Ngondu wa Muanda Mukulu 24–30. “Nennuambile Malu Akuenzelaye Anyima Wanyi”: Misambu 49–51; 61–66; 69–72; 77–78; 85–8649–51; 61–66; 69–72; 77–78; 85–86,” Luaku, Undonde—Bua mu Dîku ne mu Ekelezia: Dipungila Dikulukulu 20262026, 2026 (2026)

Ngondu wa Muanda Mukulu 24–30. ‘Nennuambile Malu Akuenzelaye Anyima Wanyi” Luaku , Undonde: DIpungila Dikulukulu 2026

Kusungila Etshi Tshivua Tshijimina, Kudi Michael Malm

Ngondu wa Muanda Mukulu 24– 30:“Nennuambile Malu Akuenzelaye Anyima Wanyi”

Misambu 49–51; 61–66; 69–72; 77–78; 85–86

Bafundi ba misambu bakatangalaja ngumvuilu musunguluka mu mifundu yabu. Bakafunda bua diumvua dia diditekesha, ditshina ne kanyinganyinga kakola. Mu bikondu abi, bakadiumvua balekidibua kudi Nzambi, ne misambu mikuabu idi ne tshikuma tshia bowa ne dijimija dikankamana. Pawikila mumvua mushindu ewu, dibala dia misambu didi dikuambuluisha bua kumanya ne kuena nkayeba to. Kadi nenupeta kabidi misambu idi mua kukukankamika pawudi muikila udiumvua nunku, bualu misambu idi kabidi itumbisha Nzambi bua buimpa buenda bua bukola buenda, ne bua disanka dia lusa bienda. Bamanya ne tudi bikala batatshishibua kudi diabulu ne bubi kadi Mukalenga udi “muimpa ne pabuipi bua kubuikidila” (Misambu 86:5). Bumvua ne kuikala ne ditabuja mu Mukalenga katshiena tshiumvuija ne kakuakuila lutatu lua bubi, anyi bowa nansha. Tshidi tshiumvuija ne udi mumanya kua kutangila pawikala wenza.

Ngenyi bua Dilonga mu Dîku ne mu Ekelezia

Misambu 49; 62:5–12

Disungila didi dilua anu kupitshila ku Yezu Kilisto.

Misambu 49 udi ne mukenji “bua bana ne bakulumpa, babanji ne bapela” (kanungu 2). Tshinyi tshiwamba bua mukenji ewu? Tshinyi tshiwudi umvua Misambu 62:5–12 tshikumbaja ku mukenji ewu?

Dibala dia misambu eyi didi mua kukupesha meji bua kudikonka mishindu itudi batêtshibua bua kuikala ne lulamatu mu binga bintu kupita Nzambi bua disungila (tangila Misambu 49:6–7). Munshindu kayi udi moyo weba muikala mupeshibua meji kupitshila ku bujadiki bueba ne“Nzambi neasungila anyima weba ku bukola bua lufu. Misambu 49:15

Misambu 51; 85–86

Ku lusa lua Mupandishi, Ndi mua kuikala mubuikidibua.

Mfumu David wakafunda Misambu 51 panyima pa mumanya dijinga dienda dia dijimija dia dibuikidibua—tshintu tshitudi natshi dijinga bonsu. Tunungu kayi tudi tumvuija biwudi mumvua? Tshinyi tshiwudi mupeta mu misambu eyi tshidi tshikupesha ditekemena bua dibuikidila?

Udi kabidi mua kukeba Misambu 51 tshinyi tshidi tshiumvuija dikudimuna dia mutshima. Enza lista wa biwudi mupeta. Tangila ne udi mua kukumbaja ku lista weba ku dikeba mukenji wa Mulombodi Mukulu Russell M. Nelson “We Can Do Better and Be Better” (Liahona, Ngodnu Muitanu 2019, 67–69).

Mushindu kayi uwudi mua kuleja tshidi tshiumvuija kupeta dibuikidila kupitshila ku Kilisto. Pawudi dijinga ne diambuluisha bua kumvuija biwudi muikala umvua, udi mua kutangila Misambu 51:1–2, 7–12; 85:2–9. Bantu bakuabu bananga kuzola anyi kupeta tshimfuanyi bua kuleja bidibu bikala bumvua: udi mua kuteta ebi. Udi kabidi mua kuimba musambu anyi kumvua musambu pa Mupandishi , bu mudi musambu wa “I Stand All Amazed” (Hymns, no. 193).

Bua dikudimuna dia mutshima tudi dijinga ne ditabuja kabiyi amu bua ne Yezu Kilisto udi mua kututokesha kadi naenza. Tshinyi tshiwudi mupeta mu Misambu 86:5, 13, 15 tshidi tshikuambuluisha bua umanya ne Mupandishi udi ukumbana ne muikala pabuipi bua kubuikidila ?

tagila kabidi Alama 36; Peter F. Meurs, “He Could Heal Me!,” Liahona, Ngondu Muitanu 2023, 39–41.

Misambu 51:13–15; 66:5–20; 71:15–24

Bujadiki buanyi bua Yezu kilisto budi mua kuambuluisha bakuabu bua kulua kudiye .

Nana meji pa mushindu uwudi mupeta bujadiki bua Yezu Kilisto ne bukola bua bupikudi buenda. Pashisha, pawudi ulonga Misambu 51:13–15; 66:5–20; 71:15–24, ela meji mushindu kayi uwudi mua kubikila bakuabu” bua kulua ne kumona mudimu wa Nzambi” (Misambu 66:5). Wewa muikala “wela patoka bidi Mukalenga mukuenzela bua anyima weba” (Misambu 66:16), tshinganyi tshiwela patoka?

Tshinyi tshidi tshiumvuija bueba kuakula bululama buenda dituku dijima? Misambu 71:24).

tangila kabidi Alama 26.

Nsongaluma ubala mifundu ne bakuabu — “Luayi nuteleje, , … Nennuambile malu adi [Nzambi] muenza bua anyima wanyi” (Misambu 66:16).

Misambu 63; 69; 77–78

Mukalenga neangambuluisha mu tshikondo tshianyi tshia dijinga.

Misambu ya bungi idi ileja tshitudi tumvua patudi kula ne Nzambi ne kuikala ne ditekemena ku diambuluisha dienda (tangila Misambu 63:1, 8; 69:1–8, 18–21; 77:1–9). Mu Misambu 63; 69; 77–78, Ttshinyi tshiwudi mupeta tshidi tshipesha misambu bukola?

Pawudi muikala mu lutatu, mushindu kayi uvuabi bikuambuluisha bua “kuvuluka midimu ya Mukalenga” ne “malu enda mimpa”? Misambu 77:11 Manga a ku malu mimpa adi malejibua mu Misambu 78. Bu muwudi ubala pa biobi, nana meji pa tshidi tshikuambuluisha “enza ditekemena [dieba] mu Nzambi” (kanungu 7).

Bua ngenyi ya bungi, tangila malu a ngondu ewu a Liahonane makazina a Bua Dikankamika dia Bansonga.

Ngenyi bua Kulongesha Bana

Bu mudi dialumingu edi didi dialumingu ditanu dia ngondu, malongesha a kalasa ka bana adi a kubakankamika bua kuenzela dilonga bibilu bia malonga mu“ tshisakidilu tshia B: Kulongolola Bana bua matuku a moyo mu njila wa tshipungidi wa Nzambi.”

Misambu 51; 86:5, 13, 15

Pandi ngenza disungula dibi, Yezu Kilisto udi mua kungambuluisha bua kukudimuna.

Bua kuambuluisha bana beba bua bajandula bulela pa dikudimuna dia mutshima mu Misambu 51, udi mua kuzola mutshima munena. Nanku udi mua kuambuluisha bana beba bua kufunda munda mua moyo bintu bibi bidi Satana muikala ututeta nabi. Mushindu kayi utudi mua kupatula bintu ebi mu mioyo wetu? Lomba bana beba bua bapeta muaku “mutshima” mu Misambu 51:10, 17. Akula pa tshidi tunungu etu tulongesha pa dikudimuna dia mutshima. Lekela bana beba bakupula miaku munda mua mutshima ne funda miaku mipia- mipia idi ileja mushindu udi Yezu mua kutushintulula patudi tukudimuna mutshima.
Udi mua kuambuluisha bana beba bua kulonga tshinyi tshidi tshimvuija kuikala ne “mutshima mutshibuluka ne mutshima munyingala” (Misambu 51:17). Badi mua kukosa thintu tshia tshizubu tshikola muntu ku muntu bu mudi diyi anyi musa. Udi mua kubambuluisha bua kufuanyikija tshizubu tshia musa ne bintu bidi bitupangisha bua tuetu kumvua dinanga dia Tatu wa mu Dîulu. Mushindu kayi utudi mua kukangula mioyo yetu kudiye?
Udi kabidi mua kutangila tshimfuanyi tshia Mupandishi pamua ne kukonka bana beba muaku kayi udibu mua kuenzela bua kuakula buenda. Babikila bua bapeta miaku idi yakula buenda Misambu 86:5, 13, 15. Buatshinyi bidi ne mushinga bua kumanya bintu ebi?

Misambu 61:2–3

Yezu Kilisto udi dibua dianyi.

Bana beba badi mua kunanga kuzola tshimfuanyi tshia tshimanyinu mu Misambu 61:2–3. Munyi mudi Yezu Kilisto muikala bu “dibua”ditamba bunena (kanungu 2), “tshisokomenu,” ne “kaleya” kakola? (kanungu 3).

Tshimanu tshia kaleya tshîbaka ne mabua bua bukubi — “Uvua muikala tshisokumenu buanyi” ne kaleya kakola (Misambu 61:3).

Misambu 66:16; 77:11; 78:6–7

“Nemvuluke midimu ya Mukalenga”

Lomba bana beba bua kutangalaja miyuki ya mu mifundu itubu bananga (bimfuanyi bia mu Gospel Art Book might help). Tshinyi tshidi miyuki eyi itulongesha pa tshidi tshitangila Mukalenga?” Nudi mua kubala pamua Misambu 66:16 ne kufila diandamuna muntu ku muntu “Tshinyi tshidi Mukalenga mungenzela bua anyima wanyi”?
Bu munudi nubala Misambu 77:11; 78:6–7 pamua, nudi mua kuabanyangana umua ne mukuabu mushindu kayi unudi nuteta bua “kuvuluka midimu ya Mukalenga” (Misambu 77:11), momumua kabidi ne mudimu wenda mu moyo weba. Mushindu kayi udi biakudia bia tshijila bituambuluisha bua “kumuvuluka misangu yonsu”? Moloni 4:3; 5:2

Misambu 71:8

Ndi mua Kuambila Bakuabu bua Yezu Kilisto.

Panyima pa kubala Misambu 71:8 ne bana bena, babikila bua kuzola mukana munena. Balomba bua kukuambuluisha bua “kuwuja” mukana ne bimfuanyi anyi miaku idi ileja bitudi mua kuambila bakuabu pa Yezu Kilisto.
Udi mua kupitshisha tshimfuanyi tshia Yezu. Muntu udi ukuata tshimfuanyi udi mua kuakula tshintu tshidiyi mumanya pa tshidi tshimutangila. Mushindu kayi utudi mua kuambuluisha bakuabu bantu bua kumanya bintu ebi?

Bana badi ne bia bungi bia kuamba. Padi bana balonga tshintu kapanda tshipiatshipia, batu bananga kuabanyangana ne bakuabu. Kankamika dijinga edi ku dipesha dia bana bipolu bia kulongeshabu nshindamenu ya lumu luimpa kudi bakuabu, bidimba bia mêku abu, ne balunda babu. balomba kabidi bua kuabanya neba ngenyi yabu, bidibu bumvua, ne mamanya bilondeshila nshidamenu iwudi ulongesha. Newumona ne badi ne ngenyi idi mikala mipepela, miakana, ne ya bukola” (Kulongesha mu Ngikadilu wa Mukalenga, 32).

Misambu 86:7

Tatu wa mu Diûlu udi uteleja ne wandamuna masambila anyi.

Misambu ya bungi idi mikala bu masambila kudi Nzambi. Panudi nubala Misambu ne bana beba; udi mua kubaleja bintu bitudi mua kuenzela bua kuyukila ne bantu badi kula, bu mudi telephone anyi mukanda. Nanku bala Misambu 86:7. Mushindu kayi utudi “tubikila” Tatu wa mu Diûlu? Mushindu kayi udiye wandamuna ?
Nudi mua kuimba pamua musambu pa disambila “A Child’s Prayer” (Mukanda wa Misambu ya Bana, 12–13; tangila kabidi Susan H. Porter, “Pray, He Is There,” Liahona, Ngondu Muitanu 2024, 77–79). Akulayi umua ne mukuabu bua bikondu bitu Nzambi wandamuna ku masambila enu.

Bua ngenyi ya bungi, tangila malu a ngondu ewu a makazina a Mulunda.

tshimfuanyi tshia Kilisto — Luaku kudi Kilisto, kudi Casey Childs

Dibeji dia tshibilu tshia bana: Pandi ngenza disungula dibi, Yezu udi mua kungambuluisha bua kushintulula. — Luaku kudi Kilisto, kudi Casey Childs