யாத்திராகமம் 14–18

நீங்கள் யாத்திராகமம் 14:1–10ஐ வாசிக்கும்போது, பார்வோனின் படை நெருங்கி வருவதைக் காணும்போது இஸ்ரவேலர்கள் எவ்வாறு உணர்ந்திருக்கக்கூடும் என்பதைக் கற்பனை செய்து பாருங்கள். நீங்கள் எதிர்கொள்ளும் கடினமான சவாலில் இருந்து தப்பிக்க உங்களுக்கு ஒரு அற்புதம் தேவை என ஒருவேளை நீங்கள் நினைக்கலாம். உங்கள் வாழ்க்கையில் தேவனின் வல்லமையை நாடுவதற்கு உணர்த்தக்கூடிய யாத்திராகமம் 14:13–31லிருந்து நீங்கள் என்ன காண்கிறீர்கள்? கடந்த காலத்தில் அவருடைய வல்லமையை நீங்கள் எப்படி பார்த்தீர்கள் என்று சிந்தியுங்கள். இந்த அனுபவங்களிலிருந்து நீங்கள் அவரைப் பற்றி என்ன கற்றுக்கொண்டீர்கள்?

யாத்திராகமம் 15:1–19 என்பது செங்கடலை கர்த்தர் பிரித்த பிறகு இஸ்ரவேலர்கள் பாடிய ஸ்தோத்திர பாடலாகும். இந்த பாடலில் உள்ள எந்த சொற்றொடர்களை நீங்கள் குறிப்பாக அர்த்தமுள்ளதாக கருதுகிறீர்கள்? கர்த்தர் உங்களுக்காக அற்புதமான ஒன்றைச் செய்திருக்கும்போது, “Redeemer of Israel” (Hymns, no. 6) போன்ற நீங்கள் பாட விரும்பும் ஒரு பாடல் இருக்கலாம். பாடுவது அல்லது கேட்பது உங்கள் ஆராதனையின் ஒரு பகுதியாக இன்று கருத்தில் கொள்ளுங்கள்.

கோட்பாடும் உடன்படிக்கைகளும் 8:2–3 ஐயும் பார்க்கவும்.

இஸ்ரவேலின் பயணத்தைப் பற்றி படிப்பது, மாராவின் தண்ணீரைப் போல உங்கள் வாழ்க்கையில் “கசப்பாக” தோன்றிய விஷயங்களைப் பற்றி சிந்திக்க வழிவகுக்கும். (யாத்திராகமம் 15:23–27 பார்க்கவும்). கர்த்தர் உங்கள் வாழ்க்கையில் கசப்பான விஷயங்களை எப்படி இனிமையாக்கினார்? இந்த அனுபவங்கள் உங்கள் வாழ்க்கையில் என்ன மதிப்பைக் கொண்டுள்ளன?

யாத்திராகமம் 16 மற்றும் 17 இஸ்ரவேலர்களுக்கு ஏற்பட்ட கசப்பான அனுபவங்களின் பல உதாரணங்களை நீங்கள் கவனிப்பீர்கள். அவர்கள் முணுமுணுப்பதையோ அல்லது புகார் செய்வதையோ விமர்சிக்க தூண்டுகிறது, ஆனால் நீங்கள் வாசிக்கும்போது, ​​நீங்கள் எப்போதாவது அதையே செய்திருக்கிறீர்களா என்பதைக் கவனியுங்கள். முணுமுணுப்பதைக் குறைத்து தேவனிடத்தில் அதிக முற்றிலுமான நம்பிக்கைக்கொள்ள உங்களுக்கு உதவக்கூடியதாக இஸ்ரவேலரின் அனுபவங்களிலிருந்து, நீங்கள் எதைக் கற்றுக்கொள்கிறீர்கள்? தேவனைக் குறித்து இந்த வசனங்கள் உங்களுக்கு என்ன போதிக்கின்றன?

1 நேபி 2:11–12 ஐயும் பார்க்கவும்.

நாம் அனைவரும் சாப்பிட வேண்டும் என்பதால், கர்த்தர் அடிக்கடி ஆவிக்குரிய விஷயங்களை உணவுடன் ஒப்பிடுகிறார். யாத்திராகமம் 16ல் மன்னாவுடன் இஸ்ரவேலர்களின் அனுபவங்களில் அவருடைய ஆவிக்குரிய பாடங்களைத் தேடுங்கள். உதாரணமாக, யாத்திராகமம் 16:16,19, 22–26 இல் உள்ள கர்த்தருடைய அறிவுரைகளில் உங்கள் ஆவிக்குரிய போஷாக்குக்கு என்ன பொருந்தும்?

இந்த அற்புதத்திலிருந்து நீங்கள் கற்றுக்கொள்ள வேண்டும் என்று கர்த்தர் விரும்பக்கூடிய மற்ற பாடங்களைக் கண்டறிய, இது போன்ற கேள்விகளை யோசித்துப் பாருங்கள்:

• கர்த்தர் இஸ்ரவேலருக்குக் கொடுத்த அன்றாட மன்னாவைப் போன்று எனக்கு என்ன கொடுக்கிறார்?

• மன்னாவை சேகரிப்பது போல் நான் என்ன செய்ய முடியும்?

இந்த காணொளிகளில் ஒன்று அல்லது அதற்கு மேற்பட்டவற்றில் கூடுதல் உள்ளுணர்வுகளை நீங்கள் காணலாம்: “Daily Bread: Pattern,” “Daily Bread: Experience,” and “Daily Bread: Change” (Gospel Library).

2:52

3:12

3:0

ஒவ்வொரு நாளும் நீங்கள் சாப்பிடுவதுடன், நீங்கள் செய்யும் மற்ற விஷயங்களைப் பற்றி சிந்தியுங்கள். பலனளிக்க சில விஷயங்களை ஏன் தினமும் செய்ய வேண்டும்? தினசரி ஆவிக்குரிய அனுபவங்களைத் தேட நீங்கள் என்ன செய்ய வேண்டும் என்று உணர்கிறீர்கள்?

See also Dieter F. Uchtdorf, “Daily Restoration,” Liahona, Nov. 2021, 77–79; “Daily Restoration” (video), Gospel Library.

5:27

நீங்கள் யாத்திராகமம் 17: 1–7 வசனத்தை வாசிக்கும்போது, இரட்சகரைப்பற்றி சிந்தியுங்கள். இயேசு கிறிஸ்து உங்களுக்கு எப்படி ஒரு கன்மலை போன்றவர்? (சங்கீதம் 62:6–7; ஏலமன் 5:12 பார்க்கவும்). அவர் எப்படி தண்ணீரைப் போன்றவர்? (யோவான் 4:10–14; 1 கொரிந்தியர் 10:1–4; 1 நேபி 11:25 பார்க்கவும்).

உங்கள் வாழ்க்கையில் நீங்கள் மோசேயுடன் தொடர்புபடுத்தக்கூடிய நேரங்கள் இருக்கலாம்—மற்றவர்கள் உங்களைச் சார்ந்திருக்கும் போது, ​​ஆனால் உங்கள் “கைகள் பாரமாக [உணர்ந்து]” இருக்கும் (யாத்திராகமம் 17:12). மற்ற நேரங்களில், நீங்கள் மோசேயை ஆதரித்த ஆரோன், ஊர் மற்றும் எத்திரோ போன்றவர்களாக இருக்கலாம். நீங்கள் யாத்திராகமம் 17:8–16 18:13–26,ஐ வாசிக்கும்போது, ​​இந்த ஒவ்வொருவரின் நிலையிலும் உங்களை நீங்களே வைத்துக்கொள்ளுங்கள்; மற்றும் கர்த்தர் அவருடைய பணியைப் பற்றி உங்களுக்கு என்ன கற்பிக்கிறார் என்பதைப் பாருங்கள்.

மோசியா 4:27; 18:8–9 ஐயும் பார்க்கவும்.

• கர்த்தர் செங்கடலைப் பிரித்தபோது, ​​மோசேயும் இஸ்ரவேலர்களும் அவர் எவ்வளவு வல்லமையுள்ளவர் என்பதைக் கண்டார்கள். கதையை மீண்டும் நடிப்பற்கான ஒரு வேடிக்கையான வழியைப் பற்றி சிந்திக்க உங்கள் பிள்ளைகள் யாத்திராகமம் 14:5–22 லிருந்து உங்களுக்கு உதவட்டும் (see also “The Passover” in Old Testament Stories, 70–74). ஒருவேளை நீங்கள் நாற்காலிகள் அல்லது போர்வைகளை அமைத்து செங்கடலைப் போல “பிளக்கலாம்.” உங்கள் வாழ்க்கையில் தேவனின் வல்லமையை நீங்கள் எவ்வாறு கண்டீர்கள் என்பதை நீங்கள் ஒருவருக்கொருவர் பகிர்ந்து கொள்ளலாம்.

  

  2:54

• யாத்திராகமம் 14ல் உள்ள கதையைப் பற்றிய நமது புரிதலில் கோட்பாடும் உடன்படிக்கைகளும் 8:2–3 என்ன சேர்க்கிறது? பரிசுத்த ஆவியானவர் உங்கள் மனதிலோ அல்லது இருதயத்திலோ ஏதோ ஒன்றைச் சொன்ன ஒரு அனுபவத்தைப் பற்றி உங்கள் பிள்ளைகளுக்குச் சொல்லுங்கள், மேலும் அவர்களின் அனுபவங்களைப் பற்றி பேச அவர்களை அழைக்கவும். “Let the Holy Spirit Guide” (Hymns, no. 143) போன்ற பரிசுத்த ஆவியைப் பற்றிய ஒரு பாடலையும் நீங்கள் பாடலாம்.

• யாத்திராகமம் 15:22–25ஐ ஒன்றாகப் படிக்கும்போது நீங்களும் உங்கள் பிள்ளைகளும் இனிப்பு மற்றும் கசப்பான ஏதாவது ஒன்றைக் குடிக்கலாம். இரட்சகர் எவ்வாறு நம் வாழ்வில் “கசப்பான” அனுபவங்களை “இனிப்பாக” ஆக்கியுள்ளார்?

• நீங்களும் உங்கள் பிள்ளைகளும் யாத்திராகமம் 15:23–25 16:14–15; 17:1–6, வாசிக்கும்போது, ஒரு கிளை (மாராவில் உள்ள தண்ணீரைக் குணப்படுத்த), ஒரு குடுவை அல்லது பானை (மன்னாவை நிரப்ப), மற்றும் ஒரு பாறை (ஓரேப்பில் உள்ள தண்ணீருக்காக) போன்ற ஒவ்வொரு கதையையும் சொல்ல உதவும் பொருட்களைக் கண்டுபிடிக்க அவர்கள் உங்களுக்கு உதவட்டும். ) இயேசு கிறிஸ்து நமக்காக செய்தவற்றை இந்த கதைகள் எவ்வாறு நினைவூட்டுகின்றன? உங்கள் கலந்துரையாடலின் பகுதியாக நீங்கள் மத்தேயு 7:24–27; யோவான் 4:10–14; 6:29–35, 48–51; ஏலமன் 5:12; கோட்பாடும் உடன்படிக்கைகளும் 20:77, 79 வாசிக்கலாம்.

• யாத்திராகமம் 17:8–16ஐ நீங்கள் வாசிக்கும்போது, ​​ஒரு பிள்ளையை காற்றில் தங்கள் கைகளை உயர்த்திப் பிடிக்க நீங்கள் அழைக்கலாம். பிள்ளை சோர்வடையும் போது, ​​​​ஆரோனும் ஊரும் மோசேக்கு உதவியது போல் மற்ற பிள்ளைகளும் உதவ முடியும். தேவனுடைய ராஜ்யம் வெற்றிபெற நாம் எவ்வாறு உதவலாம் என்பதைப் பற்றி இந்தக் கதை என்ன கற்பிக்கிறது? நீங்கள் யாத்திராகமம் 18:13–26ஐ வாசித்து, உங்கள் தொகுதியில் சேவை செய்பவர்களின் பெரிய பொறுப்புகளைப் பற்றியும் பேசலாம். ஆரோனும் ஊரும் தீர்க்கதரிசியாகிய மோசேக்கு உதவி செய்தது போல், இன்று நாம் நமது சபைத் தலைவர்களுக்கு உதவ என்ன செய்யலாம்?