Misambu 102–103; 110; 116–119; 127–128; 135–139; 146–150

Funda mudi Musambu 102:1–11 uleja diumvua dia kanyinganyinga ne didimona nkaya ditu dilua misangu ya bungi mu tshikondu tshia ntatu. Pamuapa wewa anyi bakuabu bawudi mumanya nukatu badiumvua mushindu ewu. Pawudi ubala Misambu 102:12–28; 103; 116, keba biambilu bidi bikupesha dikima bua “kubikila dîna dia Mukalenga” mu ntatu yeba (Misambu 116:13). Udi mua kuteka kamanyinu, kukuata mu moyo, anyi kuambila bakuabu bimanyishilu bidi bikusaka bua kumutekemena.

Tangila kabidi Yeshaya 25:8; Ebelu 2:17–18; Alama 7:11–13; Camille N. Johnson, “Christ Is Relief,” Liahona, Ngondu muitanu 2023, 81–83; “Where Can I Turn for Peace?” Hymnsno. 129).

Misambu idi ne bitupa bidi bifunkuna ku nsombelu ne mudimu wa Yezu Kilisto. Munayi bilejelu bikesa ebi:

• Misambu 110:1–4 (tangila Matayo 22:41–45; Ebelu 5:4–10; 6:20)

• Misambu 118:22 (Tangila Matayo 21:42; Bienzedi 4:10–11; 1 Petelo 2:7)

• Misambu 118:25–26 (tangila Matayo 21:9)

Tshinyi tshidi tunungu etu tunulongesha pa Yezu Kilisto? Buatshinyi bidi ne mushinga bua kumanya bintu ebi pa yeya?

Musambu 119 udi ne bikoselu bia bungi bidi bifuanyikija nsombelu yetu ku luendu lua kupingana kudi Tâtu wa Mu Diûlu. Pawudi ubala, keba miaku bu “kuenda” “njila” “njila” “makasa” ne “kuendakana”. Nana meji bua luendu lueba mu nsombelu—muaba uwuvua, muaba uwudi pindiewu, ne muaba uwudi uya. Tshinyi tshiwudi ulonga mu Misambu pa luendu lueba lua kupingana kumbelu? Tshinyi tshiwudi mulonga mu ditangila njila ya bakuabu? Bilondeshila musambu ewu, tshinyi tshikadi Nzambi mulongolola bua kukuambuluisha bua kushala mu njila wenda

Ela meji tshikondu tshiwuvua ulonda njila anyi kalata bikuambuluisha bua kuya muaba kampanda bimpa. Tshinyi tshivua tshintu etshi tshikulongesha pa dilonda dia njila wa Nzambi?

Mu mifundu mikuabu ya bungi, Mukalenga ne baprofete badi bakula bua njila. Kuinshi kudi bilejelu kampanda. Ela meji bua dikeba tunungu etu ne difunda anyi diabanya ne bakuabu tshiwudi ulonga.

Mushindu kayi udi malelela â akuambuluisha bua kushala mu njila wa Nzambi?

Tshinyi tshikuabu tshiwudi mua kulonga pawudi ulonda mubelu wa Mulombodi Russell M. Nelson?

“Pikala luendu luetu mu sombelu luikala ne diakalenga, tudi ne bua kulonda buludiki bua Nzambi. Mukalenga wakamba, “tangila kundi mu meji onsu; kanuedi mpata, kanutshinyi to’ [Dilongesha ne Bipungid 6:38]. Ne Mufundi wa Misambu wakafunda, ’Muaku weba udi muinda ku makasa anyi, ne bukenka mu njila wanyi’ [Musambu 119:105]. …

“Mu luendu lueba mu nsombelu, udi utuilangana ne bipumbishi bia bungi ne wenza bilema kampanda. Buludiki bua munyima budi bukuambuluisha bua kujingulula tshilema ne kuakaja tshidi tshikengela. Ulekela kuya mu njila mubi. Ulonga ne budimu kalata ka mifundu. Pashisha udi utungunuka ne ditonda budi ne kufuta bidi bikengela bua kubuela mu ‘njila mufinakana ne mubumbakana udi ulombola ku moyo Wa tshiendelela‘ [2 Nefi 31:18]” (“Living by Scriptural Guidance,” Ensign, Ngondu wa Dikumu ne Umua. 2000, 17).

Tangila kabidi Dieter F. Uchtdorf, “The Prodigal and the Road That Leads Home,” Liahona, Ngondu wa Dikumu ne Umua. 2023, 86–88.

Tangila bua tshinyi, bilondeshila Musambu 135:15–18, bidi ditomboka bua kuyemena nzambi ya dishima? Tshinyi tshiwudi mua kuikala mutêtshibua bua kueyemena tshidi tshifuanangana ne lupingu? Udi mua kuenza lista wa bintu bidi Mukalenga mua kuenza, bu mudi bafundi ba Misambu benza mu Misambu 134–36. Tshinyi tshia bukola bonsu tshikatuyi mukuenzela?

Tshinyi tshiwudi upeta mu Musambu 139 tshidi tshikuambuluisha bua kumvua ne Mukalenga mmukumanya—meji eba ne bienzedi, bukola ne buteketa? Mushindu kayi udi bulelela ebu butuala nsombelu weba ne masungula eba?

Pawudi ubala Misambu ya ndekelu ya ditumbisha, ela meji pa kabingila kawudi ne bua kutumbisha Mukalenga. Bua tshinyi bidi ne mushinga bua kumutumbisha? Mishindu kayi mikuabu iwudi mua kumutumbisha?

• Wewa anyi umua wa ku bana beba nudi mua kubala Misambu 102:1–2, kutangila mushindu udi Mukalenga utuambuluisha mu ntatu yetu. Mushindu kayi utudi mua kupeta diambuluisha Dienda? Nudi kabidi mua kuambilangana misangu inuvua ne dijinga dia diambuluisha ne badiumvua ne Nzambi mmumvua masambila enu?

• Bana beba badi mua kunaya padibu bakula bua mudibi bienza bua kuikala mu muîdima. Anyi bavua mua kuyukila bintu bidi bikola bua kuenza mu muîdima. Udi mua kubambila bua kuenza tshintu ne mêsu mabuita, bu mudi kuzola tshimfuanyi. tshinyi tshiwudi ulonga mu Misambu 119:105 pa bukenka ne dîyi dia Nzambi?

• tunungu tudi tulonda: Misambu 119:47–48; 119:105; 1 Nefi 11:25; 2 Nefi 31:20. Tshinyi tshitudi mua kuenza bua kushala mu njila wa Nzambi?

• Bana beba badi mua kusanka bua kutangila tshimfuanyi tshia bintu bitela mu Misambu 119:105. Badi mua kuteka bimfuanyi bilondangana padibu babala kanungu. Nudi mua kuimba musambu udi upetangana, bu mudi “Teach Me to Walk in the Light” (Children’s Songbook, 177) anyi “I Will Walk with Jesus” (Tshisangi Tshia Mikanda ya Lumu Luimpa).

• Sungula kuenza lista mîpi ya bintu biwudi mumanya pa muana yonsu. Pawudi ubala lista umua ku umua, lomba bana bua kubuka uwudi umvuija. Pashisha, panyima pa dibala Misambu 139:1–3 pamua, nudi mua kufunda bintu bidi Tatu wa mu Diûlu ne Yezu Kilisto bamanya bua bualu buetu.

• Funda miaku ya Misambu 139:23–24 mu dibeji anyi pa tablo. Bikila bana beba bua kuela mishonyi muinshi mua miaku idi yakula pa bintu bidi Nzambi mua kutuenzela. Bua tshinyi tudi basua bua Nzambi enza bintu ebi?

• Pamuapa bana beba badi mua kuamba tshikondu tshivua muntu mubatumbisha anyi mubambila ne mbenza mudimu muimpa. Ambilanganayi bimua bintu bimpa bia mu Misambu 146:6–9 bikatu Mukalenga muenza (ambuluisha bana beba bua kumvua miaku idibu kabayi bamanya). Bikila bana beba bua kuakula pa bintu bikuabu bidiye utuenzela. Mushindu kayi utudi mua kumutumbisha bua bintu abi?