Yobo 1–3; 12–14; 19; 21–24; 38–40; 42

Tunungu tua ntuadijilu tua Yobo tudi tuakula, mu mushinda ya kasala, mudimu wa Satana bu muena lukuna ne mubandianganyi wetu; katuena tuleja mushindu uvua Nzambi ne Satana bayikila to. Pawudi ubala tshidi Satana muamba pa Yobo (tangila Yobo 1:9–11; 2:4–5), udi mua kudiebeja, “bua tshinyi ndi mushala ne lulamatu kudi Nzambi?” Bua tshinyi bidi mua kuikala ne njiwu bua kutumikila Nzambi anu bua kalolu kavua Satana muamba.

Tshinyi tshidi tshikukemesha bua mushindu uvua Yobo muandamuna ku ntatu yenda? (tangila Yobo 1:20–22; 2:9–10).

Balunda ba Yobo bakamba ne Nzambi uvua umunyioka (tangila Yobo 4–5; 8; 11). Malu kayi awudi umona ne lugenyi elu? Bala diandamuna dia Yobo mu tunungu 12–13. Ntshinyi tshivua Yobo mumanya pa Nzambi tshiakamuambuluisha bua kutungunuka ne kumueyemena? Tshinyi tshiwudi mumanya pa Nzambi tshidi tshikuambuluisha bua kutantamena ntatu?

Imua misangu tutu tulonga malelela a mushinga wa bungi mu bikondu bitutu ne ntatu ya bungi. Nana meji pa ntatu idi Yobo muamba mu Yobo 19:1–22 ne malelela adiye utangalaja mu tunungu 23–27. Mushindu kayi uwudi mumanya ne Mupikudi weba udi ne moyo? ‘Dishilangana kayi didi dimanya edi difila mu moyo weba?’”

Ela meji bua kuimba anyi kuteleja musambu udi wakula pa Yezu Kilisto, bu mudi “I Know That My Redeemer Lives” (Hymns, no. 136). Miaku kayi ya mu musambu ewu idi yamba mushindu uwudi udiumvua buenda?

Tangila kabidi Dilongesha ne Bipungidi 121:1–12; 122.

Mu Yobo 21–24, newubala muyuki wa Yobo ne balunda benda. Munkatshi mua muyuki ewu muvua lukonku bantu babungi bakadi bela: bua tshinyi bantu bajalama imua misanagu batu bakenga?

Nansha katuyi ne mandamuna onsu, mu lumu luimpa lupingajilula lua Yezu Kilisto, tudi ne malelela kampanda adi mua kutuambuluisha bua kujingulula buluishi ne dikenga. Kuinshi kudi mifundu ya matuku a ndekelu idi ne amua a ku malelela â. Tshinyi tshidi mifundi eyi ikulongesha pa Tatu wa mu Diûlu ne dilongolola dienda?

• 2 Nefi 2:11–13

• Mosiya 23:21–23; 24:10–16

• Etele 12:27

• Dilongesha ne Bipungidi 58:3–5

• Abalahama 3:22–26

Udi mua kubala kabidi dilongesha dia Mulombodi Mukulu Spencer W. Kimball pa buluishi mu “Tragedy or Destiny?” Teachings of Presidents of the Church: Spencer W. Kimball [2011]), 11–21).

Muimanyina pa biwudi mulonga, mushindu kayi uwudi mua kuamdamuna ku lukonku bu “Bua tshinyi Nzambi utu wanyisha bua bantu bakana bakenga?”

Mubungama ne bivua balunda benda bamuamba (tangila Yobo 16:1–5; 19:1–3), Yobo wakela Nzambi lukonku njila ne njila bua tshinyi uvua ukenga bikola (tangila Yobo 19:6–7; 23:1–9; 31). Mukalenga kavua mufila kabingila mu mukanda wa Yobo. Kadi uvua mulongesha mukenji wa mushinga mu shapita 38–40. Mushindu kayi uwudi mua kuamba mu tshikosu mukenji awu? Tshilejilu, tshinyi tshiwudi ulonga pa lukonku lua Mukelenga mu Yobo 38:1–7, 18–24?

Newumona ne Mukalenga wakambila Yobo bua bimua bia ku bifukibua bienda ne mikuabu midimu ya bukola (tangila Yobo 38–39). Udi mua kutangila bimua bia ku bifikibua abi (anyi foto yabi). Mushindu kayi udi bintu ebi bikuambuluisha bua kuela meji mushindu mukuabu bua Nzambi? bua ntatu yeba? Mushindu kayi udibi bishintula mmuenenu wa Yobo? (tangila Yobo 42:1–6; tangila kabidi Mose 1:8–10).

Apa padi miyuki ibidi ya mu mpungilu munena idi mua kutuambuluisha bua kushintula mmuenenu wetu: Tamara W. Runia, “Seeing God’s Family through the Overview Lens” (Liahona, Nov. 2023, 62–69); Russell M. Nelson, “Think Celestial!” Liahona, Ngondu wa Dikumi ne Umua 2023, 117–20). Mu miyuki yabu, keba tshintu tshiwajinga kuvuluka dituku dikala ntatu yeba mikala mikola. Mushindu kayi uwa divuluija biwuvua mulonga?

• Kankamika bana beba bua bakuambila tshidibu bamanya pa Yobo. Bobu dijinga ne diambuluisha, udi mua kubatangidija mu Yobo 1:1, 13–22; 2:7–10 anyi mu “Yobo” (mu Miyuki ya mu Dipungila Dikulukulu, 145–47). Mushindu kayi udi Yobo muandamuna ku ntatu? (tangilae Yobo 1:21; 2:10).

  

  1:55

• Yobo uvua ne lulamatu mu ntatu yenda bua tshivuaye mumanya pa Mukalenga. Pamuapa wewa ne bana beba nudi mua kutangila bimfuanyi bia Yesu Kilisto uyukila ne bakuabu (bumudi umua muinshi anyi bimfuanyi mu Gospel Art Book). Akula pa tshiwudi mumanya pa Yeya ne mushindu Udiye. Apa padi tumua tunungu tudi tuleja bivua Yobo mumanya pa Mukalenga: Yobo 12:10, 13, 16; 19:25–27. Buatshinyi bidi ne mushinga bua kuvuluka bintu ebi?

• Yobo wakela lukonku lua mushinga mu Yobo 14:14. Nansha wewa ne bana beba nudi mua kuambilangana mushindu unudi mua kuandamuna Yobo. Udi mua kukeba ngenyi mu Alama 11:42–44, mu video “mu matuku a tshilualua” (Tshisangi Tshia Mikanda ya Lumu Luimpa), anyi mu musambu pa Dibika, bu mudi “Did Jesus Really Live Again?” (Children’s Songbook, 64).

1:11

• Pavua Yobo mubungama, balunda benda bakamba ne Nzambi uvua umunyoka buala uvua muenza mpekatu (tangila Yobo 22:5). Butuetu bikala balunda ba Yobo, mushindu kayi utuvua mua kuteta bua kumuambuluisha? Mushindi kayi udi mêyi etu mua kuambuluisha bakuabu padibu babungama? (tangila Yobo 16:5). Ela meji bua kuleja tshimua anyi biabungi mu bumfuanyi ebi pawudi uyukila nkonku eyi .

• Ela meji bua kulomba bana beba bua bafunda ngikadilu kampanda idi mulunda muimpa nayi ne dina dia mulunda udi ne ngikadilu eyi. Pashisha nudi mua kutangila tshimfuanyi tshia Yezu Kilisto. Mu mushidu kayi udi Yezu muikala mulunda muimpa wa yonsu wa kutudi? Udi mua kuela meji bua muntu udi mu lutatu. Longolola mushindu uwudi mua kuikala mulunda wa Buena Kilisto kudibu.

• Panyima pa dibala Yobo 19:23–27, wewa ne bana beba nudi mua kuyukila pa mushindu unudi bamanya ne Musungidi wetu ne moyo. Nudi mua kuenza mudimu pamua bua kuela dijadika dienu (anyi bimfuanyi bia Musungidi) mu mukanda (tangila kanungu 23).

• Udi mua kuimba musambu pa bujadiki bua Musungidi, bu mudi “I Know That My Redeemer Lives” (Misambu, no. 136). Ambilanganayi mêyi a mu musambu adi akolesha ditabuja dienu Kudiye. Buatshinyi bidi ne mushinga bua kumanya ne Yezu Kilisto udi ne moyo?