Exodus 19–20; 24; 31–34

President Russell M. Nelson el luti: “Ke Wuhlweacng Mahtuh, in kahs luhn mwet Hibru suc kalmen siena kain tuh lwenglah pa ma sacohk yohrohsr, suc kalmac ‘ma sacohk lasr,’ kuh ‘mwe kahsruhp.’ … Nuh kacsr in akihlenyuck sin mwet kuhlwacnsap luhn Leum oacna mwet lal ma siena kain pa kaksakihnyuck emet ke akwuck fuhlwact sac” (“Tuhlihk Nuhtin Wuhlweacng,” Ensign, Mei 1995, 34). Kahs lal Prestuhn Nelson ekuhllah fuhkah ohiyen etwacack lom an Exodus 19:3–6? Leum el ahkkahlwemye nuh sum fuhkah lah kom sacohk Sel?

Leum El fahk nuh sel Moses muh tuhlihk nuhtin Israel enenuh in ahkolah met liki eltahl kuh in “ohsun yurin God” (Exodus 19:10–11, 17) ac liacacng sie wuhlweacng Yohrohl (see Exodus 19:5). Kom ac ahkolah fuhkah nuhke ma sikyak luhn ma kawihl, weacng kuhfa luhn Leum ac akwuck luhn tempuhl? Kom ac kahsrwelos fuhkah in ahkolah? Meac kom lotwelah ke ahkolah ke Luke 6:12–13; Enos 1:2–6; Alma 17:2–3?

Ke pacl se mwet Israel ah tuhkweni nuh sie ke fihten Finohl Sinai, eltahl lohng puhsren God sang nuh seltahl Masap Singucul ac (liye Deuteronomy 4:12–13). Ma inge, ahok, tiac pa inge muhkwena masap luhn God—puhkantwen ma sahyac lihn ma suhmuhslah. Na ke kom riti Exodus 20:1–17, siyuck sum sifacna lah efuh God el ahkuhtweyac kahlwem ke ma singucul inge in pa yohk srihpac emet uh. Osar sie yot in srihkasrak kom kuh in orekmakihn ke kom motko yohk srihpac luhn Masap Singucul ke moul lom an.

• Liacacng masap singucul inge kahsre kom fuhkah in liacacng masap fuhlwact luo Jisus El tuh sang ke Mattew 22:34–40?

• Meac kuhtuh ma ma sahp kom srihfeyuck kac in fihliac met liki God? Meac mwe insewowo ma kom liye ke kom fihliac God met?

• Kom ac topuk fuhkah nuh sin sie mwet suc fahk muh Masap Singucul tuh utuckuh ke pacl loes somlah ac tiac orekmakihnyuck mihsenge? Meac mwe srihkasrak ke moul lom ma kom fah akacsruhi kac oacna sie ip ke top lom? On in alu “How Gentle God’s Commands” (On in alu, no. 125) ekuhllah fuhkah ohiyac kom ahkuhtweyac ke masap luhn God nuh sin mwet sahyac uh?

• Leum El ahkpwacyelah fuhkah olwelah ke Exodus 20:6 ke moul lom an?

Liye pac “Masap Fuhlwact Ah—Luhngse Leum,” ke Luti luhn Prestuhn Ke Alu uh: Ezra Taft Benson (2014), 37–45; Dallin H. Oaks, “Wacngihn God Sahyac,” Liahona, Nohf. 2013, 72–75; Sifac ac Kihsen Siyuck, “Masap,” Gospel Library.

Ke kom riti Exodus 24:3–8, motko wuhlweacng kom oraclah yurin God. Ke wuhlweacng luhn mwet Israel sang weacng alyalu ma sie likina ma God el sapkihn mihsenge, kom kuh in akihlen kuhtuh ma apkuhran in oacna sie. Mwe srihkasrak, fuhs 4, 5, ac 8 sruhmuhn ke mwe loang se, kihsac ma orahkrahk, ac srah. Meac ma inge kuh in ahollah? ac kuhpahsr fuhkah laltahl nuhke wuhlweacng lom an?

Srihke fihlikowi ke acn luhn mwet Israel—kom oasr yen mwesis, Moses el som lwen 40, ac sie fohswack sikyak yurin Mwet Canaan ke acn in wuhlweacng el ma nuhke pacl fahsruh lom (liye Exodus 32:1–8). Efuh kom nuhnkuh muh mwet Israel ah luhngse sie ma sruhlwaclah ah? Meac mokle kom ke kwacfe lal Moses nuh sin Leum keExodus 33:11–17?

Ke ma koluk luhn mwet Israel ah arulacna yohk, sramsram soko inge weacng sie pweng luhn God ke pahkotwen ac nuhnak muhnahs. Meac Exodus 34:1–10 el luti ke Mwet Lahngo? (liye Exodus 32:30–32; Mosiah 14:4–8; 15:9; Doctrine and Covenants 45:3–5).

President Russell M. Nelson el ahkuhtweyac: Ke nga srack fuhsr ah, nga lutlut ke orekma luhn mwet sahyac ma tahkuhnlah ma elos in oruh ac ma in tiacoruh ke Sahpuht. Ac tiac paht tohkoh ke nga etwacack ke ma suhmuhslah ah lah ma nga oruh ac elah luhk ke lwen Sahpuht akiac akucl seinmahsrlok ac Pahpah tuhmasr Inkuhsrao [liye Exodus 31:13; Ezekiel 20:12, 20]. Ke nga eis mwe kahlwem se inge, nga tilac enenuh sie tahk nuh ke ma ngacn oruh ac tiac oruh. Ke nga enenuh in sulaclah lah ma se inge fal nuh ke Sahpuht kuh tiac, nga siyuck na nuh sihk sifacna, ‘Akucl fuhkah nga ke sang nuh sel God uh?’ Kihsen siyuck se ingacn oraclah sulaclah se luhk ke lwen Sahpuht arulacna kahlwem” (“Sahpuht El Mwe Engan se,” Liahona, Mei 2015, 130). Motko lah akucl fuhkah se kom luhngse sang nuh sin God ke ma kom tuni ke Lwen Sacnri.

Ke Moses el tuhkuh liki finohl soko ah, el us masap simlac fin yot ah. Tukihn el konwacack lah mwet Israel ah kuhnahoslah wuhlweacng lalthal ah, Moses el kuhnahoslah yot ah(see Exodus 31:18; 32:19). Tohkoh, God El sapkihn nuh sel Moses elan oraclah siepac set in yot ac us fohlohk nuh finohl ah (liye Exodus 34:1–4). Ke Lweng Lal Joseph Smith ke Exodus 34:1–2 (ke mwe kahsruh luhn Pwacpuhl) ahkuhtweyac lah set in yot inge weacng pac akwuck luhn God ke “akwuck muhtahl,” kuh Melchizedek Pristut. Set ahkluo weacng pac “masap ke ohiyac wo luhn ikwoac.” Ma se inge masap fihsracsr se orekmakihnyuck sin “aaronic pristut” (see Doctrine and Covenants 84:17–27), suc kalmac pa in ahkolah mwet Israel nuhke masap fuhlwact ac pristut fuhlwact tuh eltahl in kuh in ilyak nuh ye muhtuhn God.

• Kom ac oruh fuhkah lotwelah ke Masap Singucul ac in pacr sin tuhlihk nuhtum an? Ke kom riti Exodus 20:3–17 toeni, lwelah tuhlihk nuhtum an in kahsre kom sokwack kuh sruhlwaclah sie petsac ah in ahol kais sie Masap Singucul ac. Na tuhlihk nuhtum an kuh in eis pacl lal in sulaclah sie petsac ah ac sramsram kac lah eltahl ac moulkihn fuhkah masap sac. Akacsruhi sie sin sie lah moulkihn masap sac use fuhkah engan nuh sihk.

• Kom kuh pac in yuck soko on oacna “Keep the Commandments” (Puk In On luhn Tuhlihk, 146–47). Kahsruh tuhlihk nuhtum an sokwack kahs ke on soko ah ma lotweltahl lah efuh God el luhngse kuht in liacacng masap Lal.

• Kasruh tuhlihk nuhtum an in lotwelah pohloh kahs sac “Sunakin papa tomom ac nina kiom” (Exodus 20:12). Kom ac luhngse pacahkuhtweyac lah in “suhnakihn” sie mwet kuh in kalmen ahkkahlwemye ahkfuhlwact nuh seltahl kuh sang engan nuh selos. Meac Jisus El oruh in suhnakihn ninac Kiacl facluh ac Pahpah Tuhmwacl Inkuhsrao? (liye Luke 2:48–51; John 19:26–27). Sahp tuhlihk nuhtum an kuh in eis pal lal srihke ma eltahl kuh in oruh in suhnakihn pahpah ninac kiacltahl, ke tuhlihk sahyac ah palye lah meac eltahl oruh ah.

• Tuhlihk nuhtum an sahp pacr in suk mwe srihkasrak ke mwe akucl—oacna mwe akucl inkacnek uh kuh mwe akucl fin lohm se. Meac srihpac luhn mwe akucl uh? Tuhlihk nuhtum an kuh in konwacack kahs se “mwe akucl” ke Exodus 31:13, 16–17. Meac Leum El tuh fahk muh pa sie mwe akucl inmahsrlosr ac El? Akacsruhi sie sin sie kuhtuh inkacnek kom ac sucu lom an srihke in ahkkahlwemye luhngse lom nuh sin Leum ke Lwen Sacnri.

• Motko in orekmakihn “Moses Finphl Sinai” (ke Sramsram Ke Wulweacng Mahtuh, 77–82) in kahsruh tuhlihk nuhtum an ke sramsram ke Exodus 32:1–8, 19–24. Efuh kuh tiacna wo ke mwet Israel ah alu nuhke ma sruhlwaclah se likina God?

  

  2:55

• Ac ma pacr se in oraclah inkacnek soko infohk ah (kuh sokwack soko sisken lohm sum an) in ahkuhtweyah kahs inge ke Exodus 32:8: “Eltahl sa in forlah liki inkacnek soko ah.” Ke kom fahsr ke inek soko ah, tuhlihk nuhtum an kuh in sramsram ke mwe sruhf tuhkuh nuh sesr in forlah liki God. Meac kahsre kuht in muhtana ke inkacnek luhn God—ac fohlohk nuhkac ke kuht tahfonglac?? (liye Exodus 34:6–7).