“14–20 Desanm. Malachi: ‘Senyè a Di: Mwen Renmen Nou!’”: Malachi Vini, Suiv Mwen—Pou Lakay ak Legliz: Ansyen Testaman 2026 (2026)

“14–20 Desanm. ‘Senyè a Di: Mwen Renmen Nou’” Vini, Suiv Mwen—Ansyen Testaman 2026

14—20: “Senyè a Di: Mwen Renmen Nou!”

Malachi

Senyè a te di pèp Li a “Mwen Renmen Nou,” pa lentèmedyè pwofèt Malachi. Men Izrayelit yo, ki te soufri afliksyon ak kaptivite pandan plizyè jenerasyon, te mande Senyè a: “Kijan ou renmen nou an?” (Malachi 1:2). Apre tout sa Izrayèl te pase yo, yo siman te mande tèt yo si istwa Izrayèl tan lontan an se vrèman istwa lanmou Bondye pou pèp alyans Li a. Nan kèk fason, li pi fasil pou nou wè li kòm yon istwa feblès imen ak rebelyon. Sepandan malgre tout sa, Bondye pa t janm sispann eksprime lanmou L pou yo. Lè pitit gason Jakòb yo te maltrete frè yo a, Joseph, Senyè a te prepare yon mwayen kanmèm pou te sove yo anba grangou (gade nan Jenèz 45:4–8) Lè Izrayèl t ap bougonnen nan dezè a, Bondye te nouri yo avèk lamàn (gade nan Egzòd 16:1–4). Menm lè Izrayèl te abandone L epi yo t al jwenn lòt dye, epi yo te dispèse, Bondye te pwomèt ke si yo te repanti Li t ap rasanble yo epi rachte yo “avèk anpil mizèrikòd” (gade nan Ezayi 54:7). Vrèman, Ansyen Testaman an se yon istwa sou lanmou pasyan, ak dirab Bondye. Epi istwa sa a ap kontinye jodi a. Jezikri, “Solèy jistis la,” jan Malaki te rele l , vini “avèk gerizon nan zèl li” (Malachi 4:2). Li se pi gran prèv lanmou Bondye pou Izrayèl tan lontan an ak pou nou tout.

Pou plis enfòmasyon sou liv Malachi a, gade “Malachi” nan Diksyonè Bib la.

Ide pou Aprantisaj nan Fwaye a ak nan Legliz la

Malachi 1–4

“Tounen vin jwenn mwen, epi M ap tounen vin jwenn ou.”

Nan epòk Malachi a, Izrayelit yo te deja rebati tanp Jerizalèm nan, men antanke pèp yo te ankò bezwen rebati relasyon yo avèk Senyè a. Lè w ap etidye Malachi, chèche kesyon Senyè a te poze Izrayelit yo oswa kesyon yo te poze L. Anvizaje poze tèt ou kesyon menm jan an (yo sigjere kèk egzanp pi ba la a) pou ede w evalye relasyon w avèk Senyè a epi vin pi pre L.

Kijan m te santi lanmou Senyè a pou mwen? (gade nan Malachi 1:2).
Èske ofrann mwen yo pou Senyè a vrèman onore L? (gade nan Malachi 1:6–11
Kijan m bezwen “retounen” vin jwenn Senyè a? (gade nan Malachi 3:7).
Èske m ap twonpe Bondye nan yon fason kèlkonk? (gade nan Malachi 3:8–11).
Kijan atitid mwen nan moman difisil yo reflete santiman m pou Senyè a? (gade nan Malachi 3:13–15; gade tou nan 2:17).

Malachi 1:6–14

Senyè a mande “yon ofrann ki pur.”

Pandan w ap li osijè ofrann yo dekri nan Malaki 1 yo, ki sa w remake osijè sakrifis prèt yo t ap ofri yo? Kisa sakrifis sa yo sigjere sou santiman prèt yo pou Senyè a (Malachi 1:13). Konsidere fè yon lis ofrann, oswa sakrifis, ke ou fè pou Senyè a. Pou chak bagay nan lis la, diskite sou kisa ki fè l yon ofrann “gate” oubyen yon ofrann “pur” (Malachi 1:7,11).

Malachi 3:8–12

Senyè a ouvri fenèt syèl yo lè m montre lafwa m nan peye dim.

Imajine ke w gen yon zanmi ki fèk reyalize ke w ap peye dim. “Poukisa w fè sa?” zanmi w lan mande. Panse a sa pandan w ap li Jòb 21-24 la. Ki sa w jwenn ladan l ki ka ede w reponn kesyon zanmi w lan? Ki lòt bagay ou ta vle pou zanmi w lan konprann sou ladim? Pou plis èd, ou ta ka chèche mesaj Èldè Neil L. Andersen nan “Dim: Ouvri fenèt syèl yo” (Liahona, Nov. 2023, 32–35), pandan w ap chèche repons pou kesyon tankou sa yo:

Poukisa Senyè a vle nou fè sa?
Ki sa ki ta ka anpeche yon moun peye dim, e kijan nou ka simonte obstak sa yo?
Kijan peye dim ranfòse lafwa nou nan Papa nou ki nan Syèl la ak Jezikri?

Ou ta ka pataje avèk zanmi w lan kijan Senyè a beni ou lè w peye dim tou. Ou ka jwenn ide nan seksyon ki rele “Leson Nimewo 1—Benediksyon Siyifikatif men Sibtil” nan mesaj Èldè David A. Bednar la “Fenèt Syèl yo” (Liahona, Nov. 2013, 17–18). Ki kalite moun nou vin ye lè nou peye dim?

Kisa ou panse fraz “ouvri fenèt syèl yo” (vèsè 10) ta ka vle di? Petèt ou ta ka gade nan yon fenèt epi panse a objektif fenèt yo. Poukisa “fenèt syèl yo” se yon bon fason pou dekri kijan Senyè a beni nou lè nou peye dim?

Jezi k ap parèt devan Joseph Smith nan tanp Kirtland lan — Vizyon nan Tanp Kirtland nan, pa Gary E. Smith

Malachi 4:5–6

“M ap voye Eli, pwofèt la.”

Lè Mowoni te site Malachi 4:5–6 la pou Joseph Smith, li te fè sa “avèk yon ti varyasyon pa rapò a jan l ye” nan Bib la (Istwa—Joseph Smith 1:36). Kisa varyasyon Mowoni an ajoute sou konpreyasyon ou konsènan pwofesi sa a? Pa egzanp, medite sou kesyon tankou sa yo:

Ki moun ki “papa yo”? (gade Detewonòm 29:13). Ki pwomès yo fè yo? (gade Abraram 2:9–11). Ki jan w ede w akonpli pwomès sa yo?
Ki eksperyans ou te fè ki te ede tounen kè w vè zansèt ou yo? Poukisa maryaj enpòtan konsa pou plan Bondye a?

Pou aprann plis sou vini Eli a ak kijan pwofesi sa a ap akonpli jodi a, gade Doktrin ak Alyans 110:13–16 ak D. Todd Christofferson, “Pouvwa Sèlman an” (Liahona, Nov. 2023, 19–22). Poukisa ou rekonesan dèske Eli te vini?

Gade tou Gerrit W. Gong, “Nou chak gen yon istwa,” Liahona, Me 2022, 43–46; “Vire kè ou,” Kantik, no. 291; “Pouvwa Sèlman an” (videyo), ChurchofJesusChrist.org.

Pou plis ide, gade piblikasyon revi Liahona mwa sa a ak Pou fòs jèn yo.

Ide pou Anseye Timoun yo

Malachi 1:2

Senyè a renmen mwen.

Kijan oumenm ak timoun ou yo reponn kesyon ki nan Malachi 1:2—“Kijan [Senyè a] renmen nou?” an. Pataje youn ak lòt rezon ki fè w konnen Li renmen ou. Petèt pitit ou yo te ka desine foto ki raple yo lanmou Li.

Fè timoun yo patisipe nan diskisyon sou levanjil. Si w ap anseye timoun ki pi piti yo, ou ka bezwen reflechi sou fason kreyatif pou w enplike yo nan diskisyon sou levanjil yo. Pa egzanp, pitit ou yo ka pase toutotou yon boul; lè yo kenbe boul la, yo te kapab pataje yon rezon ki fè yo konnen Jezi renmen yo.

paran ak yon jèn tigason k ap gade nan yon fenèt

Malachi 3:8–12

Senyè a ap beni m lè m peye dim.

Kijan w ka ede pitit ou yo aprann sou dim? Ou ta ka mande yo konte 10 ti objè, tankou pyès monnen yo sou paj aktivite semèn sa a. Apresa, yo ta kapab separe youn nan objè yo de rès la—sa a se montan nou bay Senyè a kòm dim. Selon Malaki 3:8–12, poukisa Senyè a vle nou peye dim? (gade tou “Malachi Pwofèt la” nan Istwa Ansyen Testaman, 171–72; “Premye bagay yo an premye!” [videyo], Bibliyotèk Levanjil).

0:58
Malachi the Prophet

1:18
First Things First!
Pandan w ap li Malaki 3:10 ansanm, ou ka envite timoun ou yo pou kanpe bò yon fenèt lè w li fraz “fenèt syèl la.” Oubyen ou ta ka vide dlo nan yon gode jiskaske li debòde pou ilistre fraz “pa pral gen ase kote pou resevwa l” la. Pale timoun yo sou benediksyon Bondye ba ou lè w peye dim. Timoun ou yo te ka desine foto ki reprezante benediksyon sa yo epi kole yo sou yon fenèt oswa toupre yon fenèt nan kay ou a.

Malachi 4:5–6

Eli te vini pou l te tounen kè nou sou fanmi nou.

Nan Malachi 4:5–6, timoun ou yo te kapab chèche repons pou kesyon sa yo konsènan pwofesi Malachi a: Kiyès Senyè a te pwomèt pou L voye? Kilè L te di moun sa a t ap vini? Kisa Senyè a di moun sa a t apral fè? Poukisa moun sa a bezwen vini? Ki kote pwofesi sa a te akonpli? (gade nan Doktrin ak Alyans 110:13–16).
Pou w konnen kijan pwomès nan Malachi 4:5 la te akonpli, ou ka revize “Joseph ak Oliver Resevwa kle Prètriz yo” tou nan Istwa Doktrin ak Alyans, 26–30. Yon chan tankou “Kè timoun yo” (Liv Chan timoun yo, 92) ka ede timoun ou yo aprann poukisa sa te si enpòtan pou Eli te vini. Ou kapab vizite tou FamilySearch.org/discovery, app Ab Jeneyalojik FamilySearch la, oswa Fanmi Mwen bwochi pou aktivite ki ka ede oumenm ak timoun ou yo vire kè nou bay zansèt nou yo.

Pou plis ide, gade piblikasyon revi Zanmi mwa sa a.

yon fi ki ap sekwe yon mouchwa blan — Ozana Mourning nan, pa Rose Datoc Dall. Yon fi ki rele Mourning kanpe nan mond dèzespri a, antoure pa zansèt li yo. L ap selebre delivrans yo anba kaptivite espirityèl.

Paj aktivite Primè: Senyè a beni m lè m ap peye dim — Ozana Mourning nan, pa Rose Datoc Dall. Yon fi ki rele Mourning kanpe nan mond dèzespri a, antoure pa zansèt li yo. L ap selebre delivrans yo anba kaptivite espirityèl.