UDaniyeli 1–7

Ngandlela ithile, sonke sihlala eBhabheli. Sihlala sijongana nezilingo zokulalanisa kwimigangatho yethu kwaye sijike elukholweni kuKrestu. Njengoko ufunda UDaniyeli 1, 3, kunye 6, qaphela iindlela uDaniyeli, uShadraki, uMeshaki, no-Abhede-nego ababecinezelwa ngazo ukuba benze izinto ababezazi ukuba azilunganga. Basabela njani kwezi meko? (bona UDaniyeli 1:10–13; 3:15–18; 6:10). Zaba zeziphi iziphumo zokholo lwabo? Ufunda ntoni kula mava enokukunceda ukuba uthembele eNkosini xa ujongene nenkcaso? Kananjalo qwalasela le mibuzo ilandelayo:

• Kunini apho ukhe waziva unyanzelekile ukuba wenze into oyaziyo ukuba ayilunganga? Ikusikelele njani iNkosi ngokugcina imiyalelo yaYo?

• Kuthekani ukuba ukholo lwakho alukhokeli kwimimangaliso oyifunayo? (ngokomzekelo, bona Alma 14:8–13). Ngokusekwe kokufunda ku Daniyeli 3:13–18ucinga ukuba uShadraki, uMeshaki, noAbhednego bebenokuwuphendula njani lo mbuzo? Umzekelo wabo unokuchaphazela njani indlela ozijonga ngayo izilingo zakho?

• Ukhetho lwakho olulungileyo lungabakhokelela njani abanye elukholweni olukhulu eNkosini? (bona UDaniyeli 2:47; 3:28–29). Cingisisa ngemiphumo ukhetho lwakho olunokuba nalo kwabanye.

Bona kananjalo uDieter F. Uchtdorf, “Be Not Afraid, Only Believe,” Liyahona, EyeNkanga 2015, 76–79.

Ngesityhilelo, uDaniyeli wabona ukuba iphupha likaNebhukadenetsare laxela kwangaphambili ngobukumkani behlabathi bakamva, nobukumkani bakamva bukaThixo, “obungayi konakala naphakade” (UDaniyeli 2:44). “IBandla bubukumkani bemihla yokugqibela obuprofetiweyo,” uMdala D. Todd Christofferson wafundisa, “obungadalwanga ngumntu kodwa obumiselwe nguThixo wezulu kwaye buqengqeleka njengelitye ‘eliqingqwe entabeni kungengazandla’ ukuze buzalise umhlaba” (“Why the Church,” Liyahona, EyeNkanga 2015, 111). Cinga ngobukumkani bukaThixo bemihla yokugqibela xa ufunda iinkcazo zelitye ku Daniyeli 2:34–35, 44–45 Ithini indima yakho ekuncedeni esi siprofeto sizaliseke?

13:49

Njengoko uphonononga UDaniyeli 2:1–15, cingisisa ngendlela obuya kuziva ngayo ukuba ungazifumana ukwisikhundla sikaDaniyeli. Wenza ntoni uDaniyeli? (bona UDaniyeli 2:16–18). Yintoni onokuyifunda ku Daniyeli 1:17 ngendlela uThixo awamlungiselela ngayo uDaniyeli? Yintoni onokuyifunda kumazwi nezenzo zikaDaniyeli emva kokuba efumene uncedo lweNkosi? (bona UDaniyeli 2:19–30).

Ebudeni bobulungiseleli boMsindisi basemhlabeni, amaYuda amaninzi ayesigqala isibizo esithi “uNyana womntu” esivela ku Daniyeli 7:13 sibhekisela kuMesiya ozayo. Ufunda ntoni ngoMesiya ku Daniyeli 7:13–14? (bona kananjalo Moses 6:57).

UMsindisi wayedla ngokubhekisela kuye “njengoNyana womntu.” Khawuqwalasele eminye imizekelo: UMateyu 25:31; UMarko 9:31; 10:45. Ufundisa ntoni ngaYe kule miqolo? Ku Marko 14:61–64, uYesu wasebenzisa esi sibizo ngosuku lokugqibela lobomi baKhe basemhlabeni. Phawula indlela abasabela ngayo abantu ababesiva isibhengezo saKhe. Isiprofeto sikaDaniyeli esingoNyana woMntu siyichaphazela njani indlela ovakalelwa ngayo ngoko kwenzeka kuYe ku Marko 15?

Kanye njengokuba uYesu wayethiyiwe ngokuvakalisa ukuba ‘wayenguNyana womntu,’ nawe usenokutshutshiswa ngenxa yokuvakalisa inyaniso. Thelekisa isiprofeto ku Daniyeli 7:13–14 nezithembiso ezikuyo IMfundiso neMinqophiso 121:29, 46.

Khangela kananjalo IMfundiso neMinqophiso 49:6; IsiKhokelo kwiZibhalo, “uNyana woMntu,” Ithala leeNcwadi zeVangeli.

• Ukuze uncede abantwana bakho bafunde kumabali akhuthazayo akwincwadi kaDaniyeli, unokufumana imifanekiso yeziganeko eziku Daniyeli 1, 3, no-6 (bona iphepha lmsebenzi wale veki okanye Incwadi yoMsebenzi woBugcisa beVangeli, amanani. 23, 25, 26). Emva koko unokubeka imifanekiso ijonge phantsi uze ucele umntwana ukuba ajike omnye aze athethe ngebali elilimeleyo. (Ukufumana uncedo, bona “uDaniyeli naBahlobo Bakhe,” “uShadraki, uMeshaki, no-Abhede-nego,” kunye “noDaniyeli noMhadi WeeNgonyama” kuMabali eTestamente eNdala, 154–56, 160–62, 163–65.)

  

  1:39

  

  1:39

  

  1:45

• Nceda abantwana bakho bacinge ngeemeko apho banokunyanzelwa ukuba benze ukhetho oluphosakeleyo, njengoDaniyeli nabahlobo bakhe ku Daniyeli 1, 3, no-6. Yabelanani ngendlela eniye wasikelelwa ngayo ngokwenza ukhetho olufanelekileyo nangona kunzima. Nisenokucula kunye ingoma enxulumene nesi sihloko, njengokuthi “Choose the Right” (Amaculo, no. 239).

• Ukufunda ibali malunga noDaniyeli nabahlobo bakhe besala inyama newayini kakumkani kungaphembelela incoko ngomthetho wempilo uBawo waseZulwini asinike wona namhlanje (bona IMfundiso neMinqophiso 89). Mhlawumbi ungakhangela iintsikelelo ezafunyanwa nguDaniyeli nabahlobo bakhe kwaye uzithelekise neentsikelelo ezithenjiswe kwiLizwi loBulumko (bona UDaniyeli 1:15–17 nayo IMfundiso neMinqophiso 89:18–21).

• Njengokuba ufunda UDaniyeli 2:31–35, 44–45 nabantwana bakho, ungabamema ukuba bazobe umfanekiso wephupha likaNebhukadenetsare. Bancede baqonde ilitye ephupheni limele iBandla likaYesu Krestu labaNgcwele beMihla yokuGqibela. Sifunda ntoni ngeBandla kweli phupha? Abantwana bakho bangakhankanya ezinye izinto uBawo waseZulwini awazenzayo ukuseka iBandla laKhe kwimihla yokugqibela. Ukuba bafuna uncedo, ungabonisa imifanekiso yeziganeko ezivela kuBuyiselo lweBandla (bona Incwadi Yomsebenzi woBugcisa beVangeli, amanani. 90–95).

• Kwakutheni ukuthandaza kuBawo waseZulwini kubaluleke kangaka kuDaniyeli? Mhlawumbi wena nabantwana bakho ningathetha ngalo mbuzo njengoko nifunda UDaniel 6 kunye. Emva koko ninokuxelelana isizathu sokuba ukuthandaza kubalulekile kuni. Abantwana bakho banokukonwabela ukuzoba imifanekiso yabo bethandaza kwiimeko ezahlukeneyo. Bangasebenzisa imizobo yabo ukufundisana ukuba singathandaza kuBawo waseZulwini nokuba siphi na okanye sifuna ntoni na.