“Eprel 13–19. ‘Tuna Kuh, ac Liye ke Molwelah luhn Leum: Exodus 14–18,”Fahsruh, Fahsr Tukuk—Nuhke Lohm sesr ac Alu ah: Wuhlweacng Mahtuh 2026 (2026)
“Eprel 13–19. ‘Tuna Kuh, ac Liye ke Molwelah luhn Leum,’” Fahsruh, Fahsr Tukuk: Wuhlweacng Mahtuh 2026
April 13–19: “Tuna Kuh, ac Liye ke Molwelah luhn God”
Exodus 14–18
Mwet Israel ah kohsrkohsrlah Meoa Sruhsrah el an ke siskac se, ac solse lal Pharaoh ah tuhkuh ke siskac se sahyac ah. Kahenglac laltahl liki acn Egypt, liyeyuck muh, fah sa in sahflah. Tuhsruhk oasr pweng se luhn God nuh sin Mwet Israel muh El kena eltahl in esam nuhke fihl fahsruh: “Nikmet sahngeng. … Leum El fah meun lom” (Exodus 14:13–14).
Ke pacl sac me, ke mwet luhn God enenuh luhlahlfongi ac puhlaik, eltahl sruhmuhn sramsram se inge. Ke Nephi el kena mokle tamuhlwel wiacl, el fahk, “Lelah kuht un fokoko oacna Moses; tuh pwacyena el sramsram nuh sin kof ke Meoa Sruhsrah ac eltahl fahsrelihk nuh siskac ac siskac, ac pahpah tuhmwacsr ah tuhkuh liki, liki srohoh, ke fohk paho” (1 Nephi 4:2). Ke Tohkohsrah Limhi el kena mwet muhta in srohoh lal in “sruhkwack nuh [lucng] insifaclos, ac enganwack,” el ahkacsmakihnyacltahl ke sramsram soko pacna inge (Mosiah 7:19). Oacna kacl Alma, ke el kena fahkwack nuh sin wen nahtuhl ke kuh luhn God (liye Alma 36:28). Ac ke kuht puhla ma upac— ke kuht enenuh kuhtuhsrihk na luhlahlfongi in “liye molwelah luhn Leum”—kuht kuh in esam lah fuhkah “Leum El molwelah Mwet Israel in lwen sac” (Exodus 14:13, 30).
Mwe Nuhnak nuhke Lutlut Lohm ah ac Alu
Exodus 14; Exodus 15:1–21
Leum El kuh in oruh sie “orekma yohk” ke moul luhk.
Ke kom riti Exodus 14:1–10, nuhnkuh lah fuhkah puhla luhn Mwet Israel ah ke eltahl liye mwet mweun lal Pharaoh apkuhranyang ah. Sahp kom ac puhla muh kom enenuh sie ma usrnguck ah in moullac ke sie ma upac sikyak nuh sum. Meac kom konwacack ke Exodus 14:13–31 ma mokle kom in suk kuh luhn God in moul lom? Motko ke kom liye fuhkah kuh Lal ke pacl somlah. Meac kom lotwelah Sel ke ma sikyak inge?
Exodus 15:1–19 el on in kaksak soko Mwet Israel ah yuck tukihn Leum el oraclihk Meoh Sruhsrah. Pohloh kahs fuhkah ke on soko inge kom konwacack yohk kalmac? Sahp oasr on soko ma kom puhla muh kom ke yuck ke Leum El oruh ma usrnguck nuh sum, oacna ke “Redeemer of Israel” (Hymns, no. 6). Motko in yuck kuh lohng kac oacna ipin alu lom mihsenge.
Liye pac Doctrine and Covenants 8:2–3.
Exodus 15:22–27; 16:1–15; 17:1–7
Leum el kuh in oraclah ma mukohl emwem.
Riti ke fuhfahsryucsr luhn Mwet Israel kuh in kol kom in nuhnkuh ke ma ke moul lom luhmweyuck muh “tiac nwacsnwacs” oacna kof ke infacl Mara (liye Exodus 15:23–27). Leum el oruh fuhkah ma tiac nwacsnwacs in moul lom in nwacsnwacslah? Meac sacohk ke ma sikyak inge oruh in moul lom?
Kom ac akihlen mwe srihkasrak puhs ke ma upac Mwet Israel tuh puhlakihn ke Exodus 16 and 17. Mwe sruhf in nuhnuhnkuh mungulngul kuh torkahskahs laltahl, tuhsruhk ke kom rit, motko lah kom oacna oruh kain se pacna inge. Meac kom lotwelah ke ma Mwet Israel puhla ma kuh in kahsre kom in tiac torkahskahs upac ac in luhlahlfongi ke God in yohk? Meac fuhs inge luti ke God?
Liye pac 1 Nephi 2:11–12.
Mwet Israel ah oracni manna. Neo-gothic fresco, Trnava (detail)
Exodus 16
Leum El acse nuh sihk lwen nuhkwewa mwe ahkkeye luhn ma kawihl.
Ke kuht nuhkwewa enenuh in mongo uh, Leum El kwacna kapsruh ma luhn nguhn nuhke mwe mongo. Suk lesin Lal ke ma luhn nguhn ke ma sikyak nuh sin Mwet Israel ke manna ke Exodus 16. In mwe srihkasrak, meac kom konwacack ke mwe kahsruh sin Leum ke Exodus 16:16, 19, 22–26 ma kom orekmakihn nuhke mwe ahkkweye luhn ma kawihl?
In sokwack kuhtuh lesin sahyac ma Leum El luhngse kom in lotwelah ke ma usrnguck se inge, motko kihsen siyuck oacna ma inge:
-
Meac Leum El use nuh sihk ma oacna manna lwen nuhkwewa ma El sang nuh sin Mwet Israel ah?
-
Meac nga kuh in oruh in oacna oracni manna ah?
Kom kuh in sokwack pac kuhtuh mwe etwacack ke sie kuh puhs liki ke fitio inge: “Daily Bread: Pattern,” “Daily Bread: Experience,” and “Daily Bread: Change” (Gospel Library).
Daily Bread: Pattern
Daily Bread: Experience
Daily Bread: Change
Nuhnkuh ke kuhtuh ma sahyac, sahyen mongo, ma kom oruh lwen nuhkwewa. Efuh kuh kuhtuh ma uh enenuh in sahflah lwen nuhkwewa in oreklac wo. Meac kom puhla mokle in oruh in suk in puhla lwen nuhkwewa ke ma luhn nguhn?
Liye pac Dieter F. Uchtdorf, “Daily Restoration,” Liahona, Nov. 2021, 77–79; “Daily Restoration” (video), Gospel Library.
Daily Restoration
Exodus 17:1–7
Jisus Kraist pa yot luhn ma kawihl ac kof in moul luhk.
Nuhnkuh ke Mwet Lahngo ke kom riti Exodus 17:1–7. Jisus Kraist El oacna sie yot nuh sum fuhkah? (liye Psalm 62:6–7; Helaman 5:12). El oacna kof fuhkah?(liye John 4:10–14; 1 Mwet Korint 10:1–4; 1 Nephi 11:25).
Suk ma kuh in liyeyuck ma fwackack ke Kraist. Pacl nuhkwewa ma suhmuhslah ahkuhtweyac ke ma kuh in akucl ke Jisus Kraist, oacna Exodus 17:1–7 el oruh, ac pacl wo se nuhke lesin ke ma se. Liye kuh kahlyac sie yot kuh kof kuh in oruh fihsracsr in kahlwem kac lah fuhkah tuh ma inge oacna Jisus Kraist. Kom fin kuh in oracni kwewa puhla ke lutlut, fah arulacna esamyuck ac yohk srihpac.
Exodus 17:8–16; 18:13–26
Mwet tuhma lutlut kahsruh sie sin sie “us ma toasr” ke oruh orekma luhn Leum.
Sahp oasr kuhtuh pacl in moul lom ke kom kuh in kapsruh nuh kacl Moses—ke mwet sahyac epacl nu sum, tuhsruhk “poum [puhla] toasr” (Exodus 17:12). Kuhtuh pacl, kom kuh in oacna Aaron, Hur, ac Jethro, suc kahsrel Moses. Fihlikowi ke acn sin kais sie mwet inge ke kom riti Exodus 17:8–16; 18:13–26, ac liye lah meac Leum El luti kom ke orekma Lal.
Liye pac Mosiah 4:27; 18:8–9.
For more, see this month’s issues of the Liahona and For the Strength of Youth magazines.
Mwe Nuhnak nuhke Luti Tuhlihk
Exodus 14:5–22
Leum El kuh in oruh sie “orekma yohk” ke moul luhk.
-
Ke Leum El oraclihk Meoh Sruhsrah, Moses ac Mwet Israel liye fuhkah luhpan kuh Lal. Let your children help you think of a fun way to reenact the story from Exodus 14:5–22 (see also “The Passover” in Old Testament Stories, 70–74). Sahp tuhlihk nuhtum an kuh in akiac siah kuh placngkiht ac “oracl” tahlwelihk oacna ke Meoh Sruhsrah. Na kom kuh in akacsruhi nuh sin sie sin sie fuhkah kom liye kuh luhn God in moul lom.
2:54The Passover
-
Meac se Doctrine and Covenants 8:2–3 sang weacng mwe etwacack lasr ke sramsram soko ke Exodus 14? Motko in fahk nuh sin tuhlihk nuhtum an ke ma sikyak ke Nguhn Muhtahl fahk nuh sum ke sie ma in nuhnak lom kuh insiom, ac ngihsre eltahl in sruhmuhn ke ma sikyak nuh seltahl. Kom kuh pac in yuck soko on ke Nguhn Muhtahl oacna ke “Let the Holy Spirit Guide” (Hymns, no. 143).
Exodus 15:22–25
Leum el kuh in oraclah ma mukohl emwem.
-
Sahp kom ac tuhlihk nuhtum an kuh in nihm sie ma emwem ac sie ma mukohl ke pacl in Exodus 15:22–25 tuhkweni lutlut. Mwet Lahngo El oruh fuhkah “mukohl” ma kuht puhla in moul lasr “emwem”?
Exodus 15:23–25; 16:14–15; 17:1–6
Jisus pa Kof In Moul luhk, Puhret In Moul luhk, ac Yot luhk.
-
Ke kom ac tuhlihk nuhtum an riti Exodus 15:23–25; 16:14–15; 17:1–6, lwelah eltahl in kahsre kom suk ma kuh in kahsruh sruhmuhn kais soko sramsram— oacna sie lah (in ahkwoyelah kof ke Marah), suhfah soko kuh tuhp se (in nwacklah ke manna), ac sie yot (nuhke kof ke Horeb). Meac sramsram inge ahkacsmakihnye kuht ke ma Jisus Kraist El oruh nuh sesr? Ipin pacna sramsram lom, kom kuh in riti Matthew 7:24–27; John 4:10–14; 6:29–35, 48–51; Helaman 5:12; Doctrine and Covenants 20:77, 79.
Sie Met Liki God, sel Joseph Brickey (detail)
Exodus 17:8–16; 18:13–26
Nga kuh in kahsruh “us ma toasr” in oruh orekma luhn Leum.
-
Ke kom riti Exodus 17:8–16, kom kuh in ngihsre sie tuhlihk in sruhlwack paholtahl nuh lucng nuh yen engyeng uh. Ke tuhlihk sac ullac, sie tuhlihk ac kuh in kahsruh, pa inkacnek se ma Aaron ac Hur kahsrel Moses ac. Meac sramsram soko inge luti kac fuhkah kuht kuh in kahsruh tohkohsrahi luhn God in kuhtanglah. Kom kuh pac in riti Exodus 18:13–26 ac sramsram ke kunohkohn toasr luhn mwet kuhlwacnsap ke ward lom an. Meac kuht kuh in oruh mihsenge in kahsruh mwet kol lasr ke Alu uh, oacna ke Aaron ac Hur tuh kahsruh mwet pahluh Moses?
For more, see this month’s issue of the Friend magazine.