mande timoun ou yo pou lonje dwèt sou tibebe Jezi lè yo tande fraz “yon timoun fèt” la. Pataje temwayaj ou ke pwofèt nan Ansyen Testaman yo te konnen ke Jezi t ap fèt.

  • Pandan w ap prepare w pou w etidye lavi Jezikri nan Nouvo Testaman an ane pwochèn, anvizaje revize avèk fanmi w sa yo te aprann konsènan Li ane sa a nan Ansyen Testaman an. Ou ta kapab revize plan leson ki nan manyèl sa a ak nenpòt nòt etide pèsonèl pou ede w sonje sa w te aprann yo. Timoun ki pi piti yo ta kapab tire pwofi si yo gade nan Istwa Ansyen Testaman yo oubyen foto yo ki nan manyèl Vini, Suiv Mwen yo. Ki pwofesi oswa istwa ki te enpresyone nou? Kisa nou te aprann konsènan Sovè a?

Tradisyon Nwèl yo ka dirije moun al jwenn Jezikri.

  • Fanmi izrayelit yo te gen tradisyon, tankou Pak ak lòt fèt, ki te la pou dirije kè yo ak lespri yo sou Senyè a (gade nan Egzòd 12). Ki tradisyon fanmi w genyen nan epòk Nwèl la ki ede w konsantre sou Jezikri? Ki tradisyon ou konnen apati de istwa fanmi w? Ou ta kapab anvizaje diskite avèk timoun ou yo sou kèk tradisyon ou vle kòmanse. Kèk nan ide yo ta kapab enkli sèvi yon moun ki nan bezwen, chwazi yon bagay ke w pral ofri Sovè a kòm “kado”, envite yon zanmi pou l gade Devosyon Nwèl Premye Prezidans lan avèk ou (broadcasts.ChurchofJesusChrist.org), ekri pwòp chante Nwèl pa ou, oubyen chèche jwenn yon fason kreyatif pou w pataje mesaj nesans Kris la.

Nan fwaye a, aprann ak viv se bagay ki enseparab. “Levanjil la pran yon siyifikasyon imedyat nan fwaye a. Ladan l, moun w ap aprann levanjil la ansanm avèk yo a se moun ke w ap viv avèk yo—chak jou. Anfèt, pifò tan yo, viv levanjil la se fasonnou aprann levanjil la. Konsa, pandan w ap aprann ak anseye levanjil la lakay ou a, chèche jwenn fason pou w konekte sa w ap aprann yo avèk sa w ap fè. Nan fwaye w, kite levanjil la vin yon bagay w ap fè efò pou w viv, pa jis yon bagay ou pale de li” (Anseye nan Fason Sovè a, 31).

yon sèn Nativite

Ilistrasyon Nativite a, pa Ethan Brown

Papa nou ki nan Syèl la te ban m kado Pitit gason L lan pou vin Sovè mwen.

  • Kijan w ka ede manm fanmi w santi reverans ak lajwa nesans Kris la? Nou gen dwa gade videyo “The Christ Child” la (Bibliyotèk Levanjil) oubyen li ansanm Matye 1:18–25; 2:1–12; Lik 1:26–38; 2:1–20. Chak timoun ta kapab chwazi yon moun nan videyo a oswa istwa ki nan ekriti a epi di kijan moun sa a te santi l konsènan Sovè a. Apresa, nou ta ka pataje youn ak lòt pwòp santiman nou sou Li.

    17:57

    The Christ Child

  • Petèt oumenm ak pitit ou yo te ka pale de kado ou te bay oubyen w te resevwa atravè ane yo ki te pote lajwa. Apresa, nou ta ka li Ezayi 25:9 ansanm epi pale sou rezon ki fè ou rejwi dèske Papa nou ki nan Syèl la te voye yon Sovè pou nou. Pou ede timoun yo pi byen konprann wòl Jezikri kòm Sovè nou, envite yo pou yo li Ezayi 25:8-9; 53:3–5; ak Oze 13:14. Kisa ekriti sa yo anseye nou sou fason Senyè a sove nou?

  • Ou ta ka chante yon chan Nwèl ansanm, tankou “Au loin dans l’étable” (Chants pour les enfants, 42–43) oswa “Petite ville Bethléem” (Cantiques, no. 208). Ede pitit ou yo jwenn fraz nan chan ki ede yo konnen ke Papa nou ki nan Syèl la ak Jezikri renmen yo.

Pou plis ide, gade piblikasyon revi Zanmi mwa sa a.

yon sèn nativite

Nativite a, pa N. C. Wthyeth

Paj aktivite Primè: Ansyen Testaman an anseye m konsènan Jezi