Aje 1—2; Zakari 1–4; 7–14

Te gen anpil bagay enpòtan pou te fè pou rekonstwi Jerizalèm. Men apre apeprè 15 an te fin pase depi retou Izrayelit yo, Senyè a pa t kontan ke rekonstriksyon tanp lan pa t gen pi gwo priyorite (gade Aje 1:2–5; gade tou Ezra 4:24). Pandan w ap li Aje 1; 2:1–9, konsidere kesyon tankou sa yo:

• Ki konsekans Izrayelit yo te rankontre paske yo pa t fini tanp lan?

• Kisa benediksyon Senyè a te pwomèt yo si yo te fini konstwi kay li a?

• Ki mesaj Senyè a ba ou nan Aje 1:5–7? Kijan w ka aliyen priyorite w avèk Senyè a? Kilè w te jwenn benediksyon paske w te mete Bondye an premye nan lavi w?

Premye Sen Dènye Jou yo te fè fas ak yon sitiyasyon menmjan ak pa Izrayelit yo nan epòk Aje a (gade Doktrin ak Alyans 95). Kisa w aprann nan de egzanp sa yo sou sa Senyè a santi konsènan tanp yo?

Gade tou Dale G. Renlund, “Jezikri se Trezò a,” Liahona, Nov. 2023, 96–99; Terence M. Vinson, “Vrè Disip Sovè a,” Liahona, Nov. 2019, 9–11; “Nous aimons ta maison,” Cantiques, no. 152; “Tanp nan Sant Vil Provo a Fini” (videyo), ChurchofJesusChrist.org.

7:17

Nan opinyon pa w, ki valè sa genyen pou gen “sentete pou Senyè a” grave nan objè chak jou tankou sa yo mansyone nan Zakari 14:20 yo? (gade tou Egzòd 28:36–38). Ki valè ki genyen nan genyen li grave sou tanp yo jodi a? Kisa fraz sa a vle di pou ou? Kijan w ka fè yon pati sentete nan lavi w chak jou? Reflechi sou kesyon sa yo pandan w ap li envitasyon Senyè a bay pèp li a pou yo vin pi sen yo nan Zakari 1:1–6; 3:1–7; 7:8–10; 8:16–17.

Ou ta ka li Zakari 2:10–11; 8:1–8; 14:9–11, 20–21 tou pou w aprann a kisa lavi a pral sanble nan yon jou nan lefiti lè nou tout abite avèk Senyè a nan yon eta sentete. Kisa ki enpresyone ou nan vizyon Zakari a sou avni Jerizalèm nan? Kisa ou jwenn ladan ke w ta renmen wè nan kominote pa ou? Kijan Senyè a prepare ou pou w viv nan kondisyon Zakari dekri yo?

Anpil nan ekri Zakari yo pwente sou ministè tèrès Jezikri ak Dezyèm Vini L lan tou. Anba la a gen kèk nan pwofesi Zakari yo, ansanm ak ekriti sou akonplisman yo. Pandan w ap li pasaj sa yo, mande tèt ou: “Kisa sa anseye m konsènan Sovè a?

• Zakari 9:9–11 (gade Matye 21:1–11; 1Pyè 3:18–19)

• Zakari 11:12–13 (gade Matye 26:14–16; 27:1–7)

• Zakari 12:10 (gade Jan 19:37; Revelasyon 1:7)

• Zakari 13:6–7; 14:1–9 (gade Matye 26:31; Doktrin ak Alyans 45:47–53)

Kisa w panse sa t ap sanble pou w ta pami pèp la ki akeyi Jezi nan Jerizalèm jan sa dekri nan Zakari 9:9–11 lan? Kijan w ka akeyi L’nan lavi w, fwaye ou, ak kominote w?

Gade Gid Ekriti yo tou: “Mesi,” Bibliyotèk Levanjil la; “Antre Triyonfal Senyè a nan lavil Jerizalèm” (videyo), Bibliyotèk Levanjil; Ronald A. Rasband, “Ozana pou Bondye ki pi Wo a,” Liahona, Me 2023, 108-12.

1:22

• Pandan w ap li kèk pati nan Aje 1:2–5 avèk pitit ou yo, ede yo chèche wè poukisa Senyè a pa t kontan ak pèp la. Mande timoun yo ta ka chwazi yon fraz nan vèsè 6 la epi desine yon foto l. Yo te kapab montre li youn ak lòt epi devine ki fraz chak desen reprezante. Lè nou pase tan sou lòt bagay pase sa Senyè a vle, kijan sa se tankou manje men nou pa ranpli? Ou ka pale youn ak lòt sou fason ou ka pran tan pou bagay ki enpòtan pou Senyè a.

• Li vèsè 8 la pou timoun yo tou, epi envite yo pretann ke “y ap grenpe yon mòn,” “al chèche bwa” epi “bati kay Senyè a.” Envite chak timoun pou yo fè yon lis bagay yo ka fè nan yon jou tipik, enkli bagay ke Senyè a mande yo pou yo fè. Mande timoun yo pou yo “konsidere fason [yo]” nan ansèkle sa Senyè a ta ka di ki pi enpòtan nan lis yo a.

• Nan yon vizyon, Zakari te wè yon gran prèt ki te rele Jozye, ki te gen “rad sal” (Zakari 3:3). Gen yon zanj ki te ba l rad ki pwòp. Ou ka ede pitit ou yo dekouvri kèk verite enpòtan nan li Zakari 3:1–7 epi pale sou sa rad sal la ak rad pwòp la kapab reprezante. Kijan nou ka vin pwòp anba peche nou yo, menm apre nou fin batize? Kijan alyans batèm nou yo ede nou “mache nan fason [Senyè] a”?

• Oumenm ak pitit ou yo ta ka gade yon foto batèm, tankou sa ki nan plan leson sa a. Poukisa nou mete rad blan jou batèm nou? Ou ta ka chante yon chan sou batèm, tankou “Le jour de mon baptême” (Chants pour les enfants, 103); kisa chan an anseye sou rezon ki fè Senyè a vle nou batize?

• Pitit ou yo ta ka renmen vizyalize evènman yo te predi nan Zakari 9:9 la, lè Jezi te vini nan Jerizalèm pandan dènye semèn lavi mòtèl li a. Pou ede avèk sa a, montre yo yon foto sou evènman an, tankou sa ki nan plan leson sa a. Ou ta ka pataje avèk yo “Sovè a ale Jerizalèm” (nan Istwa Nouvo Testaman yo, 110–12). Pitit ou yo te kapab lonje dwèt sou moun nan foto yo ki “rejwi anpil” yo. Kiyès Wa a Ye nan Zakari 9:9? Poukisa nou rekonesan pou Li?

  

  1:35

• Panse pou w ede pitit ou konpare pwofesi nan Zakari yo avèk vèsè Nouvo Testaman ki dekri akonplisman yo a. Men kèk egzanp: Zakari 9:9 ak Matye 21:5–9; Zakari 9:11 ak 1 Pyè 3:18–19; Zakari 11:12 ak Matye 26:14–16; Zakari 13:7 ak Matye 26:31. Kisa nou aprann osijè Sovè a nan vèsè sa yo?