Exodo 7–13

Hinaot nga ang imong kabubut-on dili gayod mosupak sa kabubut-on sa Dios sama sa kang Paraon kaniadto. Sa gihapon, tanan kita adunay mga panahon nga ang atong mga kasingkasing dili humok ingong nga kini kinahanglang mao. Unsay milabaw kanimo mahitungod sa mga tubag sa Paraon ngadto sa mga kagul-anan diha sa Exodo 7:14–25; 8:5–32; 9:1–26; 10:12–29; 12:29–33? Tan-awa ang pagtataw diha sa Hubad ni Joseph Smith sa Exodo 7:3, 13; 9:12.

Nganong ang “nagpagahi” usa ka maayong paghulagway sa kasingkasing ni Paraon? Hunahunaa unsay imong nakay-onan gikan niini nga mga bersikulo mahitungod sa pagbaton og usa ka humok nga kasingakasing: 1 Nephi 2:16; Mosiah 3:19; Alma 24:7–8; 62:41; Ether 12:27. Samtang ikaw magbasa mahitungod sa mga sangputanan sa pagkagahi og kasingkasing ni Paraon, pamalandonga ang kondisyon sa inyong kasingkasing. Unsa nga mga kausaban ang inyong gibati nga nadasig nga himoon?

Ang paagi lamang alang sa mga Israelita nga maluwas gikan sa ikanapulo nga kagul-anan, gihulagway diha sa Exodo 11:4–5, mao ang higpit nga pagsunod sa mga panudlo nga gihatag sa Ginoo ngadto ni Moises diha sa Exodo 12, usa ka ritwal nga naila isip ang Pagpalabay. Ang Pagpalabay nagtudlo kanato pinaagi sa mga simbolo nga ingon nga ang Ginoo miluwas sa mga Israelita gikan sa pagkaulipon sa Ehipto, Siya makaluwas usab kanato gikan sa pagkaulipon sa sala. Sa pagsuhid niini nga simbolismo diha sa Exodo 12:1–42,makagamit ka og tsart sama niini:

Unsa pa ang imong nakaplagan diha sa mga panudlo ug mga simbolo sa Pagpalabay nga nagpahinumdom kanimo ni Jesukristo ug sa Iyang Pag-ula? Unsa ang gisugyot niini nga mga simbolo nganha kanimo mahitungod kon unsaon sa pagdawat sa mga panalangin sa Iyang Pag-ula?

Gimandoan sa Manluluwas ang mga Israelita sa pagsaulog sa Pagpalabay matag tuig sa pagtabang kanila sa paghinumdom nga Siya miluwas kanila, bisan human ang ilang pagkabinihag nahimong malisod nga hinumdoman sa ka dugay na nga nahitabo. Samtang ikaw magbasa sa Iyang mga panudlo diha sa Exodo 12:14–17, 24–27; 13:1–16, paghunahuna mahitungod sa unsay imong pagabuhaton sa paghinumdom sa mga panalangin sa Dios alang kanimo. Unsaon nimo sa pagpatunhay kana nga handumanan “ngadto sa imong mga henerasyon”? (tan-awa sa Exodo 12:14, 26–27).

Unsa nga mga pagkasusama ang imong makita tali sa fiesta sa Pagpalabay ug sa sakramento? Unsa ang inyong mabuhat aron “kanunay nga mahinumdom” ni Jesukristo? (Moroni 4:3; 5:2).

Ikaw mahimo usab nga mamalandong og ubang mga butang nga ang Ginoo gusto kanimo nga mahinumdom; tan-awa, sama pananglit, sa Helaman 5:6–12; Moroni 10:3; Doktrina ug mga Pakigsaad 3:3–5, 10; 18:10; 52:40.

Tan-awa usab sa Kevin W. Pearson, “Ikaw Andam ba Gihapon?,” Liahona, Nob. 2022, 67–69; “Always Remember Him” (bidyo), Librarya sa Ebanghelyo; “Paghinumdom sa Gilansang,” Mga Himno, nu. 111.

5:27

• Ang mga kagul-anan nga gihulagway diha sa Exodo 7–11 mipakita sa mga Ehiptohanon ug sa mga Israelita nga ang Ginoo adunay dakong gahom. Ang Ginoo motabang sa imong mga bata sa tibuok nilang mga kinabuhi kon sila adunay hugot nga pagtuo diha sa Iyang gahom. Sa pagtabang kanila nga makakat-on niini nga istorya, makahatag ka sa matag bata og usa ka papel nga gibahin ngadto sa 10 ka seksyon, ug dapita sila sa pagdrowing og hulagway sa mga kagul-anan nga gihulagway dinhi niini nga mga bersikulo: Exodo 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (tan-awa usab sa “Ang mga Kagul-anan [Silot] sa Ehipto” sa Mga Istorya sa Daang Tugon, 67–69). Basaha ang mga pulong gikan sa Exodo 7:5 ug sa 9:14 sa pagpasabot nganong ang Ginoo mipadala sa mga kagul-anan.

  

  2:3

• Ipakigbahin ngadto sa mga bata kon giunsa sa Ginoo pagpakita kanimo nga “walay usa nga labaw [Kaniya] sa tibuok nga yuta” (Exodo 9:14). Tugoti nga ang mga bata makigbahin kon giunsa nila pagkahibalo nga ang Ginoo gamhanan.

• Aron pagtabang sa imong mga bata sa paghanduraw unsay gipasabot sa pagbaton og humok nga kasingkasing, tingali kini makalingaw sa pagpakita kanila og butang nga gahi, sama sa usa ka bato, ug laing humok ug mosuyop, sama sa espongha. Makabu-bu ka usab og tubig niini nga mga butang sa pagpakita unsa kadali ang usa ka humok nga kasingkasing nagdawat sa pulong sa Ginoo. Kamo dayon makabasa og dungan sa pipila ka mga bersikulo nga naghulagway kon giunsa sa Paraon pag-atubang ang mga kagul-anan nga gipadala sa Ginoo (tan-awa diha sa Exodo 8:28–32; 9:7). Hain sa mga butang ang labing maayo nga nagrepresentar sa kasingkasing o kinaiya sa Paraon? Unsay buot ipasabut sa pagbaton og humok nga kasingkasing? (tan-awa sa Mosiah 3:19).

• Ikaw ug ang imong mga bata makahimo og lista sa pipila ka mga lihok nga mahimong magpakita kon kita adunay gahi nga kasingkasing (sama pananglit, paggamit og dili maayo nga mga pulong o dili gusto nga makigbahin). Unsaon nato pagpakita sa Ginoo nga kita gustong makabaton og humok nga mga kasingkasing?

• Ang Pagpalabay mitudlo sa mga Israelita sa paglantaw sa umaabot ngadto sa Manluluwas ug sa Iyang sakripisyo alang kanato. Samtang kamo magsuhid diha sa Exodo 12:1–13 og dungan, tabangi ang imong mga bata sa pagkakita sa mga koneksyon tali sa mga detalye sa Pagpalabay ug sa Pag-ula ni Jesukristo (tan-awa usab “Ang Pagpalabay” diha sa Mga Istorya sa Daang Tugon, 70–74). Sama pananglit, sa unsang paagi si Jesus sama sa nating karnero nga gihulagway diha sa bersikulo 5?

  

  2:54

• Karon, moambit kita sa sakramento sa paghinumdom sa sakripisyo ni Jesus. Makapakita ka sa imong mga bata og usa ka hulagway sa sakramento ug paghisgot mahitungod sa giunsa niini nga ordinansa pagtabang kanato sa paghinumdom ni Jesukristo. Mahimo nimong tabangan ang imong mga bata sa pagpangita sa pulong “paghinumdom” diha sa mga pag-ampo sa sakramento (tan-awa sa Moroni 4–5). O manganta nga magdungan og usa ka kinaham nga himno mahitungod sa sakramento, ug tabangi ang imong mga bata sa pag-alinggat sa malinawon nga pagbati nga sila aduna kon sila maghunahuna mahitungod sa Manluluwas. Unsaon nato sa pagtinguha niana nga pagbati kon kita moambit sa sakramento?