“Eprel 6–12. ‘Esamyac Lwen Se Inge, Ke Kom Tuh Tuhkuh Liki Egypt’: Exodus 7–13,” Come, Follow Me—Nuhke Lohm ac Alu: Wuhlweacng Mahtuh 2026 (2026)
“Eprel 6–12. ‘Esamyac Lwen Se Inge, Ke Kom Tuh Tuhkuh Liki Egypt,’” Fahsruh, Fahsr Tukuk: Wuhlweacng Mahtuh 2026
Ahkuhtweyucki ke Moses ac Aaron som nuhke inkucl lal Pharaoh, sel Robert T. Barrett
Eprel 6–12: “Esamyac Lwen Se Inge, Ke Kom Tuh Tuhkuh Liki Egypt”
Exodus 7–13
Mwe ongaiyac tukihn mwe ongaiyac ahkkeokye Egypt, tuhsruhk Pharaoh el tiac luhngse fuhlwelah Mwet Israel ah. Tuhsruh God el tiac tui in ahkkahlwemye kuh Lal ac sang pacl wo lal Pharaoh in insese “lah Nga pa Leum” ac “tuhfah wacngihn sie oacna nga fin facluh nohfohn” (Exodus 7:5; 9:14). Ke kihtin pacl ah, Moses ac Mwet Israel tuh lihksreni na lohacng nuhke ma sikyak ke kuh luhn God kaclos. Pwacye lah akucl tiac tui inge ahkpwacye luhlahlfongi lalos sin God ac ahkfokokoye finsrak lalos in ukoe mwet pahluh luhn God. Na, tukihn yac yuc ke mwe ongaiyac luhlahp tiacna orekma in ahksukohsohkyaclah Mwet Israel, tuh mwe ongaiyac ahksingucul—pa misac luhn wounse mukul, weacng wounse mukul nahtuhl Pharaoh—pa ahksahfyelah kohs lalos ah. Ma inge oacna in falyang mweyen ke ohiyac nuhkwewa ke kohs luhn ma kawihl, paye oasr inkacnek sefanna in kahengkuhnlah. Pa kisackuhnlah luhn Jisus Krasit, Wonsiac—ke srahn Lamb wacngihn tuhn kac—fah molikuhtlac.
Mwe Nuhnak nuhke Lohm ac Alu
Exodus 7–11
Nga kuh in sulaclah in ahkfihsracsrye insiuck.
Mwe finsrak, kena lom uh in tiac lain kena luhn God oacna ke Pharoah el tuh oruh ah. Tuh, kuht nuhkwewa oasr pacl ma insiacsr tiacna fihsracsracsr oacna ma enenuh eltahl in oruh uh. Meac kom liye ke top lal Pharoah nuhke mwe ongaiyac ke Exodus 7:14–25; 8:5–32; 9:1–26; 10:12–29; 12:29–33? Esam ke mwe ahkhlwemye ke Lweng lal Joseph Smith ke Exodus 7:3, 13; 9:12.
Efuh kuh “upac” el ahkuhtweya wowo se nuhke at lal Pharoah ah? Motko lah meac kom lotwelah ke fuhs inge ke oasr sie insiac fihsracsr: 1 Nephi 2:16; Mosiah 3:19; Alma 24:7–8; 62:41; Ether 12:27. Ke kom riti ke ma sikyak ke inse-upac lal Pharoah, motko ke ohiyac luhn insiom. Meac ayaol kom puhla mokle in oruh?
Exodus 12:1–42
Jisus Kraist El kuh in moliyuclac ke srihpen Iwaclah Lal.
Inkacnek sefanna ma mwet Israel ah tuh kuh in moullac kac mwe ongaiayac ahksingucul ma sruhmuhnyuck ke Exodus 11:4–5, ma in tuh ukoe na pwacye mwe luti Leum El sang nuh sel Moses ke Exodus 12, sie alyalu etweyuck muh Kuhfen Ahluhkwelah. Kuhfwen Ahluhkwelah luti nuh sesr ke mwe akucl lah oacna ke Leum El molwelah mwet Israel liki srohoh fin acn Egypt, El kuh pac in molikuhtlac liki ma koluk lasr uh. In lohlngohk ke mwe akucl ke Exodus 12:1–42, kom kuh in orekmakihn sie chart oacna ma se inge.
|
Akucl |
Oasr kalmac |
pweng luhn God nuh sihk |
|---|---|---|
Akucl Muhtwacwackiyen Mahlwem Uh (fuhs 2; Leum El tuh sapkihn nuh sin Mwet Israel ah in orekmakihn ma sikyak se inge in akihlen muhtwacwacack luhn kahluhntucr nahtuhlos ah. | Oasr kalmac Ma se inge sruhluhkihn muhtwacwacack sasuc se luhn mwet Israel ah. Eltahl enenuh in “sifilpac isuslac.” | |
Akucl Lamb Soko (fuhs 3–5). | Oasr kalmac Liye John 1:29; 6:54; 1 Peter 1:19. | |
Akucl Srah ke lamb oan ke motonwoac (fuhs 7, 13, 23). | Oasr kalmac Liye Mosiah 4:2; Fwackyuck 12:11. | |
Akucl Puhret tiac pulohlwack (fuhs 8, 15, 19–20). | Oasr kalmac Tiac pulohl, kuh ist, kuh in mwe akucl ke koluklac mweyen el suckwack. Liye Mattew 16:6–12; John 6:35. | |
Akucl Sra mwen (fuhs 8). | Oasr kalmac Mwe acsmakihn ke mwen ke ma koluk ac kohs. See Exodus 1:14; Moses 6:55. | |
Akucl Mongo pihsrpihsr, ayaollac in som (fuhs 11). | Oasr kalmac Sie mwe akucl ke suhlahklahk in som liki kohs luhn ma koluk. Liye Genesis 39:12; 2 Timote 2:22. | |
Akucl Mwet in kuhnahoslah sac (fuhs 13, 23). | Oasr kalmac Liye Doctrine and Covenants 89:18–21 | |
Akucl Mwet Israel ah sukohsohklah (fuhs 29–32). | Oasr kalmac Liye 2 Nephi 2:26; Doctrine and Covenants 138:15–19, 31. | |
Meac pac sahyac kom konwacack ke mwe luti ac akucl luhn Kuhfen Ahluhkwelah ma ahkacsmakihnyekom ke Jisus Kraist ac Iwaclah Lal. Meac akucl inge usot nuh sum lah kom e eis fuhkah mwe insewowo ke Iwaclah Lal?
Tuhkuh nuh yurin Kraist in akihlen akucl ma fahkwack ke El. “Ma nuhkwewa,” Leum El fahk, “tuh oreklah ac utuckuh in fahkwack ma suhmuhslah keik” (Moses 6:63; liye pac 2 Nephi 11:4). Ke Exodus 12, akucl oacna soko lamb, srah, puhret tiac pulohlwack, mwenmwen, ac molwelah nohfohnna ma nuh sin Kraist. “Ke kuht etwacack lah fuhkah ma inge kuhpahsr nuh sin Mwet Lahngo, eltahl kuh in luti kuht ke kuh ac ohiyac Lal” (Luti ke Inkacnek luhn Mwet Lahngo, 7).
Ke Kom Esam Keik, sel Walter Rane
Exodus 12:14–17, 24–27; 13:1–16
Kuhfa luhn Leum kahsreyuc in esam moliyucklac luhk ke Jisus Kraist.
Jisus el sapkihn nuh sin mwet Israel in ahkfuhlwactye Kuhfen Aluhkwelah pacl se in yac se in kahsreltahl esam lah El moleltahllah, finne tukihn muhta ye srohoh laltahl ah eklac sie mwe acsmakihn mah. Ke kom riti mwe luti Lal ke Exodus 12:14–17, 24–27; 13:1–16, nuhnkuh ke ma kom oruh in esam mwe insewowo luhn God nuh sum. Kom ac sruokyac fuhkah mwe esam sacn “ke fihlin fihl nuhkwewa lom”? (liye Exodus 12:14, 26–27).
Meac kom liye oacna sie ke kuhfa luhn Kuhfwen Aluhkwelah ac kuhfa luhn Leum? Meac kom kuh in oruh in “esamuhl pacl nuhkwewa” Jisus Krast? (Moroni 4:3; 5:2).
Kom kuh pac in motko kuhtuh ma sahyac ma Leum El ke kom in esam; liye, mwe srihkasrak, Helaman 5:6–12; Moroni 10:3; Doctrine and Covenants 3:3–5, 10; 18:10; 52:40.
Liye pac Kevin W. Pearson, “Yac Kom Srackna Luhngse?,” Liahona, Nohf. 2022, 67–69; “Esamuhl Pacl Nuhkwewa” (fitio), Gospel Library; “In Memory of the Crucified,” On in Alu, no. 190.
Always Remember Him
For more, see this month’s issues of the Liahona ac Nuhke Kuh luhn Mwet Fuhsr mackuhsin.
Mwe Nuhnak nuhke Luti luhn Tuhlihk
Exodus 7–11
Oasr kuh luhn Leum fin ma nuhkwewa.
-
Mwe ongaiyac sac sruhmuhnyuck ke Exodus 7–11 ahkkahlwemye nuh sin mwet Egypt ac mwet Israel lah oasr kuh luhlahp luhn Leum. Leum el fah kahsruh tuhlihk nuhtum an in moul laltahl nohfohn ke oasr luhlahlfongi laltahl ke kuh Lal. In kahsreltahl lotwelah ke sramsram soko inge, kom kuh in sang nuh sin kais sie tuhlihk pwepuh se kihtakatwelihk nuhke ip 10, ac ngihsre eltahl in sruhlwaclah petsac se ke mwe ongaiyac se sruhmuhnyuck ke fuhs inge: Exodus 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (see also “The Plagues of Egypt” in Old Testament Stories, 67–69). Tuhkweni riti Exodus 7:5 ac 9:14 in ahkuhtweyac lah efuh Leum el tuh suhpwaclah mwe ongaiyac ah.
2:3The Plagues of Egypt
-
Akacsruhi yurin tuhlihk nuhtum an lah fuhkah Leum ahkkahlwemye nuh sum “lah wacngihn sie oacna [El] fin facluh nohfohn” (Exodus 9:14). Lwelah eltahl in akacsruhi lah eltahl etuh fuhkah lah God el fokoko?
Exodus 8:28–32; 9:7
Leum El kuh in kahsreyuc in oasr insiac fihsracsr se.
-
In kahsruh tuhlihk nuhtum an in kuh in petsacelah lah meac kalmac in oasr insiac fihsracsr se, ac pacr in sang eltahl in liye sie ma kwekwe ah, oacna sie yot, ac siepac in fihsracsracsr ac kuh in nuhmweni, oacna sie spohnj. Kom kuh pac in okwacacng kof ac nuh fin ma inge in sruhmuhn fuhkah fihsracsr ke sie insiac fihsracsr eis kahs luhn God. Na komtacl kuh in tuhkweni riti kuhtuh fuhs sruhmuhn lah Pharoah el topuk fuhkah ke mwe ongaiyac suhpweyucklac sin Leum (liye Exodus 8:28–32; 9:7). Piac kac inmahsrlon ma inge wo emet in ahol insiac kuh ohiyac lal Pharoah ah? Meac kalmac in oasr insiac fihsracsr se? (liye Mosiah 3:19).
-
Kom ac tuhlihk nuhtum an kuh in oraclah lis ke kuhtuh mukuikui ma ahkkahlwemye ke upac insiacsr uh (mwe srihkasrak, orekmakihn kahs tiac kuhlwacng kuh sruhnga akacsruhi). Kuht ac ahkkahlwemye fuhkah nuh sin Leum lah kuht luhngse sie insiac fihsracsr?
Exodus 12:1–13
Kuhfa luhn Leum kuh in kahsreyuc esamuhl Jisus.
-
Kuhfwen aluhkwelah luti mwet Israel in nget nuh met nuh sin Mwet Lahngo ac molwelah Lal nuh sesr. Ke kom lolngohk ke Exodus 12:1–13toeni, kahsruh tuhlihk nuhtum an in liye kuhpahsr inmahsrlon ahkuhtweyac ke Kuhfwen Ahluhkwelah ac Iwaclah luhn Jisus Kraist (liye pac “Kuhfwen Ahluhkwelah” ke Sramsram Ke Wuhlweacng Mahtuh, 70–74). Mwe srihkasrak, Jisus El oacna lamb soko sruhmuhnyuck ah fuhkah ke fuhs 5?
2:54The Passover
-
Mihsenge, kuht eis kuhfa luhn Leum in esam kisac luhn Jisus. Kom enenuh in lwelah tuhlihk nuhtum an liye petsac se ke kuhfa luhn Leum ac sramsramkihn lah fuhkah akwuck se inge kahsre kuht in esamuhl Jisus Kraist. Kom kuh in kahsruh tuhlihk nuhtum an in sokwack kahs se “esam” ke pruhe nuhke kuhfa luhn Leum (liye Moroni 4–5). Kuh tuhkweni yuck on in alu sacohk soko ke kuhfa luhn Leum, ac kahsruh tuhlihk nuhtum an in akihlen puhla mihs se yohrohltahl ke eltahl nuhnkuh ke Mwet Lahngo. Kuht ac suk fuhkah puhla sac ke kuht eis kuhfa luhn Leum?
For more, see this month’s issue of the Kawuck mackuhsin.